09-30-10, 02:36 PM
| #19 | ||||||||||||||
   مهمآ گبرت فبداخلي طفلةٌ مدللـه
|  (( ف بيت ابو سعود )) ( بعد صلاة العشا ) رجعوا عبدالرحمن وعبدالله للبيت مع سالم وفيصل بعد ما صلوا العشا .. ودخلوا المجلس.. عبدالرحمن : طيب الحين وين احسن فندق او شقق عندكم....؟؟ عبدالله : انت من جدك...؟؟ ترى بيتنا كبير علينا .. عبدالرحمن : لا والله ما نبغى نزعجكم .. عبدالله : والله والله والله بالثلاثة .. منت ساكن غير عندنا هالاجازة .. عبدالرحمن : لا تحلف يا عبدالله .. عبدالله : ما يصير .. انت الحين ضيف وعندنا ملحق ضيوف بغرفتين نوم وحمامين وصالة .. واذا تبغى غرفة زيادة عندنا الغرف اللي بالقسم اللي فوق اليسار محد يقعد فيهم.. عبدالرحمن : ههههه مخطط ماشالله .. عبدالله : اكيد .. سالم : يبا .. حتى فيصل بينام هنا اليوم .. فيصل ضرب سالم على يده .. عبدالله : فيصل ليش تستحي .. انت واحد من البيت ومتى ما بغيت تنام فيه حياك .. انا ما احب اقولك لاني اعرف انك خلاص .. حافظ البيت .. انشالله تعيش فيها ان ما عندي مانع .. اهم شي تكون مرتاح .. عبدالرحمن : واهلك راضيين لك يا فيصل .. فيصل نزل راسه : أ... عمي امي متوفية. . وابوي متزوج وحدة ثانية ولاهي معاها .. وجابت له عيال ثانيين يغنونه عني .. وانا اليوم رحت سلمت عليه .. وما اروح البيت الا عشان انام وآكل .. ولا الوقت دايم اقضيه مع سالم .. عبدالرحمن : ما يصير كذا يا فيصل .. ابوك يحبك .. مافي ابو يكره عياله .. حاول تقرب منه .. وتحسسه بوجودك.. ___________________________________ (( ف صالة بيت ابو سعود )) ( نفس الوقت ) عزووووز شد شعر لجين والاخت قلبتها مناحة .... لجين : وآآآآآآآآآآآآآآآآآآآآآ...... أييييييييييييييي.... اهئ اهئ اهئ اهئ منال شالتها : خلاص يا عمري .. خلاص يا حياتي .. من ضربك لجين اشرت على عززوووز بحقد : أزوووووووووز ... منال تطالع عزوووز : ازوووز؟؟؟ فديتك وفديت أزوووز انا .. وقعدتها بحضنها لين ما هدت ... ورجعت تلعب مع اخوها من جديد ولا كانه صار شي .. باسمة : احلى شي اذا كان عندك بزران ف البيت .. منال : أي يونسون الواحد .. خصوصا اذا كنتي بعيدة عن اهلك .. وزوجك دوامه طويل بالشغل .. باسمة " حظي مقروود ما عطاني زي زوجها وعيالها " : مشكلة صراحة السكن بعيد عن الاهل .. منال : بس تصدقين لا والله مو صعب اذا كان عندك زوج طيب وعيال زي كذا .. انا الحمدلله عبدالرحمن مو مقصر معاي .. أي شي ابغاه يجيب لي اياه بدون ما يسال ليش ووشلون .. يعني الحمدلله مفرحني بالحياة .. وهالحلوين اللي عندي هم كل دنيتي .. دخل سالم ......... سالم : السلام عليكم .. منال وباسمة : وعليكم السلام .. سالم بفرح : انتوا ما بتتحركون من هالبيت الا على الرياض .. منال : شلون ...؟ سالم : ابوي كلم عمي .. وقال له انه انتوا بتسكنون عندنا .. ومافي شقق وفنادق بعد اليوم .. منال :هههههه .. خلاص ابشر .. ننام عندكم لين ما تزهقون منا وتطردونا بعد .. باسمة : منور البيت بوجودكم اصلا .. والله بتونسونا بهالاجازة.. سالم : احم .. يما باسمة : نعم ...؟ سالم : ترى فيصل بينام عندي اليوم.. باسمة : وش الجديد ..؟ سالم : لا بس لانه بيكون في ديمة هالمرة منال : مين فيصل ..؟ باسمة : هذا واحد امه ماتت وابوه اخذ وحدة ثانية جابت له عيال ولها معاها وهو مع سالم بالمدرسة .. والمسكين دايم يزهق بروحه بيقضي وقت مع سالم .. واغلب الاحيان ينام ف البيت .. وصار واحد منا وتعودنا عليه .. حتى لينا ماتتحجب منه .. وتعتبره زي اخوها .... منال : يووووه ... يا حرااام .. بس انا بنتي لازم تتحجب منه .. عبدالرحمن ما يرضى .. سالم : مو مشكلة تتحجب .. اهم شي انه عادي يقعد معانا اذا هي موجودة .. منال : أي عادي .. اذا انتوا موجووودين .. بس اذا بروحهم .. لا يا حبيبي .. ماني بايعة بنتي .. سالم : ههههههه لا شدعوة .. وين قاعدين .. قالولك بيتنا امريكا ...؟؟ ___________________________________ (( بيت ابو ندر )) ( غرفة دانة ) سمر : كذااااااااابة ؟؟؟!؟!؟!؟! دانة : والله العظيم ... قسم بالله .. انا مدري من وين طلعلي بين هالظلام .. ما احصل الا سيارته جنبي .. غادة : يا مامي ... احس يخرع .. وضروسه طالعه .. وشعره لنص ظهره .. وثوبه بيج من كثر ما يلبسه .. دانة : !!!!!!!!! حرام عليك .. شوفي انا ما بكذب عليك واقولك انه خايس لانه يجنن مع هالجسم المعضل .. بس .. انا ما اعرفه .. ويلاحقني بعد .. يعني مافي شي يخليني اعجب فيه .. سمر : والله انه ما عندك سالفة .. انا منك احبه .. دامه حلو زي ما تقولين .... غادة : ايش تحب بواحد زي كذا ..؟؟ هذا ما تعرفين ايش تفكيره ... سمر : اعصاااااااابك .. نسيت انك برستيج وما تحبين أي احد ... دانة : مالت عليك انتي وياها .. صدق مراهقات وتفكيركم بزراني .. انا اقولكم مشكلتي .. وانتوا .. مالكم ف الدنيا .. هذي تتغزل فيه .. والثانية تقول عنه يخرع .. ماقلت لكم علقوا .. قلت لكم شوفوا لي حل .. سمر تتربع : انا ما عندي حل .. غادة : ولا انا .. اصلا لا يمكن اتخيل واحد يلاحقني كذا وين ما رحت ووين ما جيت .. ___________________________________ (( بيت ابو سعود )) ( الساعة 11 بالليل ) عبدالرحمن وهو يبوس بنته النايمة على السرير : فديتها الحلوة انا .. منال تبوس عبدالعزيز : ههههههه انا افداهم كلهم .. كل واحد فيهم احلى من الثاني.. سكروا الليت وراحوا للغرفة حقتهم اللي ف القسم حقهم .. عبدالرحمن : يا حليله سالم .. والله راعي سوالف .. منال : حتى دلع والله .. ولينا .. طيبين مرررة .. عبدالرحمن : كبروا بسرعة .. متى آخر مرة شفناهم .. ؟؟ منال : ما اذكر بس .. اذكر يوم كنت حامل بعزوووز .. عبدالرحمن : هههههههههههههههههه منال :شفيك تضحك ...؟ عبدالرحمن : لا بس تذكرت شكلك يوم كنتي منفوخة زي البالون .. مرة كنتي دبة .. منال: ههههه مالت عليك .. ما حصلت غير هالذكرى .. عبدالرحمن : وش اسويلك جات على بالي .... منال قعدت جنبه على السرير : تصدق وانا توني تذكرت يوم اغمى عليك بشهر العسل.. كان شكلك كيوووت وانت دايخ والدكتور ساندك .. عبدالرحمن قام يسوي نفسه دايخ ومال على كتفها : كذا ...؟؟ منال: ايووووووه ... بس ذيك المرة كان وجهك اصفر .. وانا كنت اصيح قاعدة عبدالرحمن : ههههههه .. علينا ذكريات .. منال: هههههه مع زكريات منال ودحمااان .. مش هتئدر تغمض عينيك .. عبدالرحمن : هههه .. بس انا مش هئدر افتح عيني دئيئة زيادة .. لانه جسمي مكسر من الطريق .. وابغى انام .. منال : حتى انا ... مرة تعبت اليوم .. قمت بدري .. وسبحت عزووز ولجين .. ولبستهم .. ومشوار الطريق .. واليوم الكامل اللي قضيناه هنا .. عبدالرحمن : شششششش ... بالعة مسجل .. نامي بس يللا .. منال : هههههههه طيب ... تصبح على خير عبدالرحمن : وانتي من اهله .. ___________________________________ (( ف غرفة لينا )) ( الساعة 2 الفجر ) لينا : ها بتنزلين ...؟؟ ديمة : لا ما ابغى .. صديق اخوك موجود لينا : يا ماما هذا زي اخوي .. ما عتبره صديق اخوي .. هو اصلا اخوي .. فاهمة ..؟ ديمة : أي بس ما يقربلي .. استحي .. لينا : عادي .... كلها دقيقتين بعدين بتفصخين الحيا .. اعرفك .. ديمة : طيب .. طلعوا ديمة ولينا من الغرفة ومروا على غرفة دلع ... دقوا الباب عليها كثير بس ما ردت .. كانت رايحة فيها نووومة فنزلوا تحت عند سالم وفيصل بالصالة ... لينا : مسا الخيييييييييييييير .... فيصل وسالم : مسا النووور ... سالم : حسبتكم ما بتجووون لينا : لا بس كنا نغير ملابسنا .. تعرف لازم الكشخة ف السهرات الليلية .. فيصل : هذي بنت عمك ...؟؟ سالم :أي هذي ديمة .. اصغر من لينا بسنة ديمة كانت مستحية مرة وتطالع بفيصل من تحت لتحت .. يعني بطرف عينها .. كانها ما تشوفه .. وما قالت ولا كلمة بس بعد كم دقيقة .. ديمة : اقووول سلوووم .. عطني بنافس صديقك هذا .. اشوف بيقدر يهزمني ولا لأ ..؟؟ لينا : اخصصصص .... فصخت الحيا البنت ... ديمة : جب انتي محد كلمك .. اخذت ديمة يد السوني من سالم وقعدت تنافس فيصل بشريط الكورة .. وبالاخير فازت هي عليه 5 – 3 ... ديمة : وااااك ... وااااااك .. وااااااك ... فزت عليك فيصل : انتي من علمك اللعب كذا ..؟؟ ديمة : محد .. انا تعلمت بروحي.. فيصل : ماشالله .. لعبك 10 على 10 .. وبعد كم ساعة .. تطور الموضوع مع ديمة للمصارعة .. وقعدت تتناقز فوق فيصل وتتصارع معاه .. ولا كانها اللي قبل شوي كانت مستحية مرررة ... ديمة : انا اورييييييييييك ..... هاهههههههههههاهاهاهاهاا .... آآآآآآآآآي .. لأ .. كااااااااك ..... هههه .. يللا يللا .... الخ فيصل : اااااااااااا... انا اوريك .. اجل شلتي الشعرة اللي طلعتلي اخيرا ف لحيتي ها...؟؟ طيب طيب ... زين ... هههههههه ... والله لا اوريك شغلك مسكها وثبتها ع الارض وقعد يدغدغها وهي ميتة من الضحك .... سالم للينا : هذي اللي تقولين كانت مستحية ...؟ لينا : قسم بالله كانت بتصيح علي فوق ما تبغى تنزل .. بس هذي ديمة ما تعرفها يعني .. دقيقتين وتتماشى مع الوضع .. سالم : هههههه .. بس ع الاقل حلوة .. مو زيك ... لينا : نعم نعم نعم ....؟؟ مالت عليك .. انا احلى منها اصلا سالم : انتي دلوووعة بزيااادة .. لينا : اجل تبغاني اتصارع مع الولد زيها .....؟!؟! كاني قردة .!..!؟!؟ ___________________________________ | ||||||||||||||
| |
|
09-30-10, 02:37 PM
| #20 | ||||||||||||||
| مهمآ گبرت فبداخلي طفلةٌ مدللـه
| (( ف غرفة سعود )) سعود ماسك التليفون ويكلم هتون ... ( حبيبته ) هتون : ورى ما دقيت علي اليوم ...؟ سعود : ماعليه حبيبتي .. اليوم عمي وصل من الرياض .. وكنا مشغولين معاه .. وتعرفين مقدر اكلمك قدام اهلي .. هتون : طيب متى بتقو لهم ....؟؟ سعود : قريب انشالله .. انتي لاتخافين .. متى انا وعدتك واخلفت وعدي ..؟؟ هتون : ولا مرة .. سعود : ممكن طلب...؟ هتون : آمر .. سعود : من زمان ما قلتيلي كلمة حلوة هتون : مو الحين سعود : الا الحين لاني بسكر .. بنام وراي قومة من بدري بكرة .. هتون : طيب حبيبي .... تصبح على خير... سعود : فديت حبيبي انا الحلو القمر .. هتون : بس عاااد استحي .. سعود : وفديت اللي يستحوون انا ... يللا حبيبي لازم اسكر اوكي .. هتون : اوكي .. سعود : ما اوصيك على نفسك .. باي هتون: باي .. سكر سعود التليفون ورماه على السرير جنبه انسدح يفكر ... سعود : الحين انا جبت كل بنات الشرقية .. واي وحدة ابغاها اجيبها بكل سهولة .. ليش هذي بالذات ماني قادر اجيب راسها او اطولها ...؟؟ ماني قادر افهم .. وش الشي الغلط اللي اسويه ع انه كل بنت كنت اتبع معاها نفس الاسلوب لين ما تحبني وتتعلق فيني وساعتها اشبك معاها .. الا هذي!!! بتجننني .. والله بتجنني .. @@@@@@@@@@@@@@@@@@@@@@@@@@@@@@@@@@@@@ (( ثاني ايام العيد ف بيت ابو بندر )) ( الساعة 12 الظهر ) كانت العايلة كلها ف الصالة .. دانة : والله مسكينة يا بابا لو شفتها .. قطعت قلبي .. ابو بندر : طيب وش اسويلها .. الله يرحمه .. ما تقدرين تغيرين شي .. دانة : بس اللي يشوفها امس ما يقول انه الدنيا عيد .. مرة تعبانة ابو بندر : يا ربي .... خلاص عاااد زهقتينا ... ام بندر : لا والله حتى انا البنت قطعت قلبي ... احمد : من هذي .. بندر بضيق : وحدة بنت الجيران مات عليها خطيبها وهم مالهم 5 شهور مخطوبين .. وذبحتنا هذي الهبلة .. مسكينةومسكينة ... طيب وش اسويلها .. اروح احفر القبر واجيب لها زوجها يعني ....!؟!؟؟!؟! احمد : ههههههههه فديت الرقيقين انا .. ابو بندر : وين تبغوا تروحون اليوووم .....؟؟ احمد : مدري .. بس .. انا ابغى اعزم عوض وولد عمه اليوم البيت .. من زمان ما عزمتهم .. ابو بندر : مو مشكلة .. خلاص اعزمهم ... بندر اللي اخيرا ترك الجوال : بيجي رائد معاه ... احمد : وش عرفك برائد انت ...؟ ثامر : هذا خوينا كل يومين تقريبا نطلع معاه ... احمد : والله...؟!؟! من وين عرفتوووه ...؟؟ بندر : يوووه .. السالفة طويلة .. خل ابوي يقول لك اياها .. او دانة تحب تتكلم .. خليها تطلع اللي ف قلبها .. احمد : لا يا شيخ .. خلاص ما ابغى اعرف ... رن التليفون .... دانة : الو .. سمر : الووووووووووووو دانة : هلا والله سمر : فديتش ... شخبارش...؟؟ دانة : اخبارش؟؟؟ يا بنت وش فيك تتكلمين كذا ....؟؟ سمر : كيفي .. جايتني حالة الـ اش .. دانة : شخبار غادة ....؟؟ سمر : بخير .. الا تعالوا .. ما بتطلعون اليوم ...؟؟ دانة : مدري .. بس خالي بيجيه خويه عوض البيت مع ولد عمه رائد .. هذا كل اللي اعرفه سمر : يوووووووه ... رائد بيجي بيتكم...؟!!؟!؟!؟!؟ فدييييييييييييييييييييييييته دانة : كلي زق ... مالت عليك وعلى حماسك اللي مو في محله .. سمر : روحي يللا اقلبي وجهك .. دريتي انه اخت عوض هذا تصير صديقة غادة الروح بالروح دانة : مين هي ...؟؟ سمر : اروى .. دانة : لا تقولين المحششة اللي دوووم تهبل ف اخوها ... سمر : ايووووووووووووووووووووووووووه ... هذا هي .. دانة : خخخخخخ الله يرجها .. اجل شوفي .. ورى ما تكلمين غادة وتجون اليوم بيتنا ..؟؟ وتعزم صديقتها اروى هذي .. ؟؟؟؟؟ سمر : تصدقين فكرة حلوة ... بشوف رائدوووو ... ونااااااسة دانة : يا حماااااااااارة ... ان عدتيها يا ويلك ... سمر: ليش تغارين ...؟؟ دانة : كم مرة بقول لك كلي زق ... كمم مرة ......؟؟ سمر : مالت عليك وعلى وجهك .. اقول .. انا بروح ابلغ غادة وهي ترد عليك ... لاني مالي خلق اسمع صوتك هذا من جديد ... يللا باي دانة : مااااااااااااالت ... باي .. التفتت على الموجودين وقالت : وناااااااااااااااسة ابو بندر : وش فيك انتي بعد ....؟؟ دانة : مانبغى نطلع اليوم ابو بندر : ليش ...؟؟ دانة : تبين لي انه ن خلال معرفتي بالناس .. انه اخت عوض هذا صديق احمد .. هو اخو اعز صديقة لغادة بنت عمي .. فانا قررت اعزمها وغادة وسمر بيجون بعد المغرب .. بندر : ماشالله .. اشوف عمك صار ... احمد حااف .. دانة : مالك دخل انت .. عمي وانا حرة شلون اناديه .. احمد : كل اللي قلتيها انا اعرفه .. دانة : وش دراك ...؟؟ احمد : عوض اعز صديق عندي .. دانة : اهاااااااا.. ام بندر وهي قايمة : اجل انا بقوم اقول للخدامات يجهزون المجلس دام بيجون ناس اليوم ... ___________________________________ (( بيت ابو سعود )) ( الساعة 2 الظهر ) لينا : قوموااااااااااااااااااااااااا .... يللا عااااد ... الساعة صارت ثنتين .. سالم والله بعلم ابوووي انك ما صليت الظهر ... سالم قام وراح انسدح على السرير لانه كان نايم ع الارض مع فيصل .. ديمة : شووووووف .... راح على السرير!!!! لينا : فيصل قوووووووووووووووووووووم ...... فيصل بضيق : سااااااااااااااااااااالم ... سالم : هااااااااا فيصل واصلة معاه : شوف خواتك ........!.!..!.! ما صارت.. لينا قعدت على ظهر فيصل وقالت : لا والله ... اشوف صار لك لسان .. قوم الحين لا اكسر لك ظهرك .. فيصل بابتسامة كلها نوووم : ههههه اجل انتي بتكسريني يالخيزرانة .....؟!؟؟!؟! دينة : مالت عليك هذي اسمها رشاقة بالبرميل ... فيصل : يا ربييييييي.... سالم ظف هالبنات.. ترى والله لا اقوم امشع شعووورهم واطلعهم من الغرفة... قام سالم من السرير وشال لينا .. ووراه فيصل وشال ديمة وطلعوهم من الغرفة ... شالوهم لين الصالة اللي ف نفس الدور ورموهم ع الكنبات ... سالم : قسم بالله .. اللي فيها خير تقرب وتدق الباب وتشوف وش يصير لها .. وراحوا الاثنين للغرفة وقفلوا الباب .. ورجعوا ناموا ............. لينا : اففففففف ... حشى .. موب نوم هذا .. هذا للحين ما جا الشتا .. اجل لو جا وش بيصير .. بتلاقينهم منقوعين ف الغرفة للعشا ........!.!.!.!.!! ديمة : ................ ولا كلمة .. لينا: هي ..... انتي اكلمك انا .. ديمة : ......ها....؟؟ لينا : ياهوووو وش فيك ....؟؟ ديمة لافة يدينها حول بطنها : مسكني ....... وشالني لينا رفعت حاجب : مين ....؟؟ ديمة : فيصل ... لينا : طيب ...؟؟ طيب : مسكني من خصري...!.!.!..! واااااااي ... يخقق يا لينا .. وربي يخقق .. لينا سكتت شوي تستوعب اللي تقوله ديمة وبعدين .... لينا : ........ كاااااااااااااااااااااااااك ههههههههههههههههههههههاااااااااااااااااااااااااااا اااااااي ... قال ايش قال يخقق ... اجل فيصل يخقق ....؟؟؟ ههههههههههههههه خخخخخخخخخخخخخ ... الله يخس ابليسك يا ديمة .. اثرك تضحكين اكثر مني ... هههههههههههههههههههههههههه .................. ديمة : ما اتطنز ... والله اتكلم جد .... وقفت لينا ضحك : ......... امانة .... ديمة تبتسم بفرح والدموع متجمعة ف عيونها : والله ... قسم بالله .. لينا : يوووه ... ديمة حبيبتي وش هالدمووووع...؟؟!! طيب ليش تصيحين .. ديمة : انتي ما تفهمين ....؟؟ لان احب يا بقرة !!!! لينا : ترى هذي فترة مراهقةوتعدين .. بعدين اللي انتي تحسين فيه اعجاب لا اكثر .. ديمة : لا والله .. انا اعرف نفسي .. ياكثر ما خقيت على شباب .. بس هذا .. غير يا لينا .. ماهو زيهم .. عمري ما شفت واحد مع كل الاحداث اللي صارت بحياته اللي قلتيلي اياها .. ويضحك زي كذا ويكون متفاءل ف الجياة ... هذا غير تفهمين شلون غير ... وفوق كل هذا شكله ... يا لينا والله انه يجنن وستايل مررررررررررة .. وشوفي اسلوبه ف الكلام .. ما يكون رسمي .. بالعكس يطق ميانة مع كل الناس .. مع كل كلمة قالتها ديمة لينا كانت تستوعب شي ما كانت تنتبه له ف شخصية فيصل .. ولاول مرة كانت تحس انه غير عن كل الناس فعلا .. ماهو زي أي واحد من شباب الكون .. انسان مر بالكثير .. وعانى الكثير ومع هذا .. الامل عنده ماله حدوود ... ديمة : ايييييييييييي .... وين رحتي ....؟؟ لينا : تصدقين في اشياء كانت قادمي طول الوقت بس ما كنت اركز فيها .. وانتي فتحتي عيني عليها زين ..... ديمة : زي ايش لينا : كيف انه فيصل مختلف عن كل الشباب وانه دايم متفاءل وهمته عالية .. وفوق هذا متواضع .. ديمة : فدييييييييته انا ... لينا قامت : قومي ... ديمة : وين ..؟ لينا : انا اقول لك .... نزلت ديمة مع لينا للمطبخ تحت وشافوا دلع قاعدة تسوي فطور لها وكوب كوفي ... ديمة : صباح الخير دلع : هلا ديمة صباح النور لينا : وش تسوين دلع : ساندوتش وكوفي .. مين يبغى لينا : لا احنا نبغى نسوي فطور جماعي دلع : لمين ...؟؟ لينا تغمز لديمة : لي انا وديمة وسالم وفيصل .. تجين ...؟؟ دلع : ممممم ...اوكي .. ليش لأ ....؟؟ ديمة : اااا....وسعود ...؟؟ لينا : ما ادري بنشوفه اذا بيجي ولا لأ .. مع اني عارفة انه مو وجه هالقعدة دلع دفت لينا بالخفيف ... لينا : عااااادي ... هذي ديمة مو أي احد غريبة .. تراها تدري ك صغيرة وكبيرة بالبيت .. دلع : ما عليك منها يا ديمة .. سعود طيب مرة بس هي تبالغ ... ديمة : علينااااااااااا ... ما كنا سمعنا مس وش صار بينك وبينه ........ دلع : هااااااا...؟؟ لينا : اقول بلا استعباط .. درينا انك وياه امس تلاسنتوا .. لا تستغبين .. ترى مانا بزران .. نعرف كل صغيرة وكبيرة .. دلع: وي منكم ... ما يفوتكم شي .. ___________________________________ | ||||||||||||||
| |
|
09-30-10, 02:38 PM
| #21 | ||||||||||||||
| مهمآ گبرت فبداخلي طفلةٌ مدللـه
| (( بيت ابو عوض )) ( الساعة 3 العصر ) كانت عايلة ابو عوض ف مطعم تشيليز بالخبر .. وكان الجو مرة حلو عندهم ... اروى : تذكرون يوم رحنا الكويت .....؟؟ ابو عوض : اوووه ... احلى شي اصلا هالسنة روحة الكويت ..... اروى : نبغى نروح مرة ثانية .... عوض : أي والله خاطرنا يبى بسفرة للامارات اروى بانفعال : وااااااااااااااااااي .. تكفى يبا الله يخليك .. واللي يرحم والديك ابغى ارووووح الاماراااااااااااااات ... ابو عوض : شفيها هذي انهبلت .....؟!؟؟! ام عوض : خليها وحدة تبغى تتمتع بشبابها .. عوض : تتمتع بشبابها تفضحنا بالمطعم كانه عمرها ما سافرت ....؟!؟!!؟ اروى : مالك دخل انت ... كيفي ... عوض : انتي دايما تخربين على نفسك .. كنت بروح بيت خويي احمد ويقول انه صديقتك هذي غادة بتكون موجودة وقال لي اجيبك ... بس بعد طول لسانك هذا هونت.. اروى : !!!! خلاص خلاص خلاص .. والله آسفة يا قلبي يا عمري يا حياتي يا روحي يا احلى شي بدنيتي .. يا كل مالي ف هالدنيا يا عوضووو يا اخوي الكبير وسندي ف هالدنيا .. ابو عوض : !!!!! كل هذا الكلام اخووووك!.!.!..! حشى .. عوض : شفتها يبا ... دايم كذا تقعد تسمع لي هالسنفونية .. ابو عوض : عيب هالكلام يا بنت .. لا تزوجتي قوليه لزوجك ... أروى انصبغ وجهها احمر " يووووووه .... ماعندهم غير الزواج هذوووولي .. المشكلة ابوي موجود ولا كان عرفت ارد عليك يا عوضوووو " ام عوض : شفييكم على بنتي ... وخروا عنها ... اروى : يما قوليله يوديني معاااااااااااه... ام عوض : وديها معاك يا عوض ... حراااام عليك .. البنت تزهق ف البيت ماعندها خوات.. عوض : سوري يما .. لازم تتادب وما تقعد تراددني ... خليها هالمرة .. المرة الجاية باخذها معاااااااي.. بس هلامرة لأ ابو عوض : اي خلاص .. كذا زين .. اروى : اففففففففففف " مالت عليك وعلى اللي بيطلب منك شي " ___________________________________ (( بيت ابو سعود )) ( الساعة 5 المغرب .. ف الصالة ) كانت العايلة كلها موجودة .. عايلة عبدالرحمن وعايلة عبدالله .. ام سعود وام عزووز كانوا قاعدين بالحجاب عشان عبدالله وعبدالرحمن كانوا موجودين .. عزووووز : اتركييييييييييييييهااااااااااااااااا لينا : ما بتركها عزوز وهو يشد اللعبة من لينا : والله اقطع شعرك!!!!! لينا : لا والله !!!! ومن معلمك هالكلمة ... عزوز بكل براءة ياشر على سعود وعلى وجه ابتسامة : سعود اول قال لك لينا : انا اوريك يا سعودووووو .. قاعد تخرب الولد علي هااااااا....؟؟ سعود كان مشغول بجواله ورفع عينه على لينا وقال : انا ما خربته .. هو يقلد كل كلمة تنقال ... لينا : لا تقول قدامه هالكلام ... ديمة : اصلا المفروض ما يقوله ابدا ان قدامه وان وراه ... دلع : يا شيخه............!!!!! صح لسانك ديمة قعدت تسبل بعيونها ... ومسوية فيها مستحية سعود : الا على طاري الشعر .. يا جماعة ترى دلع تكتب شعر ... دلع " هااااااااا...؟؟؟ هذا وش دراااه ؟؟ الكلب يفتش باراضي!! " التفتوا الكل ... عبدالرحمن : صحيح يا دلع ...؟؟ دلع : اا.... ا... أي .. بس مو شعر شعر .. يعني ابيات .. عبدالله : والله توني ادري ... وش دراك يا سعود دلع " هع هع كلها الحين يا ولد " سعود " وش اقووول؟؟؟ عاد هالملقوف وش يبي يسال من وين ادري...؟؟! " : ا..ا.. ذاك اليوم قالت لي قصيدة حلوة .. دلع " !!! شلاااااااااااااخ " عبدالله : سمعينا يا دلع كم بيت .... عبدالرحمن : يللا سمعينا وانا بسمعكم الشعر اللي اكتبه .. عبدالله : يللا بنشوف من احسن سالم : ما يبغالها كلام .. يللا دلع وريه .. دلع باحراج قعدت تحاول تتذكر كم بيت كتبته وفي نفسها تسب وتلعن ف سعود ... ياحبيبي ما يفسرني.. "العُمر".. ايه طفلة بالغة .."عشرين " عام.. ..فوق .."صدر"..الليل حزني منتثر لين.. "جفن " ..الصبح خلاني .. ونام.. ..إستعاذ الليل من.." ذنب " ..السهر واستباح .." النوم " ..في جُنح الظلام.. ..لجل حُبّك كم .."تقهويت".. الشِعر..!! حرف شِعري.. يشبه "ألوان" الغَمام ..المأسي." ديم "..والواقع .."مطر" ودّها تشرب ..ولا تلقى ..ملام..!! ..وإن سقاها.." الفرح" ..يملاها ..عطر يستدين الشيح.. "أنفاس".. الخزام.. ..والسواقي تعطش لفم.." الفجِر".. لو حضنها .."الغيم".. تلقاها حُطام.. ..ايه.. "طفلة" ..مايفسرني العُمر دامني أغلى من على .."صدرك" .. ينام.. ..كِنّ أصلاً ماعلى الدنيا.. "بشر".. وكنّك إنته.. "مختصر" ..كل الكلام..!! ............................................هدوووو ووووء عبدالرحمن : ماشالله تبارك الله .. انتي اللي كتبتيها ...؟؟ دلع مستحية : اي .. عبدالله : اول مرة ادري انك شاعرة والله .. بس تصدقين رهيبة القصيدة .. دلع : شكرا لينا : هااااااااي ... ما شفتوا شي من كتاباتها لسة .. ياما تحت السواهي دواهي .. دلع خلاص وجهها صار احمر .... ديمة : يللا بابا وريهم وحدة من ابياتك الحلوة عبدالرحمن : اخاف اخسر هههههههه منال : يللا عشاااني .. قول وحدة ... عبدالرحمن : طيب ... احم احم يبقـى الغـلا لوفرقتنــا المشاريـه .. والشرهـة اللي بالخـواطـر تروحــي كـل يعاتب بعض الاحيان غاليــه .. والحـب يبقـى فـوق كل الجروحـي الحب لوشانـت علينـا لياليـــه .. نصبـر وفــى سـر الغـلا مانبوحي طبع الوفـا بقلوبنـا مانخليـــه .. يسري بروحه مثل ماهو بروحـــي حبي على باله ولـوكنت جافيــه .. وهو على بالي وحبـه طموحـــي قلبي ولو صديت وابعدت بيديــه .. وبنظـرتي شوق اللقا له وضوحــي منال من الحماس قعدت تصفق ... وديمة تصفر ... عبدالله : صح لساااااااانك ... منال : فديته زوجي حبيبي انا ام سعود : وش تحسين فيه يا منال وزوجك يقول قصيدة وكانه شاعر ...؟؟ منال : يفز قلبي....!.!.!! عبدالرحمن : تسلمين .... لينا : اوهوووووووووووو عمي .... ترانا هناااااااااااااا عبدالله : شوف طويلة اللسان هذي ....؟!؟!؟!؟ .. عيب يا بنت .. لينا : ما قلت شي بابا ......!!! سمعوا صراخ من فوق .... والكل سكت منال وهي خايفة : عيالي...!.!..! احد يرح يشوفهم وش صاير عليهم ... نقز سالم وديمة لفوق ... وبعد دقيقتين ... نزلوا ... وسالم شايل عزوووز اللي يرافس وديمة شايلة لجين وتراضي فيها وهي تصيح ... قامت منال وشالت لجين : تعالي يا ماما .. تعالي ياحلوة خلااص .. خلاص .. اشش... ايش سوولك ...؟؟ لجين وهي تصيح : اهئ اهئ .. أزوووز سد سعري ... ( عزووز شد شعري ) منال : انا اوريك فيه ولا تزعلين .. يا قمر انتي يا حياتي عزوز يقول لعبدالرحمن : بابا .. هذي حماااارة .. شوف .. طلع من جيبه كومة شعر قطعها من راس لجين ... عزوز يحسب نفسه بطل : انا ادبتها .. قطعت شعرها .... عبدالرحمن : لا يابابا ... ليش تسوي كذا؟؟؟!؟!؟؟! عبدالله : عيييييييييييب .. عزوز هذي اختك .. ما يصير تضربها .. عزوز : احسن تستاهل .. مارضت تعطيني يد السوني عبدالرحمن : معليه .. بس ما تشد شعرها كذا ... تعال قول لي وانا بخليها تعطيك اياه.. عزوز مد بوزه شبرين وما عجبه الكلام : بس هي ما تعرف حتى تلعب .. بس تخسرني ....!.!.! عبدالرحمن : حتى لو عزوووز .. مرة ثانية ما تضرب اختك فاهم ...؟؟! عزوووز : فاهم .. عبدالرحمن : يللا روح بوسها وقول لها آسف .. تقدم عزوز وباس اخته على خدها ... والكل ابتسم لهالموقف .. لينا : ياااااي ... فديتك عزوووزي .... ابتسم عزوووز واستحى وراح يلعب مع لجين بعيد .... اللــــــــــــــــــــــــه اكبر الله ... اكبر الكل قام يردد ور الاذان ولما خلص .. قام عبدالله وعبدالرحمن عبدالله : يللا انا بقوم اصلي .. عبدالرحمن : بجي معاك استناني اجيب جوالي .. قام سالم : انا بجي .. روحوا انتوا وبلحقكم .. لاني بغير ملابسي .. التفتت دلع على سعود وكانها تقول له قوووم بس بدون كلام ... سعود " اففف ... تبغاني اصلي بعد .. اشوف عطيناها وجه ... بس يمكن لو اروح اصلي تغير فكرتها عني .. أي والله .. هذي تحب الملتزمين .. خلاص انا بصير لها ملتزم .. ونشوف مين بيهزم الثاني .. " قام سعود وقال : يبا .. عبدالله : نعم ...؟؟ سعود بابتسامة : يبا انتظرني انا بجي معاكم ... ابتسم ابو عبدالله بفخر : بسرعة يللا بارك الله فيك .. راح سعود يركض بسرعة .. غير ملابسه وطلع معاهم للصلاة .. دلع " ما اصدق !!!!!... الحين سعودووو يروح يصلي ...!؟!؟!؟ سبحان الله .. مغير الاحوال ... الله يهديه ع الاقل يترك سخافته وثقل دمه شوي ... " ___________________________________ | ||||||||||||||
| |
|
09-30-10, 02:39 PM
