مشاهدة النسخة كاملة : حكــاية قصيــرة ❥
الصفحات : 1 2 3 4 5 6
[
7]
8 9 10 11 12 13 14 15 16 17
و لله الحمد و المنه
عندي قدرة عجيبه على تغيير المزاج للافضل ،
و انا الحين نفضت الكسل عن أكتافي و متوجه لبيت خالتي ، حيث ينتظروني الحلوين
قد ايش انبسط من نفسي يوم أتغلب عليها ،،
ما عليكم انا وحده متناقضه كل شوي تشوفوني بحال خخخ
بس تعلمو مني ،،
على فكره التعب و الإجهاد حالة مرضيه ،، ف التغلب عليها مو شي هين
لذلك انا في جهاد :MonTaseR_203:
بس مبسوطه بنفسي
:MonTaseR_4:
احبني و انا نشيطه
:DsC00581:
غداً يوم مختلف ،
بداية التحدي ، بداية كل شيء جميل ،،
أمسكت بالهدف ، و لازم اثبت نفسي
و اثبت انني قادرة
قوية انا في مواجهة ، التحدي ،
مابي منكم الا الدعوات بالتوفيق :نبض:
اقولكم سر ، وجودكم حولي من أسباب السعادة
:نبض:
https://pbs.twimg.com/profile_images/3051204297/ceb920e3ff860fcdca03bfc984adb975_400x400.jpeg
الملمك في قلبي ،
و تتبعْثر ...!!
تتبعْثر على هيئة دموع
صباحكم تغيير ،
صباحكم نجاح و انجاز ،،
مدام مشواري طويل بسولف الين اوصل الدوام <- جايبه معها كتاب و ساحبة عليه خخ
تدرون انها نعمة عظيمة اننا ما نسوق ،، تخيلوني اسوق بالله من يسولف عليكم خخخ
سبحان الله الحياة في تغيّر مستمر ، لما انت تضبط وضعك و ترتب جدولك ،،
يجي شي يقلب موازينك رأساً على عقب ، و ما نقدر نرفض هذا التغيير ،،
نرضى فيه و نأقلم أنفسنا عليه ، و نحبه عشان نكمل مشوار الحياة ،
رغم ذلك تبقى الحياة جميله
:نبض:
سواقي مرتاح مني ف الصباح اكون نايمه خخخ
بس ف الرجعه ما اقدر الا افتح قوقل ماب و اعطي تعليماتي <- مو شطاره منك خخخ
يقهرني يوم يروح مع ازحم طريق ،، ليه وش سويت لك انا :(
هذا رابع يوم لي ف دوامي الجديد و لسى احس قلبي بيطلع من مكانه على اي شي :ai:
مدري متى أتعود و يصيرالوضع طبيعي مو اوسوس على كل شي ،،:ai:
لكن الحمدلله ، هدفي الاول و وصلت له ،، :نبض:
خلوكم دايم على ثقه
إن الله ما ياخذ منك شي إلا يعطيك اجمل منه :نبض:
http://f.top4top.net/p_434tjar81.jpg
بعض الناس ودك ما يكبرون ،، و بعض الناس ودك عن حياتك ما يختفون ،،
غاده من الناس اللي اتمناها للحين صغيره ، كانت اجمل و الطف :نبض: ،،
و غيررهااا كثييير من بزاريننا ،، يالله تخيلو انهم صارو اطول مني :MonTaseR_56:
انا اقلب في الصور ،، اشوف اشكالهم مره بريئين :30:
اتذكر التفاصيل و اتذكر كلامي في كل صوره صورتها ،،
و اتذكر كيف بنتي كانت نفسيه ما تخليهم يلعبون زين خخخ
يالله قد ايش الصور تأثر فيني ،، و ممكن ابكي عليها عادي الموضوع خخ
برجع اكمل :m42:
الله لا يحرمني جنتي امي حبيبتي :نبض:
امي بس تروح من البيت ابدا انا اتقمص شخصيتها
اجلس مكانها و اتفرج على قنوات الطبخ و اي شي تحبه :نبض:
الحين اسمح لكم تقولون لي ماما خخخخ
:25:
شحن جوالي 10٪
و مسبب لي توتر و انا ابي اكتب خخخ
1٪
http://c.top4top.net/p_437040911.jpg
مابي اكتب لك شعوري ،
، بس يكفي نبض قلبي يوصلك
سبحان الله ، كل إنسان يُظهر اجمل مافيه ،،
مافيه شخص يتكلم عن نفسه بالسوء امام الناس الا قله ،،
و نادراً يجي شخص يصارحك بعيوبك
قد ايش حلو تعرف عيوبك عشان تعدلها ،
و لاتجلس مفكر نفس صح و انت عندك اخطاء
بس لما يجي احد و يقولي انتي عندك مشكله و يسكت !
