| |||||||
| :: قرار هام :: |
9Likes| إضافة رد |
| | LinkBack | أدوات الموضوع | انواع عرض الموضوع |
| |||||||
| :: قرار هام :: |
| إضافة رد |
| | LinkBack | أدوات الموضوع | انواع عرض الموضوع |
11-19-21, 12:17 AM
| #1 | |||||||||||||
   زاهيَـة مثــل رِقتّـها 
| 
رواية ؛ سميتها عمري وبالفعل صارت مثل العمر إن راح ما ععاد يرجع . بقلممي ..
والله ان وجهك مثل وجه الحياه الحلوه اللي بدايتها غنااه وتاليتها جنّه . ً ً بسم الله الرحمن الرحيم . السلام ععليكم ورحمة الله وبركاته .. ً ً قررت اكتب روايتي الثانيـه في هالمنتدى وإن شاءالله أشوف تفاععل  ً ً حابه أقول انو أنا ؛ ماني كاتبه بارعه  ًً ً الرواية بتكون خياليـه .. ويا حبذا يتداخل فيها قصص من الواقع .. بس الرواية بتكون خياليـه خياليـه ً ً أنتظرونـي لـ الكاتبـه ؛ بنتن أجوديه  .
| |||||||||||||
 |
|
11-19-21, 01:24 AM
| #2 | |||||||||||||||||||||||||||||||
 
|
بانتظار الرواية كاتبتنا العزيزة أسيا فقط وددت ان أفهم المقطع الثاني من المقدمة (بدايتها غنااه وتاليتها جنة) هل الغناه هنا صوت فيه ترخيم ؟! وهل الجنة المقصودة جنة الدنيا بتحقيق حلم معين للوجه الحلو للحياة على عكس وجهها المر .. مع تقديري واعتزازي عبد الله ظفيري 19/11/2021 | |||||||||||||||||||||||||||||||
| | ||||||||||||||||||||||||||||||||
|
11-19-21, 01:39 AM
| #3 | ||||||||||||||||||||||||||||||||||
| زاهيَـة مثــل رِقتّـها
|
اهلاً اخوي (( عبدالله .. (بدايتها غنااه وتاليتها جنة) (( يقصد انو البنت )) (( اغنته عن بنات حواء )) (( والحياة معها جنه )) .. اهلاً وسهلاً  | ||||||||||||||||||||||||||||||||||
| عبد الله ظفيري likes this. | |||||||||||||||||||||||||||||||||||
|
11-19-21, 01:43 AM
| #4 | |||||||||||||
| زاهيَـة مثــل رِقتّـها
| في مدينة الخرج تحديداً .. في احد الأحياء الجمميله والمنازل الجذابه .. تسكن عايلة ( ابوناصر ) .. ً ً ابوناصر ؛ معلم في احد المدارس .. ام ناصر ؛ ربت بيت .. ناصر الولد الكبير والبكر لـ أهله ؛ متزوج وععنده طفلين ؛ يشتغل بـ مركز الشرطه .. فهده البنت بعد ناصر ؛ متزوجه وعندها طفل وطفله وساكنه بالرياض >> ربت بيت .. راشد متزوج وعنده طفل ؛ يشتغل بـ بالدفاع المدني .. محمد عزابي ؛ يشتغل بالصيدليه .. بيان عزابيه ؛ طالبه بالجامعه .. ً ً (( هويتها من عفافة نفس ونقىّ وقبال )) .. ابوناصر بعصبيه ؛ انتي نقه كم مرا قلت لس ؟ بيان وهي تلم صينية القهوة ؛ يبه توني قايلته لك بس شكلك ما سمعتني . ابوناصر يقلب بالقنوات ؛ لا تراديني طلعه مافيه طلعه . بيان بتنهيده وهي متوجهه لـ المطبخ ؛ طيب . دخلت المطبخ وانا اغسل الفناجيل بعد القهوة وانا شبه متضايقه (( ألتفت على صوت أمي وهي تصوت لي )) .. ام ناصر وهي تسكر غطى القدر ؛ ما تسمعين الكلام . بيان تمسح الفناجيل ؛ اصلاً ععادي . ام ناصر وهي تقص السفرهه ؛ اذا تبين شي روحي له وهو مروق مهوب اذا جاء من المدرسه ونفسه بخشمه تطلبينه . بيان تلتفت على امها ؛ وش بيتغير مير الكلب محمد اللي معبي رأس ابوي . ام ناصر تنفص عينها ؛ من الكلب ؟؟ بيان بخوف ؛ انا الكلبه يمتي كلش ولااا عيالهم . محمد يقطع عليهم ؛ سلام ، بيان وش المحل اللي تبينه ؟ ام ناصر ، وبيان ؛ وععليكم السلام . ام ناصر ؛ تبي جومول . محمد يطالعها بنص عين ؛ وش تبين فيه ؟ بيان ؛ ابي اغراض لي . محمد يأخذ كأس المؤويه ؛ العصر خليس جاهزه ترا اذا ما شفتس والله اروح واخليس. بيان وععارفه اخوها يسويها ؛ لاتخاف بلبس من الحين. ابوناصر بالصاله يصوت عليهم ؛ عطونا الغداء . ام ناصر بأمر ؛ خذي السفرهه وروحي حطيها عند ابوس وتعالي خذي السلطه ، وانت يمحمد خذ الماء معك يالله. بيان وهي تشيل السفرهه والسلطه ؛ ترا ما ابي الغداء . ام ناصر ؛ تبين احط لس بحافظه تأكلينه بعدين ؟ بيان ؛ لا لا ما ابي شي ، شبععانه . ام ناصر ؛ بسلامتس . (( العصر )) … بـ جومولـــ … ً ً محمد بطولة بال ؛ تعالييي نتقهوا بعدين تسوقي . طالعت فيه وانا انفص عيني فيه ؛ تستهبل علشان ابوي يتصل ويقول يالله ارجعوا وانا ما شريت شي . محمد يسحب الكرسي ويجلس ؛ اقول اجلسي ما راح يتصل تلقينه الحين بالحوش مشغول بالحلال . سحبت لي كرسي وانا اجلس معه ؛ ياويلك لو اتصل . محمد ؛ وش تبين ؟ بيان تطلع جوالها ؛ قهوة سودا وشي احلي عليه ما يهم إيش علشان نقوم نتسوق . محمد برواقه ؛ لاحقه ان شاءالله كلها كم لبسه ونطلع . بيان تشوت رجله من تحت الطاوله ؛ على كيفك ترا بأخذ اغراض كثيره . محمد يمد يده ويقرصها ؛ وجع يوجعك . بيان تسحب يدها بعد قرصته ؛ تبن اااااااي . ً ً بمكان جنبهم .. ً جالس ينتظر قهوة ومشغول بجواله ولفت إذنه صوت اللي على الطاوله الثانيـه .. رفعت رأسي ولا شعورياً ظليت اطالعهم إبتسمت بداخلييي وانا احسبهم (( زوج & وزوجته )) .. شويات بالكثير وصلت قهوتي .. جلست امخمخ واطقطق بجواليي وبين فتره وفتره ارفع رأسي واشوف (( الزوج & زوجته )) .. ً بعد القهوة وقفت وانا احاول في محمد يقوم علشان اكمل التسوق .. قبل يتصل ابوي ويقول رجع اختك البيت .. ً على الطاوله الثانيـه .. وقفت بطلع من المكان بعد ما مخمخت على القهوة .. مشيت الا اشوف جزمتي وانتوا بكلامه خيوطها مفتوحه .. انحنيت بجسمي علشان اربطها .. ً بالجهه الثانيه مشى اخوي محمد وانا انشغلت بجوالي وكنت اتبع اخوي وعيوني على الجوال كيذا فجائه اخوي لف لـ جهة اليمين وانا عيني على الجوال ما انتبهت الااااااااا .. ً ً طخ !!!!!!!!!!!!!!!! ً ً ربطت جزمتي وتوي برفع نفسي حسيت بأحد صدم فيني وطحت بالأرض وفيه احد طاح عللييي بس تدارك الوضعع وبعد عنيييييييي .. ً ً محمد يطالع فيهم وقرب من اخته وهو يسحبها مع يدها ؛ فشلتينا حسبي عليس .. بيان ودقيقه وتنهار صياح ؛ كل تبن كله منك .. محمد يتلفت على الرجال ؛ سلامات اخوي عطني يدك . طالعت فيه وفي البنت اللي نزلت تأخذ جوالها ؛ الله يسلمك حصل خير .. مديت يدي له ووقفت وانا اعدل غترتي واحاول اتجنب اناظر لها . محمد متفشل من اخته ؛ اعذرنا ياخوي اخذ عقولهم ذا الجوال . الرجال يبتسم بهدوء ؛ ما حصل الا كل خير وانا اخوك . محمد وهو يبي يختفي ؛ توصي شي ؟ الرجال ؛ سلامتك ياخوك . ً ً مشينا من ععنده وانا اهاوشها ؛ دبشه انتي تطيحين بحضن الرجال ؟! بيان بعصبيه وشوي وتبكي ؛ على تبن كله منك ما علمتني . محمد اللي عصب ؛ وش اللي ما علمتني تستهبلين ؟ بيان والعبره بحلقها ؛ رجعني البيت . محمد يرفع حاجبه ؛ والتسوق ؟!!!!! بيان تحاول ما تطالع بعيونه لان دموعها بدت تنزل ؛ مابي شي . محمد يمشي قدامها ؛ مشينا . ً ً طلعنا من المول واحنا ساكتين .. ركبنا السياره واحنا بالطريق حاولت اغير مودها . محمد ؛ شرايس نروح الحوش ؟ بيان بزعل ؛ مابي . محمد ؛ احسن . ورجعوا يسكتون طول الطريق .. ً ً طلعت وركبت سيارتي راجع لـ البيت . وانا بالععاده ما ارجع الا الساعه. 12 الليل .. بس هاليوم احس تعبان . وصلت البيت كان سكون وهدوء مافيه حس و (( زوجتي عند اهلها )) البيت فاضيي .. ً ً دخلت الغرفه وانا ارمي غترتي .. وانسدح عللىى السرير سكرت عيوني يقالييي بنام . الا مرت ذكرى البنت اللي طاحت عللييي.. مسكت ضحكتي وانا اتذكر شكلها وشكل (( زوجها )) وهو يهاوشها تنهدت وانا اتغطى بالمفرش ابيييي انام كلهاا ثواني ونمت . ً ً انتهى الفصل .. للمعلوميه (( الود ودي أكتب باللغه العربيه ))  بس للأسف بكتبها بـ لغتي العاميه  ..وان شاءالله تفهمونها  | |||||||||||||
| نواهل and عبد الله ظفيري like this. |
|
11-19-21, 01:48 AM
| #5 | |||||||||||||||||||||||||||||||
|
شكراً جزيلاً على الايضاح والان سأبدأ بقراءة الرواية ان شاء الله تحياتي واحترامي عبد الله ظفيري 19/11/2021 | |||||||||||||||||||||||||||||||
| | ||||||||||||||||||||||||||||||||
|
11-19-21, 02:00 AM
| #6 | |||||||||||||||||||||||||||||||
|
قصة أتعبت كل الاطراف البنت والولد والمصدوم مليئة بالطرافة سلمت يداكِ عزيزتي اسيا استمري ولا تحرمينا جديدكِ الممتع لكن هذه المرة لا تجعلي الفتاة تعاني كثيراً ههههههه واطالبك كأخ أن تحاولي الكتابة باللغة العربية الفصحى مع مزج الحوار باللهجة العامية لكي نعود أقلامنا على العربية اقبلي مداخلتي البسيطة في قصتكِ الطريفة الرائعة مع تقديري واحترامي الكبير عبد الله ظفيري 19/11/2021 | |||||||||||||||||||||||||||||||
| | ||||||||||||||||||||||||||||||||
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
