الناقد والفيلسوف مع تاتيانا (الحقيقة والكيان) - الصفحة 18 - منتديات مسك الغلا

**الدكتورة** · 07-17-21, 03:53 AM

https://www.al2la.com/vb/2814805-post1977.html

أبدعتي هنا في الانتقاء النقطة هنا قيد جدلي واسع النطاق ومتسع الأفق،،،

* الكثير يقول: لماذا الولايات تنتصر رغم إنها ظالمة والمسلمين مظلومين لماذا لا ينصرهم الله،،، هنا الاعتقاد الخاطئ الله سبحانه وتعالى بين السبيل للنصر وبين طريق التطور للعقل كون الولايات متقدمة لأنها سعت بالعلم،،، نحن أمة تقدمت في أيامها أيام حضارتنا أكثر لأننا ملكنا العلم والروحانية المتمثلة بالإيمان ،،، اليوم البعض يلحد جزئيا نتيجة اعتقاده بمنظومة ظلم الله حاشى الله وتعالى وتنزه عن تلك الصفة،،، فكيف نقنع تلك العقول أن التطور حصيلة وجزاء مادي حتى مع العدو الظالم لكنه يملك فكر نير
؟؟؟

* البعض يلقي بنفسه للتهلكة ويقول ما راح يحصل لي إلا المكتوب،،، صحيح لكن أسرع بطريق أو أقطع إشارة مرور ،،، أو لقي بنفسي في بحر وأنا لا أجيد السباحة تلك الفكرة تتنافى مع مسألة القدر تلك أفكار انتحارية أضفي عليها جانب شرعي،،، كيف ترى تاتي ذلك ونحن مسيريين ولنا الخيار في جزء كبير من حياتنا
؟؟؟

و
https://www.al2la.com/vb/2833914-post2158.html

هنا تايلور تلك القطة الهوليودية قالت شي يسوى

* في عز السلبية نتحول لأشخاص إيجابيين كيف يمكننا ذلك
؟؟؟

* ما معيار القوة لدى تاتي

؟؟؟

* ما هو الفيصل بين قوة الرجل والمرأة
؟؟؟

و

https://www.al2la.com/vb/2855261-post2415.html

ما تتصورين شلون أحب جولي في ذي الفيلمين أقصد تمثيلها طبعا

هنا تتنازل عن مبادئها لصالح من يهواها القلب
* تاتي هل قيود عاطفتنا تنتصر على قيود العقل
؟؟؟

* هل انتصار القلب على القلب ضعف أم قوة
؟؟؟

* غير مؤلف الفيلم من خلال قصته أحداثه اللي درجنا عليه عن ساحرة المغزل،،، هل النمطية تقف قيد عقلي أمام التطوير للأجمل
؟؟؟

* متى يصبح التغيير منبوذ ومتى يكون محمود
؟؟؟

و

https://www.al2la.com/vb/2887689-post2766.html

* متى تكون تلك الحكمة من باب التغلب على قيد انهاء كل العلاقات
؟؟؟

* متى تعتبر نفاقا اجتماعيا قائما على المصلحة والاستغلال

؟؟؟

**الدكتورة** · 07-17-21, 03:55 AM

أتوقف هنا يا قلبي وكان حصاد ممتع بلا شك
،،،

حتى محور قادم كوني بسعادة وخير وجودي مرافقتنا القمر عاكس نوره هني يا بختنا

ملكة الذوق ربي يحفظج ويخليج

**ŢαŢμαŊα** · 07-23-21, 12:46 PM

المشاركة الأصلية كتبت بواسطة الدكتورة

تاتي والشخصية

* لاحظت يا تاتي كثير تهتمين بتحليل الشخصيات، وجلب اختبارات شخصية،، هل لدى تاتي نفس الهوس في حياتها الواقعية
؟؟؟

لا دكتورتنا الغاليه ,, في الحياتي الواقعية بنشغل بأمور آخرى
ولآنو آختبارات تحليل الشخصية مطلوبة ومرغوبة في منتدانا ,, والاعضاء بيطلبوها مني
لهيك بحاول اجيبلن الاختبارات المنوعه الاكثر متعه وفائدة