طيب قولي ايش المشكله يمكن انا غافله عنها ، قولي عشان أعدلها و لا تتفاقم المشكله
جلست اهوجس في المشكله و أدورها :MonTaseR_166:
هل هي فعلاً موجوده فيني او في اللي حولي ،،
لكن نجاحي ف امور كثيره يثبت عكس ذلك
بس باقي امر واحد اعدله و يعتبر التحدي الأكبر بالنسبه لي ،،
و الله يقدرني
صباحكم سعيد :نبض:
اليوم شحن جوالي خلاني اتكلم :سكر:
http://arabic.arabianbusiness.com/resources/static/content/images/larger2/-353994.jpg
أتجاهل كل ما هو موجع ، مُحزن ،، و كأنه لم يكن ،
و أبادر بالحسنه ،، مهما كانت الاساءة ،
اقدم و لا انتظر المقابل ،
أرى كل شيء جميل ،
رغم اختلاف النوايا
:نبض:
* من الصور الملهمة ،،
ف شغلي الضغط مرره كبير علي و ممكن انسى و أفوت ساعات ، و الاشياء اللي افوتها مره دقيقه و تنحسب ضدي
لكن اللي يصير معي مررره عجيب الاشياء الناقصة يرجعون لي العميلات من نفسهم بدون أكلمهم
انا انبهر من الشي اللي قاعد يصير و احس الله يراقبني و خايف علي :crying: يعطيني تنبيهات
و الله من كثر ماني مبهوره اخاف اقصر في حق الله ،
قد ايش هو يحبنا و يراعينا ليه ما نراعيه ليه نقصر اوقات
و الله انا مستغربه اللي قاعد يصير معي ياربي لك الحمد
حتى من كثر مو مبهوره ماني قادره اعبر بالكلام
الحمدلله كما ينبغي لجلال وجهك و عظيم سلطانك ❤
http://d.top4top.net/p_44003wsy0.jpg
الهدايا الصباحية منعشه ، فمابالك بقطعة حلوى :نبض:
كب كيك وصلني الصباح هديه من وحده من صديقاتي بمناسبة ترقيتي :x38:
فرحت انها تذكرتني و فرحت بالكب كيك ،، بس اعرف بس ارجع البيت راح يُشن عليه الهجوم :MonTaseR_68:
:نبض:
http://b.top4top.net/p_440jp3eq0.jpeg
لا شيء اجمل من الصحبة الطيبه ،
و لا شيء ارقى من الأرواح النقية ،،
قلب نقي ، يحبك و يهتم بك ، و يفرح لفرحك
قلب لا تفرط به و تمسك به بشدة ،
صديقاتي ،
اللي احس و انا معهم على طبيعتي جداً ، و أتصرف بعفويتي و ما اخاف يزعلون مني
اعتبرهم اكثر من اخوات :نبض:
اشكر الله على وجودهم في حياتي :نبض:
محتفلين فيني اليوم ، و من الصدمه ما عرفت اعبر و الكلام ضاع مني
اخيراً قالو اسكتي عارفين وش بتقولين خخخ
ي حبي لهم :نبض:
و ما انسى اشكر البنفسجية اللي تبهرني بلونها
و الله يبارك فيك :MonTaseR_134:violet
https://c1.staticflickr.com/7/6151/6197424812_3a38ff6a72_b.jpg
بكل بساطه نستطيع النسيان متى أردنا ،،
https://pbs.twimg.com/media/B2UTT0tCUAA2eN2.jpg
لست مُتعبَه ،
فقط احتاج قسْط من حياة ، :30:
http://3.bp.blogspot.com/-x81QUNmqQQ8/VDbhKuOMGxI/AAAAAAAAAeI/j8Ytm9FnuEg/s1600/%D9%81%D8%B1%D8%A7%D8%B4%D8%A9%2B%D9%85%D9%82%D9%8 A%D8%AF%D9%87.jpg
ارى الحياة معك جميله
و تغريني ب الوانها ،
لكن لا أستطيع الطيران
مقيدة
و انت من قيدني ،،:shutup:
https://f.top4top.net/p_445tltvp0.jpeg
المساحات واسعه و متعددة للكتابه ،
اي مكان يستوعبنا اكثر من ان نستوعب أنفسنا ،،
بكامل الحرية بشرط أن لا يتجاوز حدود الأدب و الذوق ،
نتجرد من جميع المشاعر
لكي نفعل الصواب ،
صباحكم قرارات صائبة
:81:
سوالفنا مع الحٓمام ،،
لي يومين أودي غاده المدرسه و ف طريقنا حٓمام كثير ،
اليوم قلت لها يبي لنا نجيب حٓب و نعطي الحمام بكره ،،
ضحكت علي و تقول مسويه هايدي يعني خخخ قلت هايدي عندها غنم :crazy:
خبله بنتي <- مدري من طالعه عليه خخخ ،
و امس و احنا نمشي قلت غاده شوفي الحمامتين حلوه وحده بيضاء و الثانيه سودا
يوم قربنا منهم طارت البيضا اول بعدين السودا ،،
قالت : ماما ليه البيضا طارت اول ،،
عاد انا لازم أألف لها خخخخ
قلت عشان البيضا بنت و السودا ولد ، و البنت تخاف اكثر من الولد عشان كذا طارت خخخ
تصدقون جا ببالي اربي حٓمام ،، تعجبني و يعجبني هديلها
بس مشكله وين أحطهم خخخخ
عاد انا و بنتي في الصباح مره رايقين و عشره لا :MonTaseR_38:
الله يهدينا لبعض :نبض:
جوالي كل شوي يطيح طيحه اليمه ، و كل طيحه يزيد الكسر فيه
و انا ابي اشتري جالكسي ثمانيه و ما نزل :ai: و لا ابي اتهور و اشتري 7
صبرت و الصبر طال :(
مين يعرف متى ينزل جالكسي 8
صباحكم جمال ،
صباحكم إشراق ،
صباحكم هدوء ،
و صباحي مثلكم و اكثر :MonTaseR_134:
الهدوء اللي بداخلي حتى لو كان مصطنع ، اتمنى لكم زيه بس هدوء حقيقي
هدوء نفس ، راحة بال ، سعادة ابدية ،، لي و لكم أتمناها ،،
:نبض:
مع الحمام
الزاجل
ارسلت لك
إن وصلت خير
و إن لم تصل خير
و إن مزقتها ف الخير كله ،،
صباحكم رايق ،،
صحيت على نفس وقت الدوام على بالي اليوم دوام و اقول غريبه المنبه ما دق
