،
‏

همسه /

فقدتكم اكيد هذه مافيها كلام

دايم نفقتد ناس
مانحبهم
مانفكر فيهم
ومانتوقع انهم مهمين او لهم اهميه !!
عاديين بالنسبه لنا
يعني مدري كيف افهمكم
يعني عاديين وخلاص

ومن نغيب نحس اننا فقدناهم وودنا نرجع نلتقي بهم
مع انو ماكانت لهم مكانه اساساً في حياتنا
معقوله !!
ماكنا نشوفهم
بس من غبنا الغياب جابهم
دق بابهم
جاب ذكرهم وذكراهم
ايه والله معقوله

تجي صح .. الا تجي ونص كيف ماتجي
هذاني اتكلم بجديه
يعني تجربه واقعيه
لذلك اكيد اكيد في غيري كثير يجيهم نفس الاحساس والمشاعر هذه
صعبه مايكون في ناس تحس نفس احساسي
ويجيها نفس الشعور ذا



‏

..
‏

،
‏

همسه /

هديه اخيراً
لا جد والله جلست افكر اول معقوله اللي كان يهدوني اول ماتو !!
بسم الله عليهم
امممم ولا هي خرافية العينين !!
اكيد واحده من الثنتين
يعني خلاص من دهر بطلو يهدو هدايا وكذا يعني
غاب حسهم واحساسهم
ماعاد به مراسيل ابد

الهديه هذه بما انها من بعد غيبه جت بوقتها
جد هديه ذووووق
يعني ورد
في ازين من كذا اكيد لا
شكراً لمن اهداني
اسعدك الرحمن بقدر السماء و الارض طول وعرض
ولك من قلبي دعوات اتمنى من الله ان لاترد

انا دايم يجيني احساس عابر مين اهداني واتنبأ من
لكن الان والله ماعاد به احساس كذا يعني فقدت احساسي
يمكن لانو من مبطي ماجتني هديه منكم


لجل كذا ان كان بنت او ولد
همسه خاصه لكم

‏لأنها لم تكُن بذاك القُرب !
‏لا تكون قريباً فتُمل .. ولا بعيداً فتُنسى
‏كُن ما بين وبين لتبقى جميلاً
في تدوين الذكرى

‏وشكراً مدد ليس لها نهايه او عدد فذوقكم اغرقني للابد
وش رايكم تقييم من اهل الهديه اكيد لكم الحريه المهم
اي نجمه اشوفها فوق بسعى لها اعيين يمكن من اهل الورد :dance9bh:
‏

‏

..
‏

،
‏

ابد سهله
شوف غيري
تذكر
انتهى دوري !!
على باب الفراق
إنهار ..
وسط عينك تهل امطار
تمحي مابقى مني
تبعثر حرفك النايم
تِكون
انتهى المشوار
وذكرانا
حديث الوقت
تعداها الزمان ..!!
وصار
وجودي اللحين [ مايسوى ]
تعيش بها الزمن محتار
ومن يدري
لعل حظي معك مُنهار !!
خذاني الله من ايامك
وعطاك الله
ورود .. وازهار
تنقى ماتبي منهم
ولاتفكر
امانه ارضى بها [ الاقدار ]


9 فبراير 2017
آسيرة حرف
..
وليدة لحظتها كيبورديه كاتبها اثر فيه
بدون تنقيه كانت كما هي

‏

..
‏

،
‏

همسه
انا كذا ايه والله
احب واستمتع بانتظار الاشياء الجميله
من قبل ماتوصلني
حتى اذا ماوصلتني تكفيني اللحظه السابقه منها
اني عشتها بكل حب وسخاء من مشاعري
لدرجة احس اني وصلت عليها

بس اكيد ما انكر تكتمل بحصولي عليها :x90:

‏

..
‏

،
‏

‏مادام نص الليل روح على خير
‏والنص الآخر باقيٍ له بواقي
‏-
‏ترى صلاة الوتر فيها تباشير
‏وتنفعك عند الله بوقت التلاقي


‏

..
‏

،
‏

‏احب ريحة البنزين
ولي فتره طووويله ماشميتها
كل ما ابطلع سيارت الاهل فُل
تيب مرو يمكن قل

ليت في منه عطر
لان ريحته من اجود انواع العطور الفرنسيه
ولو فيه راح اخذ علبتين في الشهر

مره من فتره
السالفه قديمه قايلت لكم من فتره ماشميته
المهم
مر ابوي يعبي وانا معه
اديته علبه ماء ابو نص
قلت له ادي الرجال
خذاها بعدين استغرب عينلي ليه !!
قلت له يعبي لي بريال بنزين
يا انه عينلي بنظره
خلتني اقول ياخي احب ريحته
رجع عينلي
قلت يابي اقصد
حسيت اني شاميه ع اللهجه التسليكيه

شكلو من بعدها صارو يفللون السياره قبل مايطلعوني
يكفي تعاقبت بما فيه الكفايه
خاطري اللحين اشم ريحته

وبرضو احب حنى جدتي
تحط بينه بنزين هههههههههه يعني ذحين بيحنى ويغدي اسود في يدها

ايه والله احب ريحته عوضاً عن كونه مصدر الطاقه
بالنسبه لي مصدر سعاده

دحين الرجال يقولو اباااااااااو تحب البنزين انتو شابعين يحق لكم عفتوه من كثر منتو قريبين منه

يارب ماعوفه انا

عينو كلكم أخر ما توصل إليه الباحثون أن في رائحة البنزين
قدرة على بث الهدوء في الأعصاب والسعادة في الإنسان

وتلوموني في حبه

‏

..
‏