* قرأت لغازي القصيبي " رحمه الله" أن قوة الشخصية لا زالت سر يحير البرية،،، هل توافق تاتي هذا الرأي
؟؟؟

آكيد بوافق مع كلام الاستاذ القصيبي ومش بس قوة الشخصية
,, انا بلاقي الانسان هو اللغز والسر الاكبر بهالكون
وهو الكائن الآغرب والاعجب والأكثر ادهاشا

* ما هي معايير تاتي لتحكم على شخص أنه قوي شخصية
؟؟؟

1- درجة تحمله لمصاعب ومصائب الحياة مندون ما ينهار
2- مدى ثباته واتزانه وعدم سماحه لآي شيء بأن يزعزع ثقته الكبيرة بنفسه
3- بقائه في مستوى عالي من الرقي وحسن التصرف بكل الظروف وبكل زمان ومكان

لآنو القوة يعني الحماية والانسان من واجبو انو يحمي نفسو كرمال يقدر يحمي الاخرين
وآول ركائز حماية الانسان آنو يكون اعصابو بارده ومابيخلي أي شي يخربط مزاجو
حتى مايدفعو لآقوال وآفعال وتصرفات خاطئة يندم عليه بعدين

* أحيانا يعتقد الشخص أن الوقاحة والردود الجافة وأخذ الناس بالصوت ،،، قوة شخصية بينما هي قلة ثقة، فكيفية التميز تقع في منطقة تشويش،، هل صادفت تاتي هذه انمطية،،، كيفية التوضيح لمثل هذه الشخصيات حقيقة الفرق كيف تكون
؟؟؟

آكيد هيدول النماذج موجودين حوالينا وعم نصادفهن من وقت للـــ تاني
وبرائي آعقل تصرف معن هو التجاهل والصمت
بس اذا كان الشخص الوقح مجبور تتعامل معو فــ وقتا فيك تتعامل معو بحزم وتحطلو حد مناسب
هون فيك تعلي صوتك (مش لدرجه الصراخ ) بس لدرجه انك تحذر الطرف الــ 2
تـــ يرجع لرشدو انو مايتجاوز حدودو

اما آصحاب الردود والتعامل الجاف والبارد ,, فــ دواهم هو المعامله بالمثل
واذا فيك تكون اكثر بروده وجفاف فـــ بيكون افضل
حتى تفرجيهن حجمن الحقيقي بالمليم

* كيف يبدو ضعيف الشخصية
؟؟؟

ضعيف الشخصية هو كــ مقبض الباب
الكل بيقدر يمسكو والكل بيقدر يبرموه ع الميله يلي هني حابينها
والكل كمان بيقدرو يتحكمو فيه لآنو ضعيف والعالم مابيرحم الضعفاء ,, خاصتا ضعفاء الشخصية

* سن المراهقة هي مرحلة تكوين الشخصية الحقيقية،، وإن كانت المؤثرات من الطفولة بلا شك، لذا نجد الشخص المراهق اندفاعي لا يرضى بالمساس بمنطقته فيرفض الأوامر،،، كما يرفض أن نتعامل معه كأنه طفل ،، أو نعامله بدونية مثل ما يفعل بعض المعلمين أمام أقرانه فتكون النتيجة وخيمة، ونجد شخصية ترد بعنف،، قد تحاول الانتقام بعنف لفظي وممكن يتطور لجسدي خاصة لدى فئة الشباب من الذكور فنجده ينفس غضبه على سيارة معلمة مثلا،، لذلك يجد مصيره الفصل،،، وهنا الخطأ كبير جدا،، كيف ترى تاتي خطة التعامل مع هذه الفئة الحساسة والخطرة عمريا ومرحلة معا
؟؟؟

برائي آفضل آسلوب تعامل مع هيدي الفئه الحساسه
انك تصير صاحب وصديق الن ,, وتقدر تكسب ثقتهن
انك تبينلن انك مهتم فيهم انو عندك نفس اهتماماتهم وهواياتهم (حتى لو مكان هيدا الشي حقيقي)
بس هيدي الخطوه ضرورية جدا وهي الجسر يلي بيقربك من عقليه ونفسية وطريقه تفكير المراهقين

