|
يسعد صباحكم جميعا كيفكم ؟ شخباركم ؟ عساكم طيبين والله احس من زمان عن المدونه صاير ودي اسولف وافضفض شويتين قبل ما انام شسمه لي ساعتين مدري ليه حاسه بالم حول القلب يااااااا هو مزعجني :30: لدرجة مو قادره اتنفس بالراحه طبعا منسدحه وكل شوي قاعده اجلس بس عشان اقدر اخذ نفس عميق بدون اي صعوبه مدري هالالم ما احس فيه الا لما افقد ابوي بزياده اليوم من اذن الفجر وانا قاعده افقده بزياده لو تدرون في ثوب حق ابوي للحين معلقينه بمكتبته احيانا لما افقده كثير اروح اضمه وابكي حتى اليوم رحت وضميت ثوبه :30: مادري حسيت بشعور كاني فعلا قدرت اضمه ;( الله يرحمه طبعا اليوم يوم العاشوراء وهذا اليوم اكثر يوم كان يحبه ابوي كان يكون فيه طوال الوقت مستانس ومتحمس ومبسوط ومبتسم اذكر من لما كنت صغيره كان يحب ويميز هذا اليوم كثير وحتى انا بعد كنت احب ذا اليوم علشانه كان بالنسبه لي اكثر يوم مميز بالسنه كلها لكن الحين صار عكس صار اكثر يوم افقد فيه ابوي واتالم :30: :30: |
يارب اجعل فقيدي ممّن يقولون : {ياليت اهلي يعلمون ما انا به من نعيم} ..! |
للي يهمهم الامر .. انا بخير ونعمه الحمد لله ومبسوطه جداً جدا فوق ما تتخيلوون وفوق ما تتصورون بس ادعوا لي اني على طول ابقى كذا :نبض: وشكراً :رحيق: |
اليوم تحققت امنيه من امنياتي :نبض: |
مسافرين المدينه اليوم :نبض: توصوني على شي ؟ |
|
ثُمّ ماذا ..؟ ثُم يُنير الله ما اطفأه الناس بداخلك 💐 |
I'm back . . محد يقدر يستغني عنكم يا اهل مسك :نبض: |
يارب .. افرحني بما تحتاجه نفسي وانت اعلم بما فيها ❤ |
اللهم اجرني في مصيبتي واخلف لي خيراً منها 1442/6/7 . . ما اقدر انسى هذا التاريخ المفجع ؛( ؛( :30: :30: |
يالله انك تصبر قلبي :30: ;( |
اللهم ارني عجائب قدرتك في تيسير امري :نبض: |
تحسون رمضان هالسنه سريع والا بس انا ؟ حتى ما لحقنا نبارك ونهني - عموما .. مبارك علينا وعليكم الشهر :رحيق: وكل عام والجميع بخير يارب :رحيق: |
مساء الخير عيدكم مبارك جعلكم من عواده وكل عام وانتم بخير :نبض: > معاكم اخر وحده تعايد الناس ؛( |
راح رمضان ورجع الارق الله يعين بس مادري وش مشكلتي مع النوم فتره ما انام الا بالضجه وفتره بالهدوء الحين هدوء من 5 ساعات والنوم معيي عاد ما انلام شكله من كثر الهموم الي مربيتها انا بس الحلو بالموضوع اني رجعت قويه مثل اول ما عاد صرت اخاف اجلس لحالي يااااه واخيرن بعد سنتين التقيت سمر الاولانيه :نبض: |
إنا لله وإنا إليه راجعون اختي في ذمة الله دعواتكم لها بالرحمة والمغفرة والثبات عند السؤال :30: :30: .. اللهم انها الليلة الاولى لها في قبرها يارب هوّن عليها ليلتها وآنس وحشتها ووسع مدخلها اللهم انها ضيفتك وانت خير مُضيف اللهم اجعل اول ليلة لها في القبر خير لياليها واجعل قبرها يارب في نور دائم لا ينقطع اللهم ارحم وحدتها وثبتها عند السؤال واجعل قبرها روضة من رياض الجنة واجمعنا بها في جنة النعيم |
