|
أصبحنا وأصبح الملك لله.. بعطيكم نُبذة عن يومي.. - قمت الفجر - صليت الفجر وقريت أذكاري - داومت لكنّي أخذت أذن للخروج - رحت للنادي أتمرن - استفتحت بأول تمرين ديدليفت وحاليًا جسمي مقطع لمليون قطعة :) - رحت اخذ لي فطور - حاليًا اسمع بودكاست وأنا راضية عن يومي الحمدلله. وأنتوا كيف كان صباحكم؟.  |
ما أصدق أني راح أعيش عمر الثلاثين بعد شهور! يااه مصدومة من سرعة الوقت، للآن أذكر مواقف الماضي وكأنها اليوم، أحداث كثيرة مرت علي، أنا فعلاً كبرت! .. في كل مرة تتغير أفكاري أكثر، تترتب أهدافي بشكل مُغاير، تنهار ظنون وأبني ظنون ثانية .. رغم ذلك والحمد لله، لازلت متمسكة بمبادئ اللي ولا مرة خالفتها، وماراح تحصل ان شاء الله حتى لو تغير كل شيء أبسط الأشياء التي أفتخر بها كوني ولا مرة تركت رغبتي تتغلب على عقلي، دائمًا أنا المسيطرة الحمد لله. خلال حياتي المهنية كان يمديني أشتغل بطريقة ثانية، لكني فضلت أني أشتغل بشهاداتي وتعبي، وهي ثمرة جهودي بعد توفيق الله، وراح تكون كذا بإذنه تعالى مستقبلًا بعد، أنا الصراحة ما ودي أكتفي باللي عندي الآن .. وأنا جدًا فخورة بنفسي. بعد كذا شهر راح أكبر أكثر، ملامحي اللي كانت طفولية قبل سنوات أشوفها اليوم كبرت بطريقة لطيفة مرغوبة، الأغلب للآن يغلطون في عمري، ومع هذا أحب ملامحي الناضجة أكثر، أشوفها أنها أصبحت أكثر جدية وهادئة، أو يمكن أتخيّل هذا؟ أيًا كان أعيشك حلوه كيف ما كانت. أنا جدًا ممتنة لكل نعمة أنعمها علي ربي. أوك أعتقد كتبت كثير، دائمًا يصير هالشي وأدوخكم معاي :) على أي حال .. كان ودي أوثق هاليوم والشعور اللي أحسه، باقي عندي أهداف أبغى أحققها في حياتي، اذا الله أعطاني عمر، وإن تمّت هالمدونة لين ذاك الوقت، ودي أرجع وأقرأ كلامي هذا من جديد. |
كارديو الصباح نص ساعة، تمّت فطور رايق ملغم بالبروتين، تمّت. الحين نقول صباح الخير أيها العالم الجميل!.  |
لا يوجد شخص واحد قابلته في السنوات العشر الماضية يعرف أي شيء حقيقي عني، مو أسمي، ولا مهنتي، ولا حياتي العائلية ولا مكان أصلي، ولا حتى عمري. أنا هنا شخصيتي مُزيفة بشكل كُلي عن الواقع، وهالشخصية اللي أكونها قدام كل شخص أقابله بحياتي للآن، حتى الشخص اللي حبيته. |
كان يوم طويل بيوم واحد انجزت وشفت عالم كثيرة جدًا شفت كل العالم اللي صار لي زمان ما شفتها "الحمدلله خلصت من هالمسؤولية" رجعت على البيت بخاطري طبخ أُم :icon1366: بخاطري شوربة ذرة ومقلوبة وسلطة لكن الحاصل والحمد لله ....  اللهم أدم هذه النعمة وأحفظها من الزوال. متكاسلة أطبخ.. هاليومين تقلب الجو مو منطقي أكون توني مخلصة اكل وأروح للمطبخ ادور اكل :)! الآن فيني النوم بس مشتاقة أشوفه عمومًا بحاول أخذ غفوة حاليًا، وبعدين فيها خير. |
أحب البنات، كل البنات لهالسبب ودي أعطيك نصيحة لقلبك خليك إيجابية خلي كل الناس يبون الجلسة معاك عشان طاقتك لا تصيرين جالسة وساكتة وهادئة تغيري، شوفي العالم وأرقصي سولفي وصادقي الحياة مرة وحدة جربي وإستمتعي واستانسي أطلعي وسافري أشتري وسوي كل شي بخاطرك "لكن بحدود" جربي تمارين جديدة أعتني بنفسك وبشرتك وشعرك غنّي وكلي أكلك المُفضل كل يوم إستمتعي يا بنت الحلال وصوري وتكشخي إستمتعي بكل يوم كأنه آخر يوم لك (بعيد الشر عن روحك) لا تتضايقين بسبب تافة وتخربين يومك كله عشان شي تافه واذا جاك شعور حزن أو ضيقة مارسي هوايتك المُفضلة لا تخربين على نفسك يا حلوتي. وبس، أحبكم بنات :نبض:. |
| الساعة الآن 10:37 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا