ياليتها في وصلها ضرغام يقبل دون خوف
اللي أحبه شفت فيه اسوأ قصص والانطباع

مجنونها قال الكلام اللي يسمى الفيلسوف
بقفايته ما نافسه فوق ارضنا كود الضباع

هاك قلبي والعيون ورأس مالي
ويش بعد والروح ياعمري خذيها

ممكن طلب تقدر عليه
مثل الجناح اللي يطير

من الحروف الابجديّه
ترسم صباحي غير غير

مابي عسل وسط الخليه
وانت العسل قبل العبير

اليوم انا هذي يديّه
حصيلها ماهو كبير

ياليتني بالعسكريه
وسط السريه او خفير

لو كنت للاضحى ضحيه
ويا حلوها والعيد خير

أشوفها من دون كيه
والجفن لو يبقى سهير

مشتاق حيلي عنقريّه
الحين يومني فقير

والله وحده والبريه
في حمدها خيره كثير

والرزق للنفس الابيّه
من التعب نومه شخير

يكرف صباحه والعشيه
باع التمر باع المضير

عز القوايل دون فيّه
يبقى على نفسه مدير

ويلقى رياله قابليه
ما كنه الا احمد بدير

كني اشوفه مسرحيه
فعلي ردوده يا خطير

كلن على نفسه خويه
اما سوافي أو مطير

والفرض وقته جاب ضيّه
بالرزق مايبغا خشير

واللي معانا اجوديه
من جودها جاد اليسير

ارخص لها حتى عنيه
وامشي على طول المسير

لا الشقر لا هذي وذيه
ماراح بالجمع الغفير

ماتنفتح نفسي شهيه
غيره هماج و لو غدير

فيها أصالة حاضريه
وقفاتها مثل الجفير

للي وقف خوفه حميّه
ولا شال هم كود العشير

سلومها / بالنار حيه
علومها مثل السفير

اللي بقوله لك عليّه
أبقا على غيرك ضرير

قلبي لها ب نبضة مطيه
كومنت مع لايك وشير

وصلو على خاتم نبيه
رسول حق هادي بشير

نبدي لهم أعذارهم غض النظر واجب علي
من باب لا ما تجهلونه باب ثاني واعرفه

يالغيم حتى صدورنا لولا رضانا ب تمتلي
بالضيق والحزن العميق اللي يمول مصرفه

انا دايم حظوظي زفت
تشوفونه أنا ما شفت
من الدولار لين السنت
وانا واثق ولا غلطان

اجيكم دايم و دايم
ودايم عذري بالتايم
نعم صاحي ولا نايم
تلبّسني كذا الهجران

خساره كيف نخسركم
كفاكم ما يكفكفكم
دموعي في حناجركم
اذا ذا النور في ما بان

نعم لي حق يقول اشره
سناها بالغضا جمره
ولا فوق السما قمره
معاي النور والنيران

سلامي للعموم الكل
سلام و فيه قدر وجل
على من بالقصيدة هل
سلام الدين للاديان

عتيق و هاجسه ينتق
معاني لوز مع فستق
وبان السحر بالمنطق
ومنطقنا درر مليان

بعض المقاطع تجي على شكل كف او مخمس زي اللي تقولك أصحى