اشتقت لك لكن ماني مبين لك

أعشقك لكن ماني بقايلها

ايه أحبك واعشقك كلك

واشواق قلبي على الكفين شايلها

ياحظ منهو من البشر صار خلك

وعيونك السود مو اي شخص طايلها

انا اتبعك دايم كما يتبعك ظلك

وانا الوحيد اللي مشاعرك نايلها

قامت الدنيا تحاربني محارب

كن بيني وبينها دم مسفوح

كني سجين بسجنها وصرت هارب

ولا جيت بتخبى لها صرت مفضوح

كني قطعة البحر في وسط قارب

وفي القارب اللي شالني شق مفتوح

لا جيت للغالي وحول المضارب

ارجع وانا اشكي حزين(ن)ومجروح

رحلت من عنده من الهم شارب

واصبحت مو داري اجي له أوَ اروح

والله مدري كم لي أمسيت* أحارب

وخرجت منها مامعي أي مصلوح

لا تقهرين القلب وتزيدين تعذيبه

ارجوك بالرأفه علي لا تقهريني

اللي مضى صار ماودي بتجريبه

ومستقبل الوقت مدري كيف بيجيني

صرت اسهر الليل واحس بالريبه

وعيني لذيذ النوم ماتعرفه عيني

افكار حبك تودي القلب وتجيبه

رغم ان حبك ابد ماعاد يعنيني

اصبحت والراس ابيض كنني شيبه

رغم اني بنص عمري وزهرة السنيني

مافاد نفسي جميل الود والطيبه

والحب للمحبوب ماعاد يغريني

فرقاه عني تهد القلب وتذيبه

وارجي عسى الخل بالخيرات يطريني

يالله يارحمن تشفي مريضي

ادعيك يارب وانت الامر الناهي

اصبحت من همه تحت الحضيضي

احكي مع الناس وانا عنهم فاهي

إحتار قلبي في تعابير روحي..

مدري طواها الحزن ولا سعيدة

محتار جداا أبتسم أو أنوحي

قلبي تلخبط مادرى وش يريده

حتى لو إني حامل(ن) بي جروحي

أدون اللي بخاطري في قصيدة

صحيح إني قلت واظهرت بوحي

عشان ماودي بجروح(ن) جديده


أعاتب الروح قبل تفنى وتروحي

وأخاف ربي لو شملني وعيده


هذا أنا قلته بكامل وضوحي

ونفسى تحب تكون دايم وحيده

قد قالي شخص(ن) وهو لي نصوحي

ربك غفور ويستحي من عبيده


أرفع يدك ترا إلهك سموحي

وقادر يشيل الحزن منّك ويبيده


لو كنت دايم يمتلكني جموحي

اللي مضى يارب مابغى أعيدة


https://www.al2la.com/vb/t119935.html#post2995491

ادري بإني كنت قاسي ومغرور

وادري بإنك كنت في العشق مغروم

مسرور؟! لا ماني بعد ذيك مسرور

محروم ..؟!! ايه بالله اني صرت محروم


اصبحت في حبه معلق ومأسور

واصبحت افكر فيه بلأمس واليوم

لو ان بعده طالني وصرت مقهور

وفي معركة حبه انا صرت مهزوم

الله معك لو غبت ياصاح معذور


والله لنا نسهر مع البدر ونجوم