ممكن يكون فهمي قاصر لحاجة زي كدا
بس شبكـة الانترنت هي اولا واخيرا لتخزين وتبادل المعلومات
هي بمثابة تطور لوسائل اتصال قديمة زي التلجراف والبريد والحاجات دي
وبرضه نقلة في عالم الصحافة وغيرها

طريقة الاستخدام انت اللي بتحددها
ما هو الورق ممكن تحط عليه السئ والجيد ..

عامة فكرة البديل لما بتنطرح
بتنطرح علي اساس مزيد من الحماية
من عيون الحكومات والاجهزة الامنية وغيرها
يعني علي اساس الانترنت مستباح ..

بس بديل يقوم بنفس المهام مش يغيرها
مع مزيد من خدمة حماية المعلومات من التجسس وغيره ..
.. اما لو في تطوير فده امر طبيعي اظن ..
يكون فيه نسخة افضل لتبادل المعلومات والاتصالات وغيرها
وده اعتقد بيتم بشكل اسرع من الماضي زي ما انت شايف ..

يا مرحبا بالنايفة .. واهلا وسهلا ...

والله هو السبب تافه صراحة ..
انا كنت بدخل الشات زمان .. ثم المنتديات..
كنت بسجل بقا باسماء بيكاسو .. اسكارول .. ماتيوس..
اي هري بعيد عنك .. تخلف بقا ..

المهم استقريت علي اسكارول في اول منتدي سجلت فيه
في يوم قلت ابحث عن معني الاسم ده ..
لقيت معناه ... الهندباء ..
ولقيت بقا وصفات اكل .. حساء المعرفش ايه بالاسكارول
كان فيلم .. المهم قلت خلصت ..
كان سني 22 ... قمت مغير الاسم لاحمد 22 ..
بلاها كرياتيفتي .. ومن ساعتها وانا 22
مش بكبر الكترونيا

اكيد ندمتي انك سألتي السؤال ههههه

بالنسبة ليا اكيد .. وجدا ..
انا شخص لا يقرأ .. مهما حاولت بحس اني عاوز انام ..
وبالتالي انا عمري في حياتي ما قريت كتاب ..
عشان كدا بحس دايما اني جاهل جدا..
ودي حقيقة والله للاسف ..بقرأ مقالات بس او حاجات بتقابلني صدفة
كاتب مثلا قابلت ليه مقولة ..
بشكل ما بفهم انه شبهي .. فممكن ابحث عنه اكتر
فبلاقي كلام اكتر .. بشوف فيديوهات يوتيوب ..
الثقافة السمعية والصوتية عندي اكبر ..
فاكر اني قريت اول 5 صفحات في كتاب اسمه الفيل والتنين
غالبا جيبته عشان الاسم ..هههه
جيت ابص لاقيته بيكلم عن الهند والصين ونهضتهم وكدا ..
قمت قافل الكتاب ..مارجعتش ليه تاني ..
المنتديات بالنسبة ليا منفذ ..
انا بتعلم بالتفاعل وده اللي لاقيته في المنتديات ..
انا معتمد في ردودي او ما اطرحه علي 80 % بديهة وعفوية

10 % عناوين قريتها وبدورها وتراكمات و10 % ملاحظة وتحليل..
بحاول .. وجدا ..
الناس اللي زي حالاتي .. ماقدمهاش غير انها تسمع الاول كويس
وتقرأ كويس لما تكون في نقاش ..
لأن 70 % من مجال تفكيرك اللي هيثبت قناعاتك ..
هيكون نابع من اخطاء اللي قدامك بملاحظتك ليها..
بالذات لما الاختلاف النابع من اللي قدامي يكون اصرار علي اثبات رأيه عن عند
وبالنسبة ليا بكون سعيد لأنها فرصة جديدة للتعلم ..

ومش قصة لو اتحرجت فرضا لو كنت جاهل في حوار ما ..
ما حدش ليه حاجة عندي ..
بس بحاول مكابرش علي قدر ما استطيع ..

مافيش ساحات حوار سليمة في ساحات التواصل الاجتماعي ..
ساحات التواصل الاجتماعي فوضي فكرية..
ساحات اما لجلد الذات او فرض الذات ..
الا ما رحم ربي طبعا من اشخاص ..
هما وجودهم بيخلق بيئة طيبة للاستماع اكتر منها للحوار ..
انت مشدود عشان اللي قدامك اعلي فكريا
مش عشان انت هتحاوره ..

حديث من غير تحديد .. انا هرغي .. والناس مش ناقصة صداع اعتقد ..

بس ممكن افصح عن حاجة للبشرية
النهاردة يوافق يوم ميلادي يا اولاد
التهنئة حرام .. صباح الفل ..

اهلا وسهلا بمهند ..

مصري ..
منوفي ..ومش بخيل ..
لو السمعة واصلة ولا حاجة

حاسبات ومعلومات

اواخر 2010 ..

انا ما شاركتش غير في 3 منتديات فقط

الاول اسمه شات 12 وده اتباع
التاني مازال موجود ..فاعتقد ادبيا خطأ لو كتبت اسمه
الثالث هو مسك الغلا ..

لا .. لست نشطا ..

لا ..

ممكن اقولك 6 عادي

1 - شطرنج
2 - عطر الندي
3 - امل
4 - النايفة
5 - نجمة

وفي عضو سادس
بتابع مدونته من وقت للتاني لما اكون اوف لاين وهو

عتيم ..

تحسه زاهد فكريا حاليا ..
اعتقد هو مستكفي .. ولكن لو تفاعل في قسم النقاش
وجوده هيغير من شكل القسم ..