|
:30: :30: :30: :30: :30: :30::30: :30: :30: :30: :30: :30: :30: :30: :30: :30: :30: :30: :30: :30: :30: :30: :30: :30: :30: :30: :30: :30: :30: :30: |
قلبي كثر ما هو موجوع ما اظن عمره .... طويل |
الدموع لا تغير الواقع ولكنها .... تريح القلب |
الوجع لا يحتاج الى حديث طويل ، احياناً تكون نبرة الصوت نصف الكلام |
عشتَ محروما .. وستظل تعيش محروما |
ليس كل من يضحك .... سعيد فوراء كل ابتسامة حزن شديد |
القلب .. يصرخ ويتقطع من الالم يارب صبراً من عندك :30: |
الصمت هو النقطة الاخيرة لكُل الاشياء الموجعة .! |
الله يريح الناس الكتومة اللي تعيش الوجع لوحدها ...! |
احتاج ثُمْ افتقد ثُمْ احن ثُمْ اتالم ثُمْ اصمت ثُمْ ابكي ثُمْ انام |
فجاة اشتهيت آيسكريم اي احد يبي ياكل معي ، فليتفضل :نبض: :رحيق: > طبعن الدعوة للبنات فقط ههههههههههههه https://1.top4top.net/p_1276e2gx10.jpg |
مساء الخير متابعينن حبيت اعلمكم انو اليوم انجزت انجاااز كبيييييييير واللي هو : خليتهم يشفطون دمي شفط ، وبكامل رضاي > هههههههههه سويت تحليل دم من زمان كنت ابي اسوي ، بس تصدقون كل ما اتفق مع اهلي وتسذا الا واهون ، ومن دون ما اعلمهم ليش هههههه وش تتوقعون ليش اهون ؟ ترا قاعدة اعلمكم سر من اسراري ، السر اللي محد يعرفه غيري ، واهلي بعد ما يعرفونه اظن ههههههه تخيلو انسحب خوفا ورعبا من الابر ههههههه مدري ليه اخاف كذا ، ارتاع لا شفتها ههههههه اخاف تقولون الحين ، مسوية قوية وحركات واخرتها مرتاعة من الابرة .....! ههههههه بس احس طبيعي هالشي ، لانو اغلب البنات اللي اعرفهم يخافون من الابر ، ف الوضع عادي يعني ههههههههههه المهم شسمه سويت فحص cbc وفحص فيتامين d ،، عشان ابي اشوف وش مخبصة بروحي بالسنوات الاخيرة ههههه ، لانو اخر مرا فحصت تقريبا قبل 3 سنوات او اكثر ، بس مو متذكرة ليش سويته ،، وقبلها لمن كنت مرا صغيرة فحصو لي كذا مرات ورى بعض ، مدري عشان الالم اللي جاني برجلي فجاة ، وللحين متذكرة كنت اطلع من البيت لين المستشفى ، كنت اكون شبه "المغمى عليه" ما اطالع شي ما اناظره ، لين ما اتخلص من الشفط هههههههههههههههه والحين كبرت المفروض ما اخاف ، بس للاسف الشديد الخوف مغرز غرز هههههههههههههههه بس اليوم لا حاربت خوفي كل الحرب وتحديت مع نفسي اهم شي وكمان لانو ما كنت ابي اضيع الفرصة الذهبية تخيلو ..! كنت في سابع نومي ، الا سمعت الدكتور جاي عندنا بالبيت عشان فحوصات الوالدة ، وانا ع طول نقزت من مكاني ووقفت بالطابور ههههه لانو المستشفيات لحالها تحححطم والله ،، المهم وانا واقفة بالطابور حاولت انسحب برضو هههههه بس كنت متحدية مع نفسي > عاد معروف عني اذا تحديت بشي اتخطى كل الحدود هههههههههههههههههههههههههه المهم رحت وجلست عند الدكتور ، ومديت يدي مثل البطلة ههههههه ، ويوم هو ربط ع ايدي هذيك الربطة اللي تبرز العروق ، قسم بديت ارررررتجف