|
https://youtu.be/4uNmgwGxiuU ^^ هذي الشيلة اسمعوها وعيشو شعوري تقريبا من 5 شهور يوميا اسمعها واليوم اللي ما اسمع فيه ، احسه ناااااقص :30: |
ما دمت في صحتي ، واصلي فروضي هذا هو [[ الكنز ]] والا عمرنا فاني ...!!! |
لا ضاق صدري قلت للنفس ، لا باس ما فيه مخلوقٍ من الهم خالي ;( ;( :30: |
السعادة .. لا تعني انك تعيش حياة كاملة بل تعني انك قد قررت غض البصر عن النواقص لو كانت الدنيا مثل ما نريد " لما تمنينا الجنة " |
حافظوا .. على محتويات هواتفكم فنحن لا نعلم متى تُغلق اعيُننا [ الى الابد ] فتصبح اما اجراً لنا او اثماً جارياً علينا |
https://1.top4top.net/p_1417yb2rd0.jpg تفضلووو متابعيني :110؛ :رحيق: ميلك شيك المانجو اللي يحبه قلبكم :نبض: |
هذا الشتاء مدري شلون راح اقضيه ;( رغم اني احب واعشق كل شي له علاقة بالشتاء الا اني ما ابي هالسنة احس فيه نهائيا ، ابيه يمر بغمضة عين لانو قسم بالله هدوءه ونفحاته بدا يذكرني بناس اللي ضمهم التراب كل ثانية وكل دقيقة قاعدة تذكرني فيهم يارب ارحمهم بقدر شوقي لهم ;( :30: |
صباح الخير ~ شخباركم ؟ كالعادة كلهم مداومين وانا لحالي بالبيت مع الماما وهي نايمة طبعن قلت بدل ما اقعد اهوجس ادخل مدونتي احسن عشان اكتب جوابي على اكثر سؤال انسالت بهالفترة واللي هو : وراك متغيرة انتي ؟ وليه حزينة ؟ اول شي .. احب اقوله اني مب حزينة ، هو في حزن ما انكر بس قسمن كمية الرضا في داخلي اكثر من كمية الحزن لذالك .. ما احب اي احد يقول عني حزينة ، مدري احس بالاحباط وربي والشي الثاني .. ايه انا تغيرت واعترف ، لدرجة افتقد نفسي قسم بالله افتقد هذيك البنت اللي ما كانت تعرف معنى الحزن حتى افتقد شخصيتي اللي قبل سنة ، وافتقد كثييييييير اشياء فيني ولكن .. قدر الله وما شاء فعل راح اعلمكم ايش السبب ورا كل هذا الافتقاد تخيلو .. الشخص الوحيد اللي حبيته اكثر من امي واللي وجوده كان مغنيني عن جميع العالم فجاة ومن دون سابق انذار تركني وراح ابوي [[غروري]] تاج راسي راح ، ايه والى الابد :30: :30: :30: رغم انه مر على وفاته 6 شهور و 6 ايام بالضبط الا ان الطفلة اللي في داخلي جالسة معيية تنتظر ابوها للحين عندها امل انه يرجع بس قسم بالله طال الانتظار يمكن محد يصدق لو قلت اني فعلن من يوم ما انولدت الين الحين ما كنت اعرف معنى الحزن ولا الفقد والحنين ، الا بعد وفاته رحمة الله عليه ناس كثيرين اتوفووا من المعارف والاقارب بس مادري ليه ما عمري تاثرت ولا بكيت على فراق احد والحين حتى لو شفت بالمسلسلات احد مات انهار بكاء وربي العام الماضي اللي هو 1440 طلع اسوا عام بحياتي وشهر 10 و11 و12 من اسوا واصعب الشهور اللي مرت علي من سابع المستحيلات راح اقدر انسى الوجع اللي عشته فيهم ولا زلت اعيشه :30: بس وفاءً وحباً للمرحوم قررت ووعدت بيني وبين نفسي ، اني ما راح انكسر اكثر راح ابدا من جديد واصير واظل على ما تركني هو عليه واعيد شخصيتي السابقة القوية وجميع العلاقات اللي خسرتها عمداً بسبب نفسيتي ، واعيش حياة مثل ما المرحوم كان يحب - وكل من يقرا الحين ليتكم تنتبهون انكم تكررون نفس غلطتي انا من زود محبتي له ما عمري فكرت انه ممكن قد يكون اجله قريب يعني بعض الاحيان كنت اهوجس لا شفته تعبان او شي بس كنت اقول مستحيل لاني ما كنت متخيلة اصلن اعيش لحظة من بعده خلاصة كلامي .. ان مهما الانسان يعيش مصيره الموت ، لذالك .. خلوكم مع من تحبوهم كانه هذا اخر يوم في حياتهم وابد لا تكونون معهم كانهم شي دائمي ثم تندمون |
" كل شي يذبل الا شعور الفقد يحوم في الذاكرة عند كل فرحة تاتي " https://2.top4top.net/p_1437nsugd0.jpg |
ليست مشكلة اذا حلمت بشيء ولم يتحقق ..! يكفي انه جعل شفاتي [[ تبتسم .. ]] لمجرد الحلم به :رحيق: |
https://5.top4top.net/p_1452lgo1f2.jpg https://4.top4top.net/p_14520seuq1.jpg ^ ^ الاشياء الباردة ما تحلى لي الا لما تكون درجة الحرارة اقل من 15 وخصوصا بعد 12 الليل ، تخلي المود عال العال خلال ثواني :نبض: :نبض: |
|
يحدث ان نغادر غرفنا لنتجول في المنزل نلقي نظرة على كل الاشياء ونعود نظن انه ملل ..! بينما هو احتياج لاشياء مفقودة لا نعرفها ;( :30: |
"مؤلم ان يموت الموقف وفي صدرك كلام" :30: .. |
اجعل ابتسامتك تغير الناس من حولك :نبض: ولا تجعل من حولك يغيرون ابتسامتك !! :30: |
يارب ،، اغرس فِيْ قَلبِي نبضات راحة لا تَنْتَهيْ :نبض: |
في ودائعك دائماً يا الله روحي , وعافيتي , وديني , واهلي , ومن احب ليطمئن كل قلقٍ | يبعثر نفسي ~ |
https://j.top4top.io/p_1467egvdj0.png ^ الف شكر لكل من قيمني فردا فردا خصوصا لمن دعا لي ولابوي جعل ربي يجزاكم خير ويسعدكم ما تقصرون :رحيق: واعذروني والله ما قدرت ارد عليكم تقييم لانه الظروف والنفسية ماش هالفترة وش صابني مدري ;( |
فى مثل هذا اليوم نورت الدنيا بوجودي :نبض: يوم الثلاثاء قبيل العصر تشرفت في 1415/5/20 هـ - بس للامانة مصدومة من عمري لانه ابد مافي شي فيني يثبت اني بهالعمر > عدا العقل احس توني ما عديت العشرين لسا قبل اسبوع رحت عند ناس وسالتني وحده عن عمري صراحة قلتلها 23 مراعاة لشعورها لاني دارية ما تصدق لو قلتلها عمري الحقيقي |
انا والله طاب خاطري كثر ما جمعت اعذار لمواقف تفسيرها واضح :30: |
"ولا تُنبت في قلبي وُداً لمن لا يصونه يا الله" .. |
دايماً اقنع غيري ان ما في شي يستاهل تتضايقون عشانه بس ما اقدر اقنعني للاسف ;3: :30: |
مشكلتي .. اني اصمت حين يحتاج الوضع "الكثير من الكلام" .. |
"اللامبالاة نوع من السلبية ولكن تحتوي على الكثير من الايجابيات" ^ انشششهد وربي |
شديدة الملاحظة لذالك اسباب زعلي دائماً | مجهولة ~ ;26: |
"هُناك ذِكريات جميلة تخطر في بالك فَجاة وَتجبرك عَلى الابتسام مَهْمَا كَان مِزاجك سيّئاً" |
مساء الخير :رحيق: https://b.top4top.io/p_1483jvl370.jpg ^ ^ ^ شوفو وش اللي شاغل بالي هالايام (نقص في الوزن) !!!!!!! كيييف مادري ؟؟؟ ابي ارجع وزني زي ماكان ابي ازيد ست سبع كيلو زي زمان بس شلون ؟ تخيلو اكثر هدف ابي اوصل له هالسنة واحققه هو هذا بس والله يا انه صعب علي لا تسالون زمان قبل اربع سنوات وزني كان مثالي مع الطول يعني بس اذكر اختي الكبيرة تعبت فجاة طلع عندها مرض وقالو لها العملية ومدري وش وراحت تتعالج برا وقعدت كم شهر هناك بعيد عننا المهم بذيك الفترة نقص من وزني كيلوين قلت اكيد هذا من التفكير وذا وطبعا كيلوين ما يسوى شي بس انا من النوع اللي وزنهم ثابت ما يتحرك حتى لو شو ما اكلت وشو ما سويت لا ينقص ولا يزيد لدرجة دايمن يحذروني من يشوفون او يسمعون اني كثرت شوكليت او بطاطس ومن ذي الاشياء واضطر اعطيهم رياكشن مستغرب اني تو ادري وذا وما عاد اكل خلاص > عشان ما يصكوها عين ههههههه المهم ف مادري والله ليه وزني قاعد ينزل من نفسه بدون سبب لانه هذيك السنة يوم نزل عرفت سببه اما السنة هذي ما اعرف والله تخيلو في اول السنة شهر واحد نزل ثلاث كيلو مرا وحدا والحين نزل كيلوين اكثر :30: طفشت من كثرر ما ازعجوني بسؤالهم كل ما قابلت احد ؟ قبل يسال اخباري يقول وش صار لك ؟ وش فيك ؟ ليه ضعفتي ؟ صرت ما ارد عليهم والله ياخي يمكن مستانسة وابي انحف انتم وشدخلكم ؟ واللي يموتني قهر اكثر اللي يجي يقول انتي ليش ما تاكلين ؟ لا وكانه يعاتبني هههه وكلي لك هذا وخذي لك هذا ؟ قسمن يكون ودي اهفه بكف يلف وجهه مرتين بس نضطر نجامل شنسوي عشان خاطر امي بس لانه هي دايمن تعطيهن فرصة يتكلمون المهم طبعا انا ما اهتميت لكلام احد الا لما وزني نقص من الوزن الطبيعي يعني يبي لي الحين 800 جرام فقط عشان يوصل للوزن الطبيعي ثم ابي اوصله للوزن المثالي > سبع كيلو !!!! بس مدري كيف والله صعب - واللي بيسالني شلون وزنك ما يتحرك وكيف كان ثابت طول هالسنين ؟ بقوله من المشي والله يوميا امشي اقل شي نص ساعة وبعض التمارين اللي ما ياخذ اكثر من عشر دقايق احس هذي اكبر مصيبة صايرة انه وزني قاعد ينقص وينقص وانا مو قادرة استغني من ذي التمارين والمشي المفروض اوقف بس متعودة من صغري ما اقدر بالكثير يومين ثلاث ثم احس بتعب وارهاق وخمول بشكل مو طبيعي اللي يخليني ارجع على نفس الروتين لذالك .. اذا حسيتوا انه تواجدي قل ف لا تقلقوا واعرفوا اني مشغولة بتحقيق الهدف هههههههههههههه |
"لا شيء يُتعبني ، كَـ لحظة احن فيها لِـ شيء بعيد .!" :30: |
تصدقون موضوع السيلفي حيرني كثير العالم وش كبره وما لقيت فيه احد يشبهني !!! طبعن شبيهي لو لقيته بعد ما كان سدحت صوره هنا بس اخذت الموضوع عناد وقعدت اكثر من ساعتين ادور بقوقل وللاسف من غير فايدة ، ما لقيت ولا ابن ام احد له شبه فيني حتى بالواقع لا خواتي يشبهوني ولا انا اشبههم ولا فيني شبه من امي ولا اخواني بس فقط احس الشخص الوحيد اللي كنت اشبهه هو ابوي :نبض: وبرضو هذا مجرد احساس اني اشبهه والا محد عمره قال لي بتشبهين ابوك زمان كنت اقول اني اشبه اختي اللي قبلي > بالملامح يعني بس قالو اصلن انتي فاهمة غلط معنى كلمة الملامح واقنعوني صراحة اني فعلن ما اشبه ولا وحده من خواتي لا من بعيد ولا من قريب اما بالطول والعرض نشبه بعض كاننا توائم :نبض: < سنفورات كلهن هههههههههههههههههههههههههه لحد يتريق |
الموت ما منه محال ومفرات الموت درب (ن) كل الاجيال تمشيه فلو ان دمع العين بيرد من مات ان كان دمعي سيل اليوم واديه الله يرحمك يابوي :30: |
https://b.top4top.io/p_15006s5gi0.jpg ^ احلى شي بالشتاء .. كوب قهوة + مع شخص اللي قلبك يحبه :نبض: واللي قلبي يحبه ، اختي :نبض: هي الوحيدة اللي بالبيت ذويقة مثلي ودايمن تعطيني جوي اما البقية ما عندهم ذوق > واضح محد معطيها وجه غيرها كل ما اشتهيت قهوة قالو سيري !!!!!!!!! في احد يرفض قهوة بالشتاء ومن ايد وحدة ذويقة ؛( ههههههه بس ما عليه مكتفية باختي وجودها يغنيني عنهم كلهم دايمن تقول لي تم :نبض: وهات يالسوالف اللي ما تخلص :نبض: :نبض: |
