حسايف - الشاعر بدر بن عبدالمحسن

التفت ...
وتوها ... توها ما اختفت ...
ماكساها الليل ... باللون الحزين ...
التفت ... وتعالت صرخته ...
في نظرته ...
صاح ... لكن بالنظر ...
وانكسر .... شوفه عثر ...
حسايف .. تذبل الضحكه وهى بين الشفايف ..
تذبل الفرحه وتضيع ...
ويصبح الكون الوسيع ...
مايكفي خطوتين .. لاكساه الليل بااللون الحزين ..
يوم مدلها يده ..
كانت الرجفه لقا ..
ودعت فيها الشقا ..
وتركت بين الاصابع ..
عطــرهــا ..
وعمرها ... عمرها ماجت على وقت الوعد ..
إلا ذاك اليوم ..
وعمرها .. مابكت .. وماضحكت ..
ماحكت له .. واسكتت
مثل ذاك اليوم ..
كانت اجمل من خياله .. كانت انظر ..
كانت اكثر .. من أماني عمره الظامي حنين ..
واختفت .. من كساها الليل باللون الحزين ..
اختفت في الطريق اللي معه..
كانت تجيه ..
كيف دربٍ جمعه معها .. خذاه..
ليتها اختارت سواه..
تزرع الفرقا لياليها .. عليه ..
وحسايف ... حسايف

الــبــــارحــه والـــنـوم مـــن دون حـــراس
كـن السهر مـن غــيــر مــوعــد نـسانـي


غفيت والأحـــلام مــســرى و وسواس
عـلـى عـــيـــون اللـيــل عـــــرت كـيــانــي


غـــاب الفضاء كــله وراء غيبة الـنــاس
وشــــع الـمـنـام بـطـلـتـك يــ أمـــــــانـــي


لـــــ محتك بثـوب الـفــــــرح مـالك أجنــاس
عيـني سمــاء وإنـتي سـهــيــل اليـماني


خطـواتـك تخـيط المســاء بقد مـيــاس
نـور/ن دفـن وجـه الظــلام وكــســانـي


هــزيــتــي غصون الأمـل وانكسر يـأس
ورتــبـي رفــوف الــسـهــر فـي ثــوانـي


وجيتك مــشــاعر عــاشقٍ كـله إحساس
والتمـتمه : تــحــرج فــصـــــاحــة لـسـانـي


ومــن رأس جمرة شوقنا شب هوجاس
وقــمـنا إنـــتــدفـى بـــــه قصيد ومـغـانـي


وقلوبـنا تـرقص عـلــى لـحــــن الأعـراس
وتطير ( أحــبـك ) بيــن ســرب الأغانــــي


وفجأة صحيت وفالجفن كسرة إنعاس
تقول يـا { خـالد } تـرى الحلــم فــانـي


لأخــر نفـس مــن طبطبة باس لاباس
لله جـرحـك يــــ الــنــصــيــب الأنـــــانـــــي


دبله مــن الفضة وخــاتـم مـن ألـماس
جـرحــيـن للــذكـرى ومـعـنى التـفاني


عـذري وعـذر العاشق لـجرحــــه لـبـاس
البشـت والـفسـتان الأبيض وأمــانـي


أسـف عـلـى لـيـلـة عمر مالـها ســـاس
دآم أرتويت مـــن العطش ليه أعـانـي


هي أمنيه وحدة بقت بـيـن الأقــواس
بـيـدينـها عـمـــــري وضـحـكـة زمـــانـــــي


يطيب نومـي والمـساء ينفـي النـاس
وأشـوف حـــــلـم الـبـــــارح بحـلم ثـانـي

اللـي طعنّي بين الاضـلاع وأدمى

هذاك نــدٍ لي ونعمـين فارس

ومن ينطح الوقت الردي قلبه أعمى

كم عامـرٍ خـلاه بالقاع دارس

يـابنت مـالي قلب بـالحب يرمى

كفي سهـام الفاتـرات النواعس

المـا عيـوني أظهـريني مـن المـا

وأنـا غريـق الدمع والريق يابس

ظميـان من مثلي من النـاس يظما؟

وأنـا علـى أحلى الينابيع حارس

والله يالـولا فيّـة عيـون سـلمى

ماشوف كل الناس ضاحك وعابس

مـن طـاب لي بالنـور ماني بظلمة

ومن جـادلي بالغيث مـاني بحابس

ياللي غلاك القلب من قال انساك

ليت الأماكـن تشـترا واشـتريــها
لأطلب اماكن زينة الرمش والخد

وأثار مشـية خطـــوته بأحـتـويها
وماقول خلة حلوة الجــسـم والقد

حلو الخـــواطر نظرته واحتريها
واصدق معالم طـيبة القلب والود

حـســن الشـفايف تبـتغا وارتويها
واجمل منابع نشوة الروح والجد

عشق المحاسـن تهتوى واهـتويها
واطرح سؤالي بطلبة الأنس للغد

كان المـواجــع عـشـقـنا بأعـتليها
ارسم حياتي بسكرة الحب والصد