06-19-23, 01:20 PM | #127 | |||||||||||||
|
الله أكبر .. الله أكبر .. الله أكبر لا إله إلا الله الله أكبر .. الله أكبر ولله الحمد أجواء التكبير تشرح الصدر برغم الحر .. الله يبلغنا وإياكم خير المسألة وخير الدعاء | |||||||||||||
|
08-02-23, 06:24 PM | #128 | |||||||||||||
|
السلام عليكم كيف حالكم؟ أنا بخير وأموري طيبة الحمد لله تطمنوا ولحد يقلق علي <<< ادري محد داري عني بس هرمون النرجسية مرتفع هاليومين شوي،، مشوها على طاري النرجسية ،، طحت على صورة قديمة ولأول مرة أشوفها ،، تقريبا كانت هي السبب في ارتفاع هرمون النرجسية عندي الصورة مأخوذة في ٢٠٠٣ وعمري ثلاث سنين وشوي،، صورة جماعية في أول عيد لنا في الأردن مدون عليها التاريخ وأسامينا أرسلها أبوي لأهلنا في اليمن .. أنا كنت أصغر وحدة في الصورة ويالبيييييه شكلي فيها يجنن وودي كذا أخطفني من الصورة وأبوسني لابسة فستان وفوقه جاكيت والجاكيت منتفخ أكثر من حجمه الطبيعي والظاهر تحته أكثر من قطعة عشان البرد،، كومة الملابس هذي مخليتني دبدوبة وهذا المميز في الصورة طبعا وشعري الي كان دايما مقصوص ولادي كان بادي يطول وواصل لأذني وأمي رافعة الي قدام ببكلة على شكل نافورة وهذي هي تسريحة أمي المفضلة للبنوتات الصغيرات ماسكة دبدوبي وأناظر الكاميرا بنظرة كسولة وواضح إن فيني النوم ،، مكس البراءة والفهاوة يخليك تضحك غصب ههههههه المهم صورت الصورة في الجوال وأرسلتها لأختي وقلت لها متى تجيبين لي بنوتة حلوة زي هذي؟ إلا ليش مصيفنا تقفل؟؟ واضح ان وجهي كان خير عليه | |||||||||||||
|
08-05-23, 02:04 PM | #129 | |||||||||||||
|
مساكم خير وسعادة أنا من الناس الي ما تبكي إلا بالنادر جدا جدا،، المشكلة مو هنا المشكلة إن البكية ما تيجي في المواقف الي فعلا تستاهل الواحد يبكي فيها،، لا تتجمع وتتجمع لين يجي موقف سخيف وتطيح .. يعني زي السحب كذا تتصاعد من البحر وما تتكثف في الساحل ،، إنما على مزاجها وين ما أمطرت أمطرت .. هذا وجه الشبه بيني وبين السحاب المهم الدموع تكثفت وهطلت على خير الحمد لله وزينا المود والأجواء جميلة ما شاء الله الي يحب الجو الممطر الدافي في نفس الوقت يرحب قبل لا ينتهي الموسم تراه ما يطول | |||||||||||||
|
08-12-23, 09:07 PM | #130 | |||||||||||||
| هذا أبوي لما كنا صغار ،، وكانوا اخواني يلعبون كورة ،، وكالعادة لازم هوشة نهاية اللعبة فكان أبوي يطلع من مكتبه بهدوء ولا كلام وهواش وصراخ رايح للمطبخ جايب السكين ويشق الكورة وانتهى ... أنا لأني ما أحب الكورة ولا من هواياتي بصراحة كنت أفرح لا وأروح أكمل أشق الكورة وأسويها طاقية وأغبى من تصرفي هذا إنه بعد شوي اخواني ينسون قهرهم على الكورة الي انشقت ويجوني يضاربوني على طاقيتي!!! أبوي شاف هالمنشور وأرسله لنا ع القروب ويقول شفتوا مو أنا بس أسوي كذا كل الناس تسويها،، افرحوا نظام تربيتكم طلع عالمي | |||||||||||||
|
08-18-23, 10:26 PM | #131 | |||||||||||||
|
•• من طرائف النِّساء: «دخل رجل حزيناً على زوجته فسألته ما بك..؟ فقال: أمر السُّلطان بقتل كل من لم يتزوج بثانية! فقالت: اللَّه أكبر لقد اصطفاك اللَّه للشَّهادة!» دقيقة لا تفهمونها غلط،، هي تبي له الأحسن وتبي مصلحته يعني إذا مات شهيد زوجه الله ب ٧٢ من الحور العين ،، بالله مين أحسن له ٧٢ حورية،، والا يتزوج بس واحدة وبعد بتغث حياته بمشاكلها مع زوجته الاولى؟؟ هيا شفتوا كيف احنا ندور مصلحتكم بس انتوا تسيئون الظن فينا ؟ | |||||||||||||
|
08-20-23, 05:36 PM | #132 | |||||||||||||
|
موضوع مشكلتي حق الشايب ذكرني بسالفة مرة قالها لنا أبوي وهو راجع من شغله قال جاء شايب يمكن عمره في الثمانيين ،، سوا تشيك أب وتحاليل أشكال ألوان،، وما شاء الله عليه كل تحاليله كويسة فسأله أبوي انت تشكي من شي والا بس تبغى تشيك على نفسك؟ قاله أنا أبغى عيال!! قاله أبوي وانت ما تعالجت من قبل؟؟ وهو مستغرب ما طرى العيال الا لما صار عمره ثمانين!! قاله لا أصلا أنا عندي عيال يمكن عددهم ٣٢<< بعد مو متأكد من عددهم ،، بس تزوجت جديد والحرمة الجديدة تبغى عيال اللهم اهدِ شبابنا وشيابنا | |||||||||||||
|
إضافة رد |
مواقع النشر (المفضلة) |
| |
| أصدقاء منتدى مسك الغلا | | |||||