|
:: قرار هام :: |
إضافة رد |
| LinkBack | أدوات الموضوع | انواع عرض الموضوع |
10-04-22, 01:18 AM | #235 | |||||||||||
| كل المواضيع اللي تقول كيف تتعاملين مع الناس عشان يحبونك أسحب عليها على طول وما أحب أقرأها وما تعجبني ولا أطبقها بس أسوي الشي اللي يعجبني إذا عجبهم زين وإذا ما عجبهم أشوف غيرهم ماله داعي للعذاب النفسي أصلاً مو لازم يحبوني | |||||||||||
|
10-09-22, 01:41 PM | #236 | |||||||||||
| في كتاب قصص عنوانه " قصص لا يسمحون لي بنشرها " عجبتني القصة رقم 6 عنوانها " فخ " عجبتني البنت اللي ف القصة أذكر قلت ياليتني بمكانها > أصلاً أحس كأنها أنا شوفوا الشخص اللي ف القصة كيف كان يلعب ويكذب وآخر شي طاح ف الفخ وصار فيه نفس الشي اللي سواه ف غيره طبعاً هو كان يخدع الأرامل والمطلقات ويلعب على نقاط الضعف ويحسسهم أنه بيعوضم ومن هالكلام آخر شي ياخذ فلوسهم ويسحب عليهم ويضحك عليهم ويشوف أنهم غبيات لأنهم صدقوه > قمة النذالة الفخ هو أنه حب وحدة من أول نظرة وطار عقله وهالمرة مو أرملة ولا مطلقة وحبها صدق وقرر يتغير عشانها بس هي اللي خذت حق كل الي لعب عليهم وخدعهم طلعت هالبنت تعرفه وتعرف حقيقته وكل شي عنه لانه خدع أختها وأختها انتحرت وقبلها تركت رسالة وكتبت كل شي عنه أهم شي ف النهاية قاعد يصيح ويقول أنا بريء مع أنه كان كذاب وخبيث | |||||||||||
|
10-11-22, 01:38 AM | #237 | |||||||||||
| من زمان ودي أسوي تصميم ويكون كأنه غلاف رواية وأمس سويت هالتصميم استخدمت صورتين فقط واخترت هالعنوان لأن أحس البنت اللي فالمراية كأنها مُضيئة نفس القمر اللي فوق مضيء وكذا رغم السواد اللي بكل مكان > باقي أخترع الرواية بس عاد بعدي ما تخيلتها =) | |||||||||||
|
10-11-22, 10:34 AM | #238 | |||||||||||
| بعض الأشخاص أحس أنهم ما يعرفون يحكمون على الناس أحكامهم تكون على حسب مصالحهم شافوا شي يعجبهم يعني أنت ملاك وإذا شافوا شي ما يعجبهم يعني أنت فيك كل العيب ما أثق في أحكام مثل هالناس وأحسهم دايماً متخبطين في رايهم وفي قراراتهم اللي يعرف يحكم يحكم صح من أول مرة أو ع الأقل من ثاني مرة بس مو كل شوي يغير كلامه واللي يعرف يحكم ما يشوف حد ملاك ويعرف أن حتى هو مو ملاك ويدري كل إنسان فيه عيوب ومحد كامل وأكثر شي صدق أحسه غبي لما يفسرون كل مرض على أنه عقاب على كيفكم ! ويكون الشخص المريض راضي ويقول الحمدلله ويكون في ناس واقفين معاه ويطمنونه يعني لو عقاب بيكون راضي و بيقول الحمدلله ؟! شوية عقل ! ولا عاد تحكمون على الناس بأحكام من راسكم خلوكم ساكتين أبرك ! ^ ترا من هالغباء يجينا صداع | |||||||||||
|
10-12-22, 09:36 AM | #239 | |||||||||||
| من زمان جداً ما عصبت مثل أمس كأنه أحد ضغطت على الزر اللي يخليني أعصب فجأة صرت أتذكر كل شي يعصبني وحتى الناس اللي ضايقوني من مية سنة مع أني ما عشت مية سنة بس عقلي يصير يتخيل أشياء ما صارت والله حسيت قلبي بيوقف من كثر العصبية وحتى كنت أبي أمسك الأشياء وأكسرها ^ شي مو طبيعي بس ما أعرف السبب ! لأنها حالة نادرة يمكن لها علاقة بالتقلبات الجوية وكذا مدري ! أصلاً الوقت اللي لازم أعصب فيه ما أعصب وتكون ردة فعلي باردة وأسكت بس فجأة بيوم واحد و بدون سابق إنذار أعصب وأطلع كل شي مرة وحدة | |||||||||||
|
10-17-22, 02:01 PM | #240 | |||||||||||
| سوف تصل مؤخراً إلى قناعة أن السلحفاة كانت أكثر حكمة من الأرنب " لا شيء يستحق الركض " | |||||||||||
|
إضافة رد |
مواقع النشر (المفضلة) |
| |
| أصدقاء منتدى مسك الغلا | | |||||