لا متأكدة أنه مو صوت قطط ومو ثعالب بعد
بيتنا بعيد عن الجبل
أحس أنه صوت حرمة تصارخ
وتقول اسم شخص
وفي صوت ديك بعد وقت الفجر
ف البداية قلت يمكن أنه صوت الديك
يعني ديك ثاني بس صوته غير عن الأول
بس لا مو هو
لأن فرق بين الصوتين والفرق واضح

المهم لما نمت بعد الفجر
شفت رؤيا عن هالموضوع
وعرفت من أي بيت
وف الحلم كانت حرمة اللي تصارخ
وكانت قاعدة برى ف بيتهم وتصارخ
وتقول إسم شخص وتكرره

بس بعدي ما عرفت شنو قصتها
يمكن تكون مريضة نفسياً وفاقدة شخص
هذا التفسير الوحيد اللي جا في بالي

والله أعلم

وترى صرت أسمع الصوت حتى فالنهار
بس مستغربة ليش محد يسوي شي !

خلاص عرفت السالفة كلها وفهمت كل شي
لازم أقولكم السالفة عشان تعرفون مثلي
أنه مرات الأشياء ليست كما تبدو حتى لو صدقنا


بكتبها قريباً إن شاء الله

بس أبي أعرف أنتو شنو كان تفسيركم الأول
لما كتبت أول رد
إرتواء قالت صوت قطط أو ثعالب

وأنتو شو كان تفسيركم ؟

الحين بقولكم شو سالفة الصوت

طلع تفسيري الأول هو الصح
لما قلت أنه صوت ديك
بس هذا ديك ثاني غير عن الأول
وصوته صدق كأنها صوت حرمة تصيح
بس لما نقرب أكثر يبين أنه صوت ديك

والقصة الثانية من اختراع عقلي
لأنه صدق كلام أختي
هي اللي سمعت الصوت قبلي وقالت أنه صوت حد يصارخ
وبعدين عقلي صدق السالفة واخترع القصة
وبعدها حتى العقل الباطن تأثر وجاب لي حلم مناسب للقصة

والله لين الحين أحس الصوت من بعيد
كأنه صوت حرمة تصارخ وأتوتر
الله يسامحه هالديك عقدني

صدقت و تأثرت والله

لو ما فكرت أتأكد من الصوت بنفسي
ما كنت بعرف الحقيقة
> هذي الفايدة من التفكير




ما يستفاد من القصة :-

- اكتشفت أنه عندي قوة ملاحظة
بس لازم ما أمشي ورا أختي ولا أصدق تحليلاتها الخنفشارية

- التفسير البسيط يكون صح
أكثر من التفسير الطويل اللي يكون فيه قصة وفلم

- الأشياء ف الليل مو نفس النهار

- الأصوات لما نسمعها من بعيد غير ولما نقرب غير

- في أشياء نحسبها حقيقة بس تكون مجرد وهم

- لازم نكتب قصص أنا وأختي لأن خيالنا واسع ما شاء الله


وبس

اليوم مزاجي أرسم وألعب بالألوان


قررت أرسم هذا الطير















وهذي النتيجة


أدري أبدعت بسم الله علي
قولوا ما شاء الله لا تحسدوني

ترى مو لازم يكون نفس الصورة بالضبط
أهم شي الألوان نفسها
وأنتو تخيلوه طير وخلاص



^ أهم شي الفكرة

بس أحس الألوان ما عجبتني كثير
نوعها مو حلو
أفكر أشتري غيرها وأجرب نوع ثاني

نرجع للتصميم أحسن




هذا آخر تصميم سويته






وهذي الصور المستخدمة



وبس

من زمان ما شفت مثل هالأجواء

برد الصراحة > أخيراً حسيت بالبرد

كل يوم أشغل المكيف
واليوم أول مرة أشغل الدفاية