الناقد والفيلسوف مع تاتيانا (الحقيقة والكيان) - الصفحة 16 - منتديات مسك الغلا

**الدكتورة** · 07-16-21, 04:41 AM

و
https://www.al2la.com/vb/2791897-post1800.html

* كيف يكون أمر الحسد معطل ومعرقل للنجاح الأكبر
؟؟؟

على الرغم أننا نؤمن بالحسد وهو واقع لكن فوبيا الحسد فعلا لدى العالم الشرقي جدا كبير
،،،

و
https://www.al2la.com/vb/2812774-post1965.html

حقيقة من أجمل ما وجدته لديكِ يا تاتي
* كيف تكون الطيبة معيار للنجاح الأكبر
؟؟؟

* ما الفيصل بين الطيب وبين المغفل
؟؟؟

و
https://www.al2la.com/vb/2849663-post2345.html

* فكرت في هذه المقولة الرائعة كثيرا هل استطاعت تاتي أن تحول السلبي لإيجابي
؟؟؟

*أعتقد لو وجهنا السلبي تجاه الإيجابي سنكون حققنا أعظم النجاحات المنفردة،،، ما رأي تاتي هنا
؟؟؟

و
https://www.al2la.com/vb/2880939-post2715.html

يتطلب النجاح المتميز لقدرات خاصة وعالية
* هل تؤمنين يا تاتي بوجود الحاسة السادسة
؟؟؟

* ما قدرات تاتي في تصور الأمور أو الإحساس بتحققها
؟؟؟

* ما دور النية والتفاؤال والتشاؤم هنا
؟؟؟

**الدكتورة** · 07-16-21, 04:43 AM

هذا حصاد اليوم
،،،

وكل يوم سأضع ما حصدناه من مدونتكِ
على فكرة أنا مدونتهم كامل لدي

،،،

وأنتِ جاوبي على سعة عادي على مهلج
،،،

وأنا سأضع يوميا اللي ربي يقدرني عليه

لا تدعين عليّ أدعي ليّ

استمتعت هنا مع ملكة الذوق

**ŢαŢμαŊα** · 07-16-21, 11:10 PM

المشاركة الأصلية كتبت بواسطة الدكتورة

الله الله يا تاتي

نروح للمرحلة الثالثة
(( مهندسة معمارية))

الله عليكي دكتورتنا وع روعتك
الاستضافه منوره فيكي وباسئلاتك الجميله

* تقولين: تنازلت عن الطب من أجل عشق الطفولة وحلمي " الهندسة" هل نعد يا تاتي اختيارنا ما يناسب رغبتنا بمقابل مجال لا نحبذه تنازل أم نيل حرية اختيار

؟؟؟

هيا بالفعل نيل حريه الاختيار وليس تنازل بالمعنى المجازي
بس لانو كلية الطب حاطينها بمرتبه اعلى من الهندسه
لهيك الراغب بدراستها يتنازل من الطب

* ما هي رؤيتكِ لمن يجبر ابناءه على اعتناق تخصص محدد كالطبيب اللي يحب ابنائه أطباء أو شخص لم يتعلم وحلمه ابنه يكون مهندس مثلا والحلم بمجال آخر
؟؟؟

لكوني فرد من عائلة آغلبهم آطباء
كنت حاطه من البدايه اني اسلك مسار مختلف
مجال دايناميكي وآبداعي بتمثلني لالي وبلاقي حالي فيها
وكتر خير الله والديي كانو بصفي وعاطيني كامل الحريه للاختيار

لهيك لازم كل الإباء والامهات بعملو متل والديي ويعطو الفرصه والحريه لولادن
لحتى يختارو المجال يلي بيقدرو يثبتو حالن فيها ويخدمو المجتمع من خلالا

* تعرفين أني أرى الهندسة المعمارية أجمل أنواع الهندسة فيها ذوق حسي وفني معا، حدثيني عن تخصصكِ من دراستكِ الجامعية،، حتى تناولتي مشروعاتكِ المعمارية
؟؟؟

وآنا كمان بلاقيها من آجمل آقسام الهندسيه
بس قسمي آكتر تنويع وشموليه وفي مجال للآبداع ع عده محاور
تخصصي هي (الهندسه المدنيه)
بتشمل مجاليي (التصميم + الاشراف الموقعي) ع المواقع والاختصاصات التاليه :-
الأبنية والعمارات
الطرق والجسور
المنشات المائية والسدود
المشاريع التحتيه متل (المجاري الصندوقيه ومجاري الانابيب + وانابيب الماي)
ماستر بلان وتنظيم الشوارع والمدن