عاد تخيلو الفرحه يوم اكتشفت انه جمعه ،، :35:
بس ما رجعت انام :3:
في بالي اصمم و مافيني حيل ، و بعدين اقول ابي اصور و مافيني حيل :56b889:
و ارجع اقول اكتب و بعد ما فيني حيل ،،
نفسي افقد الذاكره بس اليوم و بكره و بعدين كل شي يرجع طبيعي :MonTaseR_69:
فيه ملاحظه وصلتني و تتردد في راسي و ماني لاقيه لها رد للحين ، و انا خمنت مين الكاتب من الاسلوب اللطيف ،،
بحاول ارد هنا ممكن توصلك ،،
انا زي ما انا ما تغيّر شي في حياتي من دخلت هالمنتدى ، و اكثر
و تقريباً من خمس سنين و انا على نفس الوتيره ،، اللي تشوفونه هنا في المدونه ماهي الا تراكمات السنين ،،
انا ماني صغيره ، و لاني عجوز :MonTaseR_35: ،، لكن وصلت لمرحلة اعي تصرفاتي ،
لكن بعض الاحيان المشاعر تستفز الحروف ، و نكتب ،،
بيني و بينك اوقات اقول ليه كتبت هالكلام ماله داعي و افكر اني امسحه و اتراجع ،،
اقول ليه امسحه و في يوم من الايام راح يختفي مسك الغلا و تختفي معه المدونه ،،
و اقول يالله نخليها ، عشان تعرفون اني اعرف اكتب خخخ
و عشان تعرفون اني متعددة المواهب <- :blushing:
ان شاءالله وصلت المعلومه :رحيق:
^
على فكره اكتب هالكلام و انا اتهاوش انا و بنتي خخخ
توني استوعب نفسي خخخ ،،
تهاوشنا علي جوالها ،،
جوالها طبعاً مافي شريحه بس تلعب فيه و نت
و كنت انا مستبده و اخذ الجوال منها ايام المدرسه حتى جمعه و سبت و اطلعه لها في الاجازه
صارت البنت عندها ردة فعل عكسيه صارت تخرب كل شي تمسكه و لا تذاكر زين
قلت لها خلاص بسوي انا وياك اتفاقيه نوقع عليها و يكون معنا شاهد :MonTaseR_57:
المهم كتبنا الاتفاقيه ان الجوال يطلع يوم الاحد و الثلاثاء مده ساعه من ٦ونص الى سبعه و نص
و يوم الجمعه عندها مفتوح طوال اليوم معها ،، لكن فيه شروط انها ما تخرب و لا توسخ و اذا وسخت شي تنظفه
و انها ما تصارخ و لا ترفع صوتها و تحل الواجبات اول ما ترجع من المدرسه :MonTaseR_212:
المهم اليوم اكتشفت منها فعل شنيع <- طبعاً شنيع بالنسبه لشقاوتها و طفولتها ،،
الفعل الشنيع مو ف غرفتنا ،، في غرفة اخواني ،، انا صدمت منه :kkp00697:
قلت خلا ص محرومه من الجوال اليوم ،، و جلست تصارخ و تترجاني اطلعه لها
و انا عندت و ركبت راسي و حلفت انه ما يطلع اليوم <- يمه منك :kkp00697:
صح حزنت عليها بس في داخلي اقول لو حنيت و خربت الاتفاق ،، راح يخرب كل مره
و ادعي لنفسي الله يقويني خخ
انه يكون بين يدينك انسان انت مسؤول عن تربيته و تقويمه جداً صعب ،،
صعب صعب و خصوصاً لو كان عنيد <- ما راحت بعيد بنتك خخ
صح ماني شاطره في التربيه و اغلط بس اني احاول ،، احاول بكل ما اوتيت من قوه :MonTaseR_57:
العناد من الصفات البشعه اللي ممكن تكون في الشخص ،،
الله يشفيني من العناد عشان بنتي ما تتطبع فيه ،،
بس محتاجه اسولف :x59:
ودي بسالفة احكيها ،، بس ما عندي :DsC00581:
اممم ، اليوم جميل بالرغم من ضيقة الصدر اللي اقاومها
و الحمدلله بفضل الله أتغلب عليها ،، و احاول ما اتكلم مع نفسي بسلبية ،،
سويت كل شي براحه بدون تردد و لا ندم ، و اتمنى محد يكون زعلان مني ،،
مو عشان شيء بس عشان ارتاح نفسياً
تدرون باقي اسبوع و تجي اجازتي و اروح اشوف الحب حمودي :نبض: ولد اختي
مدري ليه هذا الولد حبيته اكثر من عيال خواتي كلهم :34:
و اختي توصي تقول نوره لا تنسى كاميرتها خخخ
يالله الله يعدي هذي الايام على خير
:DsC00581:
لو تذكرت سالفه بجي :DsC00581:
تعبانه تعب عجيب ،
تعب جسدي و تعب تفكير ، كثير علي :(
من امس و انا اتكلم مع عقلي الباطن مافي فايده خخ
<- الحلطمه السبتيه ؟
ابي اتهور في شي بس ماني لاقيه مدخل اتهور منه خخ
انا في حالة جنون مع هذا التعب ،، :MonTaseR_143:
http://1.bp.blogspot.com/-YCqavNCrhls/UsEaHaLGrvI/AAAAAAAAAes/3EPSdR8wxds/s400/b%252Cw%252Cgirl%252Cpiano%252Clonely%252Cmusic%25 2Cblack%252Cand%252Cwhite-96a3cd25afcff10cf1812d14db6ce7a4_h.jpg
قتلت كل ما بي من هدوء
و تنتظر مني اعزف لحني الهاديء
بعض التهور حل لبعض الامور العالقه ،،
صباحكم نشاط
نادراً غادة تصحى بدري للمدرسه ، تخيلو هي اللي صحتني خخخ
الصراحه شعور جميل بس للامانه جاب لي الكسل
يعني كل يوم نصحي البيت كله بسمفونياتنا العجيبة ،
ودي ارجع انام و ماودي اداوم اليوم :19:
مفروض اكون انشط من كذا بس مدري ليه انا كذا :19:
بكل ما أوتيت من جنون ، سلمتك مقاليد الصدارة و تراجعت ،
لا لشيء و لكن ، لشيء في نفسي ،، تنازلت و أصبحت الحلقة الأضعف ،
بالعامية : ( بكيفي ) :MonTaseR_143:
:x38:
اوقات تحتاج أن تكون الأضعف ،
لتجبر كسر من كسرتهم ،،
ماهي الا فترات و ينجبر كسرك ،،
