|
https://a.top4top.io/p_24061sx7u0.jpg انني هنا :نبض: لي اكثر من سنه ونص ما جيت المدينه عشان هيك عم احس حالياً اني اسعد انسانه بهالكون :نبض: |
طبعا قبل كل شيء الف الحمد لله على سلامتنا تو كملت نومي عقب السفر الشاق والمتعب عاد ما احتاج اشرح لكم كثير بالي صار معنا بالسفر لانو مدونة صعفق طاش كندي تشرح لكم النص، والنص الثاني اشرح لكم انا *https://www.al2la.com/vb/3164017-post1405.html عاد الخطه كانت العمره قلنا اول شي نزور المدينه وبعدها المكه والعمره يوم جينا نطلع من المدينه رحنا وادي الروحاء< كانت من ضمن الخطه عاد الي ما يعرف لازم يبحث عن هذا المكان ويزوره، عني انا حسيت بانجاز يوم قريت عن هذا المكان ويوم دريت انه وادي من اودية الجنة< كانت اول زياره لي :نبض: واهم شي شربت من موية بئر الروحاء :نبض: المهم كان كل شي على ما يرام لين وصلنا بدر ويوم جينا نتعشى الا وواحد من عيال اخواني طاح علينا فجاه اتبهدلنا بالاخير وديناه المستشفى، قالو لازم يجلس 24 ساعه تحت الرعايه (المشكله ما كان فيه اي سبب واضح لطيحته) جلسنا محتارين بالسياره ما ندري وش نسوي نستاجر لنا شقه والا ساعتين ونمشي، وراحت علينا ساعتين ثلاث بالحيره (وانا الي ذبحني هناك الجو المكتم لاني كنت قادره اجلس جوه السياره ولاني كنت طايقه الجو بره لانو اساسا تخنقني اجواء المدينه الي فيها بحر او الي قريبه من البحر، الجو المدبك يخنقني) المهم سوو للولد تشيك آوت من المستشفى يوم شافو وضعه تمام وجينا نمشي الا السما بدت ترعد وتبرق، وذاك الهوا القوي ومع الغبار، يعني الكراسي والاشياء الثقيله كانت تسبح في الارض من قوة الهوا تقول اعصار فعلا ويالله طلعنا من هناك الا المطر بدا ينزل وانقلب الطريق سيول ويالله يالهواجيس مشينا كم متر وغرزنا وبنفس الوقت وبنفس الطريق غرز اخوي سيارته ورانا (كنا 3 سيارات) الثالثه ضيعناها باول الطريق، عاد ما اقدر اوصف القلق والتوتر الي عشته، كنا مغرزين من تحت ومن فوق امطار قويه وصوت الرعد وخيوط البرق بالاخير دق اخوي ريوس بكل ما عنده وطلعنا عكس لين مسكنا الخط (الي ما يعرف طريق بدر هو خط واحد للرايح والجاي) كانت الدنيا مغبشه ي دوبك تشوف مترين قدام والسياره جايه من قدام بعض ما تدري مين يجي يصقعك او انت تصقع احد عاد ما خليت دعاء وما قريته، تبت وتشهدت وتصدقت ههههههه وقتها دار ببالي كل انواع الحوادث الي شفتها بحياتي :30: المهم استمرينا واستمر معنا المطر لين محافظة رابغ وبعدها خف الزبده السفر الي يقطعونه ب 4 ساعات قطعناه ب 16 ساعه لكم ان تتخيلو التعب والمشقه ما عليه اهم شي الحين انا في بيتي وتحديدا بفراشي ومكمله نومي تسع ساعات :نبض: والحمد لله دائما وابدا :رحيق: https://e.top4top.io/p_2410uans10.jpg هنا حددت لكم بالخط الاسود المكان الي انحشرنا فيه والخط الابيض الي قطعناه تحت المطر عاد الصوره سرقتها من مدونة صعفق هههه |
https://k.top4top.io/p_2413mlm7d0.png لا ، كدا كتير وربنا :نبض: العاده نسبة التقييم تكون اعلى من اللايكات لكن هالمره عكس صدق تفاجئت مشكورين وربنا :نبض: كلمة (وربنا) ترا اكبر دليل اني ما عاد صرت اكره اللهجه المصريه :نبض: عاد اعلن براءتي عن نفسي لحد يروح ورا بالمدونه حقتي مدري ويش كنت اتعاطى وقتها وكمان في سبب راح اوضحه لكم بعدين |
https://l.top4top.io/p_24209e7fg0.jpg وشاء الله ان ازور هذا المكان مجدداً :نبض: بحياتي اول مره اجي المدينه كذا مرتين بفتره قصيره اشوا لقينا فرصه نعوض البهدله الي صارت معانا بالمره الي فاتت اكتشفت ان كل ما زاد عدد السياره معك بالسفر تكون البهدله اكبر الحين سياره وحده ومرتاحين المهم الصوره لقطتها امس قبيل المغرب :نبض: |
https://www11.0zz0.com/2022/09/01/08/854514097.jpg ي عمري الي وحششتها :نبض: > ي جعل ما يوحشك غالي اولا اشكر للي صوت لي احمد العالمي & كوكب ثمن انتي ي الي تمدحين خطي مع انو انا ادري وانتي تدري والكل يدري انو خطي ماش هههههه اصلا يوم شفت اسمك من ضمن المشاركين استحيت وسحبت ع المسابقه لكن بالاخير ما حبيت افوت جائزة تاتي :نبض: ال500 مشاركه هههه وشاركت باخر نص ساعه ويوم شفت عندي 2 تصويت وربي ضحكت، قعدت افكر وش الي حدهم يصوتون لي هههه الله يسعدهم يارب المهم كلمة وينك مع علامة استفهام تراها ع الجرح تصدقين الكل يسال نفس السؤال بس مدري ويني https://www11.0zz0.com/2022/09/01/08/823922739.jpg كذا وضعي ^ حتى بالواتس يعني معاكم ومو معاكم مدري كيف المهم لحد يتعود على غيابي وبس ويسعد مساء الجميع :رحيق: |
https://k.top4top.io/p_244158sci0.jpg عجزت اتخطى هذا التقييم قلت لازم احفظه عندي بالمدونه للابد مع انه هذا من قبل اسبوعين لكن لازم انه ينحفظ هنا كان ودي اقول لصاحب/ة التقييم بما انك قرات كل حرف وكل كلمه في مدونتي انك تحلل شخصيتي من خلالها وشكرا ههههه وايضا شكرا لك على 62 لايكات اخرى ومتابعتك شرف لي وربي :رحيق: |
ما اعرف متى يكبرون ويفهمون ان الويكند للراحه وللنوم فقط حرفيا اكرررره طلعات الويكند امس العشاء ما صدقت اني احط راسي وانام الا واهلي كلهم يبون يطلعون ويتمشون اضطريت اتهاوش معهم للاسف هههه عشان قعدتي بالبيت الزبده خذيت لي نومه زي العسسل ومن 4 الفجر جالسه لحالي مصحصحه ومروووقه والبيت كله مكبر المخده هدووء واستكنان مو طبيعي اخيرا ما عندي شي اليوم اسويه !!!!!!! والله اني اشتقت يعني كنت مشتاقه اناظر للسقف كذا وهو يناظرني هههههه المهم حتى الاكل بالويكند احس حلاته بالفراش زهقققت حرفيا من كلمة طالعين خارجين رايحين جايين |
لي سنين ما اطلع بيوم الوطني مكان مدري ما احب الازعاج لكن هالسنه صاير في تغيّر حجزو استراحه من اليوم وانا غير اني رايحه معهم الا وقاطه بععد :نبض: الزبده كانو متفقين ع الساعه 4 العصر وللحين محد له حس وانا ماسك معي الروتين الصحي مع اني نمت امس ساعه وحده الليل عشان اقدر على نومة الصباح لكن قايمه من اذان الفجر شكلي كالمعتاد حتى اليوم راح انام العشاء بس اهم شي ما تفوتني مسابقة تاتي :30: المهم.. قصيت لي غره :نبض: صار اول مره بعمري غرتي توصل للكتف وقصيتها اليوم مع انو ما كان لي نيه ابدددد اني اقصها :30: استغليت وضع الهدوء استغلال حطيت لي حنه بعد :نبض: والحين بروح اغسلها بشوف اللون كيف :نبض: |
