مرحبا

شكرا للاستضافة الكريمة ..
وان شاء الله اكون ضيف خفيف
والموضوع ما يتقفلش علي ايدي ...

بكلمة افضل

متجددة

انا متخيل ان كله جاوب وقال هصوم وهصلي وهتعبد
فانا الي يعني هقول هروح الملاهي مثلا ..

السؤال ده لو يتكمل زي .

لو اخر ليك يوم في الحياة اكتشفته انه غدا
وبعد ما مر اليوم اكتشفت انه كان انذار خاطئ
واتكتبلك عمر جديد
ماذا ستفعل ؟

هنا المعادن جوا كل شخص هتبان لنفسه مش للناس اكيد .
لأنه اول صورة هتتبادر لذهنه لا اراديا
هي دي حقيقته اللي يوم واحد ماكنش هيكون كفاية ان يتخطاها فيه ...


بقاله فترة السؤال ده في دماغي
بفكر فيه من وقت للتاني
اول حاجة بتيجي في بالي والله بجد
ان الواحد تافه جدا

الناس دي لو رجعتلها في الماضي
في الفترة اللي في دماغي بما انا عليه حاليا
واختبرته في الحياة دي .
انا هتعب .. احنا مرفهين جدا حضرتك ..
لأننا عاوزين صورة احنا حابين نألفها
لأننا ناقمين علي الوضع الحالي .
ومش قادرين نغير منه

فمتخيلين ان احنا هنقدر نغير من نفسنا
في زمن احنا ماتولدناش فيه ..
لمجرد اننا هربنا بخيالنا ليه ..

يعني مثلا من التفاهة
اني فكرت بشكل حقيقي وجاد
في الفرضية

اول حاجة جات في بالي
الحمام هناك وضعه ايه ههه
و لو تعبت هتعالج ازاي
بطرق العلاج القديمة ..
انا فاكر في بلاد كان بيجيلها الطاعون لحد بداية القرن اللي قات ده
كان بيموت بتاع كام مليون في البلد في شهر بسهولة ..
وفي مشاهد كتيرة جدا لو الواحد ذكرها
هيفهم انه فعليا ماينفعش يتخيل انه يعيش
حياة غير حياته ..
لأنه بكدا بيهرب بس ...
وممكن يكفر بالماضي لو قارنه فعليا بحاضره
لاني برأيي اهن احنا مأهلين بعقولنا نعيش في قرن فات
لان بطبيعة الحال جزء منا متلاعب
هيقدر يتكيف .. ويستغل الوضع لصالحه
بس مع الوقت ارواحنا صعب تنتمي لهناك
لأن اجسادنا متشبثة بهنا .

والله شكلي بفتي .. بس يلا
حبيت احط بعد جديد للسؤال

حاليا .. اعتقد اني احاول اسرع في اجراءات ان والدتي تعمل عمرة او حجة .

هبقي وحش قدام نفسي لو فكرت ارجع شخص واحد بس .

بلاها صعبانيات

ممم سؤال محنك ...
في بديهيات مش هخوض فيها ..
بس الشخصية المثالية في حياتي مافيش ..
بس فيه شخصيات قرأنا ليها منظورهم
لأنفسهم والحياة ..
فبعض افكارهم ككتاب اثرت في افكاري
انا صلا عشان من محبي الانمي
ففي شخصية انمي اثرت في افكاري برضه ..


مش قادر احدد صراحة ..

عشان مطولش في الاجابة
اللي مقتنع بيه
انه مافيش حاجة اسمها حياة حلوة وحياة وحشة
بس اكيد في ناس حلوة وناس وحشة ..
و مافيش حد هيعيش مثلا 30 يوم سعادة متواصلة
الا اذا اختار بارادته انه يتخلي عن حاجة في المقابل ..
قصدي فكرة الحياة بحد ذاتها قايمة علي انك تفهم
انك مبتلي في الحزن والفرح ..
في السعادة والشقاء ..
وعلي اساسها يتحدد بقا
انت من الناس الحلوة ولا الوحشة ..