ومن اهم النقاط انك تتجنب تنصح مراهق بشكل مباشر
وانما فيك تمرق النصيحه ع شكل قصه او خبرة حياتيه

على فكرة يا تاتي ذي الفئة بريئة بدليل أول ما تنفرد بهم المديرة وقليل من التعنيف ترين تهل دموعهم فقط هي قوة التمسك بحقي في الشخصية والانتقال بين مرحلتي الطفولة والرشد

أريد أن أرى فكر تاتي هنا
،،،

وآنا كمان بلاقيهم فئة كتير حساساه وبريئه
وع قد ثقافة الاهل ودرجه صبرهم واحتوائهم لولادن المراهقين
وتفهمهم لرغبات واهتماماتهم وتقديم الدعم والتشجيع الكبير لهم
بيقدرو يكسبو أولاد باريين وصالحيين من ميله 2
وبيقدرو يقدمو افراد ناجحين ونافعين للمجتمع من ميله 2

والعكس صحيح قد مايكونو قاسيين وشديدين مع المراهقين
رح يخسرو ولادن من ميله وبيقدمو نماذج مرضى نفسيين وحاقدين كمان

بعد انقطاع مؤقت بسبب العيد
رجعت وجاوبت ع هيدي المجموعه من اسئلات دكتورتنا الرائعه
بتمنى ينال اعجابها واعجاب واستفاده الكل

**ŢαŢμαŊα** · 07-23-21, 01:33 PM

المشاركة الأصلية كتبت بواسطة الدكتورة

التعقيب: فعلا أتفق معكما النجاح مؤقت لأن* مطيات النجاح تتسم بصفة عدم الديمومة ، مثلا: طبيب وقف في عملياته الجراحية عند حدود ما تعلمه،، سيفشل مع الوقت لأن الطب والعلم لهما صفة التجدد والأكتشاف فطالما معطيات النجاج غير ثابتة ومتغيرة يجب أن يكون الناجح خاضع لقاعدة التجديد مع تلك المعطيات التي تطرأ على الساحة،،

كذلك لا يكتسب النجاح صفة اللانهائية يتوجب على الشخص حقق نجاحة أنه وصل لأرضاء طموح تلك المرحلة،، فلا بد أن يدعم النجاح بعطاء وطموح جديد فالكرة الأرضية تدور وإن بدت ثابتة،، والمدارك تتسع وإن بدا حجم العقل كوزن ثابت،،، فلا نجاح دون تطوير لأدوات جديدة تدعم مسمى الناجح نفسه
،،،

نروح للأسئلة الآن

آصبتي غاليتي بكل شي حكيتيه خلال تعقيبك الثري

المشاركة الأصلية كتبت بواسطة الدكتورة

النجاح وتاتي

خلينا نتكلم بداية عن النجاح الأكاديمي

* فشل بعض الأشخاص في تحقيق الشهادة العلمية تجاه تخصص معين رغم اختيارهم الذاتي للتخصص ما أسبابه
؟؟؟

يمكن يكون التخصص بالواقع مختلف عن يلي هم كانو مفكرينو
يمكن كانو ناجحين في البداية بس بتجي ظروف ويمنعهم من الاكمال
ويمكن انو الاختصاص يلي هم مختارينو مايكون الو رواج او فرصة كبيرة بالحصول ع العمل

* هل يوجد فاشلين، أم متقاعسين
؟؟؟

الاتنين موجودين
بالحياه يوجد فاشلين
وبالدراسه والعمل يوجد متقاعسين

* المعلم سبب فشل أو نجاح الطالب هل تتفق تاتي مع هذه العبارة
؟؟؟ كيف يكون المعلم سبب

آكيد دكتورتنا , المعلم هو أهم أسباب فشل او نجاح الطالب
بس هو مش السبب الوحيد
وانما في أسباب وعوامل أخرى للفشل , متل :-
اهمال الطالب نفسو
تقصير الاسرتو
عقدة الطلاب من بعض المادات الدراسيه متل الرياضيات والتأريخ والكيمياء