والدكتور يقول لي لا لا تحركي يدك بيصير مشكلة بعدين ههههههههه طيب كان حطيت شي تحت يدي ! من اول ارتجف وتبيني اشيل يدي بالهوا معلقة ! طبيعي تتحرك ههههههههه واللهم لك الحمد ما حسيت بالالم ،بس بغيت امووت يوم سمعته يقول الدم ما يطلع < هنا انا قريت كل الادعية ههههههههههههه لانو تذكرت قد صار مع اختي كذا ، هو اذا الدم ما يطلع بسرعة ، يطلعون الابرة ويضربونها بمكان ثاني ، واذا برضو ما يطلع ، يضربونها بمكان ثالث ورابع لييييين يخرمون ، كل ابو المكان خرم هههههههههه بس الدكتور الله يجزاه خير ، شكله عرف اني خايفة وتسذا ، ظل يسحب من نفس المكان لين ما طلعت الكمية المطلوبة ،، وبس والله ، كذا انجزت هذا الانجاز العظيم ، ههههههههههههههههههههههه والحين شايلة هم شي واحد بس اللي هو ، نتائج التحاليل > يارب يارب ما يطلع فقر دم هههههههههههه والله قاعدة اهيأ نفسي من الحين ، لو طلع لا سمح الله ههههه راح اسمع المحاضرات الطويلة والعريضة من قبل جميع افراد الاسرة ،، > لانو من شهر تقريبا قاعدة اكل وجبة وحدة فقط باليوم ههههههههههههههههههههههههههههههه والله يستر بس وشسمه لي عودة ان شاء الله مع النتائج ترقبووووووووو :رحيق: |
يقول الحسن البصري : لا اظن ان الله يعذب رجلاً استغفر فقيل لماذا ؟ قال : كيف يلهمه الاستغفار ويريد به اذى ؟ "وما كان الله معذبهم وهم يستغفرون" |
مساكم الله ب الخير ي متابعين مدونتي وزوارها اللي يسال عن سبب غيابي قولوله النوم هاد حيلها والله هههههه صدق مب حالة ذي ، 24 ساعة نااايمة ! ما غير اصحى ثُم ارجع انام اصحى ثُم ارجع انام ،! وهذا يدل على شي واحد بس (اني وصلت مرحلة ابي اهرب من واقعي باي طريقة ،،) > المهم ما عليكم منه شسمه شوفو وش طلع بالفحوصات اللي سويتها هو انا لما جيت افحص سالت اخوي عن انواع الفحوصات ، ع اساس اني كنت ابي الفحص اللي يكشف فقر الدم فقط ، ف قال لي لازم تسوين مع فحص cbc فحص الفيتامين d بعد > شكله كان حاسس والله ههه وانا كنت مترددة اقول اسوي فحص الكوليسترول والا فحص السكر احسن ، من الفيتامين d ذا < هههههه غشيمة المهم تخيلو سبحان الله الفحص اللي كنت خايفة يطلع فيه بلاوي طلع سليم ، ومافيه شي الحمد لله والفحص اللي كنت واثقة وما كنت ابي اسويه اصلن ، طلع فيه هوااااايل ههههههه الفيتامين d طلع مراا نااااااااااقص شلون ما كنت حاسة ، وكيف ما عمري اشتكيت من اعراضه والله ما اعرف ، بس صراحة ما ابي اقول لكم نسبته واصدمكم هههه لانو حيل حييييييل منخفضة ، لدرجة جتني تهديدات من بعض افراد العائلة هههههه بغو يقطعون علاقتهم هههههههه المهم المشكلة عندي بالعلاج يقولون الشمس ضروري ، وانا ما اطيقها خير شر ، مدري كذا من صغري اهرب من اماكن مشمسة ، لدرجة مستحيييييييل اطلع مشوار بالنهار واذا طلعت طول الطريق المزاج يكون متعكر هههههه الحين حتى لو اقنعت نفسي بالجلوس في الشمس خايفة والله انه لوني راح يتسممممممر < مع نفسك ههههههههههههههههههه بس صدق استغرب من اللي يسوون تان ومدري ايش ، ابد مو داخل مخي المهم وبس والله ،، ادعولي الاقي حل غير الشمس ، مع انه ما عندي حل غيرها ، لان الحبوب والكبسولات احس بذاتها ما غير تجيب الامراض ، شالفايدة اتخلص من مشكلة ، واوقع بمشكلة ثانية ،! عاد مو ناقصين |