احيان القوة و الجبروت يؤذي ،
شاكره كلامك الطيب ،
و انا ما ينخاف علي ،
:MonTaseR_211:
كلها ايام و اسافر لمن يحفزون السعاده داخلي :نبض:
لكل الأصدقاء اللي أزعجهم "حزني"
تراني نفسيه :MonTaseR_35:
و نفسيتي تتقلب بسرعه خخ فجأة زعلانه و فجأة مبسوطه ،،
و يزيد هذا التقلب مع التعب و الإجهاد ،،
يوم الاحد و الثلاثاء مرره اجهاد تخيلو اخلص دوام و مشواري من الدوام للبيت نص ساعه
اخذ غدو و اوديها تتعلم سباحه و المشوار نص ساعه بعد ، يعني ساعه كامله و انا في السياره
و طول هالمشوار و انا معي غثيان من السياره :MonTaseR_203:
و أزيدكم من الشعر بيت ارجع و اقول لغاده حليتي الواجب تطلع ما حلته و يبدا صراع آخر :MonTaseR_203:
و ما عندنا شغاله :MonTaseR_103:
يعني بنزيني خلص :MonTaseR_103:
بس بصلي و اجي اعبيه بالفوتوشوب ، ابي اجرب اصمم على الصوره اللي فوق
و اتوقع بتطلع جميله زي ماقلت ديزاينر
:رحيق:
https://www.************/watch?v=EsqchcBYlf8
طبعاً مودي و انا اصمم ، شيء حماسي :اطياف الارض:
شوفو البنوتات اللي يرقصون ، انا انبسط عليهم :اطياف الارض:
يالله بطبق الدروس
:Hbz01935:
متخيلين اني دخلت قسم مشكلتي بكتب مشكله :x30:
و استحيت منكم خخخ :x30:
و اقول ياربي ليه ما ادخل بعضوية مشكلتي و اكتب ،، بعدين اقول ليه اسلوبي واضح
ولو قلت المشكله راح تعرفون من انا خخخ
ثاني شي كل ما اتقمص الدور و اجي اكتب المشكله ، اقول حلها خخخ :x30:
بعدين قلت الحين اعرف المشكله و اعرف الحلول ليه ما احلها بنفسي ،،
اقسم بالله فاطسه على نفسي :MonTaseR_215:
ما عليه كنت بسوي اكشن و شرهت على نفسي ،،
<- يا زيني و انا مروقه :16:
صباح الهدوء و الروقان ،،
صباح كل شي جميل ،،
نموت و يحينا الله من جديد ، بداية جديده ، روح جديدة
و لازم نستفيد من يومنا و حياتنا ، بما يرضي الله ثم يرضينا ،،
و انا انتظر اختي تخلص غفيت نص ساعه بس و حلمت فيها ثلاث احلامٍ :23:
حلمين اتذكرهم و حلم ما أتذكره بس اتذكر اني ضحكت فيه من قلب ،،
نفسي اتذكر وش ضحكني
^
^
تدرون اني اتذكر الضحكه اللي صحتني من النوم ،،
مقهوره على ايش كنت اضحك :b:
سأخلق من أيامي فرح ينعش روحي ،،
صباحكم فرح :نبض:
صباحكم ورد و فُل و ياسمين <- ياسمين و الا يانحيف <- سماجه :outhg!:
يوم جميل و مابي اعصب من شي لانه باخذ اجازه لمدة اسبوع ، رحلة استجمام ،،
بس تدرون في شي قاهرني ،، لما تصير طيب بزياده الناس تستغلك و تستغفلك ،،
ما يعرفون ان عندي وجه شراني ممكن يأكلهم :MonTaseR_215:
متحمسه ارد على هالناس ، بس اداوم ،، :MonTaseR_49:
ناس غريبه و دنيا غريبه ،
يالله ما علينا من هالناس،
اهم شي مابي احد ينكد علي اليوم :in_love:
يومكم سعيد
صباحكم سعاده ،،
مسافره إلى ديار الاحبه :نبض:
و انا في الطياره و بنتي جنبي تذكرت موقف صار لي و انا في عمرها ،،
كنت مسافره من الرياض للطايف مع خالي ،،
المهم خالي جلس في مكان و خلاني ف مكان ثاني و أظن انه كان صاحبه ووصاه علي بس بعدين أخذني جنبه ،،
المهم انا جلست بين واحد و وحدة و كان الرجال يرقّم البنت
كان يرمي رقمه على فستاني و انا جمدت مكاني ما ادري وش السالفه خخخ و الرقم جلس على فستاني البنت ما اخذته
وقتها كان رعب لبنت صغيره ما تدري وش يصير خخخ
و ما صدقت خالي جا أخذني من عندهم خخخ
ايام الطفوله جميله ، تعيش ببساطه ما تفهم شي
:نبض:
https://b.top4top.net/p_4586kv350.jpeg
الصباحات الجميلة لا تأتي إلا ب "خير"
خيرك أتاني و اغدقني ،
شكراً لكل الصباحات الجميلة ، التي لا تأتي إلا ب " ذكرى" جميلة
صباحكم حُب ، بالقدر اللذي احمله لأحبابي :نبض:
كٓ ماء العين ،
كٓ طُهر الصُّبْح
كٓ أشواق العصافير للتحليق ،،
كٓ آمال اطفال يحلقون في سماءٓ الْحُلْم ،
"أنت في قلبي"
:نبض:
https://e.top4top.net/p_45896gka0.jpeg
أمنية طفلة صغيرة بإمتلاك لعبة باهظة الثمن
لا يستطيع والداها الوفاء بها ، لإسعاد قلبها 💔
شاب في مقتبل العمر ، يسعى جاهداً
لمساواة نفسه ب اقرانه لكن محاولاته تبؤ بالفشل 😔
مسنة ، تتمنى ان تشم رائحة ابنها الوحيد
بعد عقوق عشر سنوات ، قبل ان تموت ،😢
كثيرة تلك الصور ، التي تختلف أحداثها لكنها متشابه في المضمون ،،
لكن : صورة وحيدة
ذابت ملامحها
بُح صوتها
لا أستطيع تشبيهها ب أحد
فقط هي من امتلكت رونق خاص
من أضاءت ،
رغم بهوت الوانها
من سافرت بدون اجنحه
من هامت على وجهها لا تعلم النهاية
و لا تدري كيف تتراجع
حائرة ،،
و يحيط بها كل الوضوح ،،
لا املك لها ، سوى عٓطفي
تمته : بكماء
لعيون صماء
عجبت لِما صُمّت عيناي ،
هل تُصاب العيون ب الصمم ..!