* ما هي أدوات النجاح بصفة عامة
؟؟؟

من آهم آدوات النجاح :-
1- آن تعشق المجال يلي بتدرس فيه او يلي بتشتغل فيه
2- أن يكون عندك شغف بالبحث والمطالعة وتطوير مدارات معرفتك ومجال علمك
3- أن تحول الأشياء يلي درستن اكاديميا لــ حقائق ووقائع ومشاريع ملموسه يستفيد منها الاخرين
4- عدم الاستسلام وقت يصادفنا الفشل او نواجه رفض او يتعتري طريقنا الحواجز
5- الإصرار ع النجاح واستمراريته وتكبيره وتطويره

* تاتي حققت نجاح أكاديمي باهر ما شاء الله، كيف عكست تاتي حب ذلك النجاح على من تمثل قدوتهم
؟؟؟

كتر خير الله يلي الهمني اني اختار مجال قدرت ابرع وابدع فيه
بالبدايه حاولت اغرس فيهم حب نفس المجال (الهندسه) وهيا مجال خدمي وفني بامتياز
الهدف منو خدمه المواطنين بتقديم مشاريع مدنية وعمرانية ناجحه ونافعة
وتحويل المجسمات والخرائط المعقده لــ مباني وعمارات ومنشأت هندسيه موجوده ع الأرض الواقع

ومن خلال تقديم الاستشارة او المساعدة للمتخرجين الجدد وطلاب كلية الهندسه
يلي كل سنة باخدهم لمشاريعي وبشرحلن كلشي اذا كان اكاديميا او واقعيا

* نحن بعصر الشهادات،، تتفقين أم لا
؟؟؟

آي آكيد بتفق ,, بس الشهادة لحالها مابتكفي ؟؟
وكمان الشهادة مابيثقف ومابيعلم البشر كلشي
لازم هو بنفسو يتعلم ويكسب خبرة من الحياة لانو الحياة هي اكبر مدرسه

* الخبرة + الشهادة معادلة تحتاج لوزن ،، زني المعادلة
؟؟؟

الشهادة + الخبرة = نجاح باهر
الشهادة - الخبرة = نجاح هزيل بيسقط من أول عاصفة قوية
الخبرة - الشهادة = نجاح باهت يفتقر للتخصص

* متى يختلف منظار الأشخاص للنجاح بمعنى متى يصبح النجاح نسبي ، فقد أرى شخص ناجح بينما تراه تاتي لأ، متى يكون هذا التعقيد والاختلاف
؟؟؟

وقت يكون النجاح شخصي لصاحبو فقط
صحيح النجاح الذاتي مهم وضروري لاثبات الذات ولاشباع طموح الفرد
بس اذا بيستمر بنجاحات فرديه ومايطورهم لنجاحات جماعيه وقتا رح يصير نجاح نسبي

وكمان وقت يكرر الشخص نوعية وستايل نجاحاتو ويحبسهم جوا مجال او موديل واحد
وبيعود يكرر حالو , ومابتلاقي عندو أي تنويع او ابتكار , وقتا يكون النجاح نسبي

* لا يوجد أجمل من فرحة النجاح مثل ما قال حليم" ما لقيت فرحان بالدنيا زي الفرحان بنجاحو" هل صحيح يا تاتي
؟؟؟

طبعا دكتورتنا مافي احلى ولا اغلى من فرحه النجاح
لانها رح تجي بعد مشقة وجهد طويل
وفرحة التخرج هيا احلاهم لهيك سدق العندليب

طيب رفعي يدج فنحن نراكِ من الناجحات

تسلميلي غاليتي هيدا من ذوقك ولطفك
وانتي كمان من انجح الناجحات دكتورتنا

**ŢαŢμαŊα** · 07-23-21, 10:24 PM

المشاركة الأصلية كتبت بواسطة الدكتورة

خلينا يا تاتي نتلمس طريق النجاح المعنوي

* من هو الناجح في الحياة
؟؟؟

هو يلي بيجمع آكبر كمية من التجارب النافعة وبينفع به غيرو
وهو يلي بيقدر يقطع كل الحواجز لحتى يوصل لآهدافو