| #22 | ||||||||||||||
| مهمآ گبرت فبداخلي طفلةٌ مدللـه
| (( بيت ابو غادة .. غرفة ابراهيم ونورة )) ( الساعة 7 العشا ) نورة وهي تطلع الثوب لابراهيم : طيب لاتروح اليوم ... ابراهيم : مال دخل .. بكرة بيوديكم انتي والبنات ... نورة : مو على شي .. بس الدنيا عيد .. ما ابغى يصير فيك شي لاسمح الله انت وراجع او رايح ع الجسر ....... ابراهيم تنهد : لاتخافين .. انا حريص على نفسي اكثر منك .. واتركيك من حساسيتك الزايدة هذي .. تراني رجال مو بزر .. نورة : الله يهيديك ... ابراهيم وهو ياخذ الثوب ويلبسه : الله يهدي الجميع ... لبس ثوبه وشماغه ونزل للصالة اللي تحت ... ابراهيم : ها خلصتوا ...؟؟ غادة : أي خلصنا .. سمر : واااو ... وش هالكشخة .. ماما انشالله بتخليه يطلع كذا ....؟؟؟! نورة : ههههه مين بتطالع فيه مع هالشعر اللابيض اللي بدا يطلع ف لحيته ...؟؟! ابراهيم : تتحدين ....؟؟ نورة : هههههه لا لا لا امزح .. ابراهيم : هههه توصين على شي ...؟؟ نورة : سلامتك .. بس .. انتبه على الطريق ابراهيم : خلاص يا بنت الحلال .. قلت لك كم مر لاتوصيني على نفسي .. يللا انتبهي للبيت ف غيابي .. مع السلامة ... طلع ابراهيم مع بناته اللي بيوديهم بيت اخوه محمد وبعدها بيروح البحرين كالعادة.. ___________________________________ (( بيت ابو عوض )) ( نفس الوقت ) اروى بصراخ : عوضووووووووووووووووووووووووووه ... وجعععععععععع يالاصمخ رد ....!! طلع عوض من الغرفة مشخص ولا بس ثوب ابيض : نعم ..؟؟ خير..؟؟ وش فيه تصارخين ...؟؟ اروى تكتف يدها : والله ما فيني شي .. بس صار لي ساعة مخلصة واستنى حضرة المدموزيل تخلص تمكيج ...... عوض مسك اروى من كشتها : قسم بالله لو اشوفك عدتي هالكلمة مرة ثانية ما تلومين الا نفسك .... فاهمة ......؟؟!؟!؟!؟ اروى : يوووووه ...... آآآآآآآآآآي ... خلاص سوري سوري سوري .. والله سوري بس اترك شعري.. ترك عوض شعرها ونزل وهي تلحقه وتتحرطم .... اروى : مالت عليك .. مسويلي فيها كاشخ الحين .. تراك تلوع الكبد .. ومحد اصلا بيطالع فيك .. غير القرويات اللي زيك .. وعععع .. عوض لف عليها : قسم بالله يا بنت الناس .. لوماني قايل لامي اني باخذك وما بخليك بالبيت .. كان انا فارك الحين بزبال المطبخ ومسكرها عليك .. فلا تستفزيني احسنلك..! اروى " وييييييي ... يا ويلي .. خليني آكل تبن بنفسي لا ياكلني اياه " ___________________________________ (( بيت ابو بندر )) ( الساعة 9 بالليل ) على الساعة 9 كانوا البنات مجتمعات ف بيت ابو بندر والربشة والسوالف تاخذهم وتجيبهم .. وكانت ريم قاعدة تقول لهم عن نهاية قصة " لمني بشوق وضمني " للكاتبة اميرة الورد .. ريم : المهم .. وفجأة ... ينفتح الباب ويدخل راكان ويقول " اترك زوجتي يابو خالد "!!! من الحماس البنات منهم اللي تناقز .. ومنهم اللي تدمع عيونها .. ومنهم اللي تصارخ .. وطبعا اروى اعلى صوت فيهم اروى : واااااااااااااااااي ... فديته انا وفديت رجووولته ... غادة اللي تمسح دموعها : يهببببببببببببببببببببل ....!.!.!.! سمر رفعت يدها للسما بطريقة تضحك وقالت : الله يرزقنا مما رزق غيرنا ...!!! والكل نقع ضحك ..... دانة : هههههه الله يخس ابليسك ... يللا بنات العشا جاهز .. قاموا البنات وجلسوا حول السفرة اللي حطوها على الارض بطلب من اروى وسمر طبعا .. وحطوا عليها الاكل .. وبدوا بالاكل .... ( عند الشباب ) كانوا قاعدين ياكلون على السفرة ومندمجين بالسوالف .. وهذا ينكت .. وهذا يقط كلمة .. وهذا يهاوش .. وهذا يصارخ .. وهذا يغايظ .. يعني الجو كان مرة حلو ف مجلس الرجال .. دق ثامر على دانة : الو .. هلا .. اقول .. انا بجيك برى .. جيبولنا صحن سلطة زيادة .. اوكي .. يللا ف امان الله .. سكر ثامر عن دانة .... وانشغل بالسوالف مع الشباب والاكل .. ونسى اخته والصحن اللي طلبه ... ثامر : تصدق عوض .. ما دريت انه رائد ولد عمك الا اليوم ......!..! عوض : ههههه طيب ...؟؟ ثامر : مدري احس ما يصلح ... رائد : ليش ..؟؟ ثامر : انت واحد بايعها بس .. عوض واحد يتحمل المسؤولية .. عوض : سبحان الله .. خلقة ربي .. تنتن تنتن تنتن ... التفتوا الكل على بندر اللي وصله مسج .. رفع بندر عينه على الكل بعد ما قرا المسج : بسم الله شفيكم تطالعون فيني ..؟!؟!؟ اول مرة تشوفون جوال...؟؟!؟!؟ رائد بنص عين : ميييييييييييييييييييييييين ......؟؟ بندر : شعليك انت ... قسم بالله اللقافة حدها ..... احمد لعوض : اقص يدي اذا ماهي بنت ... بندر : هههههههه انت اللي فاهمني ... احمد : مين...؟؟ بندر : وحدة ثامر : أي وحدة ...؟؟ عوض: ماشالله ... بعد أي وحدة ...؟؟!؟! يعني في غيرها ...؟؟ بندر لعوض : مسوي نفسك ماتدري يعني ....؟!؟!؟ عوض : احسبك تركت هالسوالف .... رائد : اصلا ما يكون الرجال سعودي اذا ما غازل وخربط بالتليفون .. عوض: كلامك خطير .. انت كذا تحكم على كل السعوديين انهم صايعين وراعيين بنات ومغازل .. وهذا مو صح .. في ناس مالهم ف هالسوالف .. عايشين حياتهم عادي بدون بنات وهبال ومستانسين .. احمد : صادق عوض .. مو لازم تحكمون على السعوديين كذا .. انا اشوف الناس برى المملكة كل ما شافوا واحد صايع قالوا سعودي .. غلط .. ترى السعودين من اكثر الشباب المحترمين .. وكل بلد الا تحصل فيها فئة شاذة عن القاعدة .. زي الاخ المصون اللي عندنا هنا .. عوض : مو بس بندر .. حتى رائد .. رائد : احم ... والنعم ... بس ما كنك نسيت شيخ البنات ثامر...؟؟ احمد : هههه وهذا بعد مو احسن منكم .. معاكم نفس الحالة .. ؟؟ ثامر : يللا عاااد اللي يسمعكم يقول ما قد سويتوها.... عوض: سويناها بس مو زيكم كذا ... احمد : أي احنا سويناها بحدووود .. وبعدين كانت فترة قصيرة وتركنا هالخرابيط .. وكبرنا.. يعني فترة شباب وطيش وعدت ... رائد : يووووه .. نسيت جوالي ف السيارة .. عوض: روح روح .. الحق لاتدق عليك الحبيبة وما ترد بعدين تزعل .. يللا رووووح .. رائد : ههههههههه أي والله .. مالي خلق تطردني من الشقة اليوم ... صايرة حساسة مرة .. تعرف الوحام وما يسوي ... بندر وثامر : خخخخخخخخخخخخخخخخخخخخخخ .... طلع رائد من المجلس وراح وراح لسيارته ... جاب منها الجوال .. وسكرها .. وهو راجع للمجلس شاف وحدة واقفة تنتظر وماسكة صحن بيدها .. وكانت معطيته ظهرها ... وماسكة جوال .. وعلى طول من لمحها رائد عرفها .... رائد " ماشاللللله .... يا مرحبا بالدانة " قرب من وراها شوي شوي وقال بصوت واطي : وش عندهم الحلوين برى ....؟؟ نقزت دانة من الخوف وبغى الصحن يطيح بيدها بس مسكت نفسها .... دانة "!!!!!!!!!!!!! نعم..؟؟؟؟ خير؟؟؟؟؟ من وين طلع هذا ؟؟؟؟؟؟ " دانة بدون احساس : رائد ...........!!!!! رائد ابتسم : يا حلو اسمي على لسانك ... دانة على طول لفت ورجعت ركض باتجاه مدخل البيت .. وهي طالعة الدرج .. الا تطيح طيحة معتبرة ... رائد راح يركض بسرعة عندها : تعووورتي ...؟؟ دانة باحراج وخوف : ما فيني شي .. ووخر عني لايشوفك احد هنا .. ماني ناقصة مشاكل منك ....!..!.! رائد : على راحتك ... بس احسك تعورتي دانة متجاهته وتحاول تقوم بس ماهي قادرة .. كعبها انكسر ورجولها انلوت ... وماهي قادرة توقف عليها ... وفوق هذا الخوف طاغي عليها لا يجي احد من اخوانها ويشوفها بهالوضع ......!.!.! دانة والدموع ف عيووونها : آآآآآآآآييييييييييييي ..... مد رائد يده بعطف وهو متلووم من اللي سواه وانه خرعها وخلاها تطيح كذا ......!.!..! رائد : قومي بساعدك ... دانة بنفور : وخر عني ... وبليز روح لا يشوفك احد وتسبب لي بمشكلة .. بليز .. الله يخليك روووح .. ما ابغى مشاكل .... روووووووووووووووح !!!!!!!!!! رائد مرتبك ومو عارف وش يسوي .... بدون شعور وكانه عقله طار مد يدينه الخفيفة .. ومسك خصر دانة ... رفعها بكل خخفة .. ومشى فيها للباب حق البيت ... سندها عليه .. واختفى من الانظار .... فتحت دانة عيونها اللي مليانة دموع .. ما حصلت احد .. كانه اللي صار من شوي حلم ....... بس الم رجلها اكد لها اللي صار ... وبسرعة قتحت باب البيت ودخلت وهي تتساند عل الجدار لين ما وصلت لاقرب كنبة وقعدت عليها .... تتذكر اللي صار من شو وتصيح من الخوف .... دانة " الحمدلله يا رب محد شافني .. والله كانت رقبتي بتنقص لو احد صادني ... موب صاحي .. اجل يسوي فيني كذا .. لا وفي بيتنا بعد ...!.!.!.!. الله يستر منه " وبدون ما تنتبه قربت منها غادة ولمحت دموعها ... غادة بخوف : دانة !!!!! شفيك بحيبتي ... ليش تصيحين ..؟؟ دانة تمسح دموعها : ما فيني شي ... غادة جلست جنبها : ليش تصيحين ..؟؟ احد زعلك ولا قال لك شي...؟؟ دانة : يا غادة الموضوع مو كذا .. انتي فاهمة غلط .. خلاص ما صار شي انا متضايقة شوي .... لا تشغلين بالك ... بس لاتسوين حركات وتخلين الكل ينتبه ويفسر على كيفه .. غادة : طيب خلاص .. متى ما بغيتي قوليلي .. انا موجودة ... دانة : اوكي .. مشكورة حبيبتي ... ارجعي اقعدي عند البنات .. انا شوي واجيكم .. غادة بابتسامة : اوكي .... ننتظرك ... ------------------------------------------------------------------- | ||||||||||||||
| |
|
09-30-10, 02:40 PM
| #23 | ||||||||||||||
| مهمآ گبرت فبداخلي طفلةٌ مدللـه
| ( عند رائد ... ف السيارة ) مسك راسه يتاكد من انه صاحي .. مو سكران ولا مخدر ولا شي .... رائد : ما اصدق ... وش سويت انا الحين ؟؟!؟!؟!؟!!؟ ... لا لا لا اكيد كنت احلم .. مو معقولة امسك بنت كذا ..؟؟؟ ومو اللي اعقل منها اني اخرعها بنص الليل كذا .. هذا جزاتهم يوم اكرمونا ف بيتهم اخرع بنتهم والاحقها من مكان لمكان ...؟؟؟!؟؟!!؟ .. اشوة بس ربي ستر محد شافنا .. لوا كان راحت البنت فيها ... افففف ... يارب سامحني .. والله اني ندمان .. والخوف بيقطعني .. اخاف يكون ششافنا احد .. والله لاتنذبح .. وانا اتفرج عليها بعد ...!.!.!..! مسك راسه بيدينه الثنتين وضغط عليه : ليش تسوي كذا ..؟؟ ... عطني سبب يخيليك تلاحقها .... مو معقولة كذا من الله تنشب ف البنت نشبة ...!.!.! .. ليش ماني قادر اتركها لييييييييييييييييش...؟؟؟ ابغى أي نص ربع سبب مقنع ..؟؟ ياكثر البنات الموجودات واللي يستنون واحد ينشب لهم ويغازلهم ويلاحقهم .. ما حصلت غير هذي..؟!؟!؟!؟ والمشكلة انها بنت ناس وعايلة محترم ... ومتربية وتعرف الصح من الغلط ...... افففففففف ... والله اني واحد حقير ونذل .. مالت علي وعلى وجهي ... فاشل بكل شي ... ف الدراسة .. والشغل .. والتعامل مع الناس بعد .... وخلال كلامه مع نفسه انتبه لثامر اللي كان يدور عليه بالحوش .... رائد : والله لو تدري يا ثامر على اللي اسويه كان طردتني من بيتك ... فتح انوار السيارة ... وضرب هرن خفيف عشان ينتبه له ثامر .. وفعلا تقدم ثارم من السيارة وفتح الباب اللي جنب السواق وركب .. ثامر : وش عندك قاعد في السيارة.؟؟ مااتذكر انه ما عندنا كنب ف البيت ...... !! رائد : ههههه لا ما قصرتوا .. بس .. كنت افكر ف شي ... ثامر يغمز له : انا قلت دامك رحت تجيب جوالك .. اكيد احد دق عليك واشغلك عنا .. يا ..... حلوو .. رائد : هههههههه محد يفهمني غيرك يا شيخ .. ثامر : طيب ناوي تسهر بروحك ف السيارة يعني ..؟؟ الشباب داخل بيلعبون بلوت .. رائد : لا لا لا يا شيخ .. والله ما تبدون بدوني .. هذاني جاي نزلوا الاثنين من السيارة ودخلوا البيت ... ___________________________________ (( ف بيت ابو سعود )) (( الساعة 10 ونص ) سعود : سالم ... وين فيصل ما جا اليوم....؟؟ سالم : فيصل راح يودي زوجة ابوه وخواته للصالون .. عندهم عرس .. نقزت ديمة : اللللله ... ابغى احضر عرس شرقاوي ....!..!.!.! قال لينا بصوت واطي لديمة : قصدك تبين واحد يوديك الصالون عشان تروحي العرس .. ديمة حطت اصبعها في فمها ببراءة وقعدت تسبل بعيونها سالم : شوف هذي!!!! شقلتي لها عشان كذا حمر وجهها ....؟؟؟ لينا : سر المهنة .. مالك دخل .. جات دلع وهي تتمخطر : هااااااي .. سعود : يا حيا الله من جانا .. دلع : ه.. هلا سعود .. قعدت جنب ديمة وهي تقول : فديتك انتي .. شخبارك..؟؟ ديمة : بخير وانتي شخبارك ..؟؟ ما تنشافين .. دلع : وين ما انشاف .. صليت ورجعت ... لينا : اقول دلع .. كلمتي ابوي على الطلعة ..؟؟ دلع : يوووووووه ... والله نسيت .. سوري ... لينا وديمة : اففففففففف .. سالم : خخخخخ مسوية ويا بنت عمك حملة التضامن بالقول انتي وياها ديمة : انت لازم نقول لك كم مرة الك دخل يعني ..؟؟؟ ملقوووووف .. وين خويك عنك؟؟ سالم : قلنا لك راح يودي اهله .. ما تسمعين ..؟؟ ديمة : افففففف .. مالت عليك .. خلاص سمعنا . متى بيرجع؟؟ سالم : وانتي شعليك متى بيرجع .. متى بيروح.. متى بينام .. متى بيقوم..؟؟؟ امه انتي وانا مدري .. !!!!؟؟؟؟ ديمة : يووووووه ... خلاص خلاص .. ما احب اسولف مع واحد بالع مسجل ... اسكت واللي يعافيك .. سعود : دلع .. وين كنتوا بتروحون ..؟؟ دلع طالعته باستغراب : ليش..؟؟ سعود يشوف ساعته : دامني فاضي .. قلت اوديكم .. نتسلى مع بعض شوي .. دلع : ههههههههه مدري .. أي مكان .. ديمة : نبغى نروح البحر .. سالم : طالعوا الضبان .. ما شفتي بحر بحياتك انتي ..؟؟ كل ما قلنا بنطلع قلتي البحر ..؟!؟؟؟!؟!! ... مانا مودينك بحر .. !!! ديمة : انت من كلمك ... ؟؟؟ صدق لقااافة ... اقووول .. هذا من وين جايبينه ..؟؟؟ وكالة رويتز للانباء .. كل ما قلنا كلمة على طول علق .....!.!! سعود : خلاص .. شوفوا دلع وش بتختار وانا بوديكم .. لينا تطالع دلع بخبث : اشم ريحة انّ ف الموضوع دلع : لاتطالعيني كذا .. انا مالي دخل .. اخوك متغير وش اسوي ..؟؟ سعود : يللا وين تبغي تروحي دلع : مدري .. وين تبغوا تروحوا ..؟؟ سالم : أي مكان .. زهقت من البيت .. ديمة : الكورنيش... !! سالم : شي فيه بحر وموية مافيه .. انسي... ديمة : اففففف دلع : حراام .. خلينا نوديها الواجهة شوي تستانس .. سالم : لاوالله .. انا حالف ما نوديها .. خليها .. لينا : ورى مانروح البحرين ...!!! سعود : بحرين الحين انتي ووجهك ..؟؟ الساعة قربت 11 ...!! دلع : خلاص شرايكم اليوم نقعد ق البيت ... وبركة نروح كلنا البحرين مع خالتي وخالتي منال وعمي عبدالله وعبدالرحمن....؟؟؟ سالم : ايوووووووووووووووه ... حل حلوو .. ديمة : وش هالعقل يا حلوووووووة .... انا موافقة .. سالم : ومن سالك عن رايك اصلا ... اقول استريحي .. ديمة : اقوووول .. شوفوا سويلم هذا لا افقع وجهه .. سالم : سويلم بعينك...!...!!!!!! ماكاني رجال بطول وعرض قدامك ....وووووووووجعععع!! سعود : خخخخخخ اعصابك .. ما قالت شي غلط .. !! ما تشوف حتى شنب ما عندك .. شلون تبي تكون رجال ..؟؟ دلع : لا عاااااااااد ... لا احد يغلط على اخوي .. حدكم .. هنا ستوووب .. سعود بنص عين : اشك انه اخوك مع هالفزعة هذي ....!!!! دلع تحرك حواجبها : غيراااااااان!!!!! .. موت حرررررة سعود يطالعها بابتسامة خبث " والله لا اجيبك يا دلع .. ان طال الزمن ولا قصر " ديمة نطت عرض : اقووول ... سويلم متى بيجي فيصل..؟ سالم : يا ربيييييييي ... انتي تفهمين ولا ما تفهمين .. اقولك مشغول مع اهله .. وش يجي يقابل وجهكم يسوي ...؟؟؟ ديمة : ع الاقل احسن من مقابل وجهك هذا ....!!..! سالم : هذي يا تسكرون لسانها يا بصكهاكف يطير وجهها .. ديمة تطلع لسانها : ما تقدر ... ههههاهاهاهاها .. __________________________________ | ||||||||||||||
| |
|
09-30-10, 02:40 PM
| #24 | ||||||||||||||
| مهمآ گبرت فبداخلي طفلةٌ مدللـه
| _ (( بيت ابو بندر )) ( الساعة 12 ) عوض لرائد : خلاص نقووم ..؟؟ رائد : أي خلاص .. تاخر الوقت .. قام عوض وقام معاه رائد ... احمد : وين وين ..؟؟ عوض : تسلم يا احمد .. والله خلاص .. تاخر الوقت .. بندر : لا عاااد .. اجلسوا شوي ... ترى الدنيا عيد .. عااادي .. ثامر : أي والله اقعدوا .. احمد : عوض لاتصير سخيف .. اقعد عاااد .. دومك تسهر عندي .. عوض : نسيت عندي الحريم بعد داخل ..؟؟ احمد : خليهم مستانسات شوي .. ما عليك اقعد شوي .. رائد : لا والله خلاص .. الحين ابوي انا بيزفني .. مرة ثانية انشالله .. احمد : بس عاد لازم المرة الثانية تسهروون ... عوض ابتسم : المرة الجاية دورك عندي .. احمد : هههههه .. رائد : لا والله .. شباب انا مرة مستانس اني عرفت ناس زيكم .. واتشرفت بمعرفتكم .. واحلف عليكم المرة الجاية .. الكل عندي ف البيت ... ثامر تحمس وقال : تم ....!.!!!! الكل ضحك على ثامر وحماسه ... رائد : خخخخخخ تسلم لي يا ثامر .. قسم انك حركاااات .. !!!! عوض : لحظة بس بدق على البنات اخليهم يجهزون ... | ||||||||||||||
| |