مؤلمة .. دقات القلب ، عندما تضرب شوقا .. لأحدهم ..! |
احياناً .. عندما تسترجع احداث حياتك ستكتشف ان اكثر شخص انت مدين له بالاعتذار ، هو نفسك !! ^^ للاسف فعلاً :30: |
عجباً أيها الليل ........!! يقولون عنك هادئ وفيك تصرخ كل القلوب |
على طاري اليوم يوم السبت ،، > لحد يطمر ويقول اليوم الاحد < الاحد ينحسب من بعد اذان الفجر ههههههه شسمه ،، اسبوع الماضي سافرنا لمكان انا وخواتي مع اثنين من اخواني ، ورجعنا صباح اليوم التالي يوم الاحد ، والمسافة اللي قطعناها كانت حوالي 900 كيلو متر تقريبا > من البيت للبيت يمكن ذي اعجل سفرة سافرتها بحياتي ، كان في شغلة هناك ابو نص ساعة واول ما خلصناها بغينا نرجع ، الا رحنا عند عمي هو ساكن هناك ف رحنا عندهم زيارة اخر الليل > هههههههههه حرام قومناهم من نومهم المهم .. اول ما وصلنا بيتهم ، كنت ع وشك اصيح صيحة يسمعها سابع الجار ، لانو هالزيارة قسمن كانت عبارة عن قلب المواجع بمعنى الكلمة ،، تذكرت كل املاكي الخاصة اللي فقدتها :30: ومنها جدتي الله يرحمها ، قبل 16 سنة كانت تكون موجودة بنفس البيت وكنا دايمن نروح نزورها ، نفس الغرفة ، نفس الصالة ، والحي بعد نفسه ، اقصد وضعه بريحة الغنم والنخيل والخ الزبدة .. ما اذكر اني قد تاثرت لهدرجة مثل هالمرة ، مع انو قبل شهرين جينا بيتهم والوضع كان تمام ، بس خلال شهرين هذي كل شي تغيررر كل شي :30: > ما عليكم ، شوفو ذي النخلة من قبال بيتهم https://k.top4top.net/p_1296rocdf0.jpg |
اصعب .. ما يمكنك فعله ، هو : ( اجبار مشاعرك ، على اتخاذ طريق آخر ، يعاكس احساسك تماماً ..!! ) |
للارواح الصابرة .. اطمئني ،،، ( سيمر كل مر ..! ) |
ودي احكي ..! بس ما عندي كلام .. جيت ابحكي .. لا شعورياً بكيت |
ما في اسوء من شعور الغيرة احياناً تكون على اشياء سخيفة لدرجة انك تخجل من قولها ولكن بنفس الوقت تحرق قلبك وتهلكه :30: |
https://youtu.be/FqnGCap0nb0 اللهم ارحمهم برحمتك :30: :رحيق: |
اكره شعور .. لما اجلس اقنع نفسي ان الشي عادي ومايزعل ، وهو جالس يوجع قلبي |
اخيييييييرن ( فيس بكي ) كنت مستنية المغرب بفااااااارق الصبر عشان الحق الصلاة وادعسها نووومة طويلة < تجهيز (غيبوبة) مب نومة > مواصلة من امس ، ساعة 9 الصباح ، اللهم كذا غفوتين بسيطة بس ،،! والحين خلاااص طفيييييييييت انتهييييييييت ، اشوووووف الدنيا مربعة ههه نشوفكم على خير :رحيق: |
الحمد لله نمنا وشبعنا نووووم ومروقين ،، بس من صحيت احس بوجع حول القلب او بالقلب ، قالو برد او من وضعية النوم الخاطئة ،، بس اتذكر الحين ، يوم جيت انام كان واصل معي ع الاخر ومتضايقة ،، يقولون الزعل والضيق وقت النوم مضر جدن ، وممكن يسبب اي خطر ما يخطر ع البال الله يكفينا بس :رحيق: |
تبكي سراً ؛ وتضحك علناً تلك هي الارواح التي ارهقها الحنين |
|
https://1.top4top.net/p_130834q1i0.jpg ^^ بنآخي البثر :نبض: من اهم ميزته ، يناديني باسمي كاني اصغر بناته هههه الله يحفظه ويحميه :رحيق: |
الحمد لله على كل حال :رحيق: |
|
ربي ارحم ، وجهاً بشوشاً فقدناه وصدراً رحباً ضاقت بنا الدنيا بعده :30: :30: |
https://4.top4top.net/p_13146k0690.jpg ^^ شوفو مين مقيمني ؟ < للعلم هذا ثالث تقييم منه بمدنتي > كبر راسها خلاص ههههههههههههههههههه _ اشكرك مديرنا على مرورك واعجابك وتقييمك بمدونتي :رحيق: واحب اشكر كل من قيمني عليها منذ افتتاحي لها :رحيق: ولو اني ما قدرت اصور واحتفظ وارد على تقييماتكم :رحيق: بس يعلم الله ان تقييماتكم سعادة على قلبي :رحيق: |
|
بالله ابي اعرف ليه الناس يسهرون بليلة العيد ؟ وش يستفيدون منه غير تشويه منظر صباح العيد لوهلة حسيت الحين اني بين الشهداء هههههههه استغفر الله تصدقون العيد هذا قضيناه احنا لحالنا من غير اي بشر ومخلوق ثاني ، اقصد احنا الاخوات والماما فقط ..! لانه اخواني كلهم حاجين ومعاهم اختي الكبيرة ، وخالي برا المملكة ، واعمامي كل واحد بمنطقة وساحب ؛26: والعمة مب دارية ارضنا من سمانا ، وابوي مدري متى يرجع ؟ ؛( ؛30: |
فيني صيحة بس مو قادرة اصيح قسمن احس دموعي نشفت من كثر الصيحة من شوي شفته بالمنام ، شفته وهو يتكلم عن وفاته بنفسه وايده كانت بايدي ، كان جالس معانا وبغى يقوم من مكانه مديت له ايدي عشان يتكا عليها ويقوم ويوم قام ظل ماسك ايدي ويتكلم واخر شي اللي قاله هو اللي ما قدرت اتحمله وفزيت من نومي بعده ع طول قال ( وقتها من شدة الالم كنت اصرخ من الداخل وانكسر ) احنا دايمن نحسب انه هو ما عانى كثير وما اشتدت عليه سكرات الموت وهو كانه حاول يعطينا هذي الرسالة انه مهما الانسان يكون صالح ، لا بد من انه يمر من هذي المرحلة ،، رجيتكم بس ادعو له بالرحمة :رحيق: ؛( واعذروني ما عندي احد الحين حسيتني لازم افضفض وفضفضت هنا |
عيني على بكرهـ .. وقلبي مع الامس فيني تناقض مالقيتهـ .. بمـ خ ـلوق ..! |
من غصة الحنين ..! يحدث ان تضحك جداً ، وتطيل صوت ضحكتك ،، لتخفي حجم البكاء في داخلك ..!! |
كم اتمنى ان توجد مكعبات ( سعادة ) اقذفها كل " صبـاح ومسـاء " في اكواب قهوتكم اسعد الله صباحكم بكل خير وسعادة :رحيق: https://2.top4top.net/p_13233o2c20.jpg |
قال ابن القيم رحمه الله .. المؤمن لا تتِم لهُ لذة بمعصية أبداً ، بلْ لا يُباشـرها الا والحُزن يُخالط قلبه ، ومتى خلا قلبه مِنْ هذا الحُزن !! فليبكي على موت قلبِه ..! |
| الساعة الآن 03:19 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا