هذي السنه سويت طعات كبيييره بمعنى انا افتي من راسي و اخربها،،
مهما قلت ابي اهدأ و اوقف افتاء القاني اخربها زيادة،،
لذلك ودي تنتهي بسرعه خلاص..

صحيح صارت فيها احداث جميلة و ممتنه لكل شي،،
بس خلاص ابي هذا الشهر يعدي على خير و ابدا سنه جديدة و حب جديد..

سيد الاحساس،
مالك مشاعري،
استطعت السيطرة
بكل ما تملك من اسلحة،
حتى دروعي لم تحتمل،
قوة هجومك،
اصبحت هشه،
كلما امسكت بجزء،
اصبح برقة الغيم
و خفة الهواء،

و استسلمت،

سلامة رماحك اللي جرحها غالي
طعنتني غاضب لين أنكسر رمحك
لو قلت لي كان أجرح حالي بحالي
لا عاش قلبٍ جزع وارتاع من جرحك
لاجلك جروحي غدن اليوم عذالي
ذميت ظلمك وأنا من عادتي مدحك
ياليت لي ذنب وألقى علقمك حالي
وياليت بك عدل .. وأرضى فـ الهوى ذبحك
ياسيدي وإن نويت تزيد غربالي
قلي وأنا أبعد ظلامي عن سنا صبحك
لو ما يسرك أطو ل الشمس بجبالي
مايكفي إن عشقت جبالك وسفحك
كل الهوى بالهوى يزهى ويختالي
وأنا الذي في خسارة عزتي ربحك
ياعل ماتزهرالأشجار في رمالي
لو أعتذر عن شموخي في رجا صفحك
سلامة رماحك الي جرحها غالي
طعنتني غاصب لين أنكسر رمحك




بدر بن عبدالمحسن

كان يوم استثنائي ،

يوم مرتبط بروحي و الغيم و البحر ،

انا نسيت كل شي حولي ، و الناس و كل شي ،

لقيت نفسي ، بين غيمه و بحر و نسمة هواء باردة

كذا انا و الغيم صحبة سنين

انا بتلت و نسيت خواتي يمشون وراي ،

دقو علي قالو انتي وين رايحه .. قلت مدري !
بس الاكيد اني سجيت ،، و انفصلت عن الواقع

و طلعت للسما بين الغيم


و رجعت لهم و للواقع

في هذه اللحظه و هذه الساعه، انهيت تدريب السواقه العملي،،
اسبوعين كانت من اجمل ايام حياتي، رغم ضيق الوقت و تأخره..
الا انها كانت ساعه و نص لطيفه على قلبي،،
مع مدربة كانت من اجمل ما يكون،
روحها حلوة و طيبة و عايشة حياتها بحب رغم كل شيء
كنت شايله هم اني بكون اخر متدربه عندها و الوقت متأخر
و اكون ثقيلة عليها.. لكن الحمدلله تآلفت قلوبنا
و كنت على حسب كلامها من اجمل المتدربات روح و خفة ظل،
يعجبني الانسان اللي يعيش حياته صح، يملأ كونه حب و فرح..
و بالتالي ينشر الفرح و السعاده للي حوله،،
الشكر اولاً و اخير لله، اللي سهل لي اموري و يسر ظروفي
حتى تواكب تطلعاتي و امنياتي..
ثم لنفسي حب كبير، لصبري و مثابرتي
و تجاوزي لكل شي ممكن كان بيأثر على مسيرة حياتي..
لكن انا ما خليته عقبة في حياتي،،
و ممتنه لمدربتي الي اعطتني من قلبها بكل حب
صبرت علي و دربتني من قلب،،
و شكرا لآهلي اللي يصبرون علي و شكرا لبنتي انها تقدر ظروفي..
و ممتنه لكل الاصدقاء هنا، اللي يدعموني دايم بكلامهم الجميل،
احبكم

اعرف ان السواقه عند اكثركم شي تافه و من زمان تسوقون
و تقولون هذي شفيها طايرة من الفرحه..
لكن هو شي جديد في حياتي، و بديت فيه من الصفر


فوق هالسعاده فيني تعب عجيب..
صاحيه من الفجر و للحين ما نمت
و انا النوم عندي شيء مقدس،،
لكن انا سعيده و حبيت انقل شعوري لكم لاني احبكم
تصبحون على حب و سعادة

نَقِّلْ فُؤادَكَ حَيثُ شِئتَ مِن الهَوى
مالحُبُّ إلاّ للحَبيبِ الأوَّلِ
كَمْ مَنزِلٍ في الأرضِ يألفُهُ الفَتى
وحَنينُهُ أبداً لأوَّلِ مَنزِلِ


صباحكم حب،