الله لنا لو كان باعوني الناس

والله أهم من البشر والجماعه

صحيح نال القلب هما وهوجاس

لكن نعاني وكلها صبر ساعه

قد كنت انا فاهم وقد كنت انا حاس

ان الزمن لو مايراعيك راعه


شربت من هول الزمن نصف كاس

والنصف الاخر ماقدرت ابتلاعه


شاعر ولي في بيرق الشعر نوماس

وشعري كتبته بين فن وبراعه

يا هيه وينك اتعب القلب فرقاك

تعبان ؟؟ ايه بالله اني صدق تعبان

انساك ؟؟ وشلون قلي كيف بنساك

واناااا على طاريك مشقي وولهان

كتبت شعري قلت اتسلى واسلاك

لقيت شعري ماكتب غيرك انسان

ودي اجي لمك واقلك انا اهواك

ودي ولكن ماأبي لوعتي تبان

ياعاشق الهم حظني كله اشواك

لا جيت له يجرحك وتسيل دمان

خلي الخفوق اللي تحبيبه يقراك

ويزيل عنه الهم وتروح الاحزان

ياجرح تكفى ترفق بي

تراي اصبحت متألم

ولا ذنبه ولا ذنبي

وصرنا نمر ولا نسلم


لك الله ضاق بي قلبي

وراعي الشوق مايرحم

الا يالله ياربي

فا أنت بحالتي تعلم

تزيل بصدرها حبي

وحد غيري بها يغررم

ماضام قلبي غير حزن(ن) من الغالي

والله لو بِيدي لاشيل الحزن منهـا

لكن شسوي وانا لي قلب سالي

وماله مع العشاق ولا درا عنـها

بقول كلمة وهي عيت لا تنقالي

حبك لروحي ترا عذبها وجننـــها

احبك ايه احبك بس تكفى

لا تخليني احزن عشان حبيتك

رمش عيني من الحرمان مايغفى

هذي جزاي اني بهالقلب خليتك

في بارد الجو ابي بحضنك انا ادفى

وانا من الشوق يامحبوب انا جيتك

أرجوك عذبني ولكن بس لا تجفى

قلبي وعمري وروحي كلهم بيتك

والعلم عندك ولا هو عنك بايخفى

ان كنت في قلبي عن الازوال خبيتك

جمرة الشوق ولعت وماظنها تطفى

اماا تجي لمي ولا انا جيتك

ياسامع الصوت والاشواق مكسورة

ارحم خفوق(ن) غرق في بحرك الطامي

الله لنا من عقب ماكنتي للحب مأسورة

والحين بعد الحب عينك صارت تنامي


يارب تحفظ حبيب(ن) كان في الصورة

من بعد ماراح .... راح الشعر والهامي