09-30-10, 02:51 PM
| #37 | ||||||||||||||
   مهمآ گبرت فبداخلي طفلةٌ مدللـه
|  (( بيت ابو فيصل .. )) ( الساعة 2 بعد منتصف الليل ) طفى سيارته بملل وقعد فيها متسند ع الكرسي... " يا كرهي لهالمكان .. كل شي فيه خايس وله ذكرى خايسة .. ولا شي ف حياتي ممكن ينسيني الاحداث الكريهة اللي صارت من سنين .. لانها كل يوم تتكرر في بالي وكانه فلم رعب .. وللحين ما اصدق انه صدق كل هذا صار هنا ... " نزل يجر نفسه من السيارة متوجه لباب البيت .. التفت للاشجار الموجودة واللي طولت اكثر من اللازم وصارت تغطي البيت .. ايتسم بالم ... فيصل : حتى انتي شاهدة على كل شي صار ... !!! ما نسيتيه ولا اتوقع بتنسيه .. فتح باب البيت بهدوء ودخل ... فيصل " انا مدري من بعد الله ثم سالم وعائلته وش بسوي .. هذا يوم واحد غابوا عني فيه .. وشوفوا وش صار فيني .. شلون لو يغيبون العمر كله .. الله يخليهم لي يارب .. " توجه لغرفته الموجودة في احد زوايا البيت .. ولما جا يدخل .. ..........: اخيرا جيت .....؟!!! فيصل " اففففففف .. بدينا !! " : أي توني جاي .. تقدمت بكل هدوء نسايم .. زوجة ابوه .. وام اخوانه .. نسايم: وين كنت يا فيصل ...؟ فيصل : كنت مع ربعي اتمشى نسايم : ربعك لين آخر الليل .. ما بقى شي ويطلع الصبح .. فيصل بضيق : خلاص هذاني رجعت ومافيني شي .. ابوي نام ..؟ نسايم ابتسمت : أي نام .. بس وصاني ما انام الا لما ترجع واتطمن عليك .. فيصل : طيب خلاص .. مشكورة .. ممكن تروحين ابغى انام .. نسايم : ا.. احم .. ابغاك في موضوع اذا ممكن .. فيصل بزهق : موضوع ايش..؟؟ ومو ممكن يتاجل يعني ..؟؟ لازم يكون الساعة 2 الفجر.!؟!؟! نسايم : عاد انت اللي تاخرت مو انا .. بعدين ما بطول عليك .. فيصل بعد تفكير فتح باب غرفته وسبقها لداخل .. وهي دخلت وراه وسكرت الباب .. قعد على السرير وهي قعدت على الكرسي حق التسريحة .. فيصل : وش هالموضوع ..؟؟ عسى ما شر .. سكتت نسايم لفترة بعدين قالت .... نسايم : مم .. فيصل .. انت تعرف اني انا وابوك صار لنا 5 سنين متزوجين .. وتعرف فارق السن بيني وبينه .. فيصل رفع حاجب : طيب..؟؟ شسالفة ..؟ نسايم : انت تعرف طبيعة ابوك العصبية .. وتعرف لما يكون ماله خلق وشلون يصير .. وانه ابد ما يراعي مشاعر احد ... صح لاو لأ..؟ فيصل : مو شي جديد ... نسايم : ادري .. وانا عندي بنات ... وانت تعرف انه البنت مرة حساسة ... وتاخذ موقف من ابسط الاشياء .. فيصل ضاق خلقه : يا نسايم ترى مالي خلق هالكلام السخيف ادخلي ف الموضوع على طول .. ترى تعبان وابغى انام .. نسايم والدموع متجمع ف عيونها والعبرة خانقتها ... نزلت راسها ورجعت رفعته مع ابتسامة مختلطة بدموع .. نسايم : فيصل .. انا اعتبرك زي ولدي اللي ما جبته .. ( ابتسمت ) ههه صح انك كبير على انك تكون ولدي .. بس واللله مكانتك عندي زي مكانت خواتك .. لا اكثر ولا اقل .. ويشهد الله اني اعزك .. وانا ماني زعلانة منك على تصرفاتك .. بالعكس .. انت اللي تسويه نتيجة معاملة ابوك لك من بعد موت امك الله يرحمها .. وانا ما الومك على ولاشي تسويه .. بالعكس اتعاطف معاك واحس بللي تحس فيه .. فيصل حس انه بدا يتاثر بسالفة امه : طيب يا نسايم .. ادري انك تعزيني .. وشكرا على هالكلام .. ترى والله تعبان .. ممكن ناجل الكلام هذا لبكرة ..!؟!!؟ نسايم : لا مو ممكن ... اللي ممكن انك تصير فرد من العايلة وتعيّد معانا زي باقي الاولاد وعوائلهم .... فيصل عصب : بس هذي مو عائلتي .. ما تفهمين .. انا امي ماتت وانا صرت مسبب ثقل على ابوي .. كل ما يشوفني ما يعطيني كلمة وحدة تحسسني اني شخص مرغوب فيه ف هالبيت ...!!! شلون تبغينا نصير عايلة دام الاحوال كذا ... وكل هذا مو بسببك والله .. كله بسبب هالابو اللي مدري من عطاه صلاحية انه يفتح بيت ويربي عائلة واطفال ... ؟؟؟!؟! نسايم : فيصل .. انا كل اللي ابغاه منك انك تطيب خاطر خواتك بكلمتين وتقعد معاهم تحسسهم انه عندهم سند .. ع الاقل لو انت ما حصلت من يقولك الكلام ويحسسك بالراحة وانك مرغوب .. خلي غيرك يحس بهالشعور .. والله العظيم .. ذاك اليوم جاتني شوق تصيح تقول بابا ما يحبني وفيصل ما يحبني وانه محد يحبها .. قسم بالله انكسر قلبي ساعتها .. حاولت مع ابوك بس مافي فايدة كاني ما قلت له شي ...!!!! ( انفجرت بالصياح ) فيصل الله يخليك لو مو عشاني عشان هالبنات .. عشانهم اخواتك ساعدني .. والله ما ابغى هالبيت يتهدم من سبة ابوك.. !!!! حط فيصل راسه بين يدينه الثنتين وقعد يفكره بقوة .. الكلام اللي قالته نسايم مو سهل ابد .. وكانها رشت ملح ع الجرح وصار يعور من جديد .. قامت نسايم وفتحت الباب طالعة : اتمنى تفكر زين بللي قلته يا فيصل ... تصبح على خير .. | ||||||||||||||
