|
إضافة رد |
| LinkBack | أدوات الموضوع | انواع عرض الموضوع |
11-01-23, 07:52 AM | #883 | |||||||||||
غيّمُ السّلام.
|
1 نوفمبر. بداية شهر جديد، يارب بداية تعوض عن أحداث شهر أكتوبر، خاصةً ان هذا شهر ميلادي، يبدو ان خلاص كبرنا . يلا عوافي العمر مجرد رقم وكل شخص عنده طفل داخلي > طبطبة خفيفه. يسااتر هذا كله وبعدني ما دخلت الثلاثين . المهم ما علينا. ابغى اشارك معاكم فطور بدايه الشهر اللي بعنوان: اي شي لان حرفيًا اي شي. يا زوّار لا تنسون اذكار الصباح، واتمنى للجميع يوم خفيف وحلو . | |||||||||||
|
11-02-23, 03:42 AM | #884 | |||||||||||
غيّمُ السّلام.
|
شعور الفراغ من اسوء المشاعر اللي ممكن تصير لك، حيث انك تحس نفسك فارغ من الداخل ماعندك لا حياة، لا هدف لا بطيخ، وتحس بنوع من انواع الاكتئاب الغريبة اللي يجي من اللاشيء، او من تذكر كلام قاسي له دهر عجيب من انقال لك! وكلما تتذكر اي شي صارلك اليوم او امس تحس نفسك تبغى تغير من نفسك بالمستقبل، وتحس كلما يمروا الايام وانت غبي وايوه هذا الشي يصير. واذا كان ودك تتخلى عن هذا الشعور، وتركز على ايجابيات حياتك، فمثلا تتعلم هوايات جديدة، وتشوف المبدعين فيها وتقارنهم ببدايتك! هذي مشكلة وترجع لشعور الفراغ وفقدان الشغف. مع انهم كانت لهم نفس بدايتك بس عقلك مايقنعك كذا، يقنعك انهم كانوا موهوبين من انولدوا. وبعد ان تحس نفسك متجنبه من قبل الكل، تحاول انك تصير اجتماعي بس تحس انك مثير للشفقة، فـ تفضل تبقى وحدك.. بعد لما تحزن ما تفضفض لانه تجيك كلمات تتمتم في اذنك، "لا تفضفض له ماراح ينفع بشي" "لا تفضفض شو راح يتغير؟" "لا تفضفض تحسب انه راح يهتم لك من كلمات؟" وتكنسل وتقعد في حالة كتمانك وصمتك. اااه انظر للغيوم ما اجملها! تعطي شعور طيب ولطيف، صحيح؟ وهو كذلك .. احب الغيوم . | |||||||||||
التعديل الأخير تم بواسطة أعيشك ; 11-02-23 الساعة 03:51 AM |
11-03-23, 04:37 AM | #885 | |||||||||||
غيّمُ السّلام.
|
معيار أساسي بعلاقاتي اللي بكمل معها وأشوف لابد إنها تكون علاقة صحية، من هالسنة قررت ماتدخل أي علاقة بحياتي إلا تكون صحية فيها من الاحترام والتقدير وأهم نقطة احترام فكري وتوجهاتي، ماعجب هالشخص فكري وتوجهاتي؟ مسموح له يغادرني بسلام، لأن ماعندي استعداد للجدالات ومحاولة اثبات صحة رأيي. أنا حقيقة الوضوح مهم عندي، وأنا جدًا واضحة ولا أقبل إلا بالواضحين فأقول اللي عندي بدون تزييف وضبابية. لأني احتاج من هالحظة لطول سنوات عمري القادمة شعور السلام. محد مجبور على أحد، لذلك توجهي أضع النقاط على الطاولة، مع أي علاقة بتدخل حياتي صداقة وغيرها. وسلامتكم . | |||||||||||
|
11-04-23, 10:05 AM | #886 | |||||||||||
غيّمُ السّلام.
