| |||||||
1903Likes| إضافة رد |
| | LinkBack | أدوات الموضوع | انواع عرض الموضوع |
| |||||||
| إضافة رد |
| | LinkBack | أدوات الموضوع | انواع عرض الموضوع |
10-28-23, 08:26 AM
| #877 | |||||||||||
   غيّمُ السّلام.
| 
في هذا الوقت دايم اصير شاعرية واتغزل بالرايح والجاي هالوقت اللي تصير فيه مشاعري جياشة وتفيض هالوقت اللي مهما كانت ظروفي ماراح ارفض فيه طلب لاني تحديدا اتنفس الصباح. الساعة 9 وها انا محاصرة بين لحظات ماضي قديم ومستقبل جديد الوقت اللي اصير فيه صريحة مع نفسي وانفرد بيني وبين شخصي الحقيقي اللي بداخلي، ومحد يعرف ذاك الانسان اللي ينجرح من ابسط شغلة بس يبقى مستمر ومسوي نفسه وكأنه ماصار شي بس هو مب ملاك واكيد راح يكره من التغاضي، فينفجر عاجلا او آجلا فأسفة لك ياللي اطلع غضبي فيك بس هذي المرة ما ابغى اضيع هذي اللحظات الرومانسية على اشخاص يشوفوني مجرد اداة يحسنو فيها مزاجهم ويرمونها وقت يحسوا بالاكتفاء ابغى اضيعها بكل سرور على نفسي واتغزل فيك يا أعيشك اليوم ابغى افصل جسمي عن روحي واحطه كشخص غريب علي واواجه نفسي رغم انه من عوايدي الغريبة اني بكل جرأة اكلم واخاطب نفسي وولا مرة ذقت مديح ألذ من مدح نفسي لما اسوي شي واكون فخورة واقول - يازينك - وما انتظرها من غيري بل احبها من نفسي ألذ واصدق! لاني اكثر شخص يدري شكثر واجهت صعوبة! أنا قوية رغم ظروفي محد يقدر يعرف اني عايشة صعوبات لاني قوية فيقولون هذي حياتها سهلة عشان كذا تقدر تضحك بس الحقيقة انه مافي انسان ماعاش الانكسار ومافي انسان ما حس بالخذلان، الوحدة الرهيبة، الظلم والعجز بس الفرق اني صديقة نفسي ودام واثقة بشخصي عايشة الاكتفاء وولا مرة احتجت افضفض لشخص وابين اني ما اقدر اتحمل او ابين ضلع مكسور مني لشخص لاني ما احتاج ف محد قدر يفهمني اكثر مني انا! صدق مرات تصير نفسيتي خربانة واصير باردة وما عندي قوة اتصنع السعادة الوهمية بس ما اطول وبسرعه استرجع ذاتي، لاني انا الحقيقية عندها الجرأة تضحك بعد السقوط ومش عيب. فيا أعيشك انتِ اكبر سند لنفسك، لا تقدمي تنازلات تدمرك عشان تحافظي على انسان لانه دام هذا الانسان الطريقة الوحيدة للحفاظ عليه هو تدمير ذاتك، اذن استغني عنه! التجاوز صعب بس مرات يصير الحل الانسب .. الحب الحقيقي انك تحبي ذاتك، الحياة بعدها تصير جدا سهلة الصداقة انك تكوني صديقة نفسك، الحياة بعدها تصير وردية وطبعا انا مو ضد تكوين صداقات، بل أشجعها وعندي اشخاص اعتز فيهم لدرجة لا تصدق، حبي لهم وصل للسماء اشخاص ما اقدر اتخيل يومي لو ماكلمتهم ولا قرأت رسالة منهم اشخاص صاروا لي روتين  .بس! حبي لهم مايقل عن حبي لنفسي. - تدوينتي اليوم مش مغزاها اغتر او شي، بس رسالة لكل شخص مايحب نفسه، ترا مافي شي اجمل من انك تحتضن نفسك قبل ما تبدأ يوم طويل ومتعب ولا ألطف من الاهتمام اللي تعطيه لنفسك، كلما اعتنيت بنفسك زاد استحقاقك لذاتك. خلي أولويتك اشباع ذاتك بالحب قبل السعي لكسب حب الغير! احبكم يا زوّار واحب ذاتي طبعا  .سلام. | |||||||||||
 |
|
10-28-23, 02:23 PM
| #878 | |||||||||||
| غيّمُ السّلام.