| |
|
09-30-10, 02:52 PM
| #38 | ||||||||||||||
| مهمآ گبرت فبداخلي طفلةٌ مدللـه
| (( رابع ايام عيد الفطر ... ف البحرين )) ( الساعة 9 ونص الصباح ) قاموا الكل ونزلوا تحت يفطروا .. عشان وراهم مشوار لازم يمشون له من بدري .. تحت ف الكافيتيريا ... انواع الصراخ والضحك العاااااااالية اللي خلت الفندق ونااسة .. ديمة : جيبها يا حمااار .. حتى على الاكل بتنازعني ..؟.؟ سالم يغايظ ديمة وياخذ الزبدة : مافي .. بسك اكل .. اكلتي 3 حبات زبدة ..!؟!؟!؟ لينا شهقت : هيييييي!!!! ثلاااثة يالظالمة ..!؟!؟! انا وحدة ويااالله احطها بفمي .. مو زيييييييين ... والله مو زين تزيد والزن هذي كلها سعرات حرارية .. ديمة ضربت لينا على راساه : اقول فارقي انتي ووجهك قال سعات قال .. شايفتني زيك يا مال المجاعة انشالله ... افريقية بيضا ..!!!!! لينا : بسسسسسسسسسم الله علييي ... انا افريقية هاا.؟!؟!؟! طيب يالبريعصي .. مافي روحة اليوم .. خلاص يا جماعة عقاب لديمة مافي مشوار اليوم بننام ف الفندق.. سالم : تستاهل .. انا اؤيد ... ديمة : انت تاكل تبن ...!! سالم فتح عيونه ع الاخير : انا آكل ايش..؟؟؟ ديمة : ا.. ا .. ( ابتسمت بتصنع ) تاكل حلااااوة طبعا ... امزح معك شفيك ما تحب المزح ..!؟!؟! سالم : حسبت والله .. جات دلع اللي كانت تعبي صحنها اكل وقعدت : شفيكم .. شفيكم..؟؟؟ شصاااير..؟؟ صوتكم للغرف واصل ....!!!! ديمة : عطيني زبدة .. خوك الحمار ما رضى يعطيني زبدة ...!! سالم : حمار بعينك يا بقرة .. ما شفتي خير..!! دلع : ههه حرااام عليكم .... خذي ... تفداك الزبدة كلها ___________________________________ (( ف الغرفة .. ف ادور الخامس )) كان سعود نايم ورايح فيها يوم رن جواله.... سعود : سالم ... سالم ......... محد رد عليه لانه كان لوحده ف الغرفة .. فتح عيونه بثقل : اففف من هالجوال .. من اللي بيدق الحين يعني .. !!!؟؟! بدون ما يشوف الرقم رد ... سعود : الو ... خالد : الو ... سعود : مالت عليك وعلى وجهك وش عندك داق الحين ..؟!؟!؟ ماتعرفني انا بهالوقت... خالد : هههه سوري .. بس قلت اكلمك قبل ما انام اشوف وش صار معاك بالبحرين..؟؟ سعود : قبل مات تنااااااام..؟!؟!؟!؟ شسالفة .. خالد : هههه يا رجال فاتك نص عمرك امس ... سعود : ليش..؟؟؟ شسويتوووووووووووا ...؟!؟! خالد : هههه شوي شوي .. الله يسلمك .. شفت مزرعة جدي اللي كان يقعد فيها .؟؟ سعود قام واعتدل في قعدته : أي ... شفيها ..؟؟ خالد : امس سووا الشباب حفلة كبيرة فيها ... الله لايوريك هالحفة ... رووووعة .. سعود : لا تقول ..!!!! الله يقطع ابليسكم كان انتظرتوا لين ما ارجع .. خالد : هههه عاد الشباب تعرفهم ما فيهم صبر .. سعود : مين جا ..؟ خالد :والله جابوا وجوه جديدة اول مرة اشوفها .. من كل الاشكال .. الشقرا واللي شعرها احمر .. اقولك الله لايوريك .. شي ما قد سويناه من قبل. .. سعود : خخخخخ الله يخسك يا رجال .. اثرك مستانس وانا بالشقى ...!! خالد : ليش..؟؟ وش الاخبار مع بنت الخالة ..؟؟ سعود : اسكت لا تجيب طاريها .. سمك ناشف ف البلعوم .. لا تنبلع ولا تطلع .. خالد : افااا .. وش هالاخبار ..؟؟؟ خربت مزاجي بصراحة ... سعود : أي شعليك انت .. مستانس .. ما وراك وحدة تعذبك زي هذي .. خالد : الا صح .. تعال بقول لك .. سعود : ها..؟ في بعد شي ثاني ..؟ خالد : أي والله .. بس انا من الربشة ما دققت زين يعني ف الموضوع .. سعود : شصار .. لا يكون جبتوا شباب مشكوك فيهم .. ؟!؟؟! خالد : لا لا لا لاتخف من هالناحية .. الشباب كلهم نثق فيهم .. بس في شي يتعلق فيك سعود : فيني انا .؟؟؟ خالد : أي والله ... الست هتون كانت موجودة امس ... سعود فتح عيونه ع الاخير : قول والله ... هذي شلون تروح بدون ما تقول لي .. لا وتروح بدوني بعد ... ؟!؟!؟!؟؟!؟! خالد : أي والله شفتها قاعدة مع ذاك اللي اعتقد اسمه غسان .. سعود : الله ياخذه شاك فيه انا من اول .. وبعدين وش صار ..؟ خالد : مدري اخذها وطلعوا من الحفلة .. بس ان اما حبيت اسوي مشكلة واوقف الحفلة .... سعود عصب : انا اوريها بنت الكلب ... ماتنعطى وجه وحرية .. انا اعرف اتصرف معاها .. سترنا عليها ما فاد .. انا اوريها .. خالد : وش بتسوي ..؟ سعود : عندي رقم اخوها .. تبشر بعزها ...!! خالد : لا يا غبي .. لا يسألونها بعدين تعلم علينا كلنا .. مجنوون انت .؟؟؟ سعود : اجل اخلي بنت تلعب فيني يعني ..؟!؟!؟!؟! انا ما قد بنت جابت راسي ونزلته ف الارض .. نجي هالحثالة تنزله ... والله ما ارضاها ...!!!!! خالد : سعود واللي يعافيك اهدى شوي .. السالفة اذا كبرت بتتحول شرطة وهيئة ومدري ايش ... مانا ناقصين .. يكفي الشرطة حاطة عينها علينا .... سعود : لا تخاف عندي واسطة تطلعنا كلنا وتهز المخفر بكبره .. !!! خالد : الحينا انا الغلطان اني قلت لك ... بتعتقد ابوك لا درى بالسالفة بيطلعك منها يعني ..؟؟ قسم بالله لا يخليك تتعفن وتخيس بالسجن .. ولا بيسأل عنك ... سعود فكر شوي واكتشف انه كلام خالد كله صحيح .. خالد : الووو ... يا رجال وينك..؟؟ سعود : ........... هلا .. خلاص انا بكلمك بعدين... خالد : انتبه لا تتهور .. سعود : خلاااااص .. اقولك بااي .. سكر الخط بوجه خالد وقعد يدور ف الغرفة ... سعود " انا اوريك يا بنت الكلب .. انا سعود تسوين فيني كذا ... هيّن .. ان ما مسحت كرامتك بالارض ما اكون سعود ولد عبدالله ...... " مسك جواله ودق على هتون ..... وهو العصبية واصلة حدها معاه .. بس ما ردت عليه .. وحقرته .. ( حقرته : ما عطته وجه ، لبسته ) سعود : لا تردين طيب .. والله لا احرق جوالك .. وقعد يدق ويدق عليها لين ما ردت ... هتون : ا .. هلا سعود .. صباخ الخير .. سعود بصراخ : صباح الزفت والزق بوجهك .. انتي خير انتي ..؟؟ وين الخير وانتي وين..؟ مافيك دم ولا حيا ......!!! هتون ارتبكت : ا .. س .. سعود وش فيك ..؟؟ مين معصبك ..؟ سعود : ولك وجه تسالين بعد ..؟؟؟ الله ياخذك وياخذ وجهك والخلقة اللي لك ... قولي آمين ... هتون تسوي نفسها تصيح : ل.. ليش تقول كذا .؟؟؟ سعود انا احبك ...! سعود : حبك برص وقرادة انشالله .. اسمعي يا بنت الكلب .. هالرقم لو تدقين عليه من جديد ما يصير لك خير فااهمة ..؟؟ وان شفتك ف الشقة ولا ف الاستراحة بذبحك بيدي فاهمة...؟؟؟ فاحسن لك ما اشوف وجهك لاني لو شفت لاتلوميني على اللي بسويه فيك ..... عرفتي ..!؟!؟!؟؟!؟!؟ انقلعي بللي ما يحفظك ... سكر الخط بوجهها والنار تطفح من عيونه وعروقه طالعة وبارزة .. وباقوى ما عنده رمى جواله على السرير وقعد يسب ويلعن ف كل شي ف هالدنيا .. حتى اهله ..!!!! ( سعود : انسان عصبي .. عنيد .. لازم يسوي اللي براسه .. واللي يبغاه يجيبه .. حساس وقلبه طيب عشان كذا يحاول يغطي هالطيبة بالعصبية والاستفزاز... هذا الشي طبعا محد يعرفه الا خالد ... سعود يعتبر من الشباب المتكبرين واللي شايفين نفسهم مرة ... مو طويل ولا قصير .. لا ضعيف ولا متين .. عنده سكسوكة .. وزلوفه شوي طويله .. وشعره .. اطول من اذنه بشوي .. ) ___________________________________ (( نفس الوقت ف الكافتيريا )) ام سعود : وين سعود ..؟ سالم : نايم .... ام سعود : ليش خليتوه نايم للحين ..؟؟ وشلون نطلع الحين ..؟؟ روحوا قوموه بسرعة بين ما ابوكم وعمكم يفطرون .. محد رضى يتحرك او يقوم والكل بقى قاعد ويسولف ولا كانه ام سعود قايلة شي .. منال صارخت : شبااااااااب .. بنااااااات ... هدوا شوي الكل التفت على عبدالرحمن اللي خز منال خزة بمعنى وطي صوتك .. خافت منال ورفعت يدها لعبدالرحمن وكانها تعتذر وتقول سوري ... منال : شوفوا .. مقدر اعلي صوتي لانه عمكم بيذبحني .. بس اسمعوا .. واحد منكم قوم يقوم سعود ... لينا : انا مالي خلق ... بروح ارتب شكلي وشعري ف الغرفة .. ديمة : وانا بجي معاها .. ما بقى شي ونروح عشان كذا لازم نعدل شكلنا .. ام سعود : ما يحتاج زينة اشكالكم كذا ... رفعت لينا عبايتها وكانت بالبيجاما : هذي زينة ها ...؟؟ ههه عن اذنكم .. | ||||||||||||||
| |
|
09-30-10, 02:53 PM
| #39 | ||||||||||||||
| مهمآ گبرت فبداخلي طفلةٌ مدللـه
