من بعد خوف امس احس كل شي متغير فيني
خمول بجسمي وقلة نوم وارق و ألم بقلبي .
افكار ما تخلص حتى وانا نايمه .

هالمرة كانت مخيفه فعلا ..
كل ما اتذكر كيف كانت أمي عيني تغرق بالدموع .
ي الله الله لا يحرمني ولا يحرم احد من أمه وابوه .

البارحه لما صعدت أمي تنام أخذت شيلتها وتغطيت فيها الليل كله
دائما اخذ شيلتها بالشتاء هي تلبسها يوم يوم ثاني تلبس غيرها هههه
الله لا يحرمني منها ومن ريحتها الترد الروح ❤️❤️❤️

كل مره اقول توبه اطلع تحت المطر بس ما اتوب
والمرض بالذات الكحه تحتاج عذر عشان ترجع من جديد
ياربي .. والله مو بيدي جمال المطر هو اللي خطف رجلي لبرا
ولا انا كنت اتفرج عليه من النافذة

الله يصبرني لين تروح .. وإن شاء الله ماتزيد
مالي خلق اروح مستشفى نهائيا ولا اخذ بخار

يوم الجمعه ع الضجة اللي تكون فيه
الا إن فيه مواقف تصير تخليني احب يوم الجمعه
والحمدالله إني أوثق اللحظه واتذكرها مع الايام
أصيد أجمل الرياكشنات وأحلى المواقف اللي تضحك
واشكر الله مليون مره على هذي النعمه اللي انا فيها

في موضوع قاهرني جدا واحس خلاص مش قادره
صح تكلمت وتناقشت وفرضت رأيي لكن ما خلصنا
صار سنه اعيد وازيد بنفس الكلام بسس مافي اي فايده
نفس الاستعجال وردود الفعل والتنازلات خلاص لمتى بنسكت
المشكلة لمة نتكلم ع بالهم نهاجم بس احنا ما نهاجم اللي قدامنا
نهاجم الفكر الجديد اللي فرضه المجتمع علينا غصب علينا وابونا نتقبل
المصيبة لو ما نعرف عواقب الأمور كنت بسكت وبقول يلا عادي
لكن يبقى ان الامور اذا ما سيطرنا عليها من الحين ما بنقدر عليها بعدين .

أخخ من الصبح راسي بينفجر من هالموضوع
وكل شوي اناقش احد وافهمه واقنعه خلاص تعبت
ياريت الأشخاص اللي اقصدهم يفهمون

تصاعدت المواضيع وتشخصنت وصارت هوشات ونقاشات حادة
تعبت متى نخلص من هالموضوع ونرتاح لان جديا بدء الأمر يأثر على النفسيه .
هو خير بس اللي قاعد يصير ابدا أستغفر الله مو خير بالعكس تماما .

هوشات عناد شخصنه وعصبيه وزعل وغيره .
على وش على موضوع مايستاهل
هففف الله يصبرنا بسس ليين نخلص من هالموضوع كله .

رحت لأمي المطبخ وقلت لها ماما بقول لك شي وقربت منها
كان على بالها بقول لها سر وقربت اذنها لي ومنتبهه لي
قربت وحطيت يديني البارده عليها وشهقت مسكينه 😭😂🤍🤍🤍🤍🤍
كانت بتضربني بس ابتعد عنها 😭😂😂
احب أمي وردود أفعالها والله 😭😭😂🤍🤍🤍🤍🤍