صباح الخير.. صدق الي قال من زان نومه زان يومه من صحيت وانا قافله معي متعوده انام بدري حتى ما اتعشى امس كانت اخر جولة حق مسابقة تاتي واخذت غفوه بسيطه بعد ما حطيت لي سبعه وعشرين منبه قبل الساعه 10 عشان ما اخسر في اخر الجوله المهم .. بعدها جيت انام الا واختي الصغيره جت تنطنط فوق راسي عشان ايش عشان اكون صاحيه مصحصحه بعد يومين في العزيمه وما نمت الا الساعه 2 الليل وتلقائي قمت الساعه 5 الفجر يالله ي الصدااااااع والغثيااااان وفوق هذا انحرمت من شي اليوم الي كان قلبي يحبه في محل عندنا يبيعون فيه شوربه من سنين واحنا ناخذ منهم وكذا نشرب بالكاسات بدون اي اتيكيت المهم قبل سنتين دريت انهم يخلطون مرق التقاطيع او الكرش فيها وانا يوم سمعت كذا هجرتها سنتين والشوربه هذي يحبها قلبي ما قويت من كم يوم جلست اقنع نفسي واكذب ع الخبر واقول الي قالها يمكن اشاعه الحين ما تهنيت فيها شهرين اليوم وانا اشرب الاقي ف كاستي قطعة كرش > الله يديم النعمه بسس ليه ليه كل ما حبيت شي من قلبي اضضطر ابتعد عنه :30: |
صبّح صبّح عطوني كاسة ماي بالله ياخي محدثتكم توها ترجع بعد قضاء 8 ايام خارج التغطيه مدري احيانا اخربها الاسبوع هذا اعطيتني اجازه من نفسي وبدون سابق انذار لاي احد فجاه اختفيت وسحبت ع العالم كله المهم.. حسيت بشعور غريب يوم رجعت البيت بعد هالمده لدرجة اني سويت جلسة بكاء دمعه عقبها دمعتين ثم ثلاث واربع وبعدها اررررررتحت مدري وش كان شعوره المهم.. على هالطاري قبل كم سنه كنت من النوع الي مستحيل اصيح بسهوله حتى لو شنو كنت اشوف البكاء نوع من الضعف وكنت اقاوم لكن الحين نظريتي تغيرت صرت اشوف البكاء مصدر القووه حرفيا احس كل ما بكيت صرت اقوى لذالك.. احب انصحكم فيه بس اهم شي انتبهو مش قدام الناس < لا زالت تشوف انه ضعععف وانتبهو يمر عليكم موقف حزين وتمشونه لازم تعطون كل حزن حقه لا تتجاهلون ابد الرغبه بالبكاء اجلسو صيحو لين ما تحسو انو ما عاد بقى من الدمع شي ياخي شعور هالعباره (كيوم ولدته امه) بمعنى الكلمه < من ناحية الراحه الي تجي بعد البكاء ^ ويا حبذا لو هالجلسه تكون على سجادة الصلاة :نبض: والمعذره :رحيق: ما عرفت ارد بالتقييمات وانا خارج البيت وخارج التغطيه :30: |
ما فائدة ان يكون الإنسان محبوبًا وهو لا يملك شخصًا واحدًا على الأقل ليتحدّث معه عمّا يؤلم قلبه؟ ..:30: |
1444/3/25 الحمد لله دائمًا وابدًا على كل حال اللهم اجرني في مصيبتي واخلف لي خيرًا منها . - اللهم إني أشهدك بأني قد رضيتُ بكل ما أردته لي من عطاء ومن حِرمان من جبر ومن كسر من فرح ومن ألم ومن نجاح ومن فشل رضيت بما قسمته لي فأرضِني بفرح وجبر من حيث لا أحتسِب |
اللهم آمين :رحيق:.. شكرا لكم على الدعوات الحلوه والجميله وابد الله يسلمكم ما فيه شي كايد الدعوه هذي انا اقولها في كل صغيره وكبيره يعني الحمد لله ما في خبر وفاه ولا شي صارت لي حادثه بسيطه في طريق الحياه وحسبي الله ونعم الوكيل فيمن كان السبب واللي بسببه انحطيت في هذا الموقف حرفياً ما عمري وصل فيني هالمواصيل اني اقوم ادعي على احد :30: لكن هالمره ما برد قلبي الا بهالطريقه كان فعلاً اسبوع مرهق جداً > من كمية الالم والصدمه من الاربعاء الماضي لهذا الاربعاء والحمد لله اولاً وآخراً واكيد الحياه حلوه رغم مرارتها بكرا راح انسى ولا كانه شي صار والمهم والاهم شكرا لكم والله للمره الالف :رحيق:.. |