عندي سؤال من الجميع بصراحة وصدق ما هو انطباعكم عني ، عن ذويقة ؟ اللي اخذتوه خلال هالسنتين سواءً من المدونة او المشاركات والتقييم ، او من السوالف اللي بالخاص او الصندوق ؟ اتمنى الكل يكون صريح > يعني ما نبي كلمات رسمية حبوبة وطيوبة وحنونة ومن ذا الكلام ههههههههه وعادي حتى لو احد وده ينتقد ينتقد راح اتقبل نقده بصدر رحب :نبض: اكون بانتظار تقاييمكم :رحيق: |
مساكم الله بالخير جميعاً شسمه حبيت اقولكم .. اني مررررررره مبسوووطة هالايام ومروووقة وبديت اداوم من اليوم الصباح الدوام اللي يحبه قلبي :نبض: تقريبا بعد انقطاع سنتين كاملة :30: - وبس والله ادعوا لي بالتوفيق والثبات :رحيق: |
يقال في علم النفس .. سبب عدم قدرتك على اخراج شخص من تفكيرك هو ان الشخص ذاته يفكر فيك :رحيق: |
مؤلم انك لا تعرف ما بك سوى انك [ فاقد شيء ] تعجز عن وصفه .! |
صباح الخير :رحيق: اولا .. باركولي مشاركاتي وصلت 6000 :نبض: ثانيا .. ابشركم قدرت ازيد من وزني كيلو و300 جرام :نبض: < يعني صار وزني الحين طبيعي ثالثا واخيرا .. تخيلوو من امس وانا بس قاعدة اتبوسم < بآلغت ههههه ليه ؟؟؟؟؟ لانه فيه وحدة امس جت عندنا بعد مدة ، يوم قابلتها قالت لاختي هذي اتغيرت عاد انا طنقرت من جوا لانو زهقت صراحة هالفترة كلن بيسال عن وزني وليه نحفتي وذا :26; سالتها اختي للاحسن او للاسوء ؟ قالت ي شيخة احلوت وقعدت تمدححححححني هههههههههه :نبض: طبعن سويت نفسي ما اسمع وانا وقلبي كلنا كنا منصتين من جوا ومستمتعين نسمع لها هههههههههههههههههههههههههههههه >>> مو قصة اول مرا انمدح بس والله احس طبيعي هالشي الواحد تلقائيا يستانس خصوصا لما يجي شخص يمدحك وانت ي دوبك تعرفه وتعرف ماوراه اي مصلحة عكس اللي يجاملونك ويكونوا عارفين انك عارف انهم يجاملون هههههههههه |
اقتباس:
هههههههههه الله يسعدك يا صاحب/ة التقييم شدني انطباعك خصوصا سالفة موافقتي للتعدد صحيح اني كنت من اللي يملكون هالتفكير المميز بس للاسف كنت طفلة ما افهم مع الايام اكتشفت اني اكثر شي اعاني منه واكثر شي ممكن يقهرني هو [ الغيرة ] :30: ف طبيعي لو بكرا زوجي تزوج علي لا سمح الله متاكدة ثاني يوم بيصلون علي هذا لو اكون احبه اما اذا ما احبه اقول والله فكة ههههههههههههههههه |
لحد يستغرب من كلامي اللي فوق انه زوجها وكيف لو تحبه وما تحبه تصدقون اني شايلة هم هالشي والله دايما افكر واسال كيف راح اقدر احب زوجي المستقبلي ؟!! لانه تعرفون انا ضد الزواج عن حب ولاني مع التقليدي ابد الزواج اللي افضله للحين هو زواج بين ابناء الاعمام والخيلان لكن للاسف بعد حادثتين طلاق عندنا صار هالشي من الاستحالة يصير ويتكرر ف امري لله .. لانه الظاهر مصيري اتزوج واحد لا يعرفني ولا اعرفه والله اعلم متى راح احبه هههههههههه يضحكوني هذولا اللي يكونوا مخطوبين امس ، ويكتبون لبعض ما اقدر اعيش بدونك واموت وخرابيط من ذا الكلام هههههههههههههه ابي اعرف شلون يحبون بعض بهالسرعة !!!!!!! لا والبنت تتصل على اهل خطيبها ليه عشان توصيهم عليه ههههههههههههههههههههههههههههه صحيح انه موجود في القران "وجعل بينكم مودة والخ ... لكن هذيك المودة اللي المفروض مع الايام تكبر وتزدهر بس للاسف هنا يسوون العكس كل المودة والمحبة تكون بعد الخطبة او الملكة وفجاة تختفي بعد الزواج والوضع ينقلب تماما هههههههههه |
|
|
| الساعة الآن 08:10 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا