كل ماهب الهوا والبال رايق
دق هاجوس القصايد من علوى

مانويت اقفي او ابعد او افارق
دام حبه داخل ضلوعي تطوى

وارفع اشواق الغلا مثل البيارق
وكن نجم الشعر في طاريه هوى

المحبه نورها بالقلب شارق
والغلا والشوق تحت امره مسوى

مستحيل ايغيب عن قلبي دقايق
له محبه ماكنه بالقلب جوى

بينه وبين العرب مليون فارق
لابجنس ادم ولا في جنس حوى

شب في جوفي على شوفه حرايق
غايتي في القلب هو للروح سلوى

المزايا نادره كالبدر شاهق
لا اكتمل خمسة عشر بالليل ضوى

في غلاته قد تحديت العوايق
مانظرت لكل من سوى وسوى

له غلا في داخلي واضح وصادق
عالين قدره وحبه قد تقوى

واسمن قلبي كما وسم المطارق
وحط اسمه داخله ولا تروى

خلف الغريقان

.

زدت قسوة ..؟!
وإن دريت بحاجتي لك ..
زدت جفوة ..؟!

وإن عطيتك من حياتي ما تريده ..
ما كفاك ....
وتحسب إن الحب نزوة ..!
والله إني يا أحب الناس .. أحبك ..
والله إن الروح - لو ترضيك - .. فدوة ..!
والله إني تاركٍ غيرك وجيتك ..

مزعل الزعلان .. والعذال .. عنوة ..!
كل دقة قلب "فيني" لك قصيدة ..
تكفي الدنيا مع الأحباب .. غنوة ..!
وكل هاجس ما يجيب إلا خيالك ..
سلوتي بالعمر في صحوة .. وغفوة ..!

أجمع إحساسي وأشواقي وأجيلك ..
وألبس ثياب الهوى .. والعشق .. كسوة ..!!


أنتقي لك من سواليفي .. حسنها ..
والقصايد من غزلها .. كل حلوة ..
وأنثر العبرات .. والضحكات .. عندك ..
تاخذ اللي تلتقي لك فيه سلوى ..!
وأذكر الله كل ما ناظرت حسنك ..
أشهد إنك فوق عرش الزين .. ذروة ..!

كل ماهب الهواء والورق غنا ،،
قام يحداني على الضيقات حادي

كن في صدري مثل غزوة مهنا
وكن في قلبي مثل صبر المهادي

والجريح اللي من ايامه معنا
ماتفرج ضيقته فرك الايادي ،،

لو تبسم لك وقال انه مهنا ،،
كلمته فيها من اللون الرمادي

آه من رمح الفراق اللي طعنا
كيف عكر جونا والجو هادي !!

كنت احسب ان الهواء لامن تثنا
مايجيب الا شذئ عنبر وكادي ،،

لين ذكرني فـ ابو كف ٍمحنا ،،،
واحدٍ غايب وهو داخل فوادي

ياوديع الوداي اللي فيه منا ،،
بيت شعر وحر دمع وصوت شادي

لو نسافر من وطنا في وطنا ،،،
ماتبعدنا العوايد والمبادي ،،

عادي نرحل بعد ما كنا وكنا ،،
بس ننسى مامضى ماهو بـ عادي

الشاعر :احمد فهد
‏‎.

صباح الورد أصدقاء السهر
أولاً عن اعتذر عن الخلال من المفترض أن ليالي الشعر
تستمر مع خلفية تصويرية بس البرنامج تعكر مزاجه
اكتفيت بالقصايد وحدها.
أهل الكواليس بشويش على قلبي ياعمري انتم
النايفة البشت يجنن ما كأني الا عروس بكره زوجها
مهياف يابعد عيني كلمات تاج على راسي ياغلاي
جودي لون القماش عودي حلو هههههههههه الله يحفظك
سحايب شمالية حي الله بنت الشمال منورة ياغلاي العفو
الشعر لأهله انا مجرد سائحة في ديارهم
ايه بنت نجد زهور وعهود منسية في سويداء القلب انتم
....
واخيرا اقول متعكم الله بصحة والعافية وزداكم شاعرية
إلى هنا نختم سهرتنا لهذه ليلة أيها سيدات وسادة
وتصبحون على خير واحلام سعيدة

نلتقي على خير ان شاءالله وفي امان الله