لو عاد الماضي
،،،
فقرة من الأرشيف

أحيانا تمر علينا قصائد طريفة ولطيفة

تكون بقصد الفكاهه ولا يجر الشاعر نفسه لأكثر من ذلك
،،،
فتكون خيال فقط لإلقاء قصيدة

من قصائد قديمة جدا

للشاعر
سلطان الفريدي
نشوف

قبل قصائد الأمس

يالنايفه كولي وخوذي من الرزق ماجاك
ثم اطربي انتي وانا والطافحه والاميره

للشاعر
طاغي النظرة

ما أجمل منظر الصورة إبداع
من تلك الوضحا النايفة

ومرور شرفني

لشاعرنا طاغي النظرة

بمنظر رائع كيفية الارتباط فطريا بين
الأم ومولودها
الرابط:
https://www.al2la.com/vb/2837103-post51.html

صح لسانك وسلمت يمناك
وحفظ لكم النايفة وولدها


لفت نظري شاعرنا أنه في الأبل يفضل البكر يكون أنثى على عكس العقل الشرقي

يعني واقعي عن العالم الشرقي

حقيقة عني أنا أميل للبكر من البشر أيضا أنثى وحنا عندنا الجانب الذكوري يغلب على الإناث واتمنى نون النسوة تكثر
ليس من باب التعصب من باب اشتياقتنا لطفلة عندنا الفتيات قليلات ولكن واللهي ياخذون القلب
،،،

خلونا الآن
مع قصيدة
للشاعر
سلطان الفريدي


يقول:

البارحه مابين وحده وثنتين

دق الموبايل يلعن أم القراده

جاوبت متنرفز وفي خاطر ٍ شين

الوقت هذا وقت نوم وعباده

قالت:هلا قلت:ارحبوا وأردف اهلين

قلت:آمري قالت:طلب قلت:عاده

قالت أبي أسمع من الشعر بيتين

تقولها ياشيخ في حب غاده

قلت: أمهليني لحظة ٍ ياأريش العين

وأصوغها لك مثل صوغ القلاده

قالت:أنا قلت: وأنا قالت:اثنين

والليل دامس والظلام بزياده

قلت:إسمعي يابنت والمقصد لوين

قالت:هروج وضحك والبن ساده

ناظرت فالساعه وقلت:إهرجي لين

الواحده والنصف هذا معاده

قالت:معاد إشو قلت:السهر شين

يعلن على الإنسان حرب الإباده

قالت:تنام الحين يابن السلاطين

جمر السوالف مابعد جاء رماده

قالت:صراحه كيف مدري إلى الحين

النوم هاجرني وعفت الوساده

وأبغي أسولف والخلايق كثيرين

لكن رقمك شدني لإعتماده

زيرو وفايف بعدها ثري واثنين

وزيرو مع العشرين سكر زياده

ومن بعدها سجلت سبعه وتسعين

وسجلت خمسه لأجل علم الوكاده

قلت:إهرجي والهرج مابه قوانين

وأنا في ذا الموضوع خذت الرياده

قالت:تحب وقلت:عشق المزايين

ثابت في قلبي راسيات ٍ وتاده

وقلبت أنا وياه بعض الموازين

من روسيا للصين حتى ابْغَدَادِه

صح الصقر دايم يرف الجناحين؟

صار الصقر بالسيف سهل إصطياده !

وباقي الكلام اللي حصل بيننا البين

ماهو ب/لازم تعرفونه ياساده

المهم
إن الشاعر سلطان الفريدي
صاغها من خياله

وبين إنها مجرد دعابة وفكاهه
عشان محدن يشطح بفكره

المهم
خذنااها بحسن نية وما سألنا وشصار بعين
ما لنا شغل والخيال سرى بنا لناحية أخرى
بالتحليل
،،،

المهم وكان ما كان من التحليل
قديم التحليل يعني أكيد مختلف شوي عن الجادل اليوم
نشوف