| سالم كان ما سك التليفون ومندج ف السالفة مع فيصل ويسمعه بصمت .. ام سعود : وانت الله يهديك ما بتقوم اخوك ... رفع يده سالم وكانه يقول انه قاعد يتكلم .. ام سعود : اففف ... لا حول ولا قوة الا بالله من هالعيال اللي بيجيبون لي المرض .. دلع : خالتي انا بقوم ... ام سعود : لا ما تقومين .. اخوانه اولى فيه .. دلع مع انه مالها خلق ومو مقتنعة بهالفكرة بس عشان خاطر خالتها .. دلع : لا ما عليك خالتي .. سعود زي اخوي .. ارتاحي انتي بس .. ابتسمت ام سعود : الله يخليك يا بنتي ويرضى عليك .. منال : وحليلك يا دلع .. هذي البنت السنعة .. !!! ابتسمت دلع مجاملة وقامت عشان تقوم سعود ... ف الاصنصير ... كانت تراقب ارقام الاصنصير وهي تزيد كل شوي عدد ... " اففففف .. مالي خلق نفسه الشينة الحين .. قايم من النوم ونفسه بخشمه .. الله يعين .. اخاف يقول لي كلمة تكدرلي يومي .. بس احسن شي اسويه .. اقومه بطيب خاطر ونفس حلوة .. يمكن نفسيتي تنعكس عليه ... " وبهذي الفكرة لفت على المرايا الموجودة ورسمت على وجهها ابتسامة حلوة من قلب.. طلعت من الاصنصير وراحت لغرفته .. دقت الباب ..... كان سعود توه طالع من الحمام بعد ما غسل وجهه والعصبية للحين ف وجهه .. وعقله شارد يفكر بسالفة هتون .. وشلون ينتقم منها .. وبنفس الوقت .. كان في ضيق على صدره خاطره يمسك أي واحد قدامه وينزل فيه ضرب .. لين ما يفش خلقه .. سعود بعصبية : ميييييييييين ..؟؟ دلع باستغراب "يووه .. هذا وش فيه ..؟؟ بعد معصب .. نفس خايسة وعصبية .. حيالله الربع والله .......!!!! " : ا.. انا دلع .. سعود " ناقص انا .. احصلها من وين ولا من وين ..؟؟ " : لحظة .. وهو جاي يفتح الباب خطرت في باله فكرة .. فتح الباب وعلى وجهه ابتسامة .... دخلت دلع .. ويوم شافت وجهه ابتسمت وتنهدت باطمئنان ... سعود وهو بعده مبتسم : ههه شفيك ...؟ كانك داخلة حرب ..؟ دلع : ههه لا بس .. خفت تكون معصب .. انا ما اداني اكلم واحد وهو نفسه بخشمه .. سعود " هه غرتك الابتساامة !!!! " : حياك ... دلع دخلت وسكر سعود الباب .. دارت دلع ف الغرفة : ما خلصت ..؟؟ سعود : ليش..؟؟ وش عندكم ..؟ دلع : يوووووه ... لا تقول نسيت .. ورانا مشوار والكل تحت جاهز ... بس قاعدين يفطرون .. سعود : والله ..!! اجل يبغالي البس بسرعة .. خذي راحتك بين ما اخلص لبس .. دلع : اوكي بنتظرك ماني طالعة من الغرفة .. فتحت دلع شعرها وقعدت تعدله على المرايا بينما دخل سعود الحمام يلبس ملابسه.. ( ف الحمام ... ) هذا هي الفرصة جتني لحد عندي.. يا اغتنمها .. يا تروح من يدي .. احسن شي الحق عليها ... طلع من الحمام .. دلع : ورى ما لبست ..؟ سعود : نسيت جوالي هنا .. شفتيه ...؟ دلع تلتفت حواليها : م .. لأ ..... سعود : اظن اني زي كل مرة ظيعته وانا نايم .. اكيد طاح من جيبي .. دلع : احد يحط جواله بجيبه وهو نايم .. سعود : ههه انا .. دوري معاي الله يخليك .. جات دلع وركبت فوق السرير تدور بين الشراشف على الجوال .. وسعود معاها .. دلع : ههه احس اننا ندور عن ابرة .. سعود : فتحي عيوونك زين .. وبدون ما تنتبه مسكها سعود .... ********** ___________________________________ | ||||||||||||||
| |
|
09-30-10, 02:53 PM
| #40 | ||||||||||||||
| مهمآ گبرت فبداخلي طفلةٌ مدللـه
| ___________________________________ (( بيت ابو بندر )) ( الساعة 12 ونص ) ام بندر : دانة .. ودي هذي الصينية المجلس .. ما بقى شي ويوصلوا بيت عمك .. دانة وهي تاخذ الصينية : حااااضر .. طلعت دانة من المطبخ شايلة صينية القهوة بحذر ويوم دخلت المجلس .. حصلت اخوانها التوأم بندر وثامر يناقزون ويغنون زي الهبلان والطقاقين ... ومعلين الصوت ع الآخير....<< مو مصدقين الدنيا عيد خخخخخخ حطت دانة الصينية على الطاولة الكبيرة .. تقدم بندر منها وأخذله فنجان قهوة .. ومدلها اياه وهو يغني بطرب : صبولي من الفنجال .. صافي من عسل جرذان دانة باست يدها تتحمد ربها وتشكره يوم شافت ثامر و بندر قاموا يغنون ويرقصون بالشماغ والعقال .. ويدورون كنهم في عرضة للجنادرية .. دانة رفعت يدها للسما : يارب لك الحمد انك ما خلقتني زي هالمجانين اللي تقول مولودين في عرس بدو ...!! بس بندر وثامر حقروها ولا عطوها وجه وكملوا يغنون ويرقصون : بو صالح سرى ليله .. هل الدمع من عينه .. صبولي من الفنجان .. صافي من عسل الجرذان بو صالح سرى ليله .. هل الدمع من عينه .. صبولي من الفنجان . صافي من عسل الجرذان حبيبي وحبيته .. مرو بي على بيته .. خلي راح في وادي وانا رحت في وديان حبيبي وحبيته .. مروبي على بيته .. خلي راح في وادي وانا رحت في وديان وفجأة يدخل عمها أحمد متلثم .. والعقال بيده .. واول ما شافوه اخوانها قاموا يصفقون ويصفرون له ..وهو زاد الطين بلة وقام يرقص بزيادة .... ويركب على الكنب ويناقز هو و بندر وثامر ويغنون مع بعض .. ياراكب وارد بهوان .. غيرك ما شراه انسان .. صبولي من الفنجان .. صافي من عسل الجرذان يابكرة عمانيه .. ماتنزل صاله الميدان .. صبولي من الفنجان .. صافي من عسل الجرذان يابكرة عمانيه .. ماتنزل صاله الميدان .. صبولي من الفنجان .. صافي من عسل الجرذان وبين ما هم يرقصون ومندمجين دخل محمد ( ابو بندر وثامر ) وقعد يتفرج هو ودانة ويضحكون .... ويوم خلصوا رقص وخلصوا الاغنية قعد يصفق هو وبنته .... محمد : ماشالله.. تصلحون تشتغلون ف الحفلات ... !! أحمد يقرب ويسلم على اخوه الكبير : يا هلا بمحمد .. كل عام وانت بخير محمد : وانت بخير يالغالي .. وتقرب دانة وتسلم على عمها : كل عام وانت بخير .. أحمد : وانتي بخير يا حلوة .. ما تبين العيدية ...؟؟ دانة وهي شاقة الحلق : افااا .. وهذي يبغالها سؤااال ...؟؟ هات وش عندك ..؟؟ أحمد وهو يفتح المحفظة الفاضية اللي عنده ويسوي نفسه يعد الفلوس : مم ... كم تبين ....؟؟ دانة وهي مصدقة ومتوقعة عيدية محترمة: شوف عمي .. انا مو طماعة .. وكل شي منك حلو .... أحمد وهو مسوي جدي : خلاص .. دامك شاطرة ومطيعة .. هذا البوك كله لك .... دانة ما صدقت وطارت من الفرح وعيونها شوي وتطلع من وجهها ... اما بندر وثامر قعدوا يتغامزون ويضحكون .. خويهم ويعرفونه عدل .. دانة: وش عندكم تضحكون ؟؟... غيرانين .....؟؟ لف أحمد عليهم وغمزلهم بمعنى اسكتوا ... ثامر : ابد ولاشي سلامتك .. محمد وهو كاشف حركة اخوه : دانة حبيبي رجعي المحفظة لعمك وانا اعطيك عيدية احلى من عيديته ... دانة: من جدك يبا.؟؟!! .. عطاني محفظته بكبرها بللي داخلها .. والله ما استغني عنها ... بندر وهو منفجر ضحك : هذا اذا كان في داخلها شي .. ثامر : والمشكلة ان المحفظة من ابو ريالين ....!!! خخ .. وانفجروا الكل هنا من الضحك على أحمد وسوالفه .. وهو بعد قام يضحك على وجه دانة اللي قام يقلب من بريء وفرحان لوجه وحدة معصبة .. دانة وهي ترمي المحفظة : مالت عليكم .. مابي عيدية .. خلاص انا زعلت .. وتطلع من المجلس وهي معصبة وبنفس الوقت كاتمة الضحكة اللي جاتها .. (( ف بيت ابو عوض )) ( الساعة 1 الظهر ) ام عوض : انشالله بتخليه كذا ...؟؟ اروى: أي .. ام عوض : لالالا استشوريه احلى عليك اروى : لا وعععععع يصير ساااايح .. ما احب ام عوض : مو لازم تحبين .. اروى : يما مابي كيفي .. ام عوض : لا موب كيفك ... بعد ساعة ... شافت نفسها بالمرايا : هاااا....؟؟ ام عوض : واااي فديتك .. كذا صار شكلك حلو .. خصوصا مع الفستان .. أروى تمسك شعرها اللي صار نازل .. مو كشة كالعادة .. ومستغربة : هذا شعري..؟؟ ام عوض : أي شعرك يعني شعر مين ....؟؟ اروى ابتسمت: اول مرة احسه ناعم ... ام عوض : هههه يللا اجهزي .. ما بقى شي ويوصلون بيت عمك .. وخالك .. اروى : والله بيجون بيت خالي ....؟ ام عوض : أي .. اروى نقزت من الفرح : يــــــــــــس !!!! طلعت اورى من غرفتها شاقة الحلق وتتمخطر بالفستان البنفسجي الناعم اللي اشتراه عوض.. وف الصالة .. شافت عوض قاعد ويخربط بالجوال ... ولما شافها جات .. قعد يطالعها ... عوض : هاا...؟؟ اشوف لبستي الفستان ..... اروى : غصبا عني .. مو حلو .. بس .. ماني معيدة من غير ملابس .. عوض: خخخخ والله انك تحفة .. الحين بتقنعيني انه هالفستان الحلو مو حلو ...؟ اروى بتحدي : أي .. عوض: الحمدلله والشكر .. مدري من اللي قبل شوي .. كان يقول ( يقلدها ) يجنن طالع علي .. مرة حلو لونه وانا اخرترته ومدري ايش .. اروى : كذاااب ما قلت .. عوض : الا قلتي انا سامعك .. وبعدين زي ضفيتي غابات الامازون حقتك .. احس راسك كان اكبر من وجهك .. الحين صرتي بنت .. اروى : ليش انا اول ايش كنت...؟؟ عوض : مساكين الاولاد لو بشبهك فيهم .. اروى : يا حمااااار .. انا ولد ها.........؟؟؟ ابو عوض : انتوا شفيكم ...؟ حتى ف العيد بتقلبوها هواااش ...؟؟ اروى بدلع ما يناسبها ابد : بابا ... شوف عوض .. هو اللي يحارشني .. ابو عوض : انت يالهندي .. وش عندك تحارش اختك .. ؟ عوض : !!!! يبا !!! انا هندي الحين ...؟؟ ابو عوض : اي هندي .. فاعد لي بسروال السنة واحنا الحين الظهر وبيت عمك بيوصلون ..... اروى : خخخخخخخ ... يالهندي عوض خز اروى بقوة لين ما اكلت التبن .. ابو عوض : ليش تخزها ..؟؟ ما عليك منه يا اروى اذا سوى لك شي بس قوليلي واوريك فيه .. عوض قام بسرعة : اقووول .. شكلك مسوية سحر للوالد اليوم ..