!.. مما يكتبه ،،،الظـاهـرة،،، غفر الله له ..! - الصفحة 544 - منتديات مسك الغلا

**!..الظـاهـرة..!** · 05-09-24, 11:34 AM

يا حبيبي حط قوس وحط بعده قوس ..
و اكتب اسمك .. واسرق"أحبّك" من شْفاهي

و ابتسم والعب على المسحوب والمنكوس
أنت في وجهي عن الضيقه .. و في جاهي

و دوّر أشباهك ماهو فــ الأرض .. في الفردوس
أنت فــ الأرض الوسيعه مالك أشباهي ..

العذارى من جمالك وضعهم محيوس
اعرض بزينك على الترفات .. متباهي ..

**!..الظـاهـرة..!** · 05-09-24, 11:38 AM

طبعي .. من الله خلقني عزّتي عذرااا
ماقلت للشمس قبل غيابها : بدري

أقول مع كل عسر يمرّني يسراا
و أقول لا طوّل الليل : الوعد فجري ..

**!..الظـاهـرة..!** · 05-09-24, 11:40 AM

لايضحكون عليكم :

الصداقة بعد الحبّ :
كذبة اخترعها " الحنين " ..!

**!..الظـاهـرة..!** · 05-09-24, 11:46 AM

جواناااا ..

عسى المانع خير ..!!
مفتقدين أسنانك .. و عضّاتك .. ارجعي و ارقص لك " رفيحي "
بس ارجعي ..

//////////

هُدى الوزير :
ارجعي .. المسنوى العُمري " في غيابك للأعضاء زاد ..
ارجعيه نزّليه شوي ..

يارب يكون الكل بخير وصحة وعافية ..

**!..الظـاهـرة..!** · 05-09-24, 11:53 AM

الظاهر إنه مِقفيٍ لا محاله
و يبدو نهاية حينا .. مسألة وقت

أنا أتحرى صدمته في رساله :
وهو يدوّر زلّتي .. كل ما ضِقت ..

يا ويل قلبي لا حرمني وصاله
عزّ الله إني بالهوى ما توفّقت ..

إش لون أبلقى لي حَلِيِ بداله
وش لون أبسلى عنه .. و انا تعلّقت ..!

**!..الظـاهـرة..!** · 05-09-24, 11:55 AM

البارح صحيت من النوم ..
و أنا كاتب بيتين
كذا بكل سهووولة ..

بس ما قمت من فراشي بدري ..
طوّلت " أتمغططط "

و نسيتها شوي ..

المهم :
سُهيل .. و بقيّة الإخوة الشعراء :
جاااايكم ..

نصيحتي لكم .. و قّفوا شِعر ..

\| أصدقاء منتدى مسك الغلا \|
مدونة مسك الغلا	مدونات	خطوط عربية	تحميل خطوط	صور سكرابز	خطوط انجليزية
	شات الرياض		شات كتابي	شات سعودي للجوال