| |||||||
| :: قرار هام :: |
9Likes| إضافة رد |
| | LinkBack | أدوات الموضوع | انواع عرض الموضوع |
| |||||||
| :: قرار هام :: |
| إضافة رد |
| | LinkBack | أدوات الموضوع | انواع عرض الموضوع |
11-19-21, 07:26 AM
| #7 | ||||||||||||||
   
| 
جميلة الرواية بنكهة لطيف وبسيطة ولكن كما قال لك الأخ عبد الله الكتابة بالفصحى أيضا ستكون أجمل يعطيك العافية غاليتي ربي يحفظك ويسعدك ويكتب لك الخير | ||||||||||||||
 |
|
11-19-21, 06:34 PM
| #8 | ||||||||||||||||||||||||||||||||||
   زاهيَـة مثــل رِقتّـها 
|
نقول إن شاءالله نحاول ونشوف اللي ما نكرهه .. يعافيك ياروحي .. ويحفظك ويخليك لـ عين ترجيك .. ونورتينا بـ طلتك وردك  | ||||||||||||||||||||||||||||||||||
| | |||||||||||||||||||||||||||||||||||
|
11-19-21, 06:36 PM
| #9 | ||||||||||||||||||||||||||||||||||
| زاهيَـة مثــل رِقتّـها
|
اهلاً فيك اخوي عبدالله .. شاكرهه لك تعليقك على الروايه .. اهلاً وسهلاً . | ||||||||||||||||||||||||||||||||||
| | |||||||||||||||||||||||||||||||||||
|
11-21-21, 05:39 AM
| #10 | |||||||||||||
| زاهيَـة مثــل رِقتّـها
| بعد ثلاث ايام .. منزل (( غسان )) .. متزوج وعنده طفلين وطفله ؛ يشتغل بـالحرس .. زوجته ساره ؛ ربت بيت .. ً ساره وهي ترمي الخداديه ععليه ؛ ليه انا مو ناقصه ولا انت بخيل ما راح تدفعع ؟ غسان يحاول يضبط اعصابه ؛ يا مره اقصري الصوت فضحتينا فالعربان ، منتيب ناقصه ولاني بخيل اسألك بالله هالكنب اللي تبين تغيرينه ما مر عليه شهرين متغير وش له هالخساير ؟ ساره والعناد برأسها ؛ والله انا ابييي اغيره وما اعجبني لونه . غسان يوقف بقل صبر ؛ تغير ما راح تغيرين يابنت الناس غيرس يتمنى هالكنب اللي تبين تغيرينه وبعدين انا ماني جالس على بنك متى ما طنت برأسس قلتي بغيره . ساره بصوت مرتفع ؛ واضح انك بخيل علشان كيذا ما تبي تغيره . غسان يتعوذ من بليس بصوت مسموع ؛ اعقلي يامره لا يصحون العيال وصوتس لا يعلى وتغير ما راح يتغير وكبري عقلس مهوب كل ما تشوفين فلانه ولا علانه غيرت شي في بيتها قلتي بغير وخلينا مرتاحين دام حياتنا هاديه وراكده . ساره تمشي وتتركه بالصاله ؛ حسبي الله ععليك شكللي متزوجه بخيل. ً طالعت فيها إلين اختفت ودخلت غرفة بنتها تنهدت وانا اتوجهه لـ الباب بطلع .. ركبت سيارتي وانا اتوجهه للأستراحه ، هذا طبعها من ترجع من ععند اهلها تبداء بالطلبات اللي لا لها لا اول ولا تالييي ، وتزععل ان قلت لها الحق . ً ً بيت (( ابوناصر )) .. ابوناصر يطالع بعياله ؛ اييي وجدكم عازمنا الاسبوع الجااييي ععنده المهم رتبوا وضعكم اللي بيأخذ اجازه علشان نروح سوا . ناصر يعقد حواجبه بستغراب ؛ جدييييي عازمنا !!! ابوه يأخذ شهيق وزفير ؛ الله الله ، ناوي يجمعنا عشان تشوفون عمانكم اللييي ما تعرفونهم . محمد بستغراب ؛ كيففف عمانا فيه عمان غير عمي عبدالله وعمتي حصه ؟ ابوناصر ؛ اييييي فيه اخوانيييي اللي من ابوي عمكم محمد اللي انت مسمينك عليه ساكن بالشمال وعمك صالح ساكن بالشرقيه وعماتك نوره اللي ساكنين بالرياض . راشد ؛ ما شاءالله . ام ناصر تصوت ؛ يا بيان عطينا القهوة . ً كلها دقايق وطلعت بالقهوة عليهم وبديت اصبها وانا اسمع سوالفهم وللحين حاقده على محمد وما احط عيني بعينه .. يكلمني ارد عليه بس اطالع بعيونه لااا .. من بعد طلعت المول وانا كارهه نفسي واتفشل زياده من فهاوتي .. كلها كم ساعه وتفرقوا اللي طلع .. واللي راح لـ عممله .. واللي دخل ينام وظليت انا وأمي جالسين بالصاله . ام ناصر ؛ الاسبوع الجاي بنسافر لـ المجمعه . طالعت في امي وانا ارفع حواجبي ؛ شعندكم ؟ ام ناصر ؛ جدس عازمنا . ابتسمت ببلاهه ؛ اوخص حركات وش عنده توه يفكر يعزمنا وش السالفه فيه زواج ولا خطبه ؟!! ام ناصر تشرب فنجالها ؛ ياكثر حكيس يا بيان . بيان بصدمه ؛ افا يمه هذا وانا اللي اونسس واقعد معس هذا تاليها تجرحيني  ام ناصر اللي حست بنبرة بنتها ؛ يا ساتر وش جرحه انتي على ادنى شي تنجرحين ؟ بيان وروحها الحساسه مسحت طرف دمعتها ؛ شسوي يمه دامي حساسه ومثل ما يقولون (( بنت ألماسه حساسه )) . ام ناصر ؛ عن الهبال الله يصلحس ويخليس لي . بيان ببتسامه ؛ امين يارب ويخليس ليييي . ام ناصر ؛ المهم كلمي اختس شوفيها كانها بتخاوينا الاسبوع الجاي . بيان تهز رأسها ؛ إن شاءالله . ً ً بععععد أسبوعع .. ً غسان وهو يلبس نظارته ؛ تبين قهوة ؟ ساره بزععل ؛ لااا . نواف يدخل بينهم ؛ بابا انا ابيييي قهوة . غسان ببتسامه ؛ القهوة مضره لك يا عين أبوك الحين اجيب لك عصير . رواف توئم نواف ؛ انا ابيييي عصير بععد . غسان بنبره حنونه ؛ من عيوني ، وحبيبة ابوها وش تبي ؟! نوف تبتسم لـ ابوها ؛ ابييييي موهيتو . غسان ؛ ابشري . نواف ورواف بصوت واحد ؛ نبي موهيتو . ساره بمقاطعه ؛ لا تجيب لهم بارد عليهم وراح يتعبون . نواف بزعل ؛ ماما . ساره بنفعال ؛ لا يعني لاااا تبي تتعب انت وياه ؟! غسان يتدارك الوضع علشان ما يصيحون عياله ؛ تنزلون معيييي لـ البقاله ؟ عياله بصوت واحد ؛ اييي ايييييي . ً ً بسيارة (( ابوناصر )) .. ابوناصر ؛ زينوا مكان لـ اختي حصه وبنتها وولدها . ام ناصر ؛ شلون بيركب فارس ؟ ابو ناصر ؛ محمد يركب معكم وراء وفارس يسوق بنا. بيان بستفسار ؛ اخواني بيروحون ؟ ابوناصر وعيونه على محمد ؛ اخوانس بالرياض يحترونا بس هالكمخه هاللي اخرنا . محمد وعيونه على الطريق ؛ وش سويت انا اروح واخلييي شغلييي بعدين ما سلمت الشغل الا لمن جاء صاحبي . ابوناصر ؛ وانا متكلم قبلها بـ اسبوع قدموا اجازه . ام ناصر تغير الموضوع علشان ما ينقلب الوضع هواش ؛ اتصل في اختك حصه قدنا قريبين . ً دقايق وصلوا لـ بيت العمه (( حصه )) .. العمه (( حصه )) أرمله .. توفى زوجها ولها (( ولد ، بنت )) .. فارس ؛ أعزب يشتغل طبيب اسنان . قمرا ؛ عزابيه طالبه جامعيه .. ً ً قمرا بهمس ؛ شخبارس ؟ بيان تبتسم لها ؛ ازقح ، انتي شخبارس وش مسويه ؟ قمرا ؛ مثلس ازقح ، وينس ما ععاد تجين بيتنا ؟ بيان تتنهدت ؛ والله ما فيه وقت ععندي والجامعه اشغلتني وترتيب البيت والله ما يصير ععندي وقت واهللييي ينامون بدري . قمرا تمسك يدها ؛ الحين احنا مع بعض وويا بعض واسبوع بالضبط المتضيبط . بيان تشد على يدها ؛ الله لا يفرقنا . قمرا ؛ امين يارب . ً ً بالمجمعـه .. فـ (( بيت الجـد )) .. بعد صلاة العشاء العالم كلها مجتمعه .. والمجلس اللي برا مصطك بالعربان (( العمان وعيالهم )) .. ً ً داخل فـ (( مجلس الحريم )) .. الجده جالسه وسط المجلس وبناتها وزوجة ولدها ععندها .. وبنات (( جارتها المرحومـه )) موجودين .. وحريم عيالهم .. ً ً بيان بهمس لـ قمرا ؛ ما شاءالله وش ذولااا . قمرا بهمس ؛ ذولااا عايلة جدي الكبيره ما شاءالله . (( جدتي بدت تعرفنا على بعض )) .. العمه (( نوره )) .. ربت بيت . بندر متزوج وعنده طفلتين ؛ يشتغل في البنك .. سلطان عازب ؛ يشتغل بالصحه .. جواهر عازبه ؛ طالبه بالجامعه .. جمانه عازبه ؛ متخرجه من الجامعه . ً العم (( صالح )) .. ابو راكان ؛ يشتغل بـ بالشرطه عمميد .. ام راكان ؛ ربت بيت .. راكان عازب ؛ يشتغل بـ أرامكو .. ريم متزوجه وعندها ؛ طفل .. ريحانه عازبه ؛ طالبه بالجامعه .. ً العم (( محمد )) .. متزوج يشتغل ؛ بالحرس على الحدود .. غسان متزوج يشتغل ؛ محامي . الهنوف عازبه ؛ طالبه بالجامعه ، ومنسقة حفلات .. العم (( عبدالله )) .. يشتغل بـ ؛ ادارة التعليم .. ام خالد ؛ ربت بيت .. خالد متزوج وما عنده عيال يشتغل ؛ مهندس معماري .. فهد اعزب يشتغل ؛ بالدفاع المدني .. طيف عازبه ؛ متخرجه من الجامعه .. تشتغل بمحل حلويات .. تواصيف عازبه ؛ طالبه بالجامعه .. ً بالمجلس الثانيي راحوا البنات يجلسون فييه وعلشان يأخذون راحتهم .. ً طيف ببتسامه ؛ يالله حيهم بنات عماني وبنات عماتي .. البنات بـ اصوات متفاوته ؛ الله يحيس ، الله يبقيس . طيف تعرف بنفسها ؛ انا طيف بنت عمكم عبدالله ، وهذي اختي تواصيف وهذي زوجة اخوي شوق .. بيان بهمس ؛ شوفي ذوليك كيف يناظرون؟ قمرا ؛ وانتي الصادقه خطير يأكلون بعضهم بسم الله . بيان ؛ تهقين بينهم ثار ؟ جواهر بنظرة احتقار ؛ وش تتهامسون فيه خلونا نسمع . قمرا تطالع بيان وبرفعة حاجب طالعت جواهر ؛ انتي كذا مع اي شخص تشوفينه ؟! جواهر تحط رجل على رجل بقلت ادب ؛ واضح انك بنت حصه لان فيك شبه منها . قمرا واللي ما عجبها الوضع ؛ اولاً يا محترمه اللي تقولين عنها حصه هذي خالتك . جواهر بسخريه ؛ هه من قال انها خالتي ؟ ريم تقاطعهم بقل صبر ؛ خلاااص عاد مصختوها منتو بزران وانتي ياجواهر احترمي حالس خلاص بالنهايه هيي خالتك اذا ما احترمتي بنتها احترمينا احنا الجالسين . جواهر توقف وهي تزين فستانها ؛ يعع . قمرا بنفسها ؛ قليلت ادب . ً (( جمانه وقفت وهي تعطيهم نظرات احتقار وطلعت وراء اختها )).. ً ريم تحاول تلطف الجو ؛ شرايكم نطلع نكمل قهوتنا برا ؟ البنات بـ اصوات متفاوته ؛ اوك ، يالله ، تمام .. طلعنا برا وكان فيه (( جلسه مثل الدكه مزينه بـ البلك مربعة الشكل ومفروش فيها ثيل صناعي بـ اللون الأخضر والفرشه لونها زعفراني تراثيه مع المراكي )) .. تواصيف ببتسامه ؛ اقول يالهنوف ميلادي بعد اسبوع ودامس منسقة حفلات ابيس تنسقين حفلتيي . الهنوف تضحك ؛ ههههههه احلفييي بس انا بعد اسبوع راجعين الشمال شلون ازينها لس ولا ابشري . بيان تشبك معهم ؛ والعافيه اجلسي علشانها . تواصيف ؛ صادقه والله بس انتي مين ؟ ما عرفتس بيان ؛ بيان بنت عمس ابوناصر وزوجات اخواني عند اهلهم ماجوا هالمرا معنا . ساره تشاركهم السوالف ؛ انتوا اهل الخرج ؟ قمرا وبيان ؛ الله حنا اهل الخرج . ساره تشمق بعيونها ؛ وانا بعد من أهل الخرج . الهنوف توضح لهم ؛ ساره تصير زوجة اخوي غسان ام نواف ساكنين بالخرج . بيان تبتسم ؛ ما شاءالله . طيف تأشر على زوجة اخوها ؛ شوق زوجة اخوي خالد علشان ما تنسون . ريحانه تبتسم ؛ وهذي فوزيه زوجة بندر ولد عمتي نوره . فوزيه وهي متفشله من حركات خوات زوجها ؛ اهلين . ريم تهمس لها ؛ لا تأخذين بخاطرس عشانهم . فوزيه تبتسم ؛ ماععليس ، ما اقول الا الله يصلحهم . ساره بتسأل ؛ بتنامون هناا ؟! ريحانه ؛ والله مدري على الكبار هم اللي بيخططون . جلسوا كيذا فتره وعلى الساعه (( 12 )) تفرقوا اللي راح ينام بفندق مع عياله .. واللي نام بالمجلس عند الجدد .. ً بفندق (( اجنحة بود………… المـ ……. )) .. بيان وهي طالعه من دورة المياة ؛ وعععع وعععع . قمرا متغطيه بالمفرش وتطالعها ؛ من جد وعع على ايش شايفين نفسهم ؟! بيان تنشف شعرها من المؤويه ؛ المشكله استحوا اول مرا نشوف بعض بس سبحان الله من دخلت مع الباب وانا ما ارتحت لـ هالثنتين . قمرا تجلس ؛ تبن قاصه شعرس ؟! بيان تأشر لها بمعنى اسكتي ؛ اوش ياخي لا تفضحينا شسوي تعبني وامي مستقعده لي ما اقصه وجاء ذاك اليوم وقصيته . قمرا ترمي عليه علبة المنديل ؛ مجنونه عاد مرا قصرتيه ياويلس . بيان تمسك العلبه ؛ كله من محمد ما قصه زين . قمرا تفتح فمها ؛ ايشششششش ؟!!!! بيان تغمز لها ؛ شفتي زوجس وش سوا قصه لي بس ماش خربه شرايس تضبطينه زين . العمه حصه تفتح الباب ؛ ما نمتوا ؟ بيان بخرشه تسحب المنشفه وتحطها على رأسها ؛ عمه بسم الله روعتينا . العمه حصه ؛ وش عندكم ليه خفتوا ؟! قمرا ؛ وش عندنا يمه بس فتحتس لـ الباب روعتنا . العمه حصه بسخريه ؛ ليه ارتعتي تحسبينه محمد؟ قمرا ووجها انقلب احمر من الحيا ؛ وش دخل ؟ بيان والعمه ماتوا ضحك عليها ؛ يهيهيهيهيهيهيهيهيهيهيهيههيهييهيهيهيهيهيهيههييهيهيه يهيهيهيهيهيهيه . قمرا توقف وتدخل دورة المياة ؛ بايخين . بيان تطالع عمتها ؛ حرام عليس ياعمه . العمه حصه ؛ وش حرامه يالله نوموا مهوب اذا صحيناكم تقولون ما شبعنا نوم . بيان ؛ ان شاءالله . ً (( انتهى اليوم الجمميل وناموا ابطالنا )) .. ً يقول ؛ (( صدفه غريبه والحقيقه ماعلى الدنيّا غريب يازينها صدفه بلا سابق وعد .. يازييييينها )) . ً (( صباح جديد )). بمجلس الجد اغلب الشباب مجتمعين .. والاغغلب اللي ما بعد رجعوا من الفندق او من الشقق .. ً غسان يطالع بمحمد ؛ انا شايفك في مكان بس ما اتذكر ذا المكان !! محمد يطالعه وتذكر المول وبكذب ؛ مالك لوى انا اول مره اشوف عيال عمي . غسان يهز رأسه ؛ يمكن مشبه عليك . محمد ووده ينحاش ؛ يمكن ويخلق من الشبه أربعين . ناصر يكلم محمد ؛ ابوي ما جاء ؟ محمد ؛ لااا يقول اذا صحوا وشبعوا نوم جو تعرفهم الحريم لازم يشبعون نوم .. ناصر ؛ راشد معهم ؟ محمد ؛ اي . (( بعد صلاة العصر )) .. اجتمعوا البنات والحريم الكبار برا في البراد جالسين بالدكه بالقهوة .. الجده بصوت جهوري ؛ تغطن يا بنات العيال بيجون يسلمون . البنات تغطوا بجلتهم وبراقعهم .. الجده تصوت عليهم ؛ تعالوا . شويات وجو العيال يسلمون ووقفوا على جنب . فهد ؛ بتوقفون كيذا ؟ راكان ؛ مدري عنكم . سلطان بمزح ؛ اللي له حرمتن هنا يقعد . محمد يستهبل ؛ واللي له اخت ؟ غسان يطالع في محمد وتذكر وين شايفه فيه وبهمس ؛ وحرمتك مهيب هنا ؟! فارس وراشد وناصر بصوت واحد ؛ حرمته ؟!!! غسان توهق ؛ ها ؟!! محمد اللي خاف انه تذكرهه ؛ لا والله توني بعمر الزهور وانا اخوك تبي تزوجني . بندر ؛ عمر الزهور على قولتك لـ البنيات . فهد يضحك ؛يهيهيهيهيهيهيهيهيهيهيهيههيهييهيهيهيهيهيهيههييهيهي هيهيهيهيهيهيهيه بعد إنا لنا عمر الزهور وراك شايلنا من القائمه ؟ راشد ؛ مشكلة وجيهكم ما تناسب الزهور . ناصر جاه اتصال وراح وتركهم .. ً (( عند البنات )) .. ً ريحانه ؛ مطولين ذولااا وهم واقفين ؟ طيف تغمز لها ؛ وش عليس فيهم خلينا نشوف نصيبنا . ريم تستهبل ؛ الحمدلله ابوعيالي مهوب فيه علشان ما تأخذونه . تواصيف تضحك ؛ انا ما ععلليي فيكم متزوج ولاا ما تزوج المزيون بأخذه . بيان تشاركهم ؛ اهم شي ما تأخذين حبيبي . جواهر بفضول ؛ من حبيبك ؟! بيان تطالعها بتصريفه ؛ ياويه استهبل معكم بعدين انا حبيبي ابوي . جواهر بنغزه ؛ خفت تنسين ان فيه احد يحبك . جمانه تطالع اختها بهمس ؛ وش قصدس ؟ بيان بستغراب ؛ وش قصدس ؟ جواهر تطالع بالعيال ؛ ولاشي . الهنوف تبتسم ؛ انا مفكره اخذ من برا العايله . قمرا بهدوء ؛ اللي بيكتبه ربي بيصير . الهنوف ؛ صادقه بس انا دايماً اقوله لـ غسان وابوي ما ابيييي احد من العايله . بيان تغمز لها ؛ اجل دوري لي احد عندكم بالشمال ولااا انتي يا ريحانه دوري لي احد بالشرقيه ابي اطلع من الخرج . جمانه ؛ ليه وش فيهم عيال العايله ؟ بيان وهي تشوف بنات عمتها مستقعدين لها ؛ مافيهم شي بس ما اشوف مناسب اخذ منهم لانه لو صار فيه مشكله بيني وبينه اخاف تتأثر عوايلنا الافضل انا اشوف من منظوري تأخذين من برا العايله وبس . ساره تأيدها وتعطي رايها ؛ صادقه والله ، بس مرا يطلع العكس اذا تزوجتي ولد عمك او عمتك ويطلعون كلهم عسل على زبده . طيف بسماجه ؛ وناقصهم خبزه هههههههههه . البنات انفجروا يضحكون على ذبتها (( يهيهيهيهيهيهيهيهيهيهيهيههيهييهيهيهيهيهيهيههييهيهيه يهيهيهيهيهيهيه )) .. ساره توقف ؛ انا بروح أغير ملابس عيالي ابي احد يروح معي داخل .. قمرا توقف ؛ بروح معك ابييي دورة المياه . (( كلها شويات وتفرقوا )) .. بيان واقفه بجوالها تصور الجبال ومع مزرعة الجد وتنزلها بـ سنابها .. محمد من وراها ؛ أشتقت لس . بيان بنص عين ؛ تقوله صادق ولااا تبيني اوصلها لها ؟! محمد يقرصها بيدها ؛ محد يشتاق لـ اخته ؟ بيان توطى على رجله ؛ وجعع قسم بالله جسمي علم من كثر ما تقرصني . محمد يقرب منها وبهمس ؛ من حبي لس ، علشان اذا ضعتي نلقاس من قرصاتي بجسمس . بيان تبعد عنه ؛ ترا بعلم امي ولا علمت عليك نويصر . محمد ؛ الا شخبار القمر ؟ بيان تستهبل ؛ اذا جاء بالليل وطلع أساله . محمد جاء بيقرصها بيدها انحاشت تركض صوب البيت .. ً تفرقوا البنات علشان يكشخون بيجونهم ضيوف من قصراهم (( القرايب اللي عند الجد والجده )) .. ً تقريباً على الساعه (( وحده )) الليل .. الأغلب راح ينام .. ً ساره بنفعال ؛ طيب ايش فيها لو نمنا بفندق ؟ غسان وهو منسدح بفراشه على الارض ؛ وش فيها لو نمتي هنا ؟!! ساره بقهر ؛ على نهاية عمري انام بالارض . غسان وفيه النوم ؛ ساره واللي يرحم والديس خلينا ننام والصباح رباح . ساره وصوتها بدا يعلى ؛ اذا ما تبي تدفعع انا ادفع . غسان يجلس على حيله ؛ قصري صوتس يامره العيال نايمين والعالم نايمه وماهي سالفة دفع ولااا غيره فيني النوم ومقدر اسوق بكرا اوديس تنومين بالفندق بس الحين نومي . ساره تنسدح بجنب بنتها ؛ شعقبه ؟ غسان بستغراب ؛ هذاس البارح نايمه هنا وما جبتي طاري فندق ولا شي وش اللي غيرس ؟ ساره تسكر الموضوع ؛ خلاااص بنام . (( تنهدت على هالحال اللي كله ما راح يتغير بسبتها رجعت انسدح وانا اسمي بالله وكلها ثواني ونمت )) .. ريم بهمس ؛ خلاااص نام لا تصحى ولايف . ثامر وهو يهمس لدرجة صوتها ؛ خليتها تنوم مع اختس الا تجيبينها تنوم معنا . ريم تعطيه نظره ؛ احمد ربك ما خليتها تنام بوسطنا . ثامر وهو يبوس خدها ؛ علشان اقتلس محد يفرقنا سوا بنتي ولاا غيره . ريم بخجل ؛ ياويه تراها بنتك . ثامر يمد يده ويمسك خصله من شعرها ؛ حتى لو كانت بنتي بس انتي ما تسمعين الا تحشرينها معنا . ريم تضحك ؛ شكلك انهبلت ؟ ثامر بنبره حنونه ؛ هبلتي بي وتقولين انهبلت ؟ ريم ووجها تصبغ باللون الاحمر ؛ نام نام علشان تصحى نشيط . ثامر يتغطى بالبطانيه ؛ يالله تصبحين على خير . ريم ؛ تلاقي الخير ياعمري .. ً تواصيف ؛ الحين اغلب المتزوجات نايمين عند ازواجهم انتوا وش مقعدكم هنا (( تقصد )) (( فوزيه & شوق )) .. ؟! شوق ؛ ليه ما تبينا ؟ ريحانه بستهبال ؛ لو انا متزوجه والله ما اترك حضن زوجي . الهنوف ؛ يا ساتر عاد انتي نشبه يمكن يبي يتنفس . طيف ؛ الله يعين ولد الناس عليس دامس بتنشبين كيذا فيه . تواصيف ؛ كلكم حكمتوا اني نشبه ما تدرون يمكن ما يقوا على بعدي وكيذا يعني . فوزيه تبتسم ؛ الله يرزقس باللي ما يقوا على بعدس . الهنوف تضحك ؛ الله يعينك وقتها ما تلقين لس وقت تأخذين راحتس فيه . تواصيف تغمز لها ؛ ليه مجربه الوضع ؟ ريحانه ؛ خلاص نوموا ازعجتونا ، صايرين مشافيح على الزواج نوموا نوموا . طيف؛ يالله بننام قبل يصحون عيال فوزيه . ً بـ غرفة (( جمانه & جواهر )) .. جمانه بنفعال ؛ لا تستهبلين قسم بالله أعلم امي ولا بندر عليس . جواهر ترفع حاجبها ؛ تهقين ععاد يصدقونس ؟ جمانه بخوف ؛ اسمعيني زين خلليي البنت في حالها بعدين ما شفنا منها شييي . جواهر بحقدد؛ شكلس نسيتي يوم ترفض أخوس ثلاث مراات وهو يموت فيها . جمانه ؛ ياليلس خلاص ععاد مالله كتب يصير بينهم نصيب بعدين حتى الكافر ما يفكر يسوي نفس اللي تخططين ععليه . جواهر ؛ والله البنت ما همتني وععاد جات الفرصه لـ ععندي ومجتمعين خل اكسر قلبها شوي وتحس باللي حس به اخوي . جمانه بتهديد ؛ قسم بالله اعلم امي . جواهر بدون اهتمام ؛ علميها . ً وانتهى الفصل الثانـي .. ً أستغفر الله العظيم الذي لا إله إلا هو الحيَّ القيومَ وأتوَب إليه.. | |||||||||||||
| تمرد ذكرى likes this. |
|
11-21-21, 10:16 AM
| #11 | ||||||||||||||
   ظلال الذكرى أنت
|
روايه بدايه جميله واتمنى بيان ماتتزوج غسان وان اشاء الله قمرا تتزوج محمد معني احساسي راح تتزوج واحد ثاني ولاادري ام جواهر وجمانه خططهم تخوف وبانتظار التكمله يعطيك العافيه | ||||||||||||||
| |
|
11-21-21, 04:28 PM
| #12 | ||||||||||||||||||||||||||||||||||
| زاهيَـة مثــل رِقتّـها
|
منورتنا (( تمرد ذكرى ))  .تهقين تتزوجه >> هذا ما سانراه بالفصولـ القادمه  حبيبي يعافيك  | ||||||||||||||||||||||||||||||||||
| | |||||||||||||||||||||||||||||||||||
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
