| |||||||
| :: قرار هام :: |
647Likes| إضافة رد |
| | LinkBack | أدوات الموضوع | انواع عرض الموضوع |
| |||||||
| :: قرار هام :: |
| إضافة رد |
| | LinkBack | أدوات الموضوع | انواع عرض الموضوع |
02-16-23, 02:07 AM
| #193 | |||||||||
  
|  كنت زمان بحب اتابع كورة عاطول ومشجع اهلاوي جيل ابوتريكة لحد ما عرفت ان الكورة خاضعة للحدود .. خاضعة لحاجات أنت ماتقدرش تغيرها بأيدك وبالتالي بتكون أسير غيرك يحققها .. ايه المميز في أنك تتفرج علي 22 لاعب بيجروا ورا كورة غير أنك بتوهم نفسك أنك هتعيش أحلامك باحلامهم .. لو كان الحوار للمتعة فقط ماكنتش التنافسية ليها لازمة .. ولو التنافسية متعة بحد ذاتها فهي متعة للناس اللي هما جزء منها بشكل مباشر مش احنا .. و مثلا ايه الجديد لو الأهلي خد بطولة افريقيا ماهو خدها كتير .. يعني فرضا خدنا مركز تالت في كأس العالم للأندية ايه الجديد ... فرضا فزنا بكأس العالم للأندية دايما الفرضية هتكون لحساب الحظ والظروف مش القوة .. في مازال ناس اقوي .. في تنافسيات أعلي ... كمنتخب .. ايه الجديد لو خدنا كأس افريقيا يعني هيتقال ياللي فريقك فاز 10 مرات مثلا استفدت ايه .. ايه الفخر في الموضوع يعني .. ايه فكرة النفوذ والسيطرة الكروية علي قارة وانت في قارة كاملة اساسا فارضة نفسها عليك وأنت عارف أنك اخرك تمثيل مشرف في محفل كروي اعلي.. ولو حصل وكانت مفاجأة فهي شذوذ عن النمط ووصلت لمركز أعلي فطبيعي بترجع تاني للنمط المعتاد في البطولة اللي بعدها .. ايه فكرة اني اشوف كورة محلية اللاعيبة بتقضي نص وقتها مش بتلعب كورة اصلا ولما بتشوف ماتش في دوري ابطال اوروبا بتحس ان عندنا دوري تعبان مايتشافش .. يعني هي بقت صناعة وليها مداخيل لناس واكل عيش .. كتير بيحبها او عايش في وهمها وراضي بحاله بس عامة انا فهمت من تفكيري زمان اني مش بتفرج للمتعة وحب الكورة ... وبالتالي ماينفعش اعتبر نفسي مشجع يعني من كام سنة بقيت اتفرج علي ناس بتكلم علي الكورة تسالي بس عادي ماتفرجش علي مباريات .... انا كنت بتابع الكورة كأنه مسلسل لازم يكون ليه تدرج ماينفعش كل مرة نعيد الكرة ... ونقف عند نفس الحدود .. ونرجع نكرر تاني السنة اللي بعدها عارف ان دي طبيعة المنافسة بس فعليا النمط لما يتكرر وانت مش جزء منه بيبقي ممل للبعض مع الوقت وانا منهم .. مثلا لو تابعت كورة اوروبية في انماط متكررة اخر 10 سنين مثلا يعني انا كنت بشجع برشلونة بس خلاص طالما فيها بايرن ميونيخ يبقي البطولة خلصت .. ولازم يقابلوك يا أخي ويغلبوك.. وحرقة الدم بعد كدا أن لازم ريال مدريد يغلبهم بأقل مجهود .. وانت كبرشلونة عمال تشيل اسكور في كل ماتش . كنت احب اتفرج علي ارسنال بس ارسنال معروف اخرها فين .. مهما عشموك هيغدروا بيك في الآخر فريق عيال ... الكورة فعلا علي قدر أن في لحظات متعة وبعض الماتشات ممكن تعيد احياء شغفك ليها بس سهل تستغني عن اللحظات دي لأنها مش لحظاتي اولا واخيرا | |||||||||
 |
|
02-16-23, 06:07 PM
| #194 | |||||||||