تلك الصورة
كنت ارآها و أسمعها
و فقدت الحاستين معاً
و اختلط الحابل بالنابل
فلم أعد أعي هل صُممت أم عُميت
عذراً للعقول النيّرة
ف تناقضي يطغى على حرفي أحياناً
اشتاق لرتابة يومي
روتين حياتي ،
فقط سئمت الضجيج
:x90:
صباحكم جميل ،
مشتاقه لكل شيء الا الدوام :MonTaseR_159:
https://a.top4top.net/p_462dbkqh0.jpeg
يسعد لي روحك يٓ اسيرة ،
هاللحظه ودي فيها بس للاسف انها ما تضبط معي :MonTaseR_127:
و لو تضبط ، بس ثواني و ارجع للضجيج اللي ب مخي :9:
بس ارجع و أعيد ترتيب يومي
بخلي للسكون جزء من حياتي لو مره ف الاسبوع <- نصابه خخخ
على كثر الهدوء اللي فيني لكن احس بداخلي ازعاج ، مدري اسمع مين و الا مين
اتبع جنوني ، و الا اطاوع عقلي ،، اتخبّل و الا اكون رزة
اليوم امي ضحكتني على نفسي <- بس اليوم خخ
تقول كل ما ابي اشتري مظير باخذك معي تذوقين اول ،
كل ما اجي عند حرمة اقولها عطيني أذوق مظيرك اول و بعدين اقول لامي تشتري او لا خخخ
صرت خبره :MonTaseR_25:
ودي ارسلك يٓ اسيره منه تذوقينه :30:
وودي اسولف الين تجي الساعه 10 و أطير لبيتنا ،
الاجازه و الهجوله حلوه بس تحتاج تستقر في البيت ، تحتاج هدوء البيت
و ارجع لروتيني الجميل المزعج :30:
يرن هاتفي ،
اتجاهله ، و يُصر المتصل
على قطع حبل افكاري ،
و أعاود انا إصراري
على التجاهل
لكن دون جدوى ،
فعندما وصلت إليك ،
أخذوني منك
:MonTaseR_210:
:x38:
وحشتوني من لابتوبي
يالله قد ايش اشتقت له :نبض:
جتني فكره ، اني اجمع كل كتاباتي في مكان واحد و تذكرت انه كان عندي مدونه بنقل فيها كل كتاباتي
عشان اقراها كل ما احتجت لها
الكتابه راحه و تعب بنفس الوقت ،
نحتاجها اوقات كثيره ، و نحتاج نبعد عنها اوقات :x38:
بس مبسوطه فيني :x38:
صباحكم رقيق ، بـ رقة نسمة هوا صباحية ،
ابدأ يومك ، بسعاده ، و تغاضى عن كل ما يكدر خاطرك ،،
:نبض:
:icon17:
محتاره احجز الجوال او لا ،،
من اليوم داخله موقع جرير و شي يوسوس لي يقول احجزيه بدل الوقفه في الطابور و الانتظار
يجيني لحد البيت ،، عاد انا اموت و اطلب عن طريق النت <- ادماان :MonTaseR_211:
كان في بالي اشتري الذهبي ،، بس شفت الموف انهبلت عنده :نبض:
بروح اصلي و استخير :24:
https://d.top4top.net/p_46438x3e0.jpg
لم يتعوّد قلبي على النسيان ،
مثل قلبك تماماً ، عندما لم يجد للكراهية طريق ،
قبل شوي و انا انوم غدو <- الظاهر بتكبر بنتي و انا انومها :dunno:
جالسه اعلمها كيف تتكلم مع نفسها بشكل ايجابي و ترسل لعقلها الباطن رسائل ايجابيه ،،
قلت لها خذي نفس عميق و قولي انا بنت شاطره و راح اصحى بدري للمدرسه و اكون شاطره و اشارك مع الابله
و ف عز ماني مندمجه مع الرسايل الايجابيه ،، قالت يا ماما انكتمت :MonTaseR_143:
قلت لها لييييش ! ،، قالت قلتي خذي نفس و ما قلتي طلعيه خخخ
تستهبل علي خخ وقتها حسيت ودي اصفق نفسي خخخخ
اوقات اذا عصبت عليها و جيت اهاوشها ،، بس اطالع في شكلها اضحك
تخرب برستيجي خخخ
الله يصلحها بس :نبض:
اكثر شي اكرهه ، ان احد يمدحني في وجهي ، :MonTaseR_143:
او يقولون كنّا في سيرتك ،،
انا على طول انسى النطق و كيف اتكلم ، و كلامي يطلع تخبيص ،،