* من هو الفاشل في الحياة
؟؟؟

هو يلي ماعندو لا هدف ولا آمل في الحياه
عايش حياتو يوم بيوم وماعندو شي جديد
متلو متل المصباح المطفي بس مجرد ديكور

* ماذا تعلمت تاتي من الحياة
؟؟؟

طب قولي شو يلي ماتعملتو من الحياه
لآنو يلي تعملتو كتير كتار واذا بحكي عنن بدو موضوع كامل لالو
بس فيني قول اني تعلمت من الحياه :-

انو حياتنا متل قصة يمكن تكون طويله او قصيرة
ونحنا يلي منكتب نهايتنا ,, لهيك قد مافينا لازم نحاول نعبيها
بخبريات وشغلات وانجازات حلوه وزاهيه
ونتروك بصمه رائعه بقلوب وبفكر يلي حوالينا

وع الجانب الدراماتيكي تعلمت آني كون لنفسي طبيبة ومعلمة
آداوي جروحي والامي بنفسي بصمت واتعلم من آخطائي ومابعود اكررهم
ويضل البسمه ترافق وشي ومايقدر شي يزيح تفاؤلي ومحبتي للحياه

ضروري اعتمد ع نفسي بكلشي
وهون بدي وضح شغله هامه ,, مش قصه انو ماعندي ثقه بحدا
وانما لاني كتير بقدر حالي وكتير بوثق وبفتخر فيها لهيك بحاول احل
مشاكلي ومعاناتي بهدوء وبصبر وبلا ماعذب حدا معي

* متى وقفت تاتي موقف المعلمة لغيرها
؟؟؟

وقت حدا بيطلب مني آستشارة او نصيحة من القلب
وقت بدي اوعي انسان قريب مني قبل مايوقع بشي ورطه

* النجاح الاجتماعي يحتاج للذكاء العاطفي ، كيف نفعل هذا الجانب
؟؟؟

لآنو هما طرفي كل الإنجازات ,,, وتنيناتهم بيكملو بعضن
مافي نجاح بلا ذكا ومافي ذكا بلا نجاح
وكرمال تحقق نجاح جماهيري واجتماعي ضروري آنك تنال اعجاب واستحسان الاخرين
هون بيجي دور ذكائك وبراعتك وقدرتك في جذب الناس لاعمالك ومواهبك
( بشكر رب العالمين يلي عطاني مقدار هائل من هيدي القدره , ومش بس بالمنتدى بحياتي الحقيقية كمان)

* تاتي هل يوجد شخص فعلا ممكن نقول عنه : غبي
؟؟؟

للأسف بزماننا المتطور هيدا ... بعد في آغبياء
وبعده موديلات كمان ,, رح بذكر منن كم نوع :-

1- اغبياء العاطفة / يلي بيسدقو ع العمياني أي حكي عن الحب مندون مايختبرو الطرف الــ 2
2- اغبياء الاستثمار / يلي بيسدقو بعض النصابين وأصحاب الشركات الوهميه
3- اغبياء الخرافة / يلي بيسدقو بعض الخرافات والشعوذه تبع عرافين بقصص جلب الحبيب وهكذا

* القانون لا يحمي المغفلين، هذا القانون صحيح، أم أنه غطاء للماكرين وهو من عطل حب كلمة " طيب"
؟؟؟

لا لاء ... دكتورتنا الطيبه شي والغباء شي 2
ومش أي حدا يكون طيب نسميه غبي
بس القانون فعلا مابيحمي المغفلين ,, خصوصي هولي الفئات الــ 3 يلي ذكرتن فوق

تعالي يا تاتي لمادة بصرية سمعية معا:

https://youtu.be/1pd6qr8vhds

القصيدة يا تاتي للشاعر الكبير : عبدالله علوش شاعر كويتي متفرد بفكر رائع جدا،،، القصيدة هنا سياسية / رمزية/ محاكاة حال واقع ،، ومن أذكى من يوظف فن القصائد الرمزي ونقد الواقع الشاعر عبدالله بن علوش

