حرفيًا انسحبت من كُل الصداقات
والناس السامة اللي كانوا بحياتي :bye1:
كلهم بلوك بلوك بلوك بدون نقاش.

يعني الواحد يفكر شلون كلهم كذا!
كلهم كذا سامين بمعنى الكلمة،
وفجأة يطلع منهم شخص ثاني
أبد ما يشبه الشخص اللي كنت أعرفه!!
يطلع أعفن عنهم كلهم!

ماعرف بس معقولة ولا صَديق طلع صح!
رُغم اني إنسانة إنتقائية بكل شي
وما كنت أصادق أي شخص وأيًا كانت العلاقة،
بس مو طبيعي مع كل هالحذر وهذي النتيجة!!!

المهم خلاص بطلنا صداقات وزحمة علاقات،
خلونا كذا وحيدين ورايقين وصباحكم عَسل.

قهوة الظهر مع عمتي
بيست كوفي فور ايڤر.


:ah11:

نظرتي للأنثى الرائعة هي اللي ما تخلي
معاناتها تأثر على اللي حولها،
وأنا أحاول أكون هذي الأنثى الرائعة.

‏أبوي، أخوي، مديري، زملاء العمل،
عيال أخوي، زملاء الدراسة،
قرايباتي، وبنات عمي،
حرفيًا أنا ما أذكر أن أحد منهم
قد مسكني وقال: شفيك؟.

اللهم اجعلها أمطار خير وبركة،
يوم كامل كله مطر، ماشاء الله.

جدًا طبيعي تكره صفة بشخص تحبه،
في كثير اشخاص كنت اكره صفات فيهم..
وكنت رافضة لفكرة كراهيتي لهالصفات،
بس حاليًا أشوف إنه طبيعي أكرهها!
مو شرط أحب كل شيء بهذا الشخص..
عندي الحق بأن اكرهها بس ما عندي
الحق بأنه أجبره يغير هالصفة فيه!
خصوصًا إذا كانت هالصفة
ما تضرني ولا تسبب لي أذيه
وإذا كانت هالصفة اللي فيه سيئة وتضرني،
ممكن أحاول اغيرها؟ أو اتركه.

شخصيًا أشوف صعب إنه الإنسان يغير صفة
فيه أو يترك عادة، إلا لما يتعرض للصدمة بسببها!
أو يتأذى بسبب هالعادة يلا يقدر يتركها..

محد يقدر يغير شخص،
اشوف إنه جدًا صعبة تغير إنسان..
وهالشيء نشوفه بس بالأفلام
لإن الصفات والعادات مثل النبات
لها جذور ولها اسباب،
ومحد يقدر يتغير عشان شخص!.

‏﴿ قُلِ الْحَمْدُ لِله ﴾

‏أول من يُدعى إلى الجنة يوم القِيامة
هم الحامدون الذين يحمدون الله
في السراء والضراء،
لك الحمَدُ حتى ترضى يا الله.