‏" لكي يستعيد الانسان عافيته لابد له من إجازة
يعتزل فيها البشر لمدة ستة أشهر على الأقل مرتين بالسنة "

^ لا أدري من القائل لكن صح كلامه

تعاطف بعض الأشخاص مع المجرمين
هل هو شي طبيعي ؟
أحس أنه مو طبيعي
لأن ما يتعاطف مع المجرم أو الظالم
ولا يبرر له إلا اللي مثله

نفس اللي يتعاطف مع المتحرش ويبرر له
ويحط اللوم على الضحية
حتى لو تكون الضحية طفلة ما تفهم شي

غريبين والله
ويقرفوني
ترا الغلط غلط وما له مبرر !

ما هي رسالتك في الحياة ؟

يمكن لو حد سأل مثل هالسؤال
في ناس تجاوب وناس تقول ما أعرف
وفي ناس يمكن ماتوا وما عرفوا رسالتهم في الحياة

رسالتك في الحياة غالباً تكون مرتبطة بشي يسبب لك ألم
وأنت ودك تسوي شي عشان ما تتألم ولا تشوف غيرك يتألم من هالشي

مثلاً شخص شاف حد يحبه مريض ويتعذب بسبب المرض
وهالشي سببه له ألم وصار ما يحب يشوف حد مريض
بتكون رسالته الصحة
ومثل هالشخص يصير يهتم بالصحة كثير وممكن يصير دكتور
ومستشار أو أي شي له علاقة بالصحة وهكذا

اللي يعرفون رسالتهم
يظهرون لهم ناس نفس اهتماماتهم يساعدونهم أو يضيفون لهم أشياء
ويحصلون أصدقاء مناسبين يشجعونهم
ويجونهم أعداء يركزون على نقاط ضعفهم عشان يقونها
و تصير لهم ظروف وتجارب تعلمهم اللي يحتاجونه .. وهكذا

المهم
شنو أكثر شي يسبب لكم ألم وودكم تغيرونه ؟
وعرفتوا رسالتكم ولا بعدكم ضايعين ؟

^ في رسائل تحتاج منصب ومال
وفي رسائل ما تحتاج منصب ومال كثيير
ل هالسبب الناس يختلفون
ومو كلهم يكون عندهم منصب أو مال كثير

واللي ما راح يفيدونكم في تحقيق رسالتكم
راح يصير بينكم وبينهم تنافر

اليوم حلمت ف بنت كانت معاي ف المنتدى السابق
وكانت طيبة ومسالمة وعلى نياتها
بس ما حبيت الحلم
لأنها كانت حزينة جداً ومهمومة وما أعرف ليش
وصحيت من الحلم وأنا متأثرة


مدري وينها الحين
لما تقفل المنتدى
ما صار عندي طريقة للتواصل معها
وما أعرف أخبارها
بس إن شاء الله تكون بخير

ومن يدري يمكن تسجل هنا
وأقابلها مرة ثانية =)

كنت أفكر فيها قبل أشوف الحلم
ودايماً كذا إذا فكرت ف ناس
إما أشوفهم بالحلم أو أشوفهم صدفة بأي مكان

ويمكن قليل أتواصل وأتكلم مع الناس
بس أتذكرهم وما أنساهم
مع أنهم يحسبوني نسيتهم