| |||||||
| :: قرار هام :: |
9Likes| إضافة رد |
| | LinkBack | أدوات الموضوع | انواع عرض الموضوع |
| |||||||
| :: قرار هام :: |
| إضافة رد |
| | LinkBack | أدوات الموضوع | انواع عرض الموضوع |
11-22-21, 11:53 PM
| #13 | ||||||||||||||
  جمالي قاهرهم
| 
من العنوان انها جميله لي عودة
| ||||||||||||||
 |
|
11-24-21, 11:09 PM
| #14 | ||||||||||||||
| جمالي قاهرهم
|
مابيه احلى من لهجتنا صراحه عشتها بكل تفاصيلها مبدعة جدا | ||||||||||||||
| |
|
11-30-21, 03:05 AM
| #15 | |||||||||||||
   زاهيَـة مثــل رِقتّـها 
| بغرفة (( جمانه & جواهر )) .. ً جمانه بخوف ؛ اسمعي بدال ما تسوين خطتك ذي عندي خطه احلى منها . جواهر وهي تحط مناكير على اظافرها ؛ خليني اسمعها ؟! جمانه ؛ بدال ما تخلينه يعتدي عليها وربي يعاقبنا خليهم يتقابلون ويكلمون بعضهم وفكري فيها لو اعتدا عليها ما راح يتزوجها وهي بتكرهه والله حرام . جواهر ترفع حاجبها ؛ تهقين توافق تكلمه ؟ جمانه بتفكير ؛ لو لعبنا عليها بس اهم شي تكلمين سلطان وتقولين له ما يقربها وشيلوا ذا الفكرهه من رأسكم وبعدين خافوا الله (( بكرا الدنيا تدور ويصير فينا مثلها )) خليهم يتقابلون ويشوف ايش سالفتها . جواهر ؛ طيب طيب .. ً (( بالفندق )) .. ً قمرا بفضول ؛ محمد فيه ؟! بيان تأكل اللي بڤمها ؛ اي ليه !!! قمرا ؛ ولا شي بس سألت لاني كنت بطلع لـ أمي . بيان تكمل أكل ؛ اها . قمرا ؛ طيب فارس اخوي فيه ؟؟ بيان تلتفت عليها ؛ يابنت شفيس تسألين ؟؟ قمرا بستغراب ؛ شفيس انتي ياخي طفشت وقلت أسال . بيان تشرب باقي العصير ؛ كل ذا طفش يا حلوس اخوس مدري عنه وذولااا ما يخلونا نأخذ راحتنا المهم وش اسمها نسيت اي مرسلين بالقروب انهم بيطلعون المول . قمرا ؛ من ؟!! بيان ؛ البنات يقولون العصر بيطلعون ، ما شفتي جوالس ؟ قمرا تنسدح على السرير ؛ جوالي يشحن ومطفيه البينات . بيان بستغراب ؛ وش فيس منتي طبيعيه !!!! قمرا تسكر عيونها ؛ مدري شفيني كسلانه ومالي خلققق حاجه . بيان وقفت وخففت من الاضائه ؛ خلاااص نامي لـ العصر واضح نفسيتس زفت . (( كلها دقايق ونامت قمرا )) .. ً (( بالصـاله )) .. ام ناصر ؛ شكلهم ياختي ناموا . ام فارس ؛ خلهن اجل يشبعن نوم . محمد يدخل في سوالفهن ؛ وش تحشن فيه ؟؟ ام ناصر ؛ وانت حاشرن نفسك ليه ؟ محمد ؛ عوذا وش سويت انا بس سألت . ام فارس ؛ لا تدخل في سوالف النسوان . محمد يشمق بعينه ؛ يمتي منكم يالنسوان ، المهم ابوي ما قال متى بيرجع ؟ ام ناصر ؛ ما قال شي بعدين قاعد عند ابوه بيتغدون . ام فارس ؛ وراك ما رحت معه ؟ محمد يشرب فنجاله ؛ واخليكم لحالكم ؟ ام ناصر وام فارس بصوت واحد ؛ والعافيه أمن وأمان وطاعة رحمان . طالعت فيهم وانا امد رجولي على الكنب ؛ يمتي منكم حتى متفقين بالكلام ، منتوا بصاحين لحالكن حريم واخليكم بفندق . ام ناصر تمد صينية الحلى من عند العمه ؛ حلي وتقهوي . ام فارس ؛ خليه عندس انا قريبه . محمد يطالع بيان وهي جايه ؛ هلااا والله بحبيبة اخوها . بيان وهي عارفه نيته ؛ هلا فيك . ام ناصر بستغراب ؛ الله وأكبر محمد وبيان وش صاير بالدنيا ؟ ام فارس تشاركها ؛ وانتي الصادقه وش صاير بالدنيا . محمد يضحك ؛ بيان اقري اذكارس ذولااا بيحسدونا . بيان تجلس بجنب عمتها ؛ الحمدلله قريتها الصبح بقى حقت المساء. ام فارس ؛ وين قمرا ؟ بيان تأخذ لها فنجال ؛ هناا عندكم قهوة ومسكرين علينا ، نايمه . ام ناصر ؛ لا يكون تعبانه ؟ محمد بدون ما يحس على نفسه ؛ بسم الله عليها من التعبان ؟! (( العمه ام فارس وام ناصر ألتفتوا عليه وهم ساكتين )).. محمد توهق وقام بيطلع ؛ بنزل تحت اشم هواء . امه بسخريه ؛ اي اطلع اطلع . (( محمد فتح الباب وطلع وطلع جواله يرسل لـ اخته بالواتساب )).. بيان تطالعهم ؛ كليتوا الولد بعيونكم . ام ناصر ؛ انتي بس ولا كلمه وش مطلعس ما قعدتي مع بنت عمتس . بيان مصدمه ؛ يمااا ماقلت لكم انها نايمه ما شبعت نوم . ام فارس ؛ وش فيس عليها يا علياء ؟ ام ناصر ؛ ما فيني شي .. بيان توقف وهي تأخذ ترمس القهوة وصحن الحلى ؛ ما تخلون الواحد يروق ولا يتقهوا زين زعلتوني . ام ناصر ؛ قولي انس تبين تاخذين القهوة والحلى . بيان تمشي لـ الغرفه ؛ صح عليس يمه باي . (( دخلت الغرفه وانا افتح جوالي وارد على محمد اللي احرقه بمليون رسالـه )) .. محمد ؛ وش فيها قمرا ؟ بنت ؟ ردي علي ؟ بنت . تبن . بنت ؟ وجع . ردي . بيان ؛ خير ، مافيها شي طفشانه من الجلسه وفيها النوم . محمد ؛ تبون اطلعكم ؟ بيان تحط بتموجي معصب ؛ الله الله ، لو كنت انا ما طلعتني عنبوه قليل الخاتمه . محمد يضحك ؛ كلي تبن هذي الحب ان ما طلعتها من اطلع ؟ بيان ؛ مالت بس . محمد ؛ لا تخافين ان شاءالله زوجس يسوي بس كيذا . بيان ؛ طيب طيب الحين تبي شي ؟ محمد ؛ تبون شي اجيبه لكم ؟ بيان ؛ قلها بصيغه ثانيه مثلاً (( قمرا محتاجه شي اجيبه )) لا تقولها من ورا التريلات (( بتموجي معصب . محمد يضحك ؛ خلاص اذلفي . ً ً (( العصر .. بـ المول )) .. (( العيال طالعين بزوجاتهم وخواتهم يتمشون ويوسعون صدورهم ومنها اللي معه عيال يلعبهم )) .. ً راشد ماسك بيان على جنب ؛ غطي عيونس . بيان بطفش ؛ والله غطيتهم وش تبي اسوي بعد ! راشد مشى وتركها تروح لبنات قمرا ؛ وش عنده ؟ بيان بملل ؛ غطي عيونس غطي عيونس اللي يشوفه يقول مزينه عيوني ومطلعتها . تواصيف بلقافه ؛ عادي عادي ترا اخواني كيذا بعد . جمانه ؛ بنات بعد التسوق خلونا نرجع بيت جدي ونسهر على فلم . البنات يطالعونها مستغربين ؛ ان شاءالله ، يصير خير . جواهر تطالع قمرا وبيان ؛ وانتوا لا ترجعون الفندق اسهروا معنا . قمرا تطالع بيان وترجع تطالع جواهر ؛ بشوف امي اول . بيان ؛ حتى انا بشوف ابوي اذا بيوافق . الهنوف ؛ ما عليكم بيوافقون . ً ساره بهمس ؛ شوي شوي على عيونك . غسان يلتفت عليها ؛ شفيها عيوني ؟ ساره بغيره ؛ شويات وتأكل البنات بعيونك . غسان يعقد حواجبه ؛ انهبلتي شكلس !! (( ساره تتركه وتمشي لـ عند البنات )) .. (( تفرقوا أغلب البنات وصار قسمين .. ويفرفرون بالمول )) .. محمد ساحب عليهم ومأخذ اخته وبنت عمته ؛ تبون ذا المحل نجربه ؟ بيان بطفش من حركاته ؛ محمد يا محمد خلااص قسم بالله بيجينا تسمم من كثر ما نأكل . فارس من وراهم ؛ شتسون هنا ؟ محمد ؛ فارس حياك ابد نتذوق كل شي نشوفه قدامنا . فارس يطالع اخته ؛ لا تذبحهم بس . محمد اللي فهم قصده ؛ ما ععليك اول من يذوق انا مالهم شر . قمرا بهمس لفارس ؛ خذني معك . فارس يطالعها ؛ طيب طيب . محمد يطالع بيان ؛ تبين من ذا ؟ بيان تهز براسها بمعنى ؛ لاااا . فارس يمسك يد اخته ؛ يالله اجل بأخذ اختي افر بها ونرجع لكم . محمد بقهر ؛ فر معنا طيب ؟ فارس يمشي من جنبه ؛ بنأخذ راحتنا . محمد وده يكفخه ؛ مالت عليك . ً جواهر بعصبيه ؛ وش اللي ما تقدر هاااه ؟ سلطان شوي ويصكها كف ؛ انتي بس زيني الوضع لي وخليني اشوفها . جواهر وهي خايفه اخوها ما يلتزم بالوعد ؛ بس راح اكون موجوده معكم . سلطان بنفعال ؛ ولا تفكرين انا ابي اقابلها لحالي بتزينين الوضع لي ولا زينته بطريقتي . جمانه وهي واقفه بجنبهم ؛ لو زينته بطريقتك ما راح تضرها صح ؟! سلطان بسخريه ؛ هه وش صاير الحين خفتوا عليها ولااا وش سالفتكم . جمانه بتوتر ؛ مو كيذا بس الليله بيسهرون عندنا وما نبي يصيبها شي من حركاتك وتراها مو من حقات الليل اللي تطلع معهم وتتونس . سلطان بنظره حاده ؛ الله الله وش ذا الكلام بعدين احترمي نفسك هذي بتصير زوجة اخوك حتى حقات الليل والسهرات ما يجون ربعها . جمانه وهي مو واثقه منه ؛ ترا اذا سويت لبنت شي علمت امي وبندر عليك . سلطان يمشي من عندهم ؛ افكر . جواهر بدون مبالاه ؛ شنسوي له خل يسوي اللي يسوي . جمانه بعصبيه ؛ انهبلتي بعد انتي . جواهر ؛ امشي خل نروح لبنات بس ولا تبينين شي . ً (( على الساعه احدعش الليل رجعوا لـ بيت الجد )) .. (( بنص الليل البنات مجتمعات بالملحق الداخلي مشغلين نتفلكس على فلمم رعب )) .. ً جواهر تطالع بيان لمن وقفت ؛ وين بتروحين ؟ بيان ؛ بروح دورة المياه . جواهر توقف ؛ خذيني معس . بيان ببتسامه ؛ تععالييي. جواهر ؛ بيان اذا طلعتي من دورة المياة تعاليييي شيلليي معي المشروبات . بيان ؛ اوك . ً (( طلعوا من الملحق .. بيان دخلت دورة المياة وجواهر دخلت المطبخ وتجهز المشروبات )) .. ً (( تقريباً على الساعة 2 حسيت بـ احد سكر على فمي وسحبني .. طلعت عيوني من الخوف والصدمه حاولت أخلص نفسي بس ما قدرت حسيت بأنفاسي بتنقطع وبموت كلها دقايق شفت مزرعة جدي وين ما خذيني حاولت افك نفسي ماقدرت )) .. ً راكان ؛ ياخييي لحين ما تعودت ؟! طالعت فيه وانا اطلع دخان السجاره ؛ ماقدرت حاولت وما ابيي اكل حبوب منوم . راكان يربت على كتفه ؛ انتبه منها كثرتها مضرهه وانا اخوك روح الحين لـ البيت واستغفر لين يجيك النوم . ابتسمت بوجهه وانا اهز رأسي ؛ ان شاءالله , يالله اجل اشوفك بكرا . راكان يلوح بيده ؛ يالله انتبه لنفسك ، ولا تبيني اوصلك بسيارتي ؟ هزيت رأسي ؛ لالا بمشي مع المزرعه إلين اوصل البيت . ً (( تفارقنا هو راح بطريقة وانا بطريقي مشيت وانا اولع السجاره الثالثـه مشيت من عند المزرعه الاا سمعت صوت احد يتحرك عقدت حواجبي وانا اطفي السجاره برجلي وأتشوف وش ذا الصوت )) .. ً طالعت فيه وهو يثبتني على جدار حوش الغنم وصوته يخوف وريحة انفاسه غثيثه ؛ هه وجاء الوقت . ً (( حاولت اتكلم اهرب بس مسكر فمي بيده حاولت اعض يده هذا ما اعرفه ما اعرفه )) .. طالعت فيها وانا انفاسي تلفح وجهها ؛ ليه ليه ترفضيني ليه . حاولت اتكلم ابي انحاش شي ما قدرت فاجئه عضيت يده وبعدها عني وانا اصرخ ؛ سسـاعدونـيييييييييييييييييييييييييييييييي .. رجعت عليها وانا اضربها بكف ؛ بس بس وقطع بهاللسان . طالعت فيه وانا دموعي غطت وجهي حسيت فيه يبي يبوس رقبتـ^ .. الا حسيت به طاح علليي مغمى عليه لمن طالعت فاللي وراء اسودت الدنيا بعيني واغمى عليييي من الخوف. (( طالعت فيها وانا ارمي عليها غترتي طلعت جوالي وانا اجري اتصال كلها دقايق وشلت البنت وانا مغطيها مستحيل اخليها هنا عند هالخسيس اخذتها بعد ما مسكت الرجال وربطته وانا متقرف من ريحة الخمر )) .. ً راكان يعقد حواجبه ؛ طيب تعرف الرجال من ؟ هزيت رأسي بعد ما ساعدني راكان وفتح الباب اللي عندهم لان واضح البنت من ربعهم ؛ لا ياخوك توني اشوفه بس تعال معي كانك تعرفه . راكان يمشي معه ؛ يالله . ً (( بالملحق )) .. ريم توقف ؛ انا بروح انام الوقت تاخر . اغلب البنات ؛ خلاااص كلنا بنروح ننام . (( تفرقوا البنات وراحوا ينامون )) .. ً جمانه وهي تلبس بجامتها ؛ شللوونن ؟ جواهر وهي منسدحه بتنام بدون اهتمام ؛ اخذها تلقينه الحين خلص عليها . جمانه بصرخه ؛ تستهبلين انتي وش هالبرود عندك طيب وين البنت ؟ جواهر تعطيها ظهرها ؛ اووف خلاص عاد البنت عنده اذا خلص رجعها . جمانه ؛ حسبي الله عليكم اثنين . اخذت جوالي وانا اتصل عليه .. ً راكان بصدمه ؛ سلطان !!!!!!!!!!!!!!!!!!!!!!! طالعت فيه بستفسار ؛ تعرفه ؟ راكان وهو مصدوم ؛ هذا ولد عمتي . اخذت الجوال وانا اطالع بالرقم ؛ جواله يتصل رقم بدون اسم !!! راكان بحقد ؛ افتح افتح لا يكون احد من الحمير متعامل معه ؟ هزيت رأسي بنفي ؛ ما اعتقد ، اسكت خلنا نسمع . راكان معصب ؛ حطه سبيكر . فتحنا الخط وانصدمنا من الكلام طالعنا بعضنا واحنا مصدومين .. جمانه وهي تبكي ؛ تكفى لا تعتدي عليهاا سلطان سلطان والله اعلم امي عليك سلطان لا تسمع كلام جواهر تكفى وربي ربي بيعاقبنا سلطان الووو سلطان وين البنت سلطاااااااااان تكفى رد علي سلطان . بعد هالصدمه قفلنا الخط .. ً جمانه ترمي جوالها ؛ بطلع ادورها . جواهر تطالعها ؛ شقال لك ؟ جمانه وهي تمسح دموعها ؛ الله يحطك بمكانها الحين مدري شصار على البنت واخوك ما يرد علليي فتح الخط ورجع سكره . جواهر توقف بخوف ؛ بروح معك . (( طلعنا واحنا نتوجهه لباب لكن قطع علينا صوت جدتي )) . الجده وهي متسنده على عصاها ؛ وين رايحات بذا الوقت ؟ جواهر بتلعثم ؛ اءاء بنطلع . الجده تقرب منهم ؛ وين تطلعون؟ جمانه تتدارك الوضع ؛ بنطلع نشوف الجوء وش شكله وحده من صديقاتي تقول فيه غيم . الجده وهي ما مشت بمخها ؛ اي ، لا تتأخرن . ً (( طلعنا برا واحنا ندور يمين يسار والمكان برا موحش ظلام واصوات الكلاب رجعنا ندخل لداخل لانو صعبه نروح بععيد )) .. جمانه بتهديد ؛ اسمعيني زين والله لو صار لها شي انا اللي راح أعلم الكل انه من تحت رأسك . جواهر وتقريباً خافت ؛ شتقولين انتي وش تعلمين . جمانه ؛ اي بعلم انك انتي اللي مخططه وحتى انتي اللي لعبتي برأس سلطان وخليتيه يبي ينتقم منها وكم مرا قلت لك انتي مالك شغل فيهم بس ما تسمعين والحين لا ندري وين البنت ولا وين اخذها اخوس . جواهر بخوف ؛ بس انا اختس وش تعلمين عللييي . جمانه بنبره حاده ؛ اختي وهي وش تكون بنت خالييي وغدرنا فيها قلنا يكلمها وانتي معهم مو سالفة يجي يأخذها والحين وين البنت . (( مشيت وتركتها واقفه لحالهـا )) .. ً (( صباح جديـد )) .. امه بخوف ؛ انت ما تقول لييي وش فيها ؟ محمد يرفع كتوفه ؛ والله علمي علمس يمكن متهاوشه مع البنات . ام ناصر تمشي لجهة الغرفه وهي تدخل ؛ وش فيس يمي منتي طبيعيه ؟ طالعت في امي ودموعي مسكت خط ؛ مافيني شي . محمد يدخل عليهم ؛ شلون مافيس شي وانتي البارح ميته صياح ؟ طالعت في امي وطحت بحضنها أبكي ؛ كان بيعتدي عللييي كان اهىىىى اهىىىى . ام ناصر ومحمد بصدمه ؛ ايشششش؟!!! (( بعد ما هديت ومسحت دموعي وشربوني مويه قام محمد وسكر الباب )) .. محمد ؛ يالله علمينا ؟ طالعت فيهم بخوف ؛ البارح طلعت من دورة المياة ورحت المطبخ على اساس اساعد جواهر اشيل معها المشروبات بس المطبخ ما كان فيه احد شوي حسيت بأحد سكر ڤمي وسحبني برا . محمد والغضب سيطر عليه ؛ الخسيس مـ****** . ام ناصر ؛ وقطع بهاللسان وش ذا الكلام ، كملي وش صار . محمد ؛ العذر والسموحه يمه . بيان ؛ فيه احد جاء وضربه على رأسه وطاح مغمي عليه وانا اغمى علليي وصحيت لقيتني في البيت . ام ناصر بهدوء ؛ عرفتيه ؟ بيان تطالع في امها وهي عارفته وبخوف ؛ لاااا ما اعرفه ما شفت وجهه . محمد يوقف ؛ طيب سوا شي لك ؟ بيان تهز رأسها ؛ لالا . (( محمد فتح الباب وطلع )) .. ام ناصر توقف وتسكر الباب وهي تجلس قريب بنتها ؛ تعرفينه صح ؟ بيان بكذب ؛ لااا مغطي وجهه . ام ناصر ؛ طيب ما قال لس شي ولاا وش يبي ؟ بيان تمسح دموعها ؛ كنت خايفه ما سمعت شي . ام ناصر تحضنها وتمسح على رأسها ؛ الحمدلله اللي ما اعتدا عليس وحسبي الله ونعم الوكيل هذا اكيد يعرفس ويمكن يراقبس ولا كيف عرف انس بالمطبخ ستر ربي عليس ويجزاه خير اللي ساعدس يالله عاد قومي غسلي وجهس وتعالي الصاله بروح اتصل في محمد اشوف وينه لا يسوي بعمره شي . بيان ؛ طيب . ً (( فاجئه صاحب الجد عزمهم بالبر في المخيم والجد وقتها ما رفض عزيمته وكانت هالعزيمه بمناسبة رجعت ولده من السفر وخطبت بنته )) .. ً جمانه تهمس لـ جواهر ؛ البنت لحين مختفيه وسلطان جواله مقفل . جواهر والنوم مجافيها من أمس ؛ شكلليي بسأل بندر عنه . جمانه بهمس ؛ اسكتي امي جات . ام بندر ؛ وش عندكن واقفات هنا ؟ جواهر تلعب بشعرها ؛ ابد ولا شييي . طالعت فيهم ؛ جهزتوا شنطكم ترا بننام بالمخيم . جمانه ؛ الحين بروح اجهزها . ً (( عند العيال )) .. ناصر يجهز شنطته ؛ وين الشغل يخلي احد ؟ خالد ؛ الله يعين .. كله فدا الوطن . ناصر يوقف ؛ اي والله (( بصوت جهوري )) فمان الله يالربع . الرجال ؛ في حفظ الله ، الله يستر عليك ، ماتشوف شر . غسان وهو يتقهوا ؛ وين سلطان وراكان ؟ بندر ؛ سلطان ما شفته من امس قال بيطلع يتمشى شوي . خالد يطقطق بجواله ؛ راكان اخر علمي به جاه اتصال وطلع . فهد ؛ اتصلوا عليهم شوفوا . بندر يتصل بسلطان ويطلع مقفل ؛ سلطان جواله مقفل . راشد يكلم ؛ وينك ؟ راكان وهو راجع ؛ الحين جاي . راشد ؛ حياك ، (( التفت عليهم بعد ما سكر )) راكان يقول جاي . (( شويات ودخل سلطان )) .. العيال وقفوا كلهم بصدمه بـ اصوات متفاوته ؛ سلطان ، وش صاير ، علامك ياولد ، بسم الله . سلطان يجلس على المركى ؛ تضاربت البارح مع شلة عيال . غسان ؛ ليه ما علمتنا من ذولا طيب ؟ خالد ؛ كلمت الشرطه؟ راشد ؛ ياساتر وانت الحين لحالك ؟ بندر يتفحص وجهه ؛ وش السالفه عشان تتضاربون ؟ فهد ؛ شوي شوي على الولد خله يعلمنا . سلطان يوقف بوجع ؛ خلاااص خلوني وين شنطتي ؟ بندر ؛ ليه وش تبي ؟ سلطان يتركهم ويدور على شنطته ؛ برجع الرياض . راشد ؛ انهبلت ؟ سلطان بصرخه استغربوها ؛ انتوا وش تبون اي انهبلت شدخلكم فيني . (( طالعوا في بعض وسكتوا مستغربين حالته )).. راكان يدخل عليهم ؛ السلام عليكم . الكل ؛ وعليكم السلام . ألتفت وانا اشوف سلطان يأخذ شنطته وبسخريه ؛ على وين ؟! (( سلطان يتلفت عليه وهو ساكت )) .. فهد بهمس ؛ لا تكلمه كلانا تو بصراخه . راكان يمشي من جنبه وبهمس ؛ يالله تقلع (( وبصوت عالي )) فيه قهوة ؟ راشد ؛ تعال تعال . بندر يطلع وراء اخوه وهو يمسكه على جنب ؛ سلطان وش صاير لك ؟ سلطان يترك شنطته بالارض ؛ وش تبي انت ؟ بندر يطالع في عيونه ؛ سلطان انت غريب وش صاير لك متأكد انك متضارب مع شله عيال ولا لان خواتي اتصلوا يسلون عنك . سلطان بنفعال ؛ الله يـ ******** لا تجيب طاريهن عندي سامع وبقلعتهم وش يبن يسألن هااا وش يبن ؟ بندر يعقد حواجبه ؛ صاير شي ؟ سلطان يأخذ شنططته ؛ سلام . (( مشى لـ سيارته وهو يفتح الباب اللي وراء ويرمي شنطته ويسكر الباب بقوه وركب سيارته وهو يطلع مع الحوش لطريق )) .. ً (( بالليل بـ المخيم )) .. .. (( اللي جرحني بالكلام..أنا جرحته بالسكوت )) .. قمرا بهمس ؛ وش فيك منتي طبيعيه ؟ بيان بهمس ؛ ولاشي .. قمرا تطالعها حتى ما سوت مكياج لوجها ولبسها ععادي كيذا من وصلنا المخيم وكلامها قليل استغربت وحاولت اتجاهل .. وقفت وانا ابي اروح لدورة المياة .. (( كنت لبسه بنطلون أسود وسبورت ابيض وبلوڤر أبيض واحس اني بردانه ومالي في الجلسه وابي ارجع انام دخلت لدورة المياة وبعد ما طلعت مشيت راجعه لـ جلسة البنات والجلسه بعيده عن دورة المياة وانا أمشي سمعت صوت ودخل الخوف قلبيييي ألتفت الا اشوف احد واقف ومعقد حواجبه يطالعني جيت بركض سمعت اصوات جايه من هالجهه سمعته يقول تعالي هنا ، طالعت فيه بخوف والاصوات تقرب وسمعت معهم صوت اخوي راشد هنا زاد الخوف فيني مشيت ودخلت لـ الخيمه اللي قالي عليها ))..  " border="0" align="right">عبدالعزيز ؛ وش تسوي هنا ؟ طالعت فيهم وانا اهز رأسي ؛ جاي بس اخلص كم شغله . ريان ؛ لا تتاخر . هزيت رأسي وانا اشوفهم رايحين ؛ ان شاءالله . بعد ما راحوا ألتفت على المكان اللي هي فيه وبسخريه ؛ الحين تقدرين تطلعين ، وشكل اعجبتك الحركه تطلعين لـ الشباب تبينهم يخطفونس بعد . (( كنت بالخيمه وانصدمت من كلامه وطريقة تفكيره تمنيت اطلع واعطيه كف حسيت بقلبييي يعورني وش هالكلام وش هالتفكير يحسبني رخيصه نزلت دموعي من قوة الكلام )) .. (( انتظرت شوي حسبتها بتتكلم بس ما فيه صوت ومشيت راجع لرجاجيل )) .. أنتهى الفصل الثانـي.. سُبْحانَ اللهِ و بحمدِهْ، سبحان الله العَظِيْمْ. | |||||||||||||
| تمرد ذكرى likes this. |
|
11-30-21, 07:23 AM
| #16 | ||||||||||||||
   ظلال الذكرى أنت
|
اوه لا جواهر صج عديمة احساس وشذا الانتقام الى كذا وقمر ومحمد لحد الان مامتاكده بزواجهم وتكون نهايتهم سعيده وسارا وغسان حياتهم غريبه ونهايتهم ماتبشر بالخير روعه وبالانتظار التكمله يعطيك العافيه | ||||||||||||||
| |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
