لو الحين أذكُر كلمة عشوائية،
كُل شخص قرأ هالكلمة راح يفكر
بشيء متعلق بهالكلمة أو فكرته عنها،
على سبيل المثال كلمة "حب"؟
كُل شخص منكم خطر بباله إنطباعه
عن هالكلمة ونظرته لها،
بعضكم يشوف مافي حب،
وبعضكم يشوف هالكلمة حلوة
وإن الحب شيء جميل!
وبعضكم يشوفه مؤلم ومو مستعد يحب أحد..
فكل شخص منكم عنده نظرته تجاه أمرٍ ما،
وهالنظرة حصلها من خلال تجربته
أو من خلال عقله وتحليله للأمور،
حتى لو ما وقع بالحب أو ما خاض التجربة..
مثال ثاني، لنفترض أن في واحد بالشغل
أعطى مديرة بالعمل هدية،
كل شخص عنده وجه نظر عن هالموضوع،
في واحد راح يشوف الموظف مُتملق،
وواحد ثاني يشوفه لطيف!
وواحد فكر إنه أكيد عنده مصلحة.. وغيرها.
انطباعهم على هالفعل، أما لأنه يشوفون نفسهم
ماراح يسوون هالفعل - يعطون المدير هدية -
الإ لضرورة أو مصلحة يعني:
" كلٌ يرى الناس بعين طبعه"
أو يذكرهم فعل هالموظف بشخص هُم يعرفوه
فيشوفون فعله مثل هالشخص اللي يعرفوه
ما أدري إذا كلامي مفهوم أو لا؟ بس مقصدي..
إنه كُل شخص لما أعطى انطباعه عن حياة الناس
وتصرفاتهم هو لا إراديًا يعكس طريقة تفكيره،
وإنه هو شخص نظيف داخليًا أو لا..
يعني لما شخص يفكر بإن الموظف اللي أعطى
الهدية للمدير مُتملق هو كشف عن نفسه هو
يمتلك صفة سيئة وهي التدخل بظنون الآخرين!
فهو هنا صار الأسوأ بظنه،
حتى لو كان الموظف مُتملق تصرفاتنا
تجاه الآخرين واعتقاداتنا عنهم،
هي تحللنا وتوضح شخصيتنا
أكثر من الناس اللي نحن نتكلم فيهم او عنهم،
لهذا لازم نكون حذرين بآراءنا وكلماتنا،
لإنها تفضحنا وتوضح اللي بدواخلنا لا إراديًا.
أتمنى تكون وجهة نظري واضحة،
بس ظلت هالفكرة عالقة برأسي اليوم،
وحبيت أكتبها :نبض:.

المهم المهم المهم..
كلام ما يهم أحد،
راح انقل الاسبوع الجاي لبيت ثاني،
وبيكون أقرب للناس من هذا وصدق وأخيرًا،
هالبيت جد جد بعيد عن الدنيا،
وكأني أعيش لحالي بالصحراء :)
لكن ما ابغى اترك الحلوة بنت جيراننا
اللي حرفيًا معاي من طفولتي
أعرف راح أحس بملل مو طبيعي بدونها :eiwp:.

غير أن البيت حاليًا مكركب
وكل شي فوق بعض،
رسميًا ما استقبل أي ضيوف،
وطلع النقل أصعب مما توقعته.
الله يسهلها.

التقدير يقوي العلاقات بشكل مَهول،
أحب الشخص اللي يقدّر وجودي بحياته،
ويحسسني بعظم مكانتي عنده،
وأني شيء كبير و مايهون خاطري عليه،
يقدّر الوقت اللي بيننا والأيام، يقدّر عشرتي،
يقدّر كل شيء أسويه عشانه،
يعطيني دافع بإني أستمر أعطيه
أشياء حلوه بدون ندم،
لانه بكل بساطه يقدّر.

:Dl3:

في كلام بقلبي
جدًا بنفسي أقوله،
بس أدري لو أجلس 10 سنوات
أسولف فيه ماراح يفيد..
أتمنى لو عندي القدرة والقوة
إني أغير اللي حولي،
وايد كاسرين قلبي.

وأنا وياك ولا حاجة في الدنيا بقت فارقة،
وأنا وياك إيه تاني أفكر فيه..
خدني معاك لو فين حبيبي مش هقول لا،
خذني معاك خذ قلبي وإبعد بيه..



:ah11:

الشمس خافتة والسماء ستُمطر،
في حين أني أصنع كيكة البرتقال
التي يُحبّها أبي،
في خلفية من الهدوء،
وصوت عبدالحليم يصدح في الأرجاء.



يااه .. أعيش يوم رائع.

لا تدخن أو تشيش قبل ما تستأذن
من اللي جالسين معك،
لو سمحت يعني.