فهمتيني غلط يا دكتور في النقطة دي .

بالعكس الخيال مهم جدا لنقلة الشعوب اتفق معاكي ..
يعني ادبيا لو هنتكلم عن واحد زي اتش جي ويلز
اللي هو كان احد مؤسسي ادب الخيال العلمي
الرجل ده كان مستبصر لكل اعجاز علمي حصل

كانت قصصه مش مجرد خيال و منبع للأفلام اللي بنشوفها حاليا
زي الة الزمن والصعود الي القمر
وحرب العوالم وحرب الاليين والبشر ..
والدبابات والليزر .. وغيرهم

بس هو الهم للصعود للقمر
الهم للذكاء الاصطناعي
بس برضه
الرجل ده فنه وخياله كان بمثابة اغراء
والهام في نفس الوقت للتدمير

زي القنبلة النووية .. اللي اخترعوها
و قالوا انهم استمدوا امكانيه تصنيعها من كتابات اتش جي ويلز ...
بس هو خياله ساهم في تشكيل المجتمع الحالي ..

بس ده خيال للمستقبل ...
مش غوص في الماضي ..
وهنا يكمن اختلافنا

انا مش بكلم عن الخيال كإلهام ..
انا بكلم عن تخيل لسيناريو كدافع للتغيير
السيناريو الساذج اللي هيدور
داخل خيال العقل البشري .. بمعطياته الحالية ..
لو فكر بجدية في امكانية انه هينتقل
لفترة زمنية قديمة ... ويعيش فيها ..
وبالتالي فيه امور لازم عند الجدية
هتكون علي سلم اولوياته ..

انا قلت عقولنا هتتأقلم علي الفكرة
ولكن اجسادنا هترفضها بسبب انها اعتادت الرفاهية
وده واقع ...

بمعني ماتقدريش تتعاملي مع فكرة العجز
في الماضي ..
لأنك عارفة ان كان في حل في المستقبل ..
وانتي امكانياتك مش هتقدر تنقله للماضي ..
وده وارد يكسر روحك..

انا مش دكتور مثلا ..
زمان ماكنش في لقاحات ..
زمان ماكنش في قدرة علي تشخيص امراض كتيرة
زمان كانت مفهوم النضافة الشخصية في بعض البلاد الغربية منعدم..

بس زمان برضه كان في ايمان اكبر في بلاد المسلمين
مترسخ معاها مفاهيم الجهاد والتضحية ..
مترسخة فكرة الصبر عند الابتلاء والفقد اكتر ...
كانوا قادرين انهم يتخطوا الكثير من الاشياء بالايمان

فشخص عادي لما هتلاقيه
هيفكر في الفرضية بشكل جدي
هيعرف حجم الفروق الايمانية ..
وبرضه يعرف حجم الهبات اللي عنده
اللي الفها كنعمة .. ومش حاسس بيها ..

التفكير في السيناريو
بشكل واقعي مفيد للشخص انه يفهم .. وقد يحييه
عكس انه يعيشه بشكل فنتازيا او خيال ..فيرضيه ..

هنا الفكرة
الغوض في الماضي .. دافع للتغيير من الشخص نفسه
اما الخيال .. دافع للتغيير من الشكل المادي للحياة ..

و يمكن برضه انا بقيت اشوف التاريخ بمنظور مختلف ...
في شخصيات تاريخية احنا حاطينها في مقام عالي جدا
ولما بتقري في بعض الحوادث والفتن التاريخية
وتتيقني من صحتها ...
بتخليك حابب تستمر برؤية رموزك بصورتهم الايقونية
مش عاوز اكون وسطهم عشان احتمال جزء من الاحساس
هيتغير تجاههم لا اراديا
بسبب المكان العالي اللي حطيتهم فيه ..
قالصدمة بتكون اعلي

احيانا رسم سيناريو واقعي لشئ لن يحدث
بيعطيك بعد مختلف للتفكير ...

انا جاي من الشغل تعبان بأمانة
وصعب اني اخلص اسألة الدكتورة كلها النهاردة
مش عارف ايه النظام بقا في الحالة دي
او بتعملي ايه ؟

انا معايا نص ساعة خطف
فالعذر بقا لو الكلام مش مترتب اوي


فكرة الاستئثار بالقلب نفسها
المعادلة بتاعتها مش مكتملة عندي
يمكن مامريتش بكتير من الناحية دي ..

يعني انا اللي فقدتهم بشكل ما تأثيرهم كان
في القلب متساوي الي حد ما ..
وتقريبا عشت معاهم نفس المدة
لأنهم توفوا في عامين بشكل متتالي ..
وكانوا من العيلة ..
بالنسبة ليا الصعوبة مش في اختيار شخص
الصعوبة في اني افهم طبيعة مشاعري الفعلية تجاههم
وده مربك .. وبالتالي اني ممكن احس اني وحش
لأني مش محدد حجم ارتباطي بيهم ..

علي فكرة في بشر طبيعيين كتير
مش بيمروا بمراحل السسبنس اللي
بنشوفها في المسلسلات والافلام
بحس بمبالغات كتير ..
علاقاتهم العائلية شبه روتينية
جزء من الصورة المربوطة في خيالهم
بتكون مربوطة بمناسبات بعينها ..
بيلتقوا فيها ..
الحميمية مش زي زمان ..
ويمكن برضه كلمة طبيعي بقا المنظور بتاعها غلط
في الزمن ...
لأن الطبيعي يكون فيه حميمية اكتر
بس متغيرات الزمن فرضت الكتير علي ما هو طبيعي
فبقا الامر الواقع غالب علي الطبيعي ..
وده شئ مافيش شخص يقدر يغيره لوحده برأيه
لأنه ماحدش هيقدر يستحمل انه يكون نشاز
في وضع غير سوي ..

و في لقطات في حياة الانسان
لما هتمر عليه هيفهم انها اتأثر فعليا فيها ..
اكثر من اي شئ ...
مش شرط تعيشها في مرحلة عمرية معينة
يعني انا كشخص غريب
لما مثلا حد يقول استئثار او تأثير
يبقي لازم يكون الأمر واضح في دماغي بدون تجميل
او اعطاؤه صبغة ماتكونش لونه ..