| فقرة العشوائيات والحلطمة  .اكبر حماقة ارتكبتها بحياتي هي اليوم اني قررت اسوي شغلتين بنفس الوقت، يعني يا افرز ملابسي الصيفيه واستبدلها بالشتويه، يا ارتب اغراضي بالشنطه، اما اني اسوي الشغلتين مع بعض! هذا غباء مني.  وصارت تمر علي ايام ما اكل الا حبة فواكه! نوع واحد يعني مستوعبين! انا انسانه اعشق الفواكه بشكل، وهذي مش من عاداتي. وحتى ما انتبه على نفسي اني مو قاعده اكل شي! صايره اقهر اليوم  .يلا باكل هالفواكه اللطيفه، قبل ما تبدأ مباريات البريميرليغ. اشوفكم بعدين يا حلوين.  | |||||||||||
| |
|
10-29-23, 03:29 AM
| #879 | |||||||||||
| غيّمُ السّلام.
|
أنا دائمًا أشوف نفسي مثل الفُرصة الجميلة اللي ما تتكرر مرتين، يا تفهمني وتعرف تتعامل معاي وتكسبني لِصالحك، أو تخسرني طول حياتك، أنا جميلة بِكُل تفاصيلي، بقوتي، بضعفي، بمواجهتي، بخوفي، بحنيتي، حتى فِي حبي للي قدامي أكون مُختلفة ومِعطاءة. | |||||||||||
| |
|
10-29-23, 05:21 PM
| #880 | |||||||||||
| غيّمُ السّلام.
|
محظوظة بوجود شخص مميز مثله في حياتي ادري ان كل واحد فينا ببلد بس لا من يهتم! السعودي اماراتي والاماراتي سعودي  .انا شفت وايد مواقف معاه تجاهي وهذا هو المهم، وكل موقف يخليني اميزه اكثر واكثر. لا تحتكون!. | |||||||||||
| |
|
10-30-23, 07:26 AM
| #881 | |||||||||||
| غيّمُ السّلام.
|
يا صباح الخير .لما كنت راجعة من تماريني الصباح، بالعاده اخذ دش وألبس للدوام واتوكل، لكن اليوم لقيت بالطريق كلب منسدح ظنيت أنه مسالم مثل الكلاب اللي عند البحر لكن ابن الكلب طلع من قُطاع الطرق، بس وصلت عنده صار ينبح وفعّل وضعية الهجوم ما لحقت أستوعب إلا ووصله الدعم! جت زوجته الكلبة هي بعد تنبح حاصروني وأنا حاطة السماعات والفون علّق علي ما يبغى يوقف الأغنية !!!المهم اني استوعبت الموقف وقعدت أدور حجر أضرب جنبهم يروحوا بس ما لقيت والكلب ابن الكلب صار يتجرأ ويقرب مني لين صرت أجمع تراب بيدي وأضربهم فيه بس مافي فايده يبعد شوي ويرجع يقرب وينبح والكلبة الثانية بس تفزع له بالصراخ  قعدت على هالحال انزل اجمع تراب واضرب ناحيتهم مع المحافظة على الـ eye contact خايفة يقفز أو يقرب > شويه دراما مستحيل يشوفني احد بهالوضع وما يضحك تميت بهالشكل لين طلع رجل كبير بالسن من بيته طردهم الله يجزاه خير I appreciate his help بس الشي الوحيد اللي استغربت منه هو الهدوء اللي كنت فيه وقتها! كيف ما توترت ونبض قلبي ما تغير وما ركضت كأني متعوده ع هالمواقف! يمكن لأن أخوي عنده كلبين ف متعوده على هياطهم! صحيح ما أحب الكلاب لكني مُسالمة اتجاههم، ليش يهاجمون شخص مُسالم مثلي!  .
| |||||||||||
| |
|
10-31-23, 07:03 AM
| #882 | |||||||||||
| غيّمُ السّلام.
|
اه، من زمان ما كتبت باليوم مليون مشاركة بمدونتي. حسبتني راح اقعد اكتب فيها واكتب بس خليتها تموت من جديد! بس والله كسل ونفسيتي ماتخليني اقدر اكتب شي، بالرغم من كثرة الافكار والسوالف، ومع ذلك احسني فعلا غبية! يعني تصرفاتي طفولية ومزعجة، وسوالفي احسها تزعج الاخرين، يعني مال امها لزمه لهالسبب سويت هالمدونة عشان اسولف فيها مع نفسي، واعرف اخر التطورات اللي صارت علي، واعرف بعد كل يوم وكل شهر وعام كم انا غبية .مالي شغف اسوي شي، كسل وخمول، اسوء شي هو فقدان الشغف، تحس مالك حياة وتحس انك زيادة في العالم يعني حتى لو عندك وظيفة فجأة تحس مالك مهمة ومانك مهم. وهذا الاحساس اشعر فيه دايما، مثل ما اشعر بالحزن والقلق والسعادة والغضب وغيرها. تدوينة قصيرة كالعادة غير مهمة، ويسعد صباحكم .
| |||||||||||
| |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