https://www.al2la.com/vb/t116197.html - https://www.al2la.com/vb/2892208-post453.html شكرا من القلب :رحيق:.. لكل من واساني او دعى لفقيدتي (اختي الغاليه) غفر الله لها ورحمها واسكنها الله فسيح جناته والهمنا الصبر على فراقها وفقدانها :30: ممتنه لكم جميعا ولجودي على موضوع التعزيه ولكل من عزاني سواء بالموضوع او الخاص والزوار او بالتقييم والصندوق اسال الله العلي القدير ان يحفظكم من كل مكروه :رحيق: والحمد لله على قضاء الله وقدره |
https://l.top4top.io/p_2033zqqjm0.jpg صباح الخير :رحيق: اول مر اختفي بدون ما احس تو ادخل واعرف صار لي 12 يوم عنكم الزبده محد طق خبر معي ولا احد عيدني غير الفيفي :30: |
https://h.top4top.io/p_2033jyz8c0.jpg ^^ اجل كذا الوضع هههه عموما.. كل عام وانت/ي والفيفي وجميع اعضاء المنتدى بخير عاد كان ودي اعزمكم ع القهوه وحركات بس يالله في الاعياد القادمه |
صبحكم الله بالخير شلونكم ؟ عساكم بخير عاد والله اني اشتقت للمنتدى كثييير ؛( واشتقت للعلامه الحمرا الدائريه ● حقت التقييم الي كل ما كنت اجي احدث الصفحه كانت تطلع لي سقى الله ايام التفاعل بس ؛3: > داريه القصور منها المهم.. ليش ما نحس بقيمة الشي الا لما نفقده ؟ هالعباره ما لها دخل بالكلام الي قبله بس مدري عجزت اتصرف مع نفسي يعني انا الحين مركزه ع العباره من سنيين وكل شي بس برضه اتهاون ، وما احس بقيمة الشي الي عندي لين ما افقده اكتشفت ثلث حياتي كلها حسره هههههههههههه < ضحكة مغبونه |
سمو المجد :نبض: عطر الندى :نبض: شكراً حبيباتي على التقييم :رحيق: واكيد ممتنه الحمد لله هو سبحانه كل ما اخذ مني حاجه عطاني بدالها الف :نبض: لكن الحسره على التصرف الي يسلب النعم وطبعاً اولاً واخراً بكل شي فيه خيره من رب العالمين انا لما افقد شي عزيز على نفسي انبسط بفترة الترقب اجلس افكر واقول يارب ايش ممكن يكون عوضه والعوض معناه بديل يعني لا بد منه شي مثله او احسن منه :نبض::نبض: |
اذا اردت شيئاً بشده فـ اطلق سراحه فـ ان عاد اليك فهو ملك لك وان لم يعد فهو لم يكن لك منذ البدايه |
كالعاده مواصله ومصدعه والنوم معيي الارق مخاويني بكل مكان وزمان خصوصا لما اصوم مدري النوم يحلف يجي فاتني اليوم انام على سجادة الصلاة < احلى نومه برمضان كنت انام بشرشف الصلاة وعلى سجادة الصلاة لان لو ما الحق النوم كذا وباول ساعه بعد الفجر ، ما انام طول النهار يعني على ما اعلق الشرشف واطبق السجادة النوم يمسك وضعية اركض يا عامر السستم عندي جدن مضروب اذكر زمان وحده اعرفها كانت تنام في اي مكان السيب المطبخ عادي بال..... وانتو بكرامه ههههه الا غرفتها مستححححيل واهلها كان يصحونها ف وسط النوم عشان ترجع تنام بالغرفه وهي يادوب تقوم تنخبط هنا وهناك وتوصل لفراشها وتنام بدون مخده هههههه وقتها كنت استغرب واضحك اثرني ابتليت والله الحين نص نومي يكون بمكان والنص الثاني بفراشي بس ميزتي اني اقوم بنفسي وارجعني بفراشي هههههه احيانا اقوم الاقني متلحفه طبعن كمية الحب للي يلحححفني :نبض: المهم اليوم عاشوراء مادرش اوصف لكم اني اد ايش كنت انبسط ف اليوم ذا بس مثل ما يقولون دوام الحال من المحال :30: |
"سيقولون عنك انك شخص قاسي عندما تتوقف عن المجاملات والتنازلات وعندما تتخذ قرار الابتعاد عن كل ما يؤلم قلبك ." |
حي الله الزائرين والمتابعين شخباركم ؟ شسمه هالفتره مرره مرهقه ومخي مهنق ومدري وش الزبده لي شهر ببالي سؤال كل مره ادخل المنتدى وانسى والسؤال يقول : انه كيف ممكن البنت ترفض من يقدم له بدون اي سبب مقنع ؟ خصوصا الخاطب لو مافيه اي نقص من اي ناحيه البنت شلون تقنع اهلها انها ما تقدر تقبله باي حال من الاحوال وانه مشاعرها زيرو تجاهه > فيس يبكي . . راح انتظر الاجابه > شكلي بالاخير بطب قسم مشكلتي |
أعوذ بك يا الله من شعور لا يُشكى ولا يُفهم اللهم أرح قلبي وفكري بما أنت به أعلم |
مساء الخير .. ي جعلكم تسلمون على الاجوبه والمشوره ربي يسعدكم :رحيق: ابي ارسلكم تقييم واشكركم فيه بس الفهاوه لاعبه فيني لعب ؛;( واحب ارد على الي قال .. يعني هـ المشاعر مافي امل تتحرك بعد الارتباط ؟ دام مافي كره له ومافي شخص ثاني في البال .. فمافي ذاك العذر الي يخليك ترفضين ... انا زيهم تري لازم سبب مقنع للرفض هههههههه للاسف مو بس مافي امل الا مستحيل سلمك الله انا وحده احيانا لما انغصب اتكلم مع وحده مو طايقتها اختنق فما بالك بواحد اجابله طول عمري وكل يوم 24 ساعه وانا مو طايقته يعني واضح المسألة مو مسألة الكره !! الله يخارجنا بس ويرزقنا السبب المقنع وشكر خاص لمؤيدين الرفض :نبض: |
ذهب أحدهم إلى عالم دين مشهور بالحكمة والتجربة يشتكي ويقول : حين أعجبت بزوجتي كانت في نظري كأن الله لم يخلق مثلها في العالم ! وعندما خطبتها .. رأيت الكثيرات مثلها وعندما تزوجتها .. رأيت الكثيرات أجمل منها فلما مضت بضعة أعوام على زواجنا رأيت أن كلّ النّسَاءِ أحْلى مِنْ زَوْجَتِي . فقال الحكيم : أأخبرك بما هو أدهى من ذالك وامرّ ؟ قال الرجل : نعم ! قال الحكيم : لو أنك تزوجت كل نساء العالمين لرأيت الكلاب الضالة في الشوارع أجمل من كل نساء العالمين . قال الرجل : لماذا تتكلم ذالك ؟ فقال الحكيم : لأن المشكلة ليست في زوجتك المشكلة أن الإنسان إذا أوتي قلباً طماعاً ، وبصراً زائغاً ، وخلا من الحياء من الله فإنه لا يمكن أن يملأ عينه إلا تراب مقبرته يا رجل ! مشكلتك هي أنك لا تغض بصرك عما حرم الله ...! . . ^ جعل يملا عيونهم التراب الي شررواه |
ثمّ بادِر بالافعال اللّطيفة دائماً ولا تتردّد فانّك لا تدري كَم من خاطرٍ يرى فيك جبراً |
يا الله مساء خير والنصر للنصر 💛💛 ياخي قمة التوتر والرررربكه |
تعويضات الله مُذهلة وتستحقّ الانتظار |
صبحكم الله بالخير طبعا مواصله ووراي دوام والنوم معيي وشعوري مدري كيف مره الحزن يسيطر علي ومره سعاده تقدرون تقولون شعور الحزن الي فيني ذا الحين لو اوزعه ع العالم كله بيكفيهم وبعد تقدرون تقولون اني اسعد انسانه ع وجه الارض طبعا 25 اكتوبر له دخل بالموضوع اليوم تاريخ ميلادي :نبض: ومن الصباح جالسه افككر وشايله هم كيف انولد بالساعه 4 العصر هههههه المهم من جد الشعور عندي جدا غريب وحرفيا وضعي يرثى له عجزت افهم ابكي والا اضحك وهل انا حزينه والا سعيده مدري فيني صياح الف ولا اعرف ليه |
