صباح الخير

مناوشات ومحاولات للخروج عن النص مع الشاعر(وله)


عتيق:

لاكنت مع نفسك شقردي و طربان
واصل طريقك فيه راحة لغيرك

ياما تضايق منك انسان وانسان
الناس ماتبغاك حتى بخيرك

ولا الومهم يا صاحبي وانت شفقان
تشكي عليهم علم دايم بطيرك




وله:

يالله صباح الخير يا طير سهران
امن الفضاوه قمت تعلن نفيرك

العام الاول كنت بالاه وجعان
واليوم حلق لك وانسى نصيرك

هذي الحكايه ناقصة بعض الأركان
لا عاد تخلقها وريح ضميرك



عتيق:

ماني على الساعات نايم ونومان
وهذا المصير المر هذا مصيرك

العام خل العام وصله وهجران
وهذي السنه صيفك ب قيضة هجيرك

وهذي السنه عليك هبت بكثبان
وماضنتي فيها تكمل مسيرك



وله:

في مجمل الألعاب خسران خسران
الرخ مات و راح فيها وزيرك

يا ما نصحتك انتبه يا حميدان
ميدان حربي نار خبي جفيرك

وانك تجازي نصحي بكل نكران
الين ما جفت ينابيع بيرك




عتيق:

انته عجول وتقلب الحق بهتان
وشيطان مني عنك محدن يجيرك.

كسبان جيتك حتى لو رحت كسبان
وانا أتصال النت وأقدر أديرك

أزعلك لين تبات بالنوم زعلان
وارضيك لين اشم منكم عبيرك




وله:

انا شهد انك مبدع وجد فنان
وإبليس لو ضايق يجي يستشيرك

حتى عياله معك شيطان شيطان
اللي يهوجس لك واللي غفيرك

لكن نصحيه وافتح لنصحي اذان
راجع حسابك / عدل اخطوط سيرك

مابين مبعوث و سفير
نفسي علينا تبتلي

يالله أنا عبدن فقير
يالله لا تغضب علي

انته على خلقك خبير
و لا فيه كامل أو خلي

ذنوبنا شعبٍ غفير
والشعب فيني معتلي

و في رحمتك فالي كبير
وانت الرحيم و لي ولي

صوت الصباح بلا حبيبه ياعرب فعلا مباح
أهل الصباح البحبحه قلبي وحيد ب لا حبيب

قلوبنا بعيوننا و نفوسنا منها الجراح
و ألباب صدري همها تلقى الطبيب بنت الطبيب

الحب لا ماهو سحر حور العيون ماهي فلاح
الدين نصة ارتباط والعشق من عقبة رهيب

ليش لون النك رمادي
والربيع ابنا ربيع

وفي خريفي ورد كادي
أقطفه لا ما أبيع

واتمركز للعبادي
ف البطي ولا السريع

بالمدائن و البوادي
بالقرى لو و سط ريع

ف الهدايا درب هادي
و فيه لا يمكن أذيع

جيت نبع ما جيت وأدي
فيه أقول اللا مريع

طبع فيني وأعتيادي
ما تصنعت البديع

فيه ما تلقى أنتقادي
دايما بالي و سيع

بس ذا اللون الرمادي
للنكد شوفه ضليع

ما أنادي لو أنادي
أهمس بصوتي صريع

يا أنامل هالبلادي
عندك اللون المنيع

اللذيذ الطعم روحة منه انا رايق و فايق
من أشوفه شفت يومي صاخب و ناصع و زاهي