الشي الحلو اني التقيت بحد حلو <<< ماسكة على حلو اليوم

مين يتوقع الحلوة الي التقيت فيها تكون مين؟؟

لقلق أو لقاء الأرواح أو الحين صارت العنقاء يازينها في كل حالاتها😍♥️

عنقنق<<< الدلع الجديد على وزن لقلق😁
جميلة جميلة يا زينها ويا زين روحها الي فعلا الواحد يرتاح لها سواء هنا في المنتدى أو في الواقع ولو إنها في الواقع أجمل

طبعًا هي كانت تدير الحوار واللقاء أساسًأ بما إني كنت يعنني مستحية ،، طفشتها وهي كل شوي تقول ياختي حطي في بالك انه احنا صحبات من ثلاثة سنين😂♥️
طبعًا أنا في وضعي أشعر بالإنجاز إنه أصلا كنت أتكلم براحة رغم إني مستحية والا أنا لو استحيت أصير جدار بعيد عنكم لا ينطق ولا يتكلم🙂

الشي الوحيد الي كان موترني بسة وحامل بعد كانت تحوم حولنا(طبعا عنقنق صديقة البسس هي الي قالت والا انا في البداية أصلا مدري هي بس والا بسة😂)وكأنه عندها احساس إنه عنقنق تحب البسس وأنا ما أطيقها واضطريت إني أتعلق فوق المقعد زي القردة 😑

لقانا ما طول لكنه كان جميل برغم إن الوقت كان قصير وتمنيت لو كنا التقينا أكثر🥺♥️

طبعًا جميلتنا كلفت على نفسها وجابت لي هدية جميلة مثلها






ومو كذا وبس،، جابت معها حنا كمان وحنتني أنا وأختي الصغيرة بعد😂♥️

الحنا كان يجنن وأختي من فرحتها ما خلت أحد ما أرسلت له صورة يدها 😍😍

وبس كذا كبيت العفش كله الحمد لله وأتمنى ما طولت عليكم😂😂😂♥️

قد سمعتوا عن نجوم مسكرة؟؟
نجمة مسك كلها سكر!

تسلمين يا عيني،، ونورك سابق❤️

يا روقان ما اكتمل ..

أنا ايش خلاني أدخل قسم مشكلتي!!
والله اني كنت مرتاحة يوم كنت مقاطعة ذا القسم وغثاه ..

ما رديت هناك عشان لحد يقول إني أحرض،،

بس من جدكم تشوفون ضرب الرجال مدري الكائن ذا لأنه عيب ينقال عليه رجال لزوجته عادي؟؟

وهي صادقة ما هو رجال،، الي يمد يده على مرة الرجولة ما حتى مرت جنبه ..

يبونها ترجع وهو حتى ما أعتذر مع انه لو أنا قسم لو يحب يدي ما رجعت،،
والأدهى والأمر الي يقول اعتذري!!!

الله قال" فأمسكوهن بمعروف أو فارقوهن بمعروف"

ما كنت في يوم من مؤيدين تمرد النساء ولا عصيانهم لأزواجهم ،، لكن دام ربي ما وفق بينكم طلقها بكرامتها ولحد يقول العيال،، وش البيئة الصحية الي بيعيشون فيها بين أم لسانها طويل وأب يده طويلة؟؟!!

وطاخ طيخ كنهم في فيلم هندي مغبر

أحمد ربي إني عشت في بيئة تحترم النساء جدا،، أبوي ما عمره مد يده علينا يالبنات وأخواني لو تشادينا بالكلام رجعوا يتعذرون،، هم يحترمونا وحنا نفداهم بعيونا

حقيقي ما أكرمهن إلا كريم وما أهانهن إلا لئيم

صحيح ،، ما فيه حياة تخلى من المشاكل
كلنا عندنا مشاكل وكل بيت لاوم تمر فيه ضيق وسعة وفرحة وحزن

لكن في مشاكل تنحل وفي مشاكل نوقف عندها ونقول بس حدك لهنا!!

خذ مثال تقريبي

اثنين راحوا للدكتور وكلهم يعانون من رجولهم

واحد قاله الدكتور هذي اكزيما وعطاه مراهم وأدوية وقاله هي تيجي وتروح بس تقدر تمشي حياتك وإذا جات خذ هالأدوية

والثاني قاله انت رجلك متضررة بالحيل وصار عندك غرغرينا ولازم نبتر الرجل ومستحيل تكمل حياتك كذا لأنه الغرغرينا بتأثر على باقي الرجل لو خليتها

وعدم الاحترام هو غرغرينا الزواج وما أظن فيه شي يقلل من الاحترام أكثر من الضرب!!

خلاص روقنا وزبطنا المزاج

من الأشياء الي تساعدني على تغيير مودي فيديوهات الأطفال العفوية

قبل كانت ماسكة معاي على أيلا بنت نور عريضة وأكثر شي كنت أحبه لما تقول وهي معصبة أنا مسؤولة(مشغولة)

لدرجة صرت أقول زيها إذا جيت بغايظ أخوي لو طلب مني شي ههههههههههه

والحين مسكت معاي على أتيييل التملي ( أصيل الشمري) يجنن هو وحروفه المشقلبات ،، أعيد الفيديو مرة واثنين عشان أفهم وش قال ومع كذا أحبه وأحب سوالفه😂😂

صباح الشمس الحلوة
وأخيرًا يوم مشمس بعد عشرة أيام متواصلة مطر وغيوم وضباب،، والشتاء رجع حرفيًا

يا زين الشمس والدفا


+جمعتكم طيبة