11-11-20, 10:10 AM
| #55 | ||||||||||||
 
|  * كلما زادت تلك المسافات بيننا احسست وكأن قصر المسافة بين القلوب يزداد لا زلت انكر مقولة ( البعيد عن العين بعيد عن القلب) ربما تكون حالات استثنائية لكنني ارى انهم كلما ابتعدوا عن عيني زاد تفكيري بهم بل اصبح جل ما يملئ وقتي هو التفكير بذكرياتنا ، اصواتنا ، حركاتنا ، ضحكاتنا ، بكائنا لا اصدق انهم طبعوا ذكراهم بكل الاماكن وبشتى الزوايا ثم ابتعدوا بهدوء ، وكأن لم يكن اتشوق لذلك الوقت الذي ساستطيع فيه ابعداهم برفقة ذكرباتهم عن مخيلتي بكل هدوء كما فعلوا | ||||||||||||
  |
|
11-14-20, 05:35 PM
| #56 | ||||||||||||
| * لا اصدق من يقول ان جرح احدهم سيبقى محفورا بعقله او قلبه طوال الزمن فـ من رأي شخصي الايام كفيلة بتحسين كل شيء ، ليس هنالك الم لا ينسى ، ولا جرح لا يبرى الايام ستداوي الجروح وتمحي الالام ، لكن بالنهاية كل شيء عائد للشخص فان نظر نظرة سطحية سيرى ان الايام لا تبعث له الا بالخيبات متناسية ارسال الفرص ولكنه هنا يفتقر للنظرة العميقة ، التي ان نظر بها سيجد الحياة ترسل له الفرص من هي لا يحتسب ولكنه يغض بصره عنها وكأنه لم يرى. لكن ان لبث الشخص فيه مكانه متجاهلا فرص الحياة ستبقى جروحه تنزف دون ان يجد احدا يداويها فللنظر حولنا ، حتى ان خذلنا وخدعنا فأن الدنيا فيها الصالح والطالح ، ليس بالضرورة ان استقصدنا شخص بسوء ان يكون الجميع مثله فـ قد تبعث لك الحياة شخص سيء يريك عيوبك ويفتح لك عيناك على حقيقة بعض البشر وحقائق اخرى لم تكن تعلمها بحسن نية منك ولكن بالوقت ذاته قد تكون الحياة تجهز لك لحظة اللقاء بالشخص الذي سينسيك الخذلان والالم فأنه قد يأتى كـ تعويض لك على ما حدث زستجد انه اجمل ما قد حدث لك ولكنك لن تدرك هذا الشخص حتى تتخلى عن سوء نظرتك لباقي الافراد ، الخلاصة: ليس بالضرورة ان يتشابه جميع الاشخاص وتذكر دائما ان ( اصابع يدك مو سواء ) ليس بالضرورة ان تنظر للمجتمع بنظرة الخونة وتفقد ثقتك بالجميع ان خانك شخص ففي النهاية (لنا حسن النوايا ولهم خبث الافعال ) وتذكر دائما ان (طيبة القلب ليست غباء وانما هي ميزة يميزنا الله تعالى بها) مساء النقاء  | ||||||||||||
| |
|
12-01-20, 05:51 PM
| #57 | ||||||||||||
| جميل هو المطر والاجمل هو نهار كامل بـ جو ممطر لكن ضجيج الامطار المتمرد يجذب روحي لـ يجعلها تبعد كل الطاقة السلبية والتوتر فـ تضج بالراحة لتبدأ بعدها لحظة التأمل في اللا مكان هذا اللا مكان يقودني الى عالمي الصغير ، الذي اجد به كل السعادة ، استطيع هناك ان استجمع شتاتي وافكاري بعيدا عن ضجة الاماكن الصاخبة هو ليس بالمتواضع ابدا ، صغير لكنه ملئ مني و بي مسائكم سماء ضجت بالسحاب | ||||||||||||
| |
|
12-12-20, 09:59 PM
| #58 | ||||||||||||
|
اصعب شي يوم تقرا رواية وتكون حساس زيادة عن اللزوم يصير ودك تبكي مع الابطال عاد انا ما فيني عند موضوع الحب ذا عندي يموت احد الابطال اهون من ان قلبه يموت يعني انا اذا قريت رواية انسجم مره مع الابطال لدرجة شوي وادخل معهم بالرواية اليوم كنت اقرأ رواية وللحين اقرأها حيل عجبتني بس مره مؤلمه ، البطله ما تستاهل اللي يصيرلها مدري ليه كل الاحداث ضدها ، وهالرواية فيها 3 ابطال غيرها كلهم تعلقوا فيها ، لكن النصيب ما يسوى بس والله حرام يصير فيها كذا ، والبطل الثاني مره وجعني قلبي عليه بس وربي انه موب كفو ويستاهل وزود بعد هونته ليتها سوت اكثر بس ما ننسى انه يحبها وهذا الشي كسر قلبه وحزنني عليه صحيح الرواية كلهم من نسج الخيال وهذا لا يمنع تسلل منطقي اليها لاني لو حسبتها بالمنطق ، البطلة تستاهل تعلقهم فيها واساسا هي ما قالتهلهم تعالوا تعلقوا فيي ، لكن لو وش يسون فيها ابهرتني يوم انها وصلت لنقطة اللا مكان ورجعت بنت نفسها احسن واقوى بس فعلا بهذي الرواية شفت امثال تجسد قول (فوق شينه وقوة عينه ) الحين شلون الانسان يخلي الاشخاص علاقة عشان يعلق اغلاطه عليها انفعلت مره يوم استوعبت ان البطلة صارت علاقة لاخطائهم رغم انها تسوي كل شي عن طيب نية ، تجي الاحداث ضدها لكنها كفو وشخصيتها قوية ترد الاحداث مهانه وماترضى لنفسها الا الزين ، شكلي مره انفعلت مع الرواية كثير متعاطفه مع البطله ومستحقره الابطال لابعد حد والحين رايحه اكملها ، عسى وعل اشوف مايبرد خاطري فيهم عساهم المنيب قايله ومدري ليه قرقرت كل ذا بس اظن من زود القهر على البطلة ويمكن كلامي كله خرابيط + خرابيط ومهوب مفهوم ، بس هذا من زود الانفعال ودي اسفل بالابطال كذا احطهم في يدي وبدأ ضرب لين يشفى غليلي  ومسائكم حماس وسعاده  | ||||||||||||
| |
|
12-16-20, 11:18 PM
| #59 | ||||||||||||
|
لكي تحيا هنا وتتغلغل في الزمان ما عليك سوا ان تعيش لنفسك فقط وتتجهز للقاء ربك فلا تهتم للقصص والمواقف التي تحدث ، فقصة تمحو اخرى وموقف يقذف غيره ، حتى الاشخاص لا احد يبقى واقعيا كما لا احد يبقى محفورا داخلك ، ستمر بمراحل عديدة بعد الفراق الا وهي : الحزن والانعزال احيانا ، ثم الاعتياد، واخيرا النسيان لا داعي لأن ترمي بنفسك بدوامة اليأس العدمي الاسود فلا شيء يستحق ، سوى ارواحنا فانها تستحق ان تحمل على كفوف الحب ( الذاتي ) والسعاده ، لا اقول لك ان تعي وحيدا بلا احد لكن كل شيء له حدود حتى الاهتمام تسوء الامور ان زاد عن حده فارتبط مع الاخرين وكون حياتك الاجتماعية بعيدا عن المبالغة و التجسيم * عليك ان تكون من يندم عليه لا النادم ، فانك من الخسائر ولا تنتمي لقوم الخاسرين ، مدري وش طرى علي اكتب كذا المهم مسا مسا ع الناس الطيبون  شلونكم بخصوص الرواية ابشركم اطمنت على البطله والنهاية زينه ما حرقت اعصابي  الساعه الحين بالاردن 10 يعني بالسعوديه داخله 12 وشوي مدري ليه موب كل العالم توقيت واحد ، بروح ابحث بالموضوع اشبع لقافتي  يخي متى اخلص هالترم مدري هالسنة وارجع السعوديه ، ما خلاني انتظر الا الدراسة ولا كنت من شهور بالسعودية يعني على هذي الحال اكون درست سنتين بالاردن وباقي السنوات اذا ضلت كورونا اكملهم بالسعودية واذا لا مدري يمكن بالسعودية ويمكن مكان ثاني ايه صحيح ما عمري خبرتكم عن قصتي مع التخصص اكمله برد ثاني احس زودتها بالرد ذا ، والوم ودي اسولف ومحد حولي اجل افرغ الكلام هنا ... | ||||||||||||
| |
|
12-16-20, 11:44 PM
| #60 | ||||||||||||
|
زين اول شي تخصصي هو الطب ما اخترته عبث ، اذكر اخوي الكبير كان مهووس طب وهو صغير لكنه كبر وطلعله تخصص ثاني انا دخلته لسببين الاول انه شخص عزيز علي توفى بسكته قلبيه ربي يعافيكم ومن وقتها وانا مصره اطلع دكتورة قلب والثاني انه الكل حابين لي هالتخصص اخواني وابوي وامي واحس انها مهنة انسانية ، وعندي فضول اعر شعور الفرحه يوم اكون سبب بعد الله تعالى بانقاذ حياة اخد ، مدري متشوقه لهذا الشي بس مشكلته الطب مره طوبل وصعب ويبيله حفظ وفهم ، الحمدلله اني فالحه شوي بالدراسه ولا كان لا حجت البقرة على قرونها ان شاء الله انا ادخل الطب يعني الحين الطب 7 سنوات ، اذا شديت حيلي واخذت محاضرات زيادة اخلص ب6 او اقل مدري على حسب الساعات اللي ازيدهم عالجدول والحين نقول طاروا سنتين بما اني سنة ثانيه ، يعني مو باقي كثير  طبعا النظام هو اني اخذ 6 سنوات اساسية للطب واذا شديت حالي هذاهم صاروا 5 واقدر اتخرج لحد هنا احمل شهادة طب عام اما اذا كملت السنة اللي بقت (سنة الامتياز )اقدر اتخصص بالتخصص اللي ابيه وبعدها السنة التدريبيه احس هذي سنة البهدله لانك بتكون متدرب عند الدكاته اللي عندهم خبرة واتوقع انهم بيكسروك تكسير لين يطلعوا هالسنة من عيونك وترا الطب مثله مثل اي تخصص ثاني بس اللهم تكلمت عنه هالكثر لاني اعرفهمو لانه احسن من غيره او شيء زي كذا مره متحمسه لكل شي ، طبعا احم الحين ضروري اقدر نصايح >> طيري مناك رماد حسيت انه اهم شي تكون متقن الانجليزي ، انا الحمدلله ما عنيت هنا لكني اعرف ناس كثير عانوا من هذا الموضوع والطب يبيله جراءة وشجاعة ، اذكر عيال عمي كانوا يقولون اني ما هقدر ادخل طب عشان بصغري كنت اقرف من الدم ، بس الحين الله لا يوريكم وش نسوي الدم يهون عند اللي يصير فينا وبامكاني اقول اني تعودت والحين عرفت ليه يقولون عن الدكاتره متبلدين شكلهم ما شافوا اللي يشوفونه بالجامعه او الكلية صار عندهم مناعه من الاشياء السخبفه بنظرهم وعظيمه بنظر احد ثاني بس مع هذا كله مبسوطه وراضيه والحمدلله وللحين من سنتين احمد ربي واشكره لليل نهار على انه وفقني وخلاني ادخل هالطب ادري وجعت راسكم بالقرقرقر بس ودي اهذر اكثر ما بعد شبعت كلام ، يمكن عشاني اغلب وقتي ما اكلم احد لاني اكون ارس ومقفله الغرفه لاني اذا بديت دراسه ما احب احد يقاطعني الا اذا كان فيه شي مهم ما ودي اضيع تركيزي لانه الدراسه مو مزحه فالمهم اني اسكت كثير وهذا موب من طبعتي وبعد الدراسه اذا تكلمت الله يكفيكم شري ما اسكت ابد ، اذكر ذاك اليوم اخوي كان بيضربني من كثير ما قال اسكتي وانا جالسه اهذر على روسهم وانا معطيته اكبر طاف ، احلا شي انه ابوي الله يحفظه كان مستانس على السوالف ويسولف معي اما الباقي منزعجين ، يوم راجعت نفسي فعلا كنت مزعجه وقتها اطلع من سالفه وادخل بالف سالفه مثل الحين منيب عارفه اسكت * وقبل ما انسى ، اعذروني عالقصور ادري اني مره مقصره بحق المنتدى بس والله من الدراسه مافي وقت احك شعري ( وقسم فرطت ضحك لاني توني حكيت شعر المهم ) دوبي اجلس مع الاهل شوي ثم اقرا كلمتين بعدها احس بنعس مو طبعي وانام على طول يعني احيان ادخل المنتدى مابين اوقات الاستراحه من الدراسه لانه الدراسه عن بعد مثل ما تعرفون فما يكون صعب ادخل المنتدى واخيرا وليس اخرا تصبحون على الف خير، تغطوا منيح هاا بلاش بعدين ابتلش فيكم وبحرارتكم العالية يوم يدخلكم برد  | ||||||||||||
| |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
446Likes