قصيده كتير حلوه وشجيه
يسلمو ايديكي دكتورتنا

تعالي للآن للأسئلة:
* هل تحبين مادة التاريخ
؟؟؟

آكيد غاليتي بحب مادة التأريخ
يلي مابيحب التأريخ بيكون already مابيحب الحضارة

* هل القيود على حرية الفكر سبب عاهة تأخرنا كشعوب شرقية
؟؟؟

ممكن يكون احد الأسباب
بس بعتقد انو السبب الرئيسي هو شلل وفساد الطبقة يلي بيحكمو البلدان
لآنو حتى لو عامة الشعب كانو مثقفين وواعيين ومفكرين من العيار الثقيل
شو طالع بأيدن مع حكومات وسياسات بيقمعو صوت ونداء الشعب ؟؟!!

بالمختصر المفيد انو يلي بأيدو السلطه اغلبن فاسدين ومابيسمعو صوت الشعب
ويلي بيسمعو صوت الشعب مش بايدن أي سلطه او قدرة ع التغيير

* هل الامتحان حول تاريخ الشعوب وفق رؤية بن علوش عن الدول اليوم صعب أم سهل وألا الصعوبة في ما خلف الإجابة " صغير خاف من بؤس المصير "

؟؟؟

هو الامتحان لالي مش صعب
بس متل ماانتي تفضلتي انو الصعوبه رح يكون خلف الاجابه

* هل هنا تاتي من الناجحين أم من الوسطيين بين هذا وذاك
؟؟؟

بعتقد رح بكون من الوسطيين

* جيبي قصيدة كردية تعجبج ، لأني أقرأ بين فترة وفترة لكِ هذا الانتقاء الجميل
؟؟؟

تكرمي عيونك دكتورتنا الجميلة
بعد بعد هيدي المشاركه رح بحطلك شعر كوردي ثوري
وبنفسي عملتلو الترجمه العربيه وبتمنى ينال اعجابك

**ŢαŢμαŊα** · 07-23-21, 11:57 PM

المشاركة الأصلية كتبت بواسطة الدكتورة

هنا انتهيت فعلا من المحور
،،،

ولج من الوقت ما يكفي لنستمتع بدرر الفكر الراقي
،،،
وعطر في الجوار فالفسحة موجودة لديكِ
وكم أنا سعيدة لتنقلي بين الفرقدين

شفتي عاد أنتِ وعطر لبعضكما سند مثل فسحة الأمل،،،
وأنا بين الميلين يميل قلبي تارة وتارة

فما أضيق العيش لولا فسحة الأمل

وألقاج على سعادة وحب كما أنتِ لي يا ملكة الذوق والرُقي

نورتيني دكتورتنا الجميله
انتي وحضورك ومشاركاتك الرائعه والقيمه جدا
فعلا انبسطتت بوجودك ووجود نداويتي القمره بنفس القسم ونفس المواضيع
نشالله اجاباتنا ينال اعجابك واعجاب واستفاده الجميع

\| أصدقاء منتدى مسك الغلا \|
مدونة مسك الغلا	مدونات	خطوط عربية	تحميل خطوط	صور سكرابز	خطوط انجليزية
شات الرياض	شات الرياض		شات حسبتك لي	شات تعب قلبي الصوتي	شات تعب قلبي الكتابي
شات فلة الخليج	شات فلة	شات السعودية	شات جوال	شات جفى	شات قلوب
شات القصيم	شات الغلا	شات الود	شات السعودية للجوال	شات الخليج
شات كتابي	شات سعودي للجوال		شات القروب	شات بنات السعودية	شات حب السعودية
شات شقى	شات جوال	شات للجوال	شات عربي للجوال		شات كرم الشام
شات احساس	شات بنت	شات سعودي		شات تعب قلبي	شات حبي
شات الخليج	شات مملكة الحب	شات بنت السعودية		شات السعودية	شات دلع السعودية
شات سعودي كام	شات فلة الخليج