| |||||||
5737Likes| إضافة رد |
| | LinkBack | أدوات الموضوع | انواع عرض الموضوع |
| |||||||
| إضافة رد |
| | LinkBack | أدوات الموضوع | انواع عرض الموضوع |
12-05-23, 02:49 PM
| #1729 | |||||||||||||||
 
| 
كنا شطار طرشنا الشنط مع الشباب عدا كم شنطة لهذا طلعنا بسرعة وألا الشباب بأستقبالنا ما شاء الله وصلوا // شي طبيعي مش معاهم نون النسوة اللي تكفى وقف هنا أبي وأبي وتكفى بنصلي وتكفى إلى أن يستنفذون طاقة شيمتهم بتكفى  بلا تكفى بلا هم يا عم حجزوا لنا طيارة وطريق البر زان لهم الحمد لله كلن نال مبتغاه لولا النداء الأخير | |||||||||||||||
 |
|
12-05-23, 02:57 PM
| #1730 | |||||||||||||||
|
الحين عاد طرت لي أغنية ما معاكم خبر زين عاد أهل البحرين وين بيذكرونج يعني جايتهم بعمر الطفولة بس مش مشكلة إن كنت ناسي أفكرك وإن كنت فاكر أفكرك زيادة يعني أيش كانت سفرة لطيفة بها الأمهات والبنات ووصلت ست الكل وسع وسع الكبير وصل الوالدة ربي يعطيها الصحة ويشافيها وصلت وتم الاستقبال وزانت الصحبة وارتبطت بأمي عموما بمشاويرها وشفت أسواق البهارات والحلوى والمتاي كان لصحبة أمي وعماتي وبناتهم وشبابنا اللي مدري من مسؤول عن الثاني جمالية تجمع // وانقضت الأيام وجاء موعد العودة وعندي عادة تسجيل الدخول قبل الإقلاع دائما بيوم تقريبا // | |||||||||||||||
| |
|
12-05-23, 03:11 PM
| #1731 | |||||||||||||||
|
وولد أختي محرمنا اللي عاش عاش ناسي يسجل دخول لا وعازمني طبعا كالعادة على حسابي وخالتي وجدتي عازمكم طيب ما فيه وقت لا فيه ويلا طيب والسوالف والحكي عند أمي وولد أختي والتوتر خوف النداء الأخير عندنا اتصلوا لنا بنات عمتي وينكم جايين خلاص وطيران من المطعم وبو 16سنة لاعب علينا وصلنا المطار وأمي على كرسيها المهم الكاونتر ما فيه إلا 2 واحد قاعد يشطب والثاني خلاص مستعد للمغادرة قال وين الدوحة بقلبي ودي أقول زيلامسي والأكواخ بس يعني ما يصير على شينه قواة عينه قال ولد أختي نعم نعامة ترفس العدو وألا يقول خلاص قفلنا الثاني رد قال مسجلين دخول قلنا أي ولد أختي قال لا هنا تجمدت قال تدرون هات جوازك بس لأن هلك مسجلين دخول فرحت وألتفت يمين يسار وين الوالدة ؟؟؟ طارت الطيور بأرزاقها  | |||||||||||||||
| |
|
12-05-23, 03:19 PM
| #1732 | |||||||||||||||
|
راحت مع موظف القطرية مع كرسيها طيب وحنا يا الشيخة ما عاد بالسالفة مشيخة وشغلي رجلج يلا // وندخل وما شاء الله طيارة باكستان أكيد موجودة  والسير متعطل اللي ندخل فيه شنطة الجر وللمرة الثانية الإنقاذ من موظف ثاني والجري مجددا رياضة لحظة الدفعة الأخيرة وحده من عماتي وولدها وبناتها آلو وينكم خلاص ما رضوا يدخلونا لحظة إدراك أن النداء الأخير لم يعد مجدي وكان لازم حد يتدخل يعلمنا لازم نروح قبل ساعتين يا نور العين حزنت نقص جزء مهم من عصبتنا مادري عصابتنا وأنا أدور وأدور وأنتظر الوالدة وبالأخير الشيخة قاعدة بالطيارة طيب قولي اتصلي قالت بكل برود: قلت أكيد بتعرفين أني بالطيارة أيييه صح على أساس الحاسة السابعة اللي عندي من متى !!! والله كلام الوالدة بنت بطوطة يشير لذلك ووصلنا بالسلامة و النداء الأخير بالمطارات يشبه كثير الحنين بينهما سرعة بلتبيتك يا تلحق أو لك نداء ثاني // هذا واتفقنا نعيد التجربة بإجازة عيد الفطر نتمنى أن لا نكون النداء الأخير // | |||||||||||||||