| الإنسان طول الوقت في ابتلاء ومش واخد باله… فاهم إن الابتلاءات والاختبارات بالشر والمصايب وناسي إن الابتلاءات الأكتر بالخير والنعم… "ونبلوكم بالشر والخير فتنة" "وبلوناهم بالحسنات والسيئات لعلهم يرچعون" "إنما أولادكم وأموالكم فتنة" "الذي خلق الموت والحياة ليبلوكم أيكم أحسن عملاً" يعني ده كله مخلوق علشان نكون كلنا مبتلين طول الوقت سواء بالمحن والمصايب أو بالخير والنعم… والابتلاء بالخير دايماً أصعب من الابتلاء بالشر لإنك تملك حرية الاختيار، عكس الابتلاء بالشر اللي مبيبقاش قدامك غير انك تصبر وتتحمل. فكتير بيصبر علي المرض والضعف وقليل اللي هيصبر علي الصحة والقوة، فيتجبر بيهم ويفتري… وكتير بيصبر علي الفقر والحرمان ويرضي وقليل اللي بيصبر علي الغني والثراء، فيبرطع في الشهوات والمعاصي والأطماع.. وكتير اللي ربنا مديهم جمال فيفتنو بيه الناس ويغووهم… وكتير اللي ربنا يمكنه في الأرض فيظلم ويتجبر حتي الجوارح و الحواس السليمة، السمع والبصر والشم واللمس واللسان مش هنعمل معصية إلا بيهم… وهي نعم عند معظمنا طول الوقت… كلها امتحانات وامتحانات الخير أكتر وأصعب… فكم من مستدرج بنعم الله عليه وهو لا يعلم… مقتبس .. | |||||||||
| |
|
02-16-23, 09:03 PM
| #195 | |||||||||
| أحيانا براجع نفسي في نمط الشخصية اللي اخترت الناس تشوفني بيها اخر السنين في المنتديات او غيره ... يعني كل شئ اختيار وبسأل نفسي هل الواحد ظلم نفسه انه يظهرها بالصورة الجاحدة دي ولا ايه .gif ":فطسه:") الواحد حرم نفسه من فكرة انه يكون قادر علي التواصل .. وعلي المجاملات .. مع ان المجاملة برضه مهمة ولكن الأمر دون اهتمام .. دون انتظار شئ من احد .. مريح احيانا كثيرة .. ولكن مزعج احيانا اخري كتير من الشخصيات بتحتاج جهد عشان تخرج بمعادلة من تجاربها تؤهلها للتواصل مع العالم بشكل يليق ويمكن انا منهم .. بس المشكلة انك تقعد تعاند عشان توصل لمرحلة تؤهللك انك تكون الشخصية الغامضة في الحكاية اللي بتحاول ترويها دون ان تعي  الا بعد فوات الاوان فالنتيحة قليل يحب يراقبك ويحللك.. يستغربك .. كتير يخاف انه يقرب منك  ابعد عن الشر وغنيله  فكتير يعاملك بمعاملتك  التحليل النفسي نقمة علي من يحبه  | |||||||||
| |
|
02-16-23, 09:12 PM
| #196 | |||||||||
| مشكلة المجتمع بتاعنا ان الناس بشكل عام لما بتحب تجود في لحظات تجلي خاصة بيها بتشغل نفسها بقضايا جدلية عمرها ما اتحلت .. ولا هتتحل .. لأن الفكرة مش دايما أنك هتحل الفكرة من وجودك أنك تفكر بمنتهي الحمادة هلال لأسباب تزيد ايمانك فيما أنت فيه بعد شكوك كتيرة بتراودك بتخليك تبحث عن اسباب منطقية في عقلك عشان تزود من الاحتمالات وتزود من قيمة الأفكار وتغذيها لقلب المجتمع والتعددية الفكرية لأن برضه فيه احتمالية لظهور طفرة ممكن تطلع من قلب مجتمعك بتسلسل غريب كتأثير الفراشة أنت قد تكون جزء منه بأفكارك يقود المجتمع للمرحلة الجاية .. | |||||||||
| |
|
02-17-23, 03:07 PM
| #197 | ||||||||||||||||||
|
