نصيحتي لكل البنات،
وعن تجربة وربك،
امنحي نفسك 6 شهور فقط،
فقط ست شهور هالمدة البسيطة،
اهتمي بجسمك، عقلك، شعرك، وروحك
ست اشهر فقط عودي نفسك فيها على
انها صارت عادة من عادات العناية بالنفس،
ألغي المتابعة من الناس اللي ما يلهمونك
انك تكوني نسخة افضل من نفسك،
اقطعي علاقتك بالناس السلبية اللي تدمر نفسيتك،
اصحي بدري ونامي بدري،
كل صباح ألبسي وتجهزي حتى لو ماكان عندك دوام،
خلي اكلك صحي اكثر،
اكتبي افكارك، تمرني كل يوم، واقرئي لو كتاب،
نفسك راح تشكرك بعد 20 سنة من الان،
سوي كل الاشياء اللي تحبيها،
ابدأي تصيري مثل النسخة اللي دائمًا كنتي
تبين تصيرينها كامرأة قوية،
واوعدك راح تشوفين كيف راح تتغير حياتك ونفسيتك.
بعدها واجهيني لو ما تغير شيء.

نمت احلى نومه بالتاريخ فعلاً،
نومه عمييقه ما لا تقل عن 13 ساعة :MonTaseR_158:.
والان اعلنها هذا احلى صباح اعيشه من فترة،
صباح الخير على البشرية بشكل عام،
فاتني شي؟.

مازلت للآن مالقيت المكان اللي يلبيني
ويلبي أفكاري كما تستحق،
ويحسسني أن أصغر أشيائي مُهمة
وواجب تنفيذها فورًا!
ولو أنني في كل محطة أوصلها
أتمنى فعليًا أكون لقيت أشياء تشبهني،
بس لا..
ببقى احس بغربتك يا أنسان
في كل أماكن هبوطك.

ومثل الوقت يعجبني شعور التجاوز،
التجاوز ببطء لكن بشكله الحقيقيّ
لا مواقف تأثر بي ولا الأيام تعيدني،
ولا التفاتة تعيق خطواتي،
ببطء لكنها للأبد.

-


يااه يالغبار بمُدونتي،
اشتقت لها صراحةً لكن ماعندي شي يستحق
اني اشاركه، حياتي عادية وروتيني متكرر.

ومع هذا اكيد ودي احشركم على شي لو تافه :).
أنا أحب أترك شباك غرفتي مفتوح طول الوقت بهالأيام
لأن الجو غالبًا لطيف ويوّنسني الهواء
وبالنهار غيوم ونسمة باردة :نبض:.

بس عندنا جيران الله يغفر لهم ويعفو عنهم :)
أصواتهم عااااالية وتزعجني جدًا جدًا،
بس أتجاهلها وأقول معليش الناس وسط بيتهم وهم أحرار :9:.

لكن مؤخرًا صايرين يطبخون أشياء غريبة طوال الوقت ..
ريحة الكشنة ومرات خبز ومعجنات،
غرفتي أحسها صارت مطبخ!

ولأول مرة منذ شهور اضطريت اقفل الشباك
اليوم سقط جسر الوناسة تقريبًا.



وهذا ألذ فطور بعد مباراة توتنهام والسيتي
وبعد ما القولون لعب علي شويتين،
وكمان بعد اني مش ماكله 18 ساعة
صارت ألذ اكله بالحياة :نبض:.
وحقيقي تعادلنا معاهم رغم ظل الغيابات
وبملعبهم؟ يعتبر فوز لنا وشيء كبير،
اه انا اتنفس توتنهام يا جماعة :نبض:.

وغيرها راح ننتقل من البيت للمرة الثانية
خلال ست سنوات الاخيرة،
بننتقل مؤقتًا وراح نعيد بنائه وبنرجع فيه بإذن الله
تعرفون اني يا دوب تأقلمت عليه!
لكن الظروف اقوى مني ومنه.
الله يسهلها.

لحظه، حبة حبة جالسة اكب العفش
وانا مو دارية، خلاص اكتفي هنا :).

المهم لازم اروح الحين،
يلا سلام.

أنا حاليًا بقمة إنشغالي وضغطي،
لكن حسيت نفسي محتاجة أكتب..
بمكان محد يعرفني فيه بحياتي الواقعية.
ماراح أقول شو سبب اللي أحس فيه
لكن بدل من وصفه بشكل مباشر
قررت اشرحه من خلال هالموسيقى،
ودي اكتب اسمها لكن مش ناقصني ذنوبكم.

لما اسمع هالموسيقى،
أحس نفسي قاعدة بكهف أو مكان مُظلم
وحواليه أشخاص بس ما أشوف وجههم
ولا اسمع أصواتهم،
لكن أسمع أصوات حركاتهم..
وفجأة أحس نفسي حسيت في نور بداخلي
نوّر المكان كله وخلاني أشوف الناس اللي حواليه
وتعابير وجوههم ومن هم،
لكن هالنور ما ضواني وما منحني شيء
بالعكس خلاني أحترق،
لأن طلع هالنور مؤذي ويحرق اصحابه.
فأظل أركض وأركض أحاول اطفي نفسي
بس محد من اللي حواليه يطفيني
ومش ملاحظين حتى أني اتألم بسبب هالنور.

-
أتمنى محد يأخذ علي نظرة بسبب كلامي :)
بس حاولت اشرح شعوري من خلال هالتحفة السمعية.

‏محبتك كانت بمثابة أضرار جانبية
لعدم محبتي لنفسي.

اوووووتتتش!.