اهلا اهلا للحين اشوف الزوار جالسين تحت يالله حيهم نمت وصحيت وقمت اشتغل بس اشوا الشعور على ما يرام يالله لك الحمد :نبض: |
طبعا الكل نايم وتاركني وفي شي بمخي موترني قلت ادخل هنا لعل وعسى التوتر يخف شسمه نسيت اقولكم باركولي وذا :3; لي شهر وانا بديت اداوم زي الاوادم والشهر كلو طلع زي العسل :نبض: والحين ابي الوظيفه الي ببالي ادعولي بس اتوفق فيها قبل امس اقترحت عليهم ووافقوو لكن برضه متوتره لانه الشغل يعتمد على قدراتي وقوة تركيزي > تخبرون التركيز صفر الزبده دعواتكم اطلع قدها وقدود :3; |
-علّمتني سوة يوسف : "أن الجبر الإلهي إذا تأخر ، لا يأتي عادياً أبداً" . |
اكثر شخص مو طايقته هالفتره هو الي يجني على نفسه مصايب بنفسه ومعكر حياة غيره بسبة غباءه طبعا محد يحب يجيب لنفسه مصايب لكن في شي اسمه "دورات" لا تدخّل راسك بشي ما تعرف له روح تثقف الله يخليك قبل لا تبلش عمرك خذ لك دورات عنه وفكنا المهم.. في معلومه عندي من زمان قلت لازم اعلمكم عشان تستفيدون يقولك.. ثلاث مشاعر بالانسان مسؤوله عن الامراض سواءً امراض جسديه او نفسيه مسؤوله عن بداية اي مرض يصيب جسمك اللي هي : الخوف + الندم + الخجل طبعا كلنا نخاف ونندم ونخجل لكن بشكل طبيعي اما اللي عنده هالمشاعر زياده عن اللزوم الله يعينه لانه من عرفت هالمعلومه بديت اركز فيها وفعلا لقيت الي مدمور نفسياً وجسدياً يكون اكثر شخص يخاف من اي شي ويندم على كل شي ويخجل بشكككل خلاصة الكلام حاولو لا تخلون هالمشاعر تتغلب فيكم وعلى قولة المثل هوّنها وتهون ما له داعي السيناريوهات الزايده الله يكفينا ويكفيكم شر الامراض :رحيق: وايضا عندي معلومه اخرى اللي فادتني كثير يوم طبقتها على نفسي راح اكتب لكم بعدين > عين مفتحه وعين مغمضه تمسون على خير :رحيق: |
"كُلّ سبُل الارض لن تستطيع ان تقف امام خيرٍ اراده الله لك" . . فاطمئن :رحيق: |
امس نمت العشاء ساعة 10 وربع تقريبا وصحيت الساعة 3 بالليل ورجعت نمت الساعه 5 الا ربع وصحيت بعدها بنصف ساعه يمكن او اكثر بس ياخي كمية السعاده بهالنوم جاني حلم قسم بالله اني بمجرد جيته سعيده الحلم عباره عن شي تفسيره يعتبر بشاره السعاده والبهجه + الامان والطمأنينه + الفرج القريب عاد اقولكم لي كم اسبوع احس قلبي ناغزني كني مسويه شي غلط او اني ظالمه احد مدري .. الزبده الشعور مره مقرف انك تدور سبب لتانيب ضميرك ولا تلقاه لذالك متامله زود بالفرج القريب بعد هالحلم انا من النادر يجيني حلم اغلب احلامي احلام العصر او حلم له تفسير واضح كوضوح الشمس والحمد لله على الطبطبه الإلهية :نبض: |
"رحم الله من يمر بفترة عصيبة ولم يفقد لُطفه مع الناس ، وكأن ألمه زاده لينًا" |
يالله كمية الراحه بهالليله :نبض: |
| الساعة الآن 11:05 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا