يابني انت اللي كاتب ديوان
انا اتخضيت من الكلمة شوية ..
وكلامك كبير .. اكبر من حقي بامانة ..
احنا اللي بنتعلم منك يا عم ..
بس هما المصريين كدا لازم يساندو بعض في الغربة هههه

بأمانة عشان محورش
لا يوجد اي مشاريع تخص الكتابة ..

انا مضايقاني كلمة ديوان دي معلش ههههه
بس هقولك حاجة والله عن تجربتي البسيطة في الشعر وكدا

وهو ان في منتدانا السابق .. بأمانة اكثر وقت استمتعت فيه
هو اني جربت اكتب شعر وخواطر ..
والفضل لده يرجع ان اكتر من عضو كان معانا هناك
كان مبدع بزيادة في المجال ده ..
لدرجة ان الواحد يتحمس انه يجرب مرة واتنين وعشرة
وكتبت كتير مش قليل ...صحيح مش مقتنع بحاجة كتبتها
بس كنت حابب التجربة والتطور في حاجة من الصفر

لو انا فهمت صح .. فسؤالك ذكي صراحة
انا اشغل ما اعمله ... لأني شغلت
كل ما يندرج تحت عملي الآن ..

شاكر والله لزوق حضرتك وكرم اخلاقك ..


يمكن كما ذكرت في تعليق سابق
ممكن بقرأ مقتطفات في بعض الكتب
لناس بصادفها ..
سواء علي صفحات التواصل .. وغيرها
يعني مثلا مقتطفات لكتب الاستاذ مصطفي محمود
في كتاب اسمه الأفكار في العالم الاسلام
لمالك بن نبي ... قريت مقتطفات منه علي هيئة مقالات
كان اكثر من رائع ...

والله بتعجبني السجالات اللي بتحصل في قضايا الرجل والمرأة
الموضوع كان جديد عليا لما دخلت المنتدي صراحة ..
ماكنش ده النوع المعتاد من النقاشات اللي كنت بدخلها ..

اكيد الصداقة ضرورة ...
انا من رأيي ان مافيش انسان بيختار يعيش لوحده بدون صديق
احيانا الظروف بتفرض عليه ..
احيانا سماته الشخصية بتغلب عليه
ومع الوقت بيستسلم ليها .. بأنه يكون انطوائي ..
الصداقة قاعدة ... ما يشذ عنها استثناء ..

هو يمكن الشعور بالأمان قل شوية بسبب الانفتاح
اللي كان اسرع من قدرة الناس علي التأقلم مع الوضع الجديد
وده نتج عنه حاجات كتير .. اولها قلة الثقة بالنفس ثم في الناس ..
و كثرة الرفاهيات خلت الناس تستسهل الوهم
لأن الواقع يحتاج رجال ونساء ..
وليس اطفال في الثلاثينات والعشرينات .
طبعا الا ما رحم ربي ..

عذرا .. انا متحفظ شوية في النوع من الاسألة ..

حاليا ... مافيش وقت صراحة لممارسة اي هواية اضافية للاسف ..
هو لو خرجنا يوم في كافيه او نتمشي كل فترة مع صحابنا وخلاص

بملي وقتي بأي حاجة
مابحبش افكر كتير لما يصيبني اي شعور سئ ..
بتخطي بسرعة ... بحس نفسي مرن عامة ..

صباح النور يا استاذة هدي ...
اسمي احمد علي فكرة

لا .. انا الفيس عامله للتصفح فقط ..

لا

مافيش والله ..

الحمد الله لم يحدث ..

الحمد الله .. لا ..

المفروض اقول ايه طيب هههه

بشوف مسلسلات انمي من وقت للتاني .

حابب احتفظ بالاجابة لنفسي ..

انا لما مضيت الكونتراتو بتاع الموضوع ده
ماحدش بلغني انه يتعملي تقييم نفسي من اجاباتي
من الدكتورة نفسها
انا فجأة جالي احساس اني اتورطت والله هههه

ونفسي اعرف مين دول اللي قالوا
اتوصوا بيه ..

يمكن مش قادر احدد اي ذكري حضرتك تقصديها
بس تمام ...

يلا اهي فرصة نتعالج ببلاش
ونراجع تناقضاتنا ..
وبعدين خدي راحتك يا دكتور ..واسألي زي ما تحبي ..
بتشرف بحضورك اكيد ..

حضرتك قلتي تعبير مناسب جدا
وهو ان في احلام تبدلت قيمتها بعد فترة من الزمن بالنسبة ليا

لما كنت صغير .. ماكنش لخيالي سقف ..
فأحلامي كانت مبنية في خيالي بدون احتكاك بالواقع ..
وانا متفهم ان ده طبيعة الحلم ..
ولكن الانسان مع الوقت بيتعرف علي سماته الشخصية اكتر ..
وبيتعرف عالبيئة المحيطة بيه اكتر ..
و انا اعتقد ان الحلم اتحجم بالنسبة ليا
لما فهمت طبعي مع الوقت
وعرفت ان الموضوع مش متعلق بيا لوحدي ..

انا كان حلم من احلامي وانا 19 سنة
راسم كدا صورة بسيطة ..
عارفة الريف السويسري اكيد .. كنت بحب انا الحاجات دي ..
دماغي مثلا انه في مرحلة ما ..
هاخد بيت شبه الاتموسفير ده .. و اشتغل فري لانسر ..
وهكون بيت واسرة وبتاع ..
وهدوء .. فقط ..
اوك انا فهمت اني شخص بسيط .
المال بالنسبة ليا مش هدف .
مجرد وسيلة .. ده شئ مريح ..

بس
اوكيه انا عندي مسؤليات
وفي نفس الوقت فين الامكانيات
او الطريقة اللي تخليك تتخلي عن كل حاجة
وتروح هناك فجأة ..
يعني من الأخر لأمر شبيه برحلة
مثالية بزيادة ... وده مش واقع الحال بتاعنا

مع الوقت
الحلم ده مؤجل
بعدها بفترة .. اوك الحلم ده اتنسي ..
فيه اولويات .. في عيلة هنا ..
في تفاصيل صعب تتجاهلها ..
في شغل متأسس انت حجر اساس فيه ..

طيب
انا شخص عملي وواقعي جدا..
وفي نفس الوقت مزاجي جدا ..
مع اني مابحبش كلمة مزاجي دي ... بحسها موضة ههه..
ودي تركيبة صعبة ..
مش عارف توصيفي ليها صح او لا
بس ده اللي فاهمه عن نفسي..

فهمت ان الاحلام مجرد خيال بدون سعي ..
فالحقيقة انك لازم تجمل الحلم بالهدف ..
لازم اتعامل مع الاهداف ..
... عشان اكون قادر اني اتخيل حلم
واهداف قصيرة الأجل اكتر منها طويلة ..

لازم يتجدد كل سنة ..
ده معني التجدد بالنسبة ليا
يعني لو النجاح هو حلم كبير
فخطواته بالنسبة ليا اهداف صغيرة
عشان اقدر اواكبها
وعشان تناسب سمات شخصيتي..
يعني السنة دي مثلا
انا حاطط ليا هدف واحد فقط
حابب احتفظ بيه لنفسي صراحة ..

لما تطول فترة السعي ليه ..