بس احاول ما اكره هذا الشعور ، و احاول ارفّع لنفسي كل ما مدحوني خخخ
بعدين اكتشف اني بالغت شوي خخخ و ارجع اكره الشعور ،،
تدرون اليوم تروشنا بالغبار :MonTaseR_143:
مكتبي قريب من الباب ، و تهب العاصفه و تدخل عليّ كيلوات الغبار معها ،،
انا وقتها ما اقدر اتنفس لاني كل ما اتنفس اشفط الغبار خخخ
و تخيلو احساس الورق مع التراب ، جداً مقزز :(
كرهت امسك اي شي ف المكتب :MonTaseR_143:
الله يعين حتى بكره بيجينا غبار ، مدري وش اسوي بنفسي
بس احسن شي علقو الدراسه برتاح من غاده بكره :Silbando:
ليه ما يعلقون الدوام :( ،
يعني احنا مو اوادم ننكتم من الغبار ،
<- كفايه حلطه :dunno:
يالله بروح اكمل الصور :110:
http://www.al2la.com/vb/t83910.html
موزوعي اللي كونت اقهز له :blush-anim-cl:
http://4.bp.blogspot.com/-c7ePJ1_02qU/Vd7jszXvYAI/AAAAAAAAAg8/oU3dqvHMr-A/s1600/tumblr_m92fjn0Hx01qj9r1co1_500_large.jpg
و إن مللت ف اخبرني
اجر اذيال شوقي مغادرة
http://scontent.cdninstagram.com/t51.2885-15/s480x480/e35/12107544_890135071063561_1943729501_n.jpg?ig_cache _key=MTA5MTM0Mzg5NTc5NTg1MDE5MA%3D%3D.2
أعلم يقيناً ، إن ما يحدث حقيقة ،
و يزداد قلبي رضا عندما اعلم بذلك ، و ترضى روحي و تستكن ،
صوتك غَمام ،
و خافقي جرهد البيد ،
https://www.************/watch?v=78TcNEydmok
:MonTaseR_49:
كل شيء في الحياة ما يتأكد لنا الا مع التجربة ،
و الانسان قد ما يحب التجربه الا انه يخاف منها اوقات ، و يتردد فيها
بس القوي هو اللي يتقدم و يجرب و يحاول ،
إن لاقت التجربه قبول و استحسان ، كمل و اعتمدها ،
و إن لاقت الرفض ، تجاهلها و استبدلها بالافضل ،
هي الحياة تجارب و نتعلم منها
:MonTaseR_49:
ما عليكم من الفلسفه اهم شي الاخلاق :MonTaseR_215:
دايم ما تهمني نظرة الاشخاص لي ، إذا انا سويت الشيء اللي يرضيني
حتى لو الشيء اللي يرضيني ، اني اضعف نفسي عشان رد اعتبار اشخاص مهمين عندي ،
اهم شي اني احسسهم بقوتهم ، حتى لو نظرتهم لي عكس ،
و ما يهمني يفهموني صح او خطأ قد ما انا فاهمه نفسي زين ،
بعد ما اسوي اللي يرضيني ، ارتاح راحة عجيبه ،
مدري وش يسمونه ذا ، بس يمكن هي حاله نفسيه ، :MonTaseR_49:
اكثر شيء اعرفه اني ابي اموت و مو شايله على احد و لا احد شايل علي ،
،
<- جاتها حالة الفلسفه خخ
ألجأ إليك عندما يتوقف القلب عن النبض ، لتعيد فيه الحياة ،
صباحكم حياة تنبض بحب
صباحكم قلوب تنبض بالحياة
:نبض:
http://www.ajil.ma/wp-content/uploads/2016/05/sali-590x590.jpg
يقولون ان هذي سالي الحقيقه ، و لا ادري عن صحة الخبر ،،
لكن تذكرت سالي و تذكرت ايام الطفوله ،
يالله قد ايش كنّا نتفاعل معها و مع قصتها و داخلين جو
ي زينها ايام الطفوله :نبض:
و أنا اتصفح جزء من كتاب عن طريق النت
قريت فكرة للحين راسخه ف بالي
يقولك خلي عندك دفتر و سميه دفتر الأحلام
هذا الدفتر تدون فيه كل احلامك و أمنياتك بالكتابه و الصور
و مدري ليه ما راح من بالي هالكلام
حسيت اني ابي اطبقه:x38:
لسى عندي أحلام ما تحققت
و حلم واحد أنا مترددة فيه
قد شفتوا أحد يتردد في أحلامه خخخ
كل الأمنيات ما ترددت فيها إلا هذي
عندكم امنيات تترددون فيها !
قطعه من الزمن القديم ،
لكن ،
يلفها السكون ،
و الصمت فيها قاتل ،
و كأنها خرقه باليه ،
لا يوجد ما يثير الحُلم ،
كي اناضل من اجله
من زمان ما سهرت الى هالوقت ، :19:
مستغربه من نفسي ليه ما جاني نوم ،، على اني صاحيه من بدري و لا نمت العصر زين ،
اول شي كنت اتابع قروب موهبه اشوف بيعلقون الدراسه بكره لغاده او لا ،، و علقوها ،
و مر في بالي اشياء كثيره بعدها و جلست افكر فيها ، و افكر في الامنيه اللي ترددت فيها ،
هي امنيه سهله و بسيطه و اقدر افتح الابواب قدامها ، بس مدري ليه صادتها ،،
و فكرت بشيء ثاني و نفذته بسرعه ،،
القرارات السريعه احبها و دايم ما اندم عليها ،
تدرون في اصوات في اذني لها اكثر من ثلاث شهور ،
كشفت على اذني و سليمه بس لسى اسمع الاصوات فيها ،
الحين صارت الاصوات ما تضايقني زي اول ، ما تزعجني ،
و صرت اضغط على فكي عشان تكثر الاصوات و احس فيها خخخخ تعودت عليها
احس لو ما سمعت هذي الاصوات احس بشي غريب
فيه تصميم بديت فيه و لا كملته
بروح اكمله و اجيبه لكم :سكر:
https://4.bp.blogspot.com/-nURe6R6sPsI/Vy0BCFOhX-I/AAAAAAAAHiQ/IytxUSB-VBonW4cvW8-dh4ve1oE0HWLSACLcB/s1600/Icon3.png
:painting:
https://www.************/watch?v=x1ztvbd1vG0
خلصته :MonTaseR_207:
هذي الصوره الاساسيه
https://f.top4top.net/p_4693ea871.jpeg
و هذا التصميم :MonTaseR_207:
https://a.top4top.net/p_469h9vty2.jpg
ما اروح انام ! :MonTaseR_163:
صباحكم جميل و صافي
عكس جو جدة المغبر :19:
عندي فقر نوم :19:
ما هو ارق .. انام و اشبع نوم لكن الساعات قليله
يعني نمت ف حدود الساعه اربعه و صحيت سبعه ، و مصحصحه زي الجنيه و رايقه بعد خخ
و جوي اسمع فيروز
زعلتني عليك ، و ارضيت نفسي :210:
مساكم راحه بعيد عن المرض و أوجاعه :17:
في كل مره أسوي الرنين المغناطيسي ، اتخيل بعدها يقولون لي اختفى
فص ملح و ذاب ، و على يقين ان خيالي يصبح حقيقة يوم من الأيام
و على ثقة ب أن الله قادر على كل ، و راضيه ،
عادي عندي انتظار المستشفيات ، بس اللي مو عادي روحي و تعالي روحي و تعالي :MonTaseR_63:
لما اشوف المرمطه كذا احزن على. عميلاتنا خخخ
و اجلس ادقق على نفسي و اخلص في خدمتهم اكثر ،
بس للامانه مو مدح فيني أو شي بس ما أحب احد يطلع من عندي ما انخدم زين
قبل ما اقدم الخدمة لهم انا أحط نفسي مكانهم ،
ايوووه وش بعد ، سلوني و اسليكم الين يجي دوري :blush-anim-cl:
اتذكر اول مره سويت الرنين المغناطيسي كنت أتشهد خخخخ
شي يفجع الله لا يوريكم مكروه ،،
بعدين صار الوضع طبيعي و عاااااادي جداً
لدرجة اجلس اهوجس و أفكر ، بس تخيلو يطلع تفكيري ف الأشعة خخخ
يحولني الدكتور على دكتور نفسي على طووول خخخخ.
يالله ما علينا اهم شي الأخلاق :SnipeR95:
هاه وش اخباركم أنتم :MonTaseR_197:
من الفضاوة جالسه اتابع مباراة بين الاتحاد و القادسية
و الاتحاد متقدم بهدف و القادسية صفر ،
بس اللي استغربه ليه المدرجات فاضيه !!!
و جاب القادسية هدف التعادل
هدف مجنون صراحة <- إنتي اللي صار لعقلك شي خخخ
الحين يطلع في راسي صوره كورة في الأشعة خخخخ
ايووه ،،
جاني النوم :200:
ابي احد يسولف علي :(
اخاف ادق على وحده من البنات و يجي اسمي
يالله ما علينا أنتم تسلوني كل ما ضبط الإرسال :64:
https://b.top4top.net/m_47261bf90.mov
سمكاتي و فطور الصباح :x38:
بالرغم من الحرب الصباحية و النكادة ،
إلا أني لازلت صامدة :x30:
ما أحب احد يخرب علي جوي الصباحي حتى لو بنتي ،،
عليها اُسلوب استفزازي عجيييب ، صح تفلت أعصابي مني بس ارجع اتماسك و أتصرف ببرود :bnat30:
يالله ما علينا ،
صباحكم رايق :MonTaseR_208:
https://d.top4top.net/p_4733ee1i0.jpeg
للاحباب روعة لا يعلمها ، الا من كان قلبه مفعم بالحُب
بقدر حبي لهم ، أسعدهم يالله
https://f.top4top.net/p_4737v49r0.jpegه
البسه مقيّله ف عز الحر :MonTaseR_12:
تدور في بالي .. بس !
لما اجي احكي الحكاية ، انسى الحروف ،
انسى البدايات و النهايات ،، و التفاصيل ، :ai:
مدري نسيت و الا سهيت <- في فرق بينهم !
لا ما نسيت ،، بس سهيت شوي :ai:
مشكله هذي الذاكره ،
على كثر الصور اللي تحتفظ فيها بس تفوّوّوّت كثيييييير :MonTaseR_68:
بس تحتاج شوية تركيز و ترتيب و يضبط كل شي ،
المشكله ان كل شي ضابط ، بس احس الصواميل متفككه
مين معه مفك ؟ مقاس ١٥ ؟
اللي معه ينقز ف التقييم :1443:
ترا ما احتاجه لاني مابي اربط الصواميل ، بخليها مرتاحه :MonTaseR_213:
بس بعرف كم واحد فيكم صواميله متفككه خخخ
السؤال
كم " بس" في كلامي ؟
اللي يحلها له هديه
^
صدقتوني ! خخخ
ما تجيكم هالحاله ، تكتبون اي شي يجي ف بالكم !
تريحون مخكم ع الاخر ،، و تسمعون شي رايق ، و تكتبون تكتبون ،،
ما توقفون الا اذا بدا يفوق العقل ، :MonTaseR_169:
http://t06.deviantart.net/J1uSRcNoFa4ZLQrDn_28YUD7tZE=/fit-in/300x900/filters:no_upscale():origin()/pre12/9918/th/pre/i/2009/111/2/f/love_will_tear_us_apart_by_karoluzz.jpg
خذ بيدي ، بعيداً
انتشلني من هلع الفقد
لراحة الانتماء
ننسى من نكون ،
ننسى كيف جئنا ،
ننسى الحروف
و نكتفي بأبجديتك فقط ،
https://1.bp.blogspot.com/_yWfToDx_3Bw/R7EZMkizYyI/AAAAAAAAAhI/kBesnoL98Ic/s400/%D8%A3%D9%82%D9%86%D8%B9%D8%A9.png
كاذبة ،
أُجيد ترتيب الحروف
حتى تظهر بشكل مُنمق ، قابلة للتصديق ، و إن كانت عكس ذلك ،
كاذبة ،
أُجيد تحوير الحقائق ، حتى أصبح انا الأحق و إن كنت عكس ذلك
كاذبة ،
كذبت حين قلت ، حين احسست و حين نطقت ،
كاذبة ، وكفى ،،
تدرون أحياناً من كثر ماني معجبة بسوالفي ودي أقيم نفسي خخخ
<- فصلة نهاية الدوام :MonTaseR_135:
الحمدلله ان اليوم خميس 🤕
نهاية أسبوع جميل ، و عندي كذا شغلة ابي أسويها
و ان شاءالله اصمل و أسويها :الحلا ذبحني:
https://i.skyrock.net/4985/63694985/pics/2560175563_small_1.jpg
اريد أن نبدأ من جديد ،
اجهلك و تجلهني ،
و نرى هل تعيدنا الصدف من جديد ،،
ما في اجمل من صباح ، تحس فيه قلبك ينبض :نبض:
و تكون مبتسم على طول و تتذكر كل شي يسعد الروح ،
و بدون تحس ، ما راح شيء يكدر خاطرك
صباحكم انغام حُب
الحياة جميله إن أردت ذلك
صباحكم جمال ،،
https://b.top4top.net/p_4781dcc10.jpeg
عينه من الزّن اللي يصير لي :298:
ما قدرت أصور لكم باقي الالو حقتها
هذي بنتي اذا تبي شي ما توقف الا لما أرد عليها
اللي عنده وصفه توقف الزّن يلحقني فيها
لانه ممكن يجي يوم و عقلي يصير فيه شي :298:
الله يصلحها
رغم المزاج السيء ، و الأخلاق القافله ،
إلا أني ارى ف الصباح نور ،
كلها دقايق و أنسى اللي صار ،،
:MonTaseR_69:
فجأة و بدون سابق إنذار تطلع قدامك أشياء مدري كيف ..
بس تعلمك أشياء جديدة ، تستفيد منها ،، تحطها ف بالك ،،
تعلمنا الحياة كثيييير
نعيش و نشوف
هذا الصباح ، ينبض بحُب الاصدقاء
للجمال من حولي امتناني ،
صباحك حُب
البنات في الدوام من كثر ما احكيهم عن مغامراتي مع غدو ،
صارو كل ما اجي الصباح يقولون هاه وش صار معكم خخخ :x30:
انا و بنتي حفله ما حصلتش ،،
في اشياء لو اقولها انصدمتو فيني خخخخ
بس انا دايم اقولكم الشي اللطيف اللي يصير بيننا :سكر:
و لنا فتره ما صار بيننا شي لطيف :(
مدري هو مني و الا منها ،، يبيلنا نتصالح
بس
ذاك الشعور المزعج ، مزعج ،
مدري كيف اوصف إزعاجه
و مدري وش اسبابه ، <- هذا اللي يجننك
ما يخف الا اذا أخذت نفس عميق و زفرته ،
أو اذا تحركت كثير ،
بس على ميييين ، ما يعيقني ، مبسوطة فيه و من غيره
تدرون أني حاطه ف بالي هدف و ابي احققه و بأذن الله يتحقق ،،
أني أكون الأفضل على مستوى المنطقه ،
قبل ما كان يهمني ، لكن الان سعيت أكون في هالمكان اللي استحقه
و بصير الأفضل ،،
:نبض:
اقولكم سر : ترا انا ما أسولف الا عندكم :MonTaseR_97:
وجهاً لوجه هاديه و صامته و استحي الا من الناس اللي قريبين مني حيل
و مسك الغلا قريب مني حييييل حييييل و أعضاءه لهم مكانه في القلب عظيمه
الله يجمعنا في جنان النعيم ،
احبكم :نبض:
http://2.bp.blogspot.com/-KOvrl9ck_rs/UfzztiTEJuI/AAAAAAAAMpY/rkxRQV5KNyo/s1600/%D8%AA%D9%85%D9%86%D9%89.jpg
و كانت آخر الخطوط التي التقطتها ،
لكن كانت رقيقة فـ انقطعت
:MonTaseR_185:
الله مرررره مبسوطه ،
الجوال اللي اشتريته شحنوه لي اخيراً ..
انا حجزته من جرير قبل عشره ايام و كل يوم افتح الموقع اتطمن ع الطلب
اليوم لقيته تم الشحن ،، معاه من بكره الى يوم السبت يوصلني :MonTaseR_72:
ان شاءالله يوصلني الويكند عشان العب فيه :0741:
عندي مشكله ف مخي ،،
اذا تعودت على شي ، ما احبه يتغير
و اذا تغير احب ارجعه زي ما كان ،،
احاول بكل ما اقدر ، و اذا تجاوب معي افرح كثير ،،
هاه شرايك فيني خخخخ
كل يوم اشوفه اجمل صباح مر علي ،
كل يوم احس قلبي يتجدد
صباحكم يقين بأن ما عند الله اجمل
تشرق الشمس بعد غيم ،
و يشرق معها قلبي
و اجلس انا و قهوتي ننتظر الساعة التاسعه
موعد حضورك ، لنعلن للعالم بداية جديدة
بداية تختصر كل مسافات الاسى و الآه
بداية تزرع الفرح في دربي و دربك
تك تك تك
و يعم الصمت و لا اسمع سوى تك تك تك
للحلم القابع في داخلي سلام ،،
كتبتها له و لم ترا النور حتى ماتت ،،
vBulletin® , Copyright ©2000-2024,