* تاتي عندما تصمم لمنزل أو قصر هل صادفتي من يعارض نظرتكِ في وضع التصور المبدئي،، مثلا لدينا يا تاتي أغلب بيوتنا في قطر بها البيوت المثلثية اللي يعلوها القرميد ذي أكيد تعرفين بأوروبا لأن عندهم ثلوج نحن تزيد االحرارة ، مع ذلك يصر صاحب البيت عليها لديكِ مثلنا
؟؟؟

مع آني بعرف بمجال التصاميم , بس مجال شغلي الواقعي هو
الاشراف الموقعي ع المشاريع الهندسيه
يعني انا بيوصلني الخرائط والتصاميم مجهزه بالكامل
وبشرف ع تنفيذ المشروع من النواحي الهندسيه والفنية وتطبيق المواصفات
ومدى ملائمتها مع الواقع

وفعلا مرات بتناقش مع مصمم او مصممه المشروع بـــ detail ات تصميميه
انا كمنفذة للمشروع بلاقيها ماتناسب المشروع لاني انا بشوف الواقع
وهو او هي شغلن ع الورق وبيصرو ع ارائهم بحكم هيدا مجال شغلن
لهيك مرات بستدعيهم لحتى يشوفو الموقع ويعاينو التفاصيل بنفسهم
ومرات بيقبلو يغيرو التفصيله حسب طلبي وكرمال المصلحه العامه
ومرات لاء , بيستمرو ع نفس التصميم , ووقتا انا بكتب تحفظ من عندي وبخلي مسؤليتي
مع انو أصلا التصميم مش مسؤليتي , بس مني حابه يفوتني أي شي

وبخصوص السطوح القرميديه
هيدول كانو موديل بدايه الالفين ومتل ماانتي قلتي
اكتر شي موجوده في المدن الاوروبيه وبيناسبهم اكتر
نحنا مابيضاين سنه الا زاللون الأحمر بيتحول للاصفر من قوه الشمس
وكثرة الرياح والعواصف

* أيضا هناك من يبعد عن ما ينتمي لبيئته ليحاكي بيئات أخرى، ومثال: أيضا عندنا في قطر تصميم روماني بأعمدة ضخمة و و و أو أمريكي بمساحات داخلية فسيحة ونبعد عن ما يمثل بيئتنا الخليجية مثل البادجيرات و الشبابيك ذات القضبان الحديدية، وحقيقة وللصدق أنا انتمي نعم للمجموعة الأولى اعترف لأني أحب ناحيتهم الجمالية أكثر لا إنكار للهوية والله ، فما هو رأيكِ هنا
؟؟؟

والله بوافقك الرائي جميلتنا
آنا كمان بحب التصاميم الرومانيه وبالذات التصاميم المقوسه والمدرجه
وفعلا الستايل الأمريكي المفتوح حتى لو كان كتير عصري ودارج
مابيناسب بلداننا , لانو نحنا كمان متلكم عايشين ببلدان نوعا ما حارة
وعمليه تدفئة المساحات المفتوحه مابيكون عمليه وناجحه
هيدي عدا عن زيادة كلفة غاز الشوفاج والكهرباء المستمر لالها

* كثير ما تطرحين مسابقات تعرف على شخصيتك،،، ما مدى إيمان تاتي بصحة تحليلات الشخصية المبنية على معطيات متنوعة مثل شكل ولون الباب،،، أو الطريق و و و

؟؟؟

بصراحه آنا كـــ هوايه بحطها , وكـــ تنويع
لانو منتدانا كان بيفتقر لهيدي النوعيه من المواضيع الدارجه والمطلوبه
ولحديت هلآ الاختبارات الـــ 14 يلي حطيتن
لاحظت انو نتائج اغلب الاختبارات كانو بيناسبو طبائع وشخصيات اعضائنا الكرام

وكـــ رائي شخصي فيى
انا بعرف ومتأكدة انو هيدول النوعيه من الاختبارات بيتم اعدادها من قبل
اساتذه وعلماء النفس والاجتماع
لهيك اغلب تحليلاتن بيطلعو مناسبين وقريبين من الأشخاص

وآكتر شي بتعجبني الاختبارات اللاوعي العميق
يلي الشخص بيختار اكتر شي بيخاف منو او يلي بيحبو وبيجذبو
وبالعاده بيطلعو النتائج كتير قراب من أصحابه