عبارتي اللي دايما اقولها للناس (اعطو كل حزن حقه) احيانا ماعرف اطبقها بنفسي طول الاسبوع الي راح كنت طريحة الفراش والسبب اني ما اعطيت لنفسي فرصه انها تاخذ وقتها من الحزن والارهاق حاولت اني اتجاوز الموقف دون لفت المزيد من الانتباه لكن بالنهايه صحتي هي الي دفعت ثمن المهم لا باس اخذنا الوقت الكافي من التعب حدثنا وفضفضنا عانينا وتعافينا وراح نبدا من جديد ودام اني دعيت على احد بالعلن راح اقول بعد انو ما عاد في خاطري شي على احد واني نظفت خاطري وسامحت احس انك تكون شايل بخاطرك شي على احد اثقل من انك تسامحه بينك وبين نفسك لذالك دايما اني اسامح لنفسي ولذاتي بغض النظر عن حجم الاذى او الشخص |
اول مره يصير معي انه امس كان يوم ميلادي وانا دوبي اتذكر الحين > دليل ما عندها وقت تحك راسها طبعا ما عمري جتني هديه ولا قد سويت حفله واحتفلت ولو بكيكه صغنونه في هذا اليوم بس انه دايما يكون في بالي كل سنه اجلس اتخيل واتامل واروح افاجئ ماما واقولها يمه مبروك تتربى في عزك ان شاء الله تقول على شنو تحسب انه صدق فيه بشاره جديده هههههه عاد انا من مواليد يوم الثلاثاء دايما اهلي يطقطقون علي بسبب اني مولوده فيذا اليوم يقولون خُلق المكروه يوم الثلاثاء لكن انا حبي ليوم الثلاثاء غير صحيح احب كمان يوم الاثنين والجمعه ويوم الخميس بسبب الاجازه لكن الثلاثاء عندي يوم مميز احسه كذا يوم هادئ ودافئ وكافي خيره شره وعلى قولتهم لا ينكد ولا يسعد احد وطبعا فيه تشابه طبع بيننا احسني حرفيا كافيه خيري وشري المهم لي 25 سنه وانا حاقده على راعي البقاله بعلمكم سالفه ولحد ياخذها طقطقه ماني ناقصه ههههه يقولون يوم انولدت جدتي ارسلت اخوي البقاله عشان يجيب الكيكه > عاد مدري وش نوع الكيكه الي كان يجي من البقاله وقتها المهم وراعي البقاله تلقف وسال اخوي على شنو فرحان وتبي الكيكه ويوم درى قال فرحانين على انه جاكم بنت !!!!! عموما التمس العذر لاخوي على انه ما رد عليه بسبب صغر سنه والا لو الحين متاكده كان جاه رد كذا ............. هههههههههههههههه المهم صباحكم ومساءكم رضا وسعاده :رحيق: |
عاد وحشتني مدوناتكم بزااااف لي اكثر من شهر وانا ما دخلت الا مدونه ومدونتين هالحين بقعد لكم قعده اصبروووو هههه المهم نسيت اكتب لكم التاريخ الميلادي تبعي بالهجري 1415/5/20 بالميلادي 1994/10/25 احس تاريخي مميز حبتين ما هيك؟ شسمه لاحظت اني كاتبه فوق اني حاقده من 25 سنه قلت لازم اعلمكم انه هذا مش عمري هذا سلمكم الله (عمر الحقد) الي انزرع تجاه راعي البقاله طبعا مافي مانع اني اكتب لكم هنا عمري الحقيقي من ورى الشاشه لو بالواقع مستحيل اعلم احد الا الدكاتره ما احب اجلط الناس ع الفاضي اول يحسبون اني اكذب عليهم واكبر عمري لذالك الحين يوم يسالوني اجلس اكذّب عليهم واقول لهم على حسب توقعاتهم طبعا مش بس انا حتى خواتي ونجلس نكذّب عليهم