أخيرا جا الأحد والله تعبت من الويكند
انا انام النهار بعد صلاة الظهر واصحى لصلاة المغرب
الجمعة والسبت كانوا يومين مزعجين بشكل مو طبيعي
عيال الجيران ببيوتهم والشارع والمزرعه الأصوات كلها بغرفتي
كمية ازعاج ما اقدر اوصفها وصريخ كأن أحد صار فيه شي
واقوم الف مره فازه من نومي 🥲🥲

+

امس بوسط الازعاج وبين نايمه وقاعده جات بنت اختي
تصارخ وهي تقول معصبة منش معصبة منش معصبة منش
انا مو قادره ارد ابي انام قلت ليش
تقول معصبة منش لاني حلمت فيش وانا وامي وماتدري مين بيخطفها وبيخطف امها وانا جالسه اتفرج ما سويت شي
ومعصبه مني لاني ما ساعدتهم بالحلم !!!! 😭😭😭😭😭
مو كذا ي بنتي مو كذا فاهمه غلط وظلت معصبه لين صحيت !!! 😭😭😭💔

انا شدخلني طيب 😭


وتزيد الطين بله اختها البارحه نايمه معانا
صحت الساعه 2 الا تقول ماما وخيه خطفوهم !!! 😭😭
كنت شوي وانهار الصغيرة تأثرت من كلام الكبيرة
و من بعدها ما نامت الا 5 ونص 😭💔

امس كان يوم غريب 🥲🥲

فعلا هذه المره رفعت الجلسه ..

أنا انسانه لطيفه وحبوبه ومؤدبه ومستحيل أأذي أحد
ولو حسيت بيوم ضايقت احد بقصد اروح اعتذر منه بطريقة مؤدبه ومناسبه وصادقه .

أما إن تجي وتغلط علي هنا ستوب .
أنهيك وانهي كل الروابط اللي بينا شنو ما كانت .

قلبي مقهور وجدا.
خسارة الايام والساعات والعشرة، والله محد يستحق الوقت اللي ضيعته عشانهم .
بكل أدب تكلمت معاها وبالأخير تقول لي هالكلام !!

الكلام للحين غاصه فيه والغبنه .
القهر مو بكلامها اللي قالته لي الحين، بكلامها الغير مباشر اللي كانت توجهه لي وانا ساكته .
فعلا ما نويت اتكلم عشان ما تصير مشكله ويحصل بعد
لكن هذي هي ارادتها او ارادتهم .

لأول مره انهي علاقه بهالشكل، كل ذكرياتنا اللطيفه انمحت ببلوك
و بلوك كان الرد ع الكلام المؤلم والجارح .

ولحظة ادراك إنها انسانه فعلا تحتاج علاج نفسي
لان جميع علاقاتها السابقه مع صاحباتها كانت بهالشكل وأسوء .
ان شاء الله تمر مرور الكرام هالنهاية .💔


الله يدفع عني البلاء ويجعلها نهاية سنه خير
وبداية سنه جديده ولطيفه علي اهلي واحبابي ❤️
ويعوضني خيرًا في صحبتي 🤍🤍

لا أجد وصفًا دقيقًا، لكنه كالذي فتح صدرك دون مخدر، وجعلك تتصارع مع الألم ورحل !

كل شخص يظن وجعه أقوى وجع ..
ك مثلاا حامل تعاني من وحام قاسي
ومريضة قولون عصبي

الحامل تقول وتسرد وجعها بأنه أعظم وجع لكنها تجهل إنها 9 شهور بالكثير سنه وكل شي يكون طبيعي تدريجيا

أما القولون من وقت الإصابة حتى اللحظة الحالية
ألم وجع غثيان حرمان مسكنات مستشفيات ابر مغذيات
أشعة وفحوصات والألم ما ينتهي .
لو تزعل ع أقل سبب تتأثر ولو تضحك تتوجع لما تجوع تتقطع ولما تشبع تحس إنها مش قادرة تتنفس ورايده تستفرغ .
المشي الطويل وقت هيجان القولون ماهو الا ضغط جسدي ونفسي .
جميع المشاعر تتحكم بالقولون ، والاكل والشرب.


" انتي تتعالجين عنه بيخف عليك بس انا تعبانه "

اقدر تعب كل أم ووحام كل حامل لكن لا تقارنين نفسك بمريضه
في حين لو اصابتها انتكاسة وماحد حولها عادي تبقى مكانها تتوجع ومش قادر تسند نفسها عشان تاخذ مسكن يخليها تهدأ.
بعكسك الكل حولك خايف عليك وعارف وضعك ومستعد لاي شي لا سمح الله ممكن يصير معاك
بعكس انتكاسة القولون المُفاجئة !!
لا تستهينون بأوجاع الأخرين ..
و المقارنة يائسة وغير مجدية.

يفكرون القولون شي سهل بسبب كثرة الإصابة به .
كل مرض مايقارن بمرض اخر لان الاوجاع ما يحس فيها الا صاحب المرض .
مهما كان المرض ومهما كان بنظركم شي عادي لا تستخفون به

وما اقول الا اسأل الله السلامه للجميع

ساعة ونص مليانه خوف وقلق وتوتر
للأن ما تلاشى هالاحساس لدرجة الرجفان
الله لا يوريني في والدتي الا الخير 💔
إحفظها بحفظك واشفها بشفائك ياكريم

منهاره كلمة بسيطه ممكن اقولها
كل فتره نواجه مثل هالانتكاسات
بس كل مره تكون اصعب من اللي قبل
صح نقدر نخفف الانتكاسه ونخليها ترجع لوضعها الطبيعي
لكن مو بكل سهولة الوضع مره صعب .
هذي أمي اللي اسمعها تأن هذي أمي اللي يديها ترجف مو أي شخص ثاني .
ااهه شعور يألم ... ما اقدر ابكي ولا اعبر بالوضع ذا
لان حتما راح تزيد حالتها ... من وين لقلبي الصبر !!
قلبي يعورني احس منكتمه ودموعي متحجره
ي رب لا توريني بأمي سوء ولا ضر وشافيها يا شافي .

محتاجه انام كم ساعه عشان اصحى بالليل
بسس ي نوم اللي بيجني .. اهه ياربي
الله لا يحرمني من سماع صوتها ويطول بعمرها 🤍