لأني اريد أن اضيف شئ ما في هذا الموضوع مفهوم الرياضة بشكل عام محبب وصحي ولست صد مثلا ممارسة كرة القدم في اطار المتعة والممارسة الطبيعية ولا حتي في اطار تنافسي ولكن بحدود .. ولكن ما يحدث في المجالات التنافسية الرياضية حاليا تعدي الحدود و اصبح عبث خاصة عندما اصبح استثمار مربح .... ومع الوقت اصبح يفكك المجتمعات .. وانتزع القيمة مما يمثل اهمية حقيقية للمجتمع في وظائف اصبحت تري في كرة القدم وغيرها من الوظائف الترفيهية اخلال بمبدأ الإستحقاق .. وإلي حد ما اخل بأولويات المجتمع كأهداف .. حتي أنه اخل بالأولوية الناتجة عن هذا الاستثمار بمعني انت المفروض بتابع الكورة للترفيه ولكن ما يحدث عندما اصبحت كرة القدم صناعة اصبحت تخضع يوم بعد التالي لمعايير غير ما خصصت لها في البداية وبالتالي انتزعت المتعة منها بسبب قلة الاعتماد علي المواهب .. وصناعة لاعبين يتميزون بالسرعة والقوة فقط ومبرمجين بأوامر المدربين لانتزاع الفوز .. وبالتالي اصبح الأمر مقرونا بالفوز فقط وليس تقديم المتعة .. انت تتابع كرة القدم لأنك تريد ان تري صورة لأحلامك في شخص فائز وليس للمتعة .. وهنا اصبح الاستثمار الأقوي في النفوس البشرية أصبحت الكورة تغازل غريزة الجشع بداخلك للفوز.. وبالتالي التعصب هو اولي نتائج الرياضة وليس المتعة .. اكيد البعض قد يقول ان الرياضة قد تعزز ثقافة الفوز داخل الفرد منا .. عندما تنتمي لفريق فائز .. ولكن الأمر وما فيه أن فكرة التأثير بحد ذاتها اكبر من انتمائك لفريق . بل انتمائك لنفسك ومحيطك وواقعيتك في البداية هو ما يعزز فرصك لتكون شخص ناجح .. اكيد في ثغرات في طرحي هنا هذا لأنني لم اشمله من كافة جوانبه فتفاصيله كثيرة . ولكن ربما اعود إليه من جديد | ||||||||||||||||||
| |
|
02-17-23, 03:16 PM
| #198 | |||||||||
| اما فيما يخص القدوة .. سواء كشخص رياضي او حتي ممثل الأمر لا يختلف كثيرا في نظري ... هناك من يقدم فن هادف وهناك من يقدم فن منحط .. الفكرة ان الأنظار لا تتجه بشكل كبير لما هو هادف وتلك المشكلة .. ولكن هو موجود في إطاره الواضح .. ما عليه المجتمع هو ما يستقطب ما هو هادف للعقول او منحط.. اما في كرة القدم فلا توجد فلترة فهناك فريق ينتمي إليه لا عبون بشخصيات مختلفة ما يبرز غالبا ليمثل عنصر جذب لمؤشرات القدوة هي نوعيات من الشخصيات سلوكها يميل للمزاجية الحادة في السلوك ومن يمثل التأثير الحقيقي في عقول الفئة السنية الأصغر .. وهي الأكثر متابعة لكرة القدم هو من يستطيع ابراز قدرا من الغرور في تصرفاته و الأنا بشكل ما تكون بارزة وهي من تجلب أكبر قدر من الرعاة والإعلانات فأنت تبني شخصيتك خارج الملعب وليس شرط أن تكون الأعظم لكي تكون الأغني بل قدرتك علي تسويق نفسك بما يناسب متطلبات السوق .. وبالتالي مرونتك علي ابراز شخصيتك لكي تناسب هذا السوق هو المعيار الوحيد للتفرد في هذا المجال.. يعني ليس كل اللاعبين ميسي ولكن حتي ميسي عندما ابرز قدرا في مباراة او اثنين من العدائية في كأس العالم الأخير زادت إلي حد ما مؤشراته في معدلات القدوة فالأقدام لا تمثل القدوة .. بل الأفعال والأقوال الخاصة باللاعب والعقول مهيئة للاحتفاء بهذا الشكل من السلوك يعني الأمر معقد إلي حد ما ويجب الخوض في تفاصيل كثيرة لا تحضرني حاليا .. | |||||||||
|
التعديل الأخير تم بواسطة ahmed 22 ; 02-17-23 الساعة 03:21 PM |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