هاتيلي واحد فيه حلم بيراوده كل ليلة



مابقتش احب اقول شعارات والله ..

الابيض فقط .. ويا ريت لو الغرفة فاضية
لا يوجد فيها سوي الاساسيات بشكل انيق
واحدة من احلامي البسيطة انه عندما اتزوج
ان اجد من تقبل فكرة ان يكون المنزل خفيف
ليس بخلا والله .. تشتري الي هي عايزاه
وترميه في اي مخزن مش مشكلة ههه ..
بس انا بشعر بالراحة
عندما لا تكون الاماكن مزدحمة بما هو غير ضروري ..

مممم عدم المبادرة
انا شخص غير مبادر بطبعي ...
انا لو قعدت مع شخص واحد في غرفة لمدة 30 يوم
لو هو مبادرش بالكلام .. انا مش هبادر..
.. ده في الحياة الاجتماعية ..
اما في الشغل الامر مختلف 360 درجة
سبحان الله يعني ..

لا

والله بقالي شوية بفكر في السؤال ...
مش جاي في دماغي حاجة خالص
مش عارف
حاليا اللي غيري بطبعه بيحسه سار ...
انا بشوفه بطبعي الحالي انه كان طبيعي .
بس انا متأكد لو السؤال ده من سنتين او تلاتة
كانت الاجابة هتكون مختلفة ..

لا يوجد ..

بصراحة دائرتي الاجتماعية ضيقة باختياري ..
لي اصدقاء قلائل انا محظوظ بيهم
مع اني مقصر بعض الشئ ..ولكن سري لنفسي ..

لا اتذكر ... ولا استطيع ان اجزم
ربما ما احبه واكرهه لدي في نفس الوقت ..
ان ذاكرتي قصيرة الاجل .. يعني بنسي بسرعة
حتي الاسماء والوجوه ..

ااذا كان السؤال عن الحياة وليس الأشخاص
فلا شئ غير قابل للتخلي
اذا كانت الموجة اقوي ..
يجب ان اتأقلم ..
في عقلي يجب ان اكون مرن لكل الاحتمالات

مقصر للاسف ..

يا هلا بالخواف .. منور يا نجم

سؤال لطيف والله ..هقولك
التدرج الحالي بتاع سنوات الدراسة شايفه مقبول ..
الفكرة في المحتوي .. مش في عدد السنوات ..

مش هقول كلام جديد اظن

بس اول هام لازم الامتحانات تتلغي في المرحلة الابتدائية بشكل كامل .
لازم التركيز في السنين دي انك تحاول تستكتشف
الجانب الابداعي للطالب بدون ضغوط ..

في المرحلة الاعدادية
لازم تعزز قدرته علي الاختيار والاستقلالية ..

انت علي قدر ما انت بتأسسه في العلوم والرياضة والعربي وغيرهم
فدي حاجات في وقت ما هو قادر بعقله في سنين جاية
انه يتفهمها ويتداركها لو قصر فيها وهو صغير ..
بدليل بتلاقي طلاب كتير فاشلين في المراحل الاساسية
بس الطفرة بتاعتهم بتكون في الثانوية ..
فاللي صعب يتداركه هو الاساس اللي بيكون شخصيته ..
وده العامل الحاسم ...

بيسموها عندنا وزارة التربية والتعليم
انا شايف ان الامر مقتصر عالتعليم في الغالب

لان التربية مش مقتصرة علي الناحية التأديبية فقط
بس الجزء الأكبر مقتصر علي تنمية الجوانب الشخصية للطفل
حتي سن معين ...
وهو هيقدر بعد كدا يكون مسيطر علي حياته..
في المراحل السنية الأعلي .

طبعا ده كوم .. وحوار تطوير المناهج ده قصة تانية في بعض الدول ..