و أناغريب و غربتي مابين عيش و راس مال
يالله لا تجعل لنا أم الكباير ديننا

نسألك في درب الهدى و اعوذ من درب الضلال
و يارب في وقت السؤال ثبت لنا جوابنا

مبروك عليكم شهر رمضان الكريم اتم الله عليكم بالصيام والقيام وجعلكم ممن ينالون أوله و أوسطه و آخره
وندعو لمن فقدناهم بالرحمة والمغفرة والعتق من النار

ملاحظة : فترة تعديل المشاركة قصيرة جداً جداً و كلنا يعلم الاخطاء المطبيعة تسقط سهوا وتكتشف سهوا لو تكون صيغة التعديل ٢٤ ساعة مثل الدورة الدموية ل كان أفضل و من الأفضل

لامتى؟ وأنا أجيب العيد بكل عفوية

وان جيت في بالي امخمخ واروق
ياعم والله فيك تحلى سنيني

وانشد واغني لك اغاني من الشوق
مسحوب ولا مايخلطه بالهجيني

فيها سفينة وقاع دُرة و صندوق
والريح هبت عطرها ياسميني

من هاجسن مملوك ولاهو بمسروق
اروى مداها واحتوت وسط عيني

و أبصر طريقك طرق لك بس مطروق
و بين الجدي وسهيل دايم مبيني

سلام يا وجه السعد صبح و شروق
سلام* فيه الشوق يا مسلميني

سلام حمس البن لا ني ومحروق
ويصبها ساري ب يمنا اليديني

للسابق اللي ماتعداه ملحوق
فاق الاوادم/ للكرم مكرميني

يمناه دايم ضيفها ترفعه فوق
ماضي وحاضر بالجزيل السميني

من باب منطق يحكمة منطق الذوق
(..........................................)

ينظم قصيدة تنكتب باسم مرزوق
يوم الخميس اللي بجنبه متيني




# اسمي الرباعي يشرفني بس احتراما للنيك نيم حجبته

: مساجلة أو ردية الوكاد انها وحده منهن بيني وبين الشاعر وله أطال الله بقاءه



الهاجس اللي مزعل الناس شره
صرت اتقية عشان قلب الحبايب


الناس راحت والخوي صح عمره
وين الغنايم ياللي طولت غايب


( أسهل عليا الرد من أكل تمره )
ومن اول الرميات بالعون صايب

ومن قبل ما يبرد على الطرس حبره
تلقى القوافي غرور والوزن ذاااايب

.......

اللي على المعني يا لله دره
يكفيه مايشمل قصيدة ضرايب

و الناس تفنى قبل تفنى المجره
اما الغنايم غير كسب الغلايب

ترمي جنوب الناس مليون مره
و تجيك ميه و ما تسميك تايب

خل ذا الحبر عبدن جليلن ل حره
ول تقول هذي من غريب الغرايب

....


يا مرحبا ترحيب غالي لقدره
اعداد ما هلت مزون السحايب

الذيب ما يسري بليات فكرة
والجو توه طاب والشعر طايب

والهاجس المجنون كره وفره
يعطيك نبذه عن زمان العاجيب

أحيان يكتبي قصيدن بصدره
وأحيان فارق شملنا روح خايب

ولا تقرب المجنون في وقت حره
يمكن يجي لك سهم ابلا سبايب


.....

حييت يا شاعر على الجلب دره
في غبتن من نورها النور غايب

للذيب مسرى بس للذيب جره
يتبع أثرها معربين النسايب

مجنون ليلى باح للناس سره
وانته على النيران دايم لهايب

احيان اشوف الشعر زين و مسره.
واحيان ما يجلب ياكود الطلايب.

ان كنت مجنونن عليكم مضره
و علاجكم بشهار وشهار نايب

...


يا راسك اللي ما بقى فيه شعره
الراس صلع وانت بالعمر شايب

ودك معايا اليوم في الشعر فره
لكن عزمك طاح ويش انت جايب

رغم ان قدرك يعلم الله مررررره
وانا رفيقك في السلى والنوايب

ببقى كما كادي ملئ الكون عطره
لـ السلم عطر .. وللحرايب حرااايب

...

يا عقلك اللي ناقصن فيه نمره
عز الله اني منك ماني بهايب

انته صغير وخوتي لك تشره
وانا كبير و خوتك مال سايب

التغلبي سم الحياه ل ال مره
وش أنت جايب معه ويش انت جايب

مانت الرحى و ابتنطحن مثل بره
و اللي يعيب الناس يلقى المعايب