|
مثل ما يقول فارس عاشور : ولنشرب قليلاً من الماء المنعش . الا على طاري، اليوم بإذن الله بروح معرض الشارقة باخذ كُتب معينة ابغاها وبمثل الوقت باخذ توقيع فارس عاشور! متحمسه اشوفه للمره الثانيه. وودي اتحلطم شوي عن الكوره، صراحةً اتابعها من 2016 خاصةً الدوري الانجليزي واللي يعرفني يعرف اني احب نادي توتنهام من 2017 وهالنادي تحديدا تعذب من التحكيم ومن الظلم اللي حاصل. لكن تعرفون ليش احبه؟ لانه هذا نادي هو المعنى الحقيقي للنجاح، انك تشوف النجاح على هيئة نادي، متصدر وولا مره خسر هالموسم وهو النادي الوحيد كذا! اللهم ابعد عنا الحساد طبعا من بعد ما انغدر ومهاجمنا انتقل للبايرن، عن اي حزن تتحدثون، لكن توتنهام عاد من الموت، صار شرس، ومحد يعرف متى بنخلص هذا الثأر. عمومًا انتظر مباراتنا مع تشيلسي على احر من الجمر يوم الاثنين، ويبدو انها بتكون السهرة صباحية، وتبًا للدوام . لكن اليوم وبكرا في مباريات البريميرليغ، وهذا هو العشق الثاني. صراحةً ماعرف شو يالسه اخبص، لكن تعرفون مشاعري جياشه لهالنادي. وبالنهايه اقول COME ON YOU SPURS | |||||||||||
|
11-04-23, 11:56 PM | #887 | |||||||||||
غيّمُ السّلام.
|
أنا متأكدة إن حياتي هي أحد مرادفات كلمة: زحمة. مو طبيعية درجة الإزدحام اللي أعيشها، وصخب عاالي مستمر على مدار اليوم! لين أحط راسي عالوسادة والصخب باقي ما هدأ . بصراحة تعب تعب تعب شديد! عارفين اللي ببالي 70 شغلة أبا اسويها، سواءً ضرورية أو مجرد شغلة أنا بخاطري أسويها، أتمناها يا جماعة! بس يومي ما يكفي أبدًا، وحقيقةً أحيان أحس مو عارفة وين يروح وقتي أصلًا؟ وللأمانة وصراحةً يعني، ما يُهدر وقتي أبدًا الحمدلله يكون اليوم مليء إنجازات، بس عند الإنجازات.. ما فيه شيء يملأ عيني غيره. يوم يكون الإنجاز 100% حتى لو اليوم ما يستوعب كُل هالـ 100. يااه تقريبًا هذي معضلتي بهالأيام ومشكلتي الوحيدة فـ كُل ما جيت عبالكم.. ادعوا لي بالبركة في الوقت والجهد . ومن جهة ثانية، بغض النظر عن التقصير الدائم اللي أحس فيه، إلا إني سعييدة لأني مشغولة لهالدرجة، الإنشغال نِعمة! كُل ساعة من يومي فيها عمل رائع يستحق الإحتفاء، عالأقل مني أنا . أحس إني مترفعة عن السفاسف والتوافه بهالحال، فالحمدلله. لا إله إلا الله، وحده لا شريك له، له الملك وله الحمد وهوَ على كل شيء قدير. | |||||||||||
|
11-05-23, 05:18 PM | #888 | |||||||||||
غيّمُ السّلام.
|
التدوين بنهاية اليوم متعة لذيذة . كان هاليوم حافل بأحداث تحمل مشاعر مختلفة، مرة خايفة من امور اللي يالسه أكتشفها بالحياة! ومرة فرحاانه من الرقة اللي أنا فيها ومرة معصبه مثلاً لان نهايه اتاك ما عجبتني! وايساياما قتل ايرين وميكاسا تزوجت وماتت، وكثير اشياء مصيرها تجي تنكب بس مالي خلق اكتبها . أهم شيء عشته اليوم -بالنسبة لقلبي- : إن نزل مطر مطر شديييد قوي، تو اتذكر إني ما دعيت فيه كثير! اخخ الله يرحمني من القهر. بس قلت "يارب" ومتأكدة إنها كافية، وإنه سبحانه مطلّع على قلبي الغلبان، وراح انال مرادي عاجلًا < خلاص واسيت نفسي * بس مواساة حقيقية * المهم، المطر بدأ شديد وصار يخف ويوقف شوي وبعدين يرجع خفيف، ويشد نقطة وبعدين يرجع خفيف وهكذا .. يعني ما ثبت على حال، غير أول نص ساعة لما كان شديد. وانا اصلاً هالايام سعيدة فوق السعادة العادية، والسبب يعود لأكثر شخص عزيز علي هنا بالمنتدى -البدر- رجع ورجعت معاه الايام الحلوه . اكثر شخص ممكن يغير يومي 180 درجة للأفضل، شكرًا لوجودك هنا وبحياتي. | |||||||||||
|
إضافة رد |
مواقع النشر (المفضلة) |
| |
| أصدقاء منتدى مسك الغلا | | |||||