ديسمبر ..
أما وقد تجاوزت المنتصف
ودخلت أحلامنا الأحتضار..

بحق من جعلك خاتماً للشهور كن خاتماً لأوجاعنا..

همسات كاتب-همسات روز#

مشكورين ع سؤالكم وربي يسعدكم..
انا ما فيني الا العافيه بس الموضوع بمافيه جلسات علاج منشان حادثه صارت لي زمان وانا صغيره وتأثرت فيها يدي كنت اتوجع من التدريبات بوقتها ..
بس أثر ذا الذي عليها حاليا فأضطريت أرجع لها الأن عشان أقدر أحركها بشكل طبيعي وكمان منشان الوجع صار يزيد بس ..
صح تعب وهلاك بس انا استاهل هههههه لوكملت العلاج الطبيعي زمان بعد العمليه كان ما صار ا اللي صار ..

بعيد ثلاثين نوفمبر ..

باليوم اللي قبله كنت منأزمه من الدراسه بقوووووه ..
المهم جلست أفكر أغبى تفكير فكرته بحياتي ..
فكرت ليه خرجوا البريطانين كانوا خلوهم كان جدي تزوج بريطانيه وكنت انا عيوني خضر وشعري اشقر والاهم من ذا كلللله كنت بعرف اتكلم انجليزي من الله بدل ماانا مكروفه كرف الحين بالدراسه ...
تفكير منطقي صح...

بس للاسف تفكير تحول لرأي ناقشت فيه اختي فكانت ردة فعلها انتي منتي صاحيه صح..
اعقلللللي لو كانوا عادهم هنا كان كنا نحنا بطبقة العبيد ياهبلا زعم عيخلوش تعيشي هكذا...

هههههههههههههههه صراحه صحتني من أحلامي والعيون الخضر ....

صح بيظل الإستعمار سلب للحريه و اللهم لك الحمد على العيون البنيه والشعر الأسود يكفوني خلاص اقتنعت ...

تبقى سورة يوسف ..
رفيقة ضيقتي ..

سورة يوسف دايم تهون عليا اللي أنا فيه..
كلما أقرأها أشوف فيها أشياء تخليني أقوى ..
تعلمني وش يعني صبر..
وش يعني ثقة بالله..
تخليني أحس أن خذلاني ماهو بشي..
يوسف عليه السلام خذلوه إخوانه بأبشع طريقه ..
أتخيل بس وأحط نفسي مكان يوسف عليه السلام لوكنت مرميه في بئر وإخواني هم اللي سووا فيني كذا..وجععععع ممييييت والله..
لما اللي من لحمك ودمك يساوي فيك كذا..
أتعجب من صبر يعقوب عليه السلام وثقته بالله وكيف أستمر يدعي ربه يرجع له يوسف ولا كل ولا مل ولا فقد الأمل هذا هو حسن الظن بالله ..
(فصبر جميل والله المستعان)
شوفوا الثقه بالله ..
يوسف عليه السلام أنظلم ومش أي ظلم ظلم وداه السجن .. بس يوسف عليه السلام قال (السجن أحب إلي مما يدعونني إليه)
وأكثر شي يشدني في قصة يوسف عليه السلام والشي اللي أتمنى إني أتعلمه وأطبقه بحياتي هو مسامحة يوسف عليه السلام..
رغم كل اللي سووه إخوانه فيه سامحهم ..
تبقى سورة يوسف رفيقتي لما أفقد الأمل لما أنخذل لما أضعف مجرد ماأكون معاها أشوف اللي أنا فيه ولا شي..
أي ولا شي ..
عادك ماشفتي شي ياروز
لازم تكوني أقوى عشان تكملي..
عادك بالبداية..
ودايم البدايه تكون صعبه..
بس بتعدي..

الله يأخذ الظروف اللي تخليك تدرس شي ماتحبه..
وفوق هذا كله تلاقي دكاتره يكرهوك فيه أكثر وأكثر..
ياشيخه روز كان اترزعتي بالبت بدل العك اللي إنتي فيه بس خلي عندك ينفعك مالحين..تستااااااهلي..
المشكله اني فااااهمه أشياء كثيرة وعندي معلومات بس يوم ماأجي أذاكر مادري كيف أذاكر فهمتوني ولا لا..

أُختاه ...لا تترفقي بعظامي..
فالجوع يُنسي شدة الألآم..
دوسي فوزنك ليس كل مواجعي..
عودي إلي ولو بشبه طعام..

تفقدوا أولئك الفقراء الذين يرجفون جوعاً..
فكل شيء يهون عدا جوع وإرتجاف الفقراء..