بروح البس .. بااي .. دخل عوض غرفته وسكر الباب .. اما اروى فدقت على غادة تعيد عليها .. بس ما ردت لانها ما كانت ف البيت ... اروى : اففف .. هذي وين راحت ...؟؟ بدق على جوالها .. واخذت اروى جوالها ودقت على جوال غادة .... غادة بنعوومة : الوو .. اروى بدفاااشة : الوووو .. غادة : ههههه شوفوا الفرق بين ردي وردها .. اروى : مدري عنك .. اللي يسمعك يقول تكلمين زوجك مو صديقتك ..؟ غادة : شسوي ف بيت عمي .. والرقابة علي من كل مكان .. لازم الرقة شوي .. تدرين زوجة عمي عندها عيال كبار .. يمكن ربي يرزقنا ....!.!.! اروى : ان قربتي على واحد منهم لا اذبحك .. تعرفين اني انا حاجزتهم .. غادة : مالت عليم .. عيال عمي .. انا اولى .. اروى : انتي خلك على جنب .. ولا اقول لك .. انتي خذي عوضووو الهندي .. يناسبك .. غادة : !!! حرام عليك .. من المهبل عيال عمي .. لعوض الدفش ...؟؟!؟! ناوية يكسرني .. ويعلقني بدال البوكسينغ حقته ....؟؟ اروى : خخخخخ اتخيل شكلك يرفعك اثقال .. غادة : اقول .. عطيناك وجه وقمتي زودتيها .. اخوك ما باخذه .. وما باخذ عيال عمي .. انا باخذ واحد ما اعرفه ولا يعرفني .. وبتعرف عليه بعد العرس .. عشان يصير ف الموضوع رومنسية .. اروى : رومنسية ...؟!؟! ما اصدق انك رومنسية ...؟ يمكن ناعمة .. دلوعة .. قلنا اوكي .. بس رومنسية مرة وحدة ...؟؟!!! هذا صارووووخ .. غادة : احم .. بدوا يطالعون فيني .. مقدر اتكلم الحين .. لا رجعت كلمتك .. اروى : يوووه نسيت .. دقيت عشان اقولك كل عام وانتي بخير غادة : وانتي بخير .. من العايدين الفايزين يا رب .. اروى : يللا فارقي .. غادة : اوكي انقلعي .. باي اروى : باي سكرت اروى من غادة وراحت تتفرج على شعرها اللي مو مصدقة للحين انه ناعم ..!! ___________________________________ | ||||||||||||||
| |
|
09-30-10, 02:54 PM
| #41 | ||||||||||||||
| مهمآ گبرت فبداخلي طفلةٌ مدللـه
| (( بيت ابو سعود )) ( مجلس الرجال .. بعد الغدا ) ابو سعود : يا سعود .. سعود : نعم ابو سعود : تعال شوي .. طلع ابو سعود وسعود برى المجلس ... ابو سعود : شوف .. روح نادي دلع .. وقول لها تتجهز وتلبس حجابها عشان تجي تسلم على عمك عبدالرحمن .. عيب ما يصير ما تسلم عليه ابو سعود : انشالله .. ابو سعود : شوف .. قول لها مو الحين .. بنروح نصلي العصر ونرجع بعدها تجي تسلم سعود : طيب دخل سعود البيت .. وكانت زوجة عمه موجودة .. سعود نزل راسه : ادخل عادي ولا تتغطون مني ...؟ منال : ماشالله ... هذا سعووود ...؟؟ ام سعود " هههه ما عرفتيه على حقيقته " : أي .. منال : كبرت يا سعود .. سعود : هههه مشكورة خالتي .. منال : حياك لا تستحي .. انت زي ولدي ما بتغطى منك .. رفع سعود راسه وشاف ديمة ولينا .. سعود : يما .. وين دلع ..؟؟ ام سعود : ليش..؟؟ سعود : ابوي يبغاها تدخل تسلم على عمي عبدالرحمن .. منال : لا ممنووووع .. قول له مممنوع .. ماعندي حريم يطلعون قدام زوجي .. اخاف يتزوج علي .... ههههههه ام سعود : هههه ... والله عبدالرحمن لو يلف الدنيا وين يحصل زيك ...؟؟ اصلا هو يموت فيك منال : عيب يا حرمة .. اشوفك فصختي الحيا تتكلمين كذا قدام عيالك!! ... ضحكوا الكل .... منال : انشالله تتكلم قدامكم كذا كل يوم...؟؟ لينا : أي عاااااااادي .. ماما ما خذة راحتها .. حتى قدامنا تغازل بابا .. ام سعود : شوف اللي ما تستحي...!.!.!. منال : علمي نفسك ... سعود : احم .. شكلكم متحمسين مع الموضوع .. انا بطلع انادي دلع .. طلع سعود وخلى الحريم يكملون سوالفهم .. وفوق .. راح لغرفته يعدل شماغه ويتعطر.. وفتح جواله .. شاف عنده مسج .. يوم فتحه .. في قلبي حطيتك .. وبالتهاني خصيتك وعلى الناس أغليتك وبعيد الفطر هنيتك .. " كل عام وانت بخير " سعود ابتسم : هذي الناس الحلوة .. ع الاقل احد عيدني .. ورسل لها مسج قال فيه .. هذا العيد " يجنن " تدري ليه؟ لأنك ( بوجودك ) محليه العيد في السنة مرتين لكن.. مثلك ... ما في بالكون " اثنين " وبعدها سكر جواله وشاف عمره ع المرايا للمرة الاخيرة .. وبعدها سكر النور حق الغرفة وطلع .... كلها كم ثانية ورجع للغرفة ووقف ف الظلام داخلها يراقب .... دلع وهي طالعة من غرفتها .. وكانت فاكة شعرها البني .. ولابسة تنورتها القصيرة البني واللي فوقه بلوزة من نفس اللون بس على اغمق .. مع بوت كعب عالي .. سعود " اخسسسس ... والله اثرها حلوة وانا مدري .. والله هالمكياج يسيوي البلاوي..." قعد يراقبها وهي تعدل شكلها ف المرايا اللي بالممر قدام غرفته .. من فووووق .. لتححححححححححححححت .. يعني سوالها سكااااان زي ما يقولون .. سعود : احم .. تخرعت دلع ونقزت على ورى من الخوف حاطة يدها على قلبها : بسم الله .. من متى انت هنا .....؟؟ سعود : أ....أأ.... من حوالي ساعة ونص .. استناك تطلعين من الغرفة دلع : ليش...؟؟ شصاير طالع فيها سعود وعلى وجهه ابتسامة تخقق كل البنات : ولا شي بس .. بغيت اقول لك انك حلوة ... دلع تسندت على الجدار وقالت : ماشالله تصدق من كثر ما تقوله الكلام للبنات صرت متقنه 100 % !! يبغالك شهادة ف المغازل .. سعود تنرفز " ياصبر ايوووب على هالبنت " : افاااا .. توك وحليلك قاعدة تتدلعين وتتلزقين بالجدار .... دلع : اففف ... سعود انت واحد تقهر .. لو سمحت مرة ثانية اذا بتتكلم بهالطريقة لا تكلمني .. سعود : خلاص خلاص خلاص .. ولا تزعلين .. المهم .. يقول لك ابوي البسي شي عدل عشان الحين لما يرجعون من الصلاة تدخلين تسلمين على عمي عبدالرحمن .. دلع : وانت ليش ما رحت تصلي ... ؟؟ سعود : انشالله بروح بعد شوي دلع " شوووف الصاروووخ بس ..." ___________________________________ (( بيت ابو عوض )) ( المغرب ) كانوا الثنتين قاعدات ف غرفة اروى .. اروى تلعب بشعرها ( الناعم ) : تصدقين .. يوم رحت اشتري الفستان .. شفت غادة ف المجمع .. ريم : طيب؟؟.. اكيد صارت مصايب ف المجمع .. اروى تضرب خدها بالخفيف : ماشفتي.....؟؟ عوض مسك غادة من يدها وقومها ريم متحمسة : !!!! قولي والله..؟؟ عوضووو اخوك ما غيره ..؟؟!! اروى : أي والله .. ريم : شلون ..؟ اروى : انا كنت برميه عليها .. يعني على انه انتقام .. بس الكلب طلع ذكي وبحركة سريعة فرني على الارض بداله .. ولما طحت قعدت اصارخ وقام سحب غادة وقومها يحسبها انا .... خخخخخخ ريم : ههههههههههههههه وش صار ف غادة ...؟ اروى : استحت .. ووجها صار طماطم من تحت النقاب .. بس عصبت .. بس بعدين ما شفت وش صار فيها لانه عوض سحبني وطلعني من المجمع من كثر ما كان متفشل ومعصب ... ريم : يوووووووه ... اخوك لا عصب محد يكلمه اروى : اعوووووووذ بالله تقولين ابليس على شكل واحد هندي .. رن تليفون غرفة اروى ... اروى : الووو عوض : تحشين فيني ....؟؟ اروى :بسم الله الرحمن الرحيم ...!؟!؟!؟!؟ جني...!؟!؟!؟ وش دراك...؟ عوض : عصفووورتي قالت لي ... اروى : عصفورتك غادة ها....؟؟ عوض : ريم جنبك يا حمااارة ...؟ اروى : يس .. عوض : انطمي لا افقع وجهك .. كلبة وحدة ما تستحين .. اروى تصارخ : انا ماني كلبة.. انت اللي مسكتها مو انا ....!.!.! عوض : اوهووووو .. انتي الكلام ضايع معاك .. بغيت اطلعكم .. اثرك ما تستاهلين .. خليكم معفنة ف البيت .. بروح انا ورائد بروحنا ... اروى جنت : الو ... الوووووو ... عوضووو يا قلبي يا عمري يا حياتي .. تعال يالغاالي .. يا اغلى من روحي .. تعالي يا وجه السعد .. تعال فديتك... عوض متنرفز : انتي من وين تجيبين هالكلام ...؟؟ حشى كاني زوجك مو اخوك ...!.!.!. اروى : انت مالك دخل من وين اجيبه ..... المهمم انك تسمعه .. فديتك خذنا معاك والله آسفة .. عوض :مافي ... يللا اقلبي وجهك .. اروى بنعوومة : والله ما بسبك من جديد بس وديني معاكم .. وين بتروحون ...؟؟ عوض : ماشالله تتشرطين بعد ...؟؟ مالك دخل وين .. تروحين وانتي قافلة فمك فاهمة ..؟ اروى تهز راسها : طيب .. من عيوني الثنتين يا عيووووني... عوض : يللا معاكم 10 دقايق ولا بنمشي .. باي سكر بوجهها ولا عطاها مجال تكلمه او تعترض .. اخته ويعرفها زين ... ريم : ها وش قال ....؟؟ اروى تصفق : بيودينا ... ريم : طيب...؟؟ اروى : طيب ايش..؟؟ ريم : طيب وين ..؟؟ اروى تقلده : تتشرطين انتي بعد!! تروحين وانتي قافلة فمك ولا مافي طلعة .. ريم : خخخ الله يعيننا على هالاخوان .. رائد بيروح ..؟؟ اروى : أي ريم : ما اصدق .... !! اروى وهي تلبس عبايتها : ليش..؟؟ ريم : لاني نادر ما اشوفه ف البيت ... وتخيلي انا الحين اول سنة جامعة والدراسة علي متراكمة مرة .. يعني ما اشوفه الا كل اسبوووع كل اسبوعين .. واحيانا تمر شهووور بدون ما اشوفه ....!.! اروى : لااااااااا عاااااد .. انا اهون .. ع الاقل اشوف عوض .. في احد يسليني ف البيت واتهاوش معاه .. بس تصدقين احيان يصير نشبة .. خصوصا لا كنت متضايقة .. ينرفز ريم : ههههه عوض هذا بكبره رواية .. ياخي طويل مو طول اللي عنده اروى وهي حاطة يدها على خصرها : قولي ماشالله لاتحسدين اخوي العملاق فديته بيطلعني الحين ..... ريم : بدت المصالح .. اروى : اسكتي بس يللا وامشي .. لو اتاخرنا والله لا يروحون عنا .. يسويها اخوي ترى .. ما يستحي .. ما عنده شي اسمه بنت عم ولاشي ... ___________________________________ | ||||||||||||||
| |
|
09-30-10, 02:55 PM
| #42 | ||||||||||||||
| مهمآ گبرت فبداخلي طفلةٌ مدللـه
| (( ف بيت ابو سعود )) ( بعد صلاة العشا ) رجعوا عبدالرحمن وعبدالله للبيت مع سالم وفيصل بعد ما صلوا العشا .. ودخلوا المجلس.. عبدالرحمن : طيب الحين وين احسن فندق او شقق عندكم....؟؟ عبدالله : انت من جدك...؟؟ ترى بيتنا كبير علينا .. عبدالرحمن : لا والله ما نبغى نزعجكم .. عبدالله : والله والله والله بالثلاثة .. منت ساكن غير عندنا هالاجازة .. عبدالرحمن : لا تحلف يا عبدالله .. عبدالله : ما يصير .. انت الحين ضيف وعندنا ملحق ضيوف بغرفتين نوم وحمامين وصالة .. واذا تبغى غرفة زيادة عندنا الغرف اللي بالقسم اللي فوق اليسار محد يقعد فيهم.. عبدالرحمن : ههههه مخطط ماشالله .. عبدالله : اكيد .. سالم : يبا .. حتى فيصل بينام هنا اليوم .. فيصل ضرب سالم على يده .. عبدالله : فيصل ليش تستحي .. انت واحد من البيت ومتى ما بغيت تنام فيه حياك .. انا ما احب اقولك لاني اعرف انك خلاص .. حافظ البيت .. انشالله تعيش فيها ان ما عندي مانع .. اهم شي تكون مرتاح .. عبدالرحمن : واهلك راضيين لك يا فيصل .. فيصل نزل راسه : أ... عمي امي متوفية. . وابوي متزوج وحدة ثانية ولاهي معاها .. وجابت له عيال ثانيين يغنونه عني .. وانا اليوم رحت سلمت عليه .. وما اروح البيت الا عشان انام وآكل .. ولا الوقت دايم اقضيه مع سالم .. عبدالرحمن : ما يصير كذا يا فيصل .. ابوك يحبك .. مافي ابو يكره عياله .. حاول تقرب منه .. وتحسسه بوجودك.. ___________________________________ (( ف صالة بيت ابو سعود )) ( نفس الوقت ) عزووووز شد شعر لجين والاخت قلبتها مناحة .... لجين : وآآآآآآآآآآآآآآآآآآآآآ...... أييييييييييييييي.... اهئ اهئ اهئ اهئ منال شالتها : خلاص يا عمري .. خلاص يا حياتي .. من ضربك لجين اشرت على عززوووز بحقد : أزوووووووووز ... منال تطالع عزوووز : ازوووز؟؟؟ فديتك وفديت أزوووز انا .. وقعدتها بحضنها لين ما هدت ... ورجعت تلعب مع اخوها من جديد ولا كانه صار شي .. باسمة : احلى شي اذا كان عندك بزران ف البيت .. منال : أي يونسون الواحد .. خصوصا اذا كنتي بعيدة عن اهلك .. وزوجك دوامه طويل بالشغل .. باسمة " حظي مقروود ما عطاني زي زوجها وعيالها " : مشكلة صراحة السكن بعيد عن الاهل .. منال : بس تصدقين لا والله مو صعب اذا كان عندك زوج طيب وعيال زي كذا .. انا الحمدلله عبدالرحمن مو مقصر معاي .. أي شي ابغاه يجيب لي اياه بدون ما يسال ليش ووشلون .. يعني الحمدلله مفرحني بالحياة .. وهالحلوين اللي عندي هم كل دنيتي .. دخل سالم ......... سالم : السلام عليكم .. منال وباسمة : وعليكم السلام .. سالم بفرح : انتوا ما بتتحركون من هالبيت الا على الرياض .. منال : شلون ...؟ سالم : ابوي كلم عمي .. وقال له انه انتوا بتسكنون عندنا .. ومافي شقق وفنادق بعد اليوم .. منال :هههههه .. خلاص ابشر .. ننام عندكم لين ما تزهقون منا وتطردونا بعد .. باسمة : منور البيت بوجودكم اصلا .. والله بتونسونا بهالاجازة.. سالم : احم .. يما باسمة : نعم ...؟ سالم : ترى فيصل بينام عندي اليوم.. باسمة : وش الجديد ..؟ سالم : لا بس لانه بيكون في ديمة هالمرة منال : مين فيصل ..؟ باسمة : هذا واحد امه ماتت وابوه اخذ وحدة ثانية جابت له عيال ولها معاها وهو مع سالم بالمدرسة .. والمسكين دايم يزهق بروحه بيقضي وقت مع سالم .. واغلب الاحيان ينام ف البيت .. وصار واحد منا وتعودنا عليه .. حتى لينا ماتتحجب منه .. وتعتبره زي اخوها .... منال : يووووه ... يا حرااام .. بس انا بنتي لازم تتحجب منه .. عبدالرحمن ما يرضى .. سالم : مو مشكلة تتحجب .. اهم شي انه عادي يقعد معانا اذا هي موجودة .. منال : أي عادي .. اذا انتوا موجووودين .. بس اذا بروحهم .. لا يا حبيبي .. ماني بايعة بنتي .. سالم : ههههههه لا شدعوة .. وين قاعدين .. قالولك بيتنا امريكا ...؟؟ ___________________________________ | ||||||||||||||
| |