| |
|
12-05-23, 03:28 PM
| #1733 | |||||||||||||||
|
بصمات من ؟؟؟ شعاع من وين ؟؟؟ جارنا شاعر ولديه من الشعر درر ومشاعر والمعنى متى يزين ؟؟؟ لما تسوي غدير بيدينها معكرونة سبكتي يحبها الشاعر مش يقولون المعنى ببطن الشاعر عرفنا الآن السر حيث السعادة تسري من وجبة الوبنغ كريم ويغرد الشاعر درر من غزل // كل ما فات من وحي قلم به خفة ظل فكاهيه لشاعرنا ياسر ومحدن له حق يكسر اسمه إلا غدير وبس لأنهااا تسوي أحلى معكرونة ذي المدح كله أملا ما تجون بيد فاضية المرة الجاية عادي لو معكرونة الطيبين اللي تسوونها ،،، بدون لحمم مفروم حنا نحبها على دجاج تتشرط والآن بالجاي الجد // | |||||||||||||||
| |
|
12-05-23, 03:41 PM
| #1734 | |||||||||||||||
|
شاعر العرب الأستاذ ياسر نشاطه بمتابعة الأعضاء جميع وتكريمهم واضح هو وشاعرنا بو محمد ربي يحفظهم سوى يتابعون ويحطون لايك ناس تقرأ وتنظر لعطاء ما يُقدم // يتميز شاعرنا إلى جانب تقديره واطلاعه بعطاء شعري جميييل يغلب عليه الطابع الغزلي الجميل أشعار رائعة بمدونة جدا جميلة لكن موهبته أيضا بأمر آخر اللي هو ؟؟؟ قصائد مغناه لو لك حظ وصدت الرابط قبل ما يربطون عنقه شنقا استجابة لقوانين المنتدى كان لي حظ مع آخر قصيدة مغناه أحلى شي بالقصايد المسموعة توصلك الألفاظ والمعنى بصورة أعمق والله لو تُلقى للمنتدى صوتيا بتكون روعة وإرث جميل دون موسيقى حتى الكل يسمعها ،، المغناه لمنابر تسمح بنفاذها ،، // فعليا فكرة الإلقاء الشعري رائعة // أيش رايي الشخصي بأشعاره ؟؟؟ قلته من زمااان بالجادل شاعر متمكن جدا وأنا أقل من أني أحكم على مستواه اللي آراه يفوق مستواي ما شاء الله هو أستاذ بالشعر ،، وهل تغير رايي ؟؟؟ بصراحة أي والله كنت أقول عنه متمكن الان لا هو ليس متمكن فحسب هو فوق المتمكن مُبدع جدا والله اتمنى له أن يكون شاعر منبر ومنصة شعرية لأني حسب ما قرأت له دواوين شعرية والموهبة منذ الصغر واتمنى أن تكون تلك الدواوين تحت الطباعة ويلا معرض الكتاب جاي علنا نظفر بديوان عليك بصمة من نفحات شاعر موهوب مثلت مراحل عمره وأحداثها المختلفة إرثه الأدبي على فكرة موهبتك الشعرية من يوم يومك تبارك الرحمن منها للأعلى شرف لمدونتي تلك البصمات باللايكات // وطول عمرك لك الأسبقية بتكريم الجميع يا عساك على القوة ربي بحفظك ويسعدك وصح لسانك وسلمت يمناك على كل قصيدة وأبيات استمتعنا بطرحك لها / وعسى فالك ما يحقق سعادتك مثل معكرونة غدير وأكثر // | |||||||||||||||
|
التعديل الأخير تم بواسطة الدكتورة ; 12-05-23 الساعة 03:56 PM |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