المشاركة الأصلية كتبت بواسطة الدكتورة

أتوقف هنا يا تاتي
ألم أخبر أن الوقت يمر سريعاااا مع من نحبهم ونجني المتعة بقربهم

نعم
قد أخبرت وأأكد هنا يا الغالية الراقية

لي عودة بإذن الله

آهلين فيكي عطول ياقمرنا
فعلا الوقت بيمر بالسرعه مع الغوالي والعزاز ع القلب متلك
ربي يبارك فيكي ويسعدك
وهيدي اجوباتي ع سادس مجموعه من اسلاتك

**ŢαŢμαŊα** · 07-17-21, 12:47 AM

المشاركة الأصلية كتبت بواسطة الدكتورة

وأعود لأكمل محور ما فات
،،،

خلينا بداية نعرض قضايا ورأي تاتي
كناحية اجتماعية من خلال الأسرة

* الحمد لله حظيتي بدفء عائلي جميل كان أحد مكونات شخصية تاتي طيب

كتر خير الله والف حمد والف شكر لرب العالمين يلي عطاني هيدي النعمه الكبيرة
وآنا ربيانه بين آسرة متفهمه وحنونه

* إلى أي مدى يسهم من حُرم من الدفء العائلي في انتكاسة الفرد
؟؟؟

بصراحه بيأثر كتير , لآنو الـــ posh و الاحتواء والاحساس بلامان ماالن مثيل
والن دور محوري في بناء شخصية الفرد ومدى تحمله لصدمات ومصائب الحياه
او بمعني آدق بدي سميها (magic power) يلي بيحصل عليها
بيكون حواليه جدار حماية وامان وبيحميه من الضربات الخارجيه والداخليه
وبيهون خيبات الامل , ويلي محروم منو بيكون محروم من كل هولى الامتيازات

* أحيانا قليلة يا تاتي نجد أطفال عاشوا بكنف أسرة جميلة، وللأسف انحرفوا " أين يكمن الخطأ"
؟؟؟

هون الصديق والرفيق بيكونو السبب
او من المدرسه تنمر الطلاب او قساوة الأساتذة
او بسبب الظروف ومشاكل الحياة

او مرات الشخص بيكون منيح لبينما يكبر ويتجوز
وبسبب زوج خاين او زوجة خاينه لا اراديا بينحرف وبيتحول لشخص 2

ومافينا ننكور كمان انو بعض الأشخاص في تكويناتهم جينات سيئة وشريرة
حتى لو اتربو بين افضل واحن الاسر , بيضل هيدول الصفات السلبيه ملاحقينهم
لحتى يجي اول فرصه ويبلشو يظهرو ع الشخص
ووقتا الإباء والامهات المساكين بيقولو : ليش ابننا او بنتنا تغير وصار هيك ؟؟!!

* ظاهرة أولاد الشوارع من المجرم الأول بها، وودي أقرأ رأي تاتي حول هذه الظاهرة
؟؟؟

آكيد دكتورتنا المجرم الأول هم أولياء هيدول الأطفال
اذا كان عندن اسر او بسبب أقاربهم سلكو طريق الشارع

المدرسه/
كم طالب بسبب رسوبهم وتوبيخات معلميهم
قررو انن يتركو المدارس وحتى البعض منهم يكره التعليم والعلم

المجتمع/
هون دور المجتمع انن يطلعو هيدول الضحايا من الشوارع
ويرجعهم مره 2 لقلب اسرهم واهاليهم
ويشجعوهم ع تكمله الدراسه وبعدو البحث عن الشغل

* الدلال الأسري الزايد مفسد مثل الحرمان من الدفء الأسري، ماذا تقول تاتي هنا
؟؟؟

آنا معك دكتورتنا فعلا الغنج هو الوش التاني من الحرمان
لانو كلشي بيزيد عن حدو بينقلب ضدو
صحيح الاسرة من واجبهم حماية ودعم أولادهم وتلبية طلباتهم

بس وقت الأولاد يتعودو ع الاهتمام الزائد , البعض منهم يستغلو الوضع
وبيستمرو بزيادة الطلبات وبانواع متطوره وبيحطو اهاليهم بمأزق مالي

حتى يلي اهاليهم مستوري الحال , يتعودو ع اللامبالاة وعدم تقدير قيمه الأشياء
وبيحسو انن بيستاهلو كلشي وهيد بياثر ع طبيعتهم وتصرفاتهم
وبعد فترة يمكن يتحدو اهاليهم ويوقفو بوشهم

* كيف ننقذ جيل كامل من الهدم من
الأنترنت:

وسائل السوشال ميديا:

النيتفلكس:

بصراحه السوشيال ميديا صايرة واقع حياتي ثابت
مابقا فينا نلغيه وجودو , بس فينا نقلل من تأثيرو ودورو
ومن ضياع الوقت الثمين يلي بيصاحب وجودو

وبذات الوقت لازم ندور ع بدائل قويه يشبع غرور الجيل الحالي
متل المشاركه بالنوادي الرياضيه
او توجيههم نحو نشاطات اجتماعيه منوعه
او تشجيعهم ع ابراز مواهبهم المخفية , متل الرسم والكتابة والتطريز والتصميم

* ما هو دور تاتي داخل أسرتها، قائدة/ انقيادية/ تنظيم مجموعة تعاونية
؟؟؟

آنا قلب آسرتي ,, لاني واقعه بالوسط 2 اكبر مني و2 ازغر مني
وعندي دور محوري كبير يمكن أكون رابط الوصل بين الجميع
لانو تأثيري كتير قوي ع الكل وكتر خير الله عندي أسلوب قناعة فعالة جدا

* توزيع الأدوار الأسرية، هل تتحدد تلقائيا،، أم وفق هيكلة تنظيمية محكومة

؟؟؟

فعلا توزيع الأدوار بيكون وفق تنظيم هيكلي مسبق بين الكل
وادواري بين اسرتي
~ بلاستشارة وطلب الرائي والمشورة بكلشي يخص مجالات
(الهندسه , والفن , والتاريخ , والفاشن)
~ تغيير تصميم وديكور البيت
~ ترتيب سفرة الضيوف والاستضافة
~ مرات بحل بعض المشاكل او إيجاد حلول بديله يطلبو رائي

* البنت حبيبة أبيها، تصدق هذه العبارة معكِ يا تاتي
؟؟؟

آي والله صحيحة مع بي الحبيب ومع مامتي الرائعه كمان
يمكن لانن من البداية تعاملو معي ومع اخواتي واخواني كــ صديقين
وخلونا نصارحهم بكلشي وفي حوارات دائمية بيناتنا

وبيى الحبيب كان وبعدو اكتر شخص دعمني وقت اخترت مجال الهندسه
وهو نفس المجال يلي كان حابب يدرس فيها وهو عبقري في الرياضيات والفيزياء واللغات

* أقلب الجرة على ثمها تطلع البنت لأمها،،، هل صحيح تاتي هنا تشبه والدتها " ربي يحفظ لج والديج يا رب"
؟؟؟

آمين يارب ... وربنا يحفظلك والديكي العزيزان دكتورتنا الجميله
ويحفظ كل الوالدين الاحياء

آي فعلا انا كتير بشبه مامتي من حيث الترتيب والتنظيم والتخطيط
وهيا كمان كتير بتهتم بالعلم والمعرفه والمجالات الإبداعية
وانا بشكل عام ميكس بين بيى ومامتي وبشبههم تنيناتهم
من حيث الهيكل وطول القامه بشبه بيى / بس هو اشقر
ومن حيث الملامح بشبه مامتي / بيضاء بشعر وعيون بني
وآخواتي وآخواني نصن متل بيى ونصن متلي انا ومامتي

* قولي عنهم بعدد الأسطر اللي ترغبين بها:

الأخت:

نافذة من الجنة مصدر الحنان وبئر الاسرار
فيكي ترمي كل حملك عليها وتعترفي بكل اخطائك مندون ماتخافي من توبيخها
آخواتي الآتنين بحبن قد الدني ربي يخليهن لالي ويخلي للجميع اخواتهم
وولاود اختي الكبيرة كمان هما نور عيون خالتن تاتي

الأخ:

جبل واقف بظهرك مابيخليكي تنهاري
ودرع حماية من الامام عم يحميكي من صدمات وضربات القدر
آخواني الآتنين بحبن قد الدني ربي يخليهم لالي ويخلي للجميع اخوانهم

* الطلاق من آفات العصر،،، وكان لج موضوع قمة في الروعة شاركت من خلاله وقتها ،، كيف نواجه هذه الآفة اليوم
؟؟؟

بصراحه دكتورتنا انا مع الطلاق اذا كان هو الحل الوحيد
والخيار الأنسب قبل مايصير الوضع اسوء وبيوصل للخيانة او القتل
لهيك ديننا سمح به حتى لو كان ابغض الحلال بس هو مفيد لبعض الحالات

ومع خيار الانفصال من الخطوبه وعدم إتمام الزواج
اذا الطرفين لقيو انن كتير مختلفين ومافي بيناتهم انسجام وتفاهم
لآنو التكمله بحجه عبارة (كلشي بعد الزواج بيكون أفضل) هيدا هو خداع النفس وتعمية ذاتية

وهون بيوقعو بمشاكل اكبر , وبيرتكبو جريمة بحق الأطفال المساكين يلي بينجبوهم
وبيجيبوهم لهيدا الزمن العصيب وهم مشتتين وضايعين بين اب وام بيكرهو بعضن
هيدول الأطفال من حقهم يربو بين اسر ووالدين متفاهمين ومحبين

ومعليش ما فيني فوت بارت مهم وقد وجدت فيكِ كنز فكري

تسلميلي حبيبتي كلك ذوق
وهيدا شهاده رائعه من انسانه أروع
وبتمنى يعجبك اجوباتي ع البارت السابع من اسئلاتك

**ŢαŢμαŊα** · 07-17-21, 02:07 AM

المشاركة الأصلية كتبت بواسطة الدكتورة

تاتي والمنتدى

* تقولين من أهم منابع تكوين الشخصية: الأعضاء في المنتديات، كيف
؟؟؟

لآنهم الآشياء الحقيقية بهيدا العالم الافتراضي يلي نحنا منعيش فيه
وقد مايكون في آعضاء وآرواح وشخصيات رائعه بمطرح ما
بيقدرو يحولو هالمكان من عالم آفتراضي الى عالم حقيقي
مليان بمشاعر الآخوه والمحبة والصداقة الجميله
وآنا شايفه انو رواد منتدانا الأعزاء هم اكبر واغلى كنز موجود بالمنتدى

* علاقتج ولا أروع مع الأعضاء هل معنى ذلك: أحسن إلى الناس تستعبد قلوبهم
؟؟؟

كتر خير الله هيدا واقع وحقيقة جميله
ومش بس بالمنتدى ,, بحياتي الحقيقية كمان انا هيك ورفقاتي وصديقاتي وزميلاتي بيلاقوني هيك
وكلامك مزبوط دكتورتنا ,, لآنو ربنا قايل في كتابه الكريم وهل جزاء الاحسان الا الاحسان ؟؟

* كيف تواجه تاتي المصاعب مع شخصيات محددة في المنتدى
؟؟؟

بصراحه مابعترف بــ آي نوع من المصاعب في المنتدى
لانو المصاعب الحقيقيه واجهتن خلال مسيرة اثباتي ووجودي كــ مهندسه مشرفة شابة
تنافس على اشراف مشاريع ستراتيجيه ومؤثره بمدينتها
انا قطعت كل هولى الأشواط واجتزت هالحواجز ,, لهيك أمور المنتدى بلاقيها سهله ومتوقعه

بخصوص التعامل مع الشخصيات
كل يلي بيتعاملو معي بيعرفو اسلوبي ومدى صبري وتحملي
بس كلشي الو حد ,,, مرات تنجبر تستعمل الــ stop لحتى تواعي يلي مقابلك

مرات التطنيش افضل طريقه ,, وقت مابيضل في امل للتفاهم
وكل المحاولات بيكونو جدال عقيم ,, وبصراحه وقت الانسان اثمن واغلى من انو يهدرو بهالسهوله

ومرات بآرادتك تتجاهل الاستفزازات الطفوليه
لآنو الواحد لازم يعرف مكانتو ومنزلتو وقبل كلشي يحترم حالو وسمعتو
متال
بحياتك شفتي لبوة تتصارع مع آرنب او قط !!

* هل ممكن أن يغير التعامل من خلال المنتديات من شخصية الفرد الواقعية
؟؟؟

نعم آستفدت كتير من اختلاف طبائع ونفسيات وشخصيات يلي موجودين بالمنتدى
وقدرت اتوصل لانسب طريقه تعامل مع كل مجموعه
وهيك لما بصادف أنواع مماثله في حياتي الواقعيه ,, دغري بعرف اتعامل معو بسهوله

* نحن في المنتديات لا يحكمنا قانون رادع،،، مع ذلك هناك إلتزام رائع،، ما هي دافعية الالتزام
؟؟؟

الالتزام هو جزء لايتجزأ من شخصية ومباديء البشر
وهو اجمل صفه موجوده في الأشخاص العمليين والرسميين
وع قد محبة ومكانة المنتدى بيكون درجة الالتزام بيها كبيرة وشديدة

* هل نحن في عالم يقاوم التغيير " أقصد للمتمسكين بالمنتديات إلى اليوم"
؟؟؟

نعم فعلا نحنا عم نسبح بعكس التيار
بس الأهم انو آتجاهنا ومسارنا نحنا هو الاصح والانفع
لانو في فرق شاسع بين الاتنين ,, وكل الجاديين والباحثين عن المنفعه والمعرفه
بيفضلو المنتدى ع السوشيال ميديا

* هل لتاتي تفاعل عبر وسائل السوشال ميديا
؟؟؟

لا والله دكتورتنا ,, حسابي الوحيد هو هيدا المنتدى
وهيا نافذتي حول الدنيا وصلة وصلي الوحيده بالعالم الخارجي

* رأي تاتي حول:

تويتر:

فيسبوك:

الأنستغرام:

السناب شات:

الواتس:

عم بسمع بأساميهم بس ماعندي ولا حساب منهم

* هل ممكن أن يأتي يوم نستغني فيه عن متعة المنتديات
؟؟؟

لو كان الشي بأرادتي ... لا مافيي استغني عن المنتديات وعن منتدانا بالذات
لانو هو الحساب الوحيد يلي عندي
بس لا سامح الله اذا كان ظرف اضطراري او مشاغل الحياة ... يمكن انجبر ابتعد مؤقتا
ومع هيدا رح حاول مااقطع صلتي وبين الفترة والتانية افوت
اشوف حال المنتدى واطمئن ع صديقاتي واصدقائي

* كم تخصص تاتي من وقتها للمنتدى أمام وخلف الكواليس
؟؟؟

وقت المسابقات ,, وبهيدي الاستضافه ... خصصت وقت كتير وطويل
اما باقي الأيام العاديه ,, بيكون الوقت نورمال وحسب مجالي

* ما أجمل ذكريات المنتديات
؟؟؟

بمنتدايا الأول وهالمنتدى الرائع ربحت آجمل اخوات وصديقات
وتعرفت ع اخوان وأصدقاء راقيين
وتعرفت ع ثقافة بلدانهم
واثريت مخزوني الثقافي والمعرفي

وبشكل محدد // اجمل ذكرياتي بعالم المنتديات
كان (بيت العز) يلي فتحتو بمنتدايا الأول وجمعني باروع اخوات واخوان
كل حدا منهن كان بيحمل لقب عز بنهايه اسمو آكراما لبيت العز (وتقريبا كنا 35 أعضاء)
متل / تاتي عز ,,, ندى عز ,,, رجا عز ,,, وحتى عز عز

وع فكره // بمدونتي كتبت كتير عن أيامنا وذكرياتنا في بيت العز
بتدوينات مرقمه بعنوان ( آبواب ع عالم رورو)

وهيدي آجوباتي ع البارت الثامن من اسئلاتك

**الدكتورة** · 07-17-21, 02:12 AM

وصباااح الورد

على الورد

وكم الحوار هنا له حيز ثقافي رائع

وقبل ما أبلش فعلا كنت أحسب أنج مهندسة معمارية
أما هندسة
السڤيل
والإلكترونية
والكهربائية
والكيمائية

فأني محاطة بهم في عالمي

كنت اتمنى أن يتخصص أحد منهم بالمعمار لكن ميولهم كانت غير

ويظل تخصص السڤيل رائع جدا ولربما اُعتبر الأقرب للهندسة المعمارية
ربي يوفقج مهندستنا الجميلة

\| أصدقاء منتدى مسك الغلا \|
مدونة مسك الغلا	مدونات	خطوط عربية	تحميل خطوط	صور سكرابز	خطوط انجليزية
شات الرياض	شات الرياض		شات حسبتك لي	شات تعب قلبي الصوتي	شات تعب قلبي الكتابي
شات فلة الخليج	شات فلة	شات السعودية	شات جوال	شات جفى	شات قلوب
شات القصيم	شات الغلا	شات الود	شات السعودية للجوال	شات الخليج
شات كتابي	شات سعودي للجوال		شات القروب	شات بنات السعودية	شات حب السعودية
شات شقى	شات جوال	شات للجوال	شات عربي للجوال		شات كرم الشام
شات احساس	شات بنت	شات سعودي		شات تعب قلبي	شات حبي
شات الخليج	شات مملكة الحب	شات بنت السعودية		شات السعودية	شات دلع السعودية
شات سعودي كام	شات فلة الخليج