بالترتيب ههههه خواتي كلهم فوق الثلاثين عداني والي بعدي ومحد يبان عليها عمرها تقول حرفياً شلة المراهقات هههههههههه ويوم يسالنا احد كم اعماركم نقول وننقص اعمارنا على حسب ما تقول اكبر وحده من بيننا مره من المرات وحده من خواتي الي اكبر مني 7 سنين قالت انا عمري 23 والي بعدها قالت 22 وانا قلت 21 والي بعدي قالت 20 جلست المراه حيرانه تقول لامي جبتيهم كلهم بفرق سنه وماما ما عندها كيني ميني على طول افضحتنا هههههههههههههه اختي الي بعدي اخر العنقود للحين تسوي يعنني كبرت وما تخبي عمرها احيانا لما احد يسال هي على طول تعلم عمرها واحنا نتبهدل وعلى حسب نكبر ان قالت 25 اقول انا 27 والي اكبر مني تقول 28 وهكذا واحيانا ننقفط لما وحده من اخواتي الكبار تكون مكذبه عليهم بعمر اصغر وانا اجي اقول عمر اكبر هنا ننقفط عيني عينك هههههههه لو بيدنا نقول توائم وننهي السالفه كلها ههههه اعرفهم يصدقون على فكره انا ترتيبي الخامس بين خواتي لذالك احس اني لازم اعذر راعي البقاله على تفكيره القديم والله يعين بناته ان كان عنده بنات |
صباح الويكندددد الجميل :نبض: ونسجل دخول لجل عيون ميهاف :نبض: اخر مره اتفقت معاها اني معاد اعيد هالحركه واغيب الغياب الفجائي على قولتها لذالك قلت لزوم ادخل هنا واخربط شويتين بالكلام المهم.. التقييم هذا يقول: والله انكم ...... انتي وخواتك .. بس امكم ممتازه ما عندها خرابيط تفضحكم ههههههه / حي الله هـ الطله وشكرا والله على تقييمك الجميل ربي يسعدك .. على فكره كلها سنه وتشرفين عالم الثلاثين يعني ودعي ايام المراهقه خلاص ههههه ياخي حرام انت كذا عم بترشرش الملح ع جرح مفتوح موضوع التوديع هذا عندي اصعب موضوع تخيلو عمر الزهور هذا ما عاد ارجع له ثاني :30:؟ اما ايام المراهقه ما اظنها بتخلصشي كذا بسهوله هههههه يعني لحد يشيل هم هههههه ولو جينا للصراحه يعجبني عالم الثلاثين احسه اجمل وامتع مرحله من مراحل العمر لكن للحين مو متقبله فكرة الدخول لهذا العالم بسبب الفارق الكبير بين عمري وشكلي وعقلي معليه المهم.. https://g.top4top.io/p_2554ns5fk0.jpg [rainbow]^ ^[/rainbow] سالفة انه الاغلب هنا يحسبني من جده ترا ما فهمتها صدق يواد من جد ايش الهرجه ؟ ايش الهرجه يوااااد ؟ هههههه ولو فيه احد باقي يحسبني من جده عادي يقدر يرفع يده |
[اللّهُمّ رُدّ قُلوْبنا إلَيكَ ردّاً جَميْلاً]..:رحيق: |
ينفع الحين اكتب مبارك عليكم الشهر والا ؟ يالله يا ذا المكان اللي وحششني صدق :نبض: المهم كيفكم شخباركم ان شاء الله طيبين ؟ وكيف رمضان معاكم ؟ انا رمضاني الحمد لله زي الفل متاكده ان احد داعي لي من هنا (فيس يبكي) :رحيق:.. بعد ما صار لي العام كنت خايفه من طاري رمضان والصيام لكن اللهم لك الحمد والشكر والله ان العافيه نععمه ما بعدها نعععمه اسال الله ان يشافي ويعافي جميع من يعاني من مرض او اذى وبس حبيت ادخل هنا واهنيكم كذا من بدري ههههه عاد اكتب لكم بعدين كيف اني تشافيت وتعافيت بعد نفسياً > عشان تستفيدون |
1444/10/6 اللهم لك الحمد حتى ترضى ، ولك الحمد اذا رضيت ، ولك الحمد بعد الرضى . . ينفع اقول لكم الحين.. كل عام وانتم بخير ، وعيدكم مبارك ؟ ههههه فعلا ودي اعتذر على قلة حضوري وعلى عدم ردي لبعض التقاييم بس دامني امون عليكم وذا اكيد ما يوصل الامر للاعتذار اكيد :27: وبس والله.. ما عندي حاجه اكتبها الحين قلنا لا نتاخر بزياده وندخل ونهني :نبض: واسعد الله صباحكم ويومكم بكل خير وسعاده :رحيق: |
السلام عليكم ورحمة الله وبركاته بما اني داخله بعد مده لزوم السلام ومن ثم كل عام وانتم بخير جميعاً تو ادري ان قسم الالعاب فتحوه اول ما شفت رحت العب هناك واسترجع ذكريات زمان ؛(:نبض: المهم كيفكم جميعاً طمنوني عنكم :نبض: |
^ وكيف كان عيدكم ؟ على طاري العيد وبعيدا عن موضوع العيد اذكر العام كتبت هنا اني نباتيه واللحم يا دوب اكله مير اكتشفت اني بخساره واكتشفت ان اللحم ما ياكلونه عبث واكتشفت ان فيه من الطاقه والقوه لا يعلم فيه الا الي ياكله وابشركم بديت اكل اللحم وتحديدا من شهرين حرفيا الحين في هذي العشر كنت افطر وبعده اتسحر فقط لا احتجت وجبه ثالثه ولا رابعه وصمت تسع ايام بدون اي تعب ولا شي بس اني كنت مركزه ع اللحم واكلته بشكل يومي اثاري التعب والضعف من قلة البروتين ؛(!!!! |
مساء الخير:رحيق: كيفكم ؟ شخباركم ؟ شمسوين ؟ يالله عطوني علومكم لي مده ما دخلت هنا ولا حتى تسجيل دخول ادري محد فقدني ولا درى عني اصلن ههههه بس يالله حبيت ادخل وامسي عليكم :نبض: |
صباح الخير ي دنيا دام محد عطاني علومه انا بعطيكم علومي عاد يوم قلت بعطيكم علومي طار كل شي والا قبل هالكلمه كنت افكر اقول ويش واخلي ويشش هههههه المهم رغم الظروف وهذا عايشه بمرحله ملكيه جدا مدري هالايام كني انولدت من جديد استشعر بالنعم واكتشف اشياء حلوه الي حولي من زمان احس تو بديت استشعر بقيمتهم واستلذ بوجودهم واهم شي رجعت اتعاطف مع الناس واستشعر بضعفهم وقلة حيلهم ^ هالصفه فيني من زمان بس كنت فاقدتها بسبب كذا موقف الي مر علي من فتره وارجع اقول الحياه حلوه فعلا لو عرفت كيف تتعايش معها وتتوازن فيها بين الصح والخطا وبين الحلو والمر مجرد فهمك للحياه هذا لحاله نععععمه ومتعععععه :نبض: |
خفوق الروح & اعيشك احبكممم :نبض: الباقين تسلمون ع التقييم النور نوركم والله ؛( :رحيق: |
السلام عليكم.. لازم افهم سالفة التنبيه الي فوق مخي عجز يفهم اخاف اثرثر هنا وبكره الاقني محظوره ؛( عاد لازم تفهموني يعني ما عاد نفضفض هنا ؟!! ؛( |
وتشاء أنت من الأماني نجمةً ويشاء ربك أن يناولك القمر - :نبض: |
اولا كل عام وانتم بخير ثانيا ياخي المنتدى هذا كيف مخلينه انتو؟ كيف متحملينه؟ كيف ما بلعتوه للحين؟ لانه ينوكل صدق من حلاته هههههههه من جد شعوري له الحين كانه بيتي اللي مهما اغيب عنه ما اتعود بدونه لازم ارجع له كل فتره ولما ارجع يجيني نفس شعور الراحه اللي نحس فيه لما نرجع بيتنا من سفر متعب وشاق عموما خلوني اخذ قسطا من الراحه هنا بغرفتي اقصد مدونتي عققب انطلق لمسابقة الياسمين :نبض: واشوف مين يتحداني بالفووووز (احبني لما احصلني شغوفه بشي):نبض::نبض::نبض: |
ياربي على سرعة الايام وكثرة الانشغال هههههههههه قلك ايش اشوف مين يتحداني بالفوز مرت ايام مو ببالي اصلا المسابقه والفعاليه من الاساس المهم.. احيانا الظروف تجي من حيث لا تحتسب بس الحمد لله انها عددددددددددت الحمد لله عمركم سمعتو عن المشيمه المتقدمه؟ سبحان الله وانا بنت توي عرفت عنها توي عرفت كيف ممكن الامهات تفقد ارواحهم بوقت الولاده وايش من الظروف الي يمرون وايش من الخطوره الي يطلعون منها البنات طول عمرهم بين البين وحده تؤيد عملية القيصريه ووحده الطبيعيه فجاه تطلع لهم قضية المشيمه المتقدمه,;( ياربي حرفيا حياتنا اصعب من كل ناحيه |
الشمس اذا غابت يجي بعدها قمر ولا شي - حاسه بسعاده لا تنوصف :نبض: الحمد لله المهم.. كل عام وانتم بخير عيدكم مبارك وتقبّل الله منا ومنكم صالح الاعمال |
قبل ربع ساعه كنت في سابع نومي عاد تعودت افضفض لكم صحيت من النوم وانا ابكي وللحين قلبي يعوررررني انا من النوع اللي نادر اتاثر مع الاحلام او ابكي تلقائي اصحى الحين لا صحيت وانا اششاهق ï؟½ï؟½ المهم سوال هل ممكن الواحد يندفن وهو حي في وقتنا هذا؟ عندي علامة استفهام بعد اللي شفته بالحلم الحين بقول لكم بالتفصيل وحده متوفيه لها 3 سنوات لكن شفتها بالحلم انها رجعت واستغررربت ولا عرفت اسالها كيف كانت زعلانه ولا عرفت ليش بعدين جلست تحكي بنفسها وقالت (دفنوني وانا حيه) وجلست تشرح بالتفصيل تقول (ما اسامح اللي ما عطاني اللحاف ذاك اليوم انا غبت من الوعي بسبب البرد والدكتور حسب اني مت ويوم جيت بالوعي قد هم دفنوني وانادي لكن محد سمع) :30: اول الحلم كنت مستغربه وهذا اللي زعلها بس احس استغرابي كان طبيعي خصوصا هي كانت تطبخ شي بالمطبخ والوضع كان عادي واهلي بعد محد كان عنده ردة فعل او استغراب مثلي وانا عكسهم كان عندي الف سوال المهم بعدين جلست تشرح لنا اكثر اللي صار معها وكيف كان احساسها بالقبر وانا اسمعها ما قدرت استحمل ورحت عندها وضميتها وانا ابكي وهي بعد كانت تبكي من بكائي لين صحيت وانا اشاهق حرفيا صراحه لما صحيت ما استوعبت انه كان حلم الا بعد كم دقيقه عاد هذي اختي اللي شفتها بالحلم اللي توفت بتاريخ 1442/11/19 بالضبط العالم نيام عندي قلت ادخل هنا وافضفض لعلي اهدأ :30: |
EVE & عتيم شكرا على التقييم ربي يسعدني ويسعدكم ويسعد الجميع ::MonTaseR_205: شعور الاشعارات اللي تطلع هنا غيير مدري ليه ههههه على طاري الاشعارات تذكرت اشعارات الواتس العاده لما احد يراسلكم ولما تشوفون من فوق وما ودكم تردون على طول او تكلمونه ما تدخلون الواتس صح؟ انا فوق ما اني مفعله اخر ظهور ادخل واخرج بكيفي وما افتح محادثاتهم يوم يومين واحيانا افتح المحادثه ولا ارد ههههه انسى حرفيا اخر الفتره زودتها لكن.. اخذت لي قرار من 1 مايو اني افتح الرسايل اول باول وصار لي 5 ايام صامله على قراري حتى القروبات بديت اشيكها اول باول احس كافي وزود اني خسرت ناس من ورا هالطبع هههههههه بس صدق اللي دايما يرسلك الروابط شتسوي معه؟ اكررره شي عندي من لما بدأو يرسلون الروابط حتى قروب العايله غير مليان روابط!! بس لقيت لهم حل التجاهل اذا في تسجيل اسمع صور مقاطع انزلها واشوف غير كذا اتجاهل ولا ارد |
| الساعة الآن 07:09 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا