جد شيء مؤلم لبعض الاشخاص
مايهتم ولا يحترم امه
ويطلع للعالم ويمارس حياته زي مايمارسها بالبيت
العالم ليس مثل أمك، تغضب عليها وتصرخ في وجهها في النهار،
وفي نهاية اليوم تناديك للعشاء
العالم سيتركك تموت جوعاً!
أحترم تحترم

مسكين مع التصحيح التلقائي للآيفون
تكتب كلمه والآيفون مسوي فيها ذكي ويترجمها بسرعة
ويبتلش المتلقي للرسالة

الحب ليس معصيه ،
المعصيه هي أن تتلاعب بمشاعر البعض تحت مسمى الحب
قال تعالى (واتوا البيوت من أبوابها)

عشر دقائق
وينتهي الدوام

ألقاكم على خير

ونقول صباح الخير

امس راح كله في بيتنا الجديد
كانوا العمال جايين يركبوا الانوار و حاجات ناقصة
قبل ماتجي الكهرباء
من الصباح وانا معهم وهم زعلانين من كفيلهم
ليش انه يوم وطني ويشتغلوا

طيب هذا انا معكم ههههه
بالظهر دلعتهم جبت لهم أكل وبعدين بيبسي
مابقى غير تمباك اجيب لهم بس اهم شيء يخلصونا
العصر ركبو جميع الانوار بالبيت وباقي الشقق
قلت لهم اليوم ركبوهم
بالمغرب رحت المزرعة على طريقي اشوف العامل وش معه
جلست لين 8 الليل ,
عوده للمنزل والوالده ربي يحفظها متوحدة فيني تبي غلاف حق جوالها
وانا تعبت وانا ادور ومافيه جوالها قديم شوي
قلت لها تعبت وانا ادور غلاف ماشفت يقولوا منقطع
قالت روح البحرين السوق الصيني وجيب
على اساس البحرين عند بيتنا
قلت لها ان شاء الله هههه
طلعت بجيب ملابسي من المغسلة وشفت محل صغنون
حق جوالات قلت ماتشوف الحاجات الاثرية الا اكيد في هالمحلات
دخلته ولاااااااقيت جبت حق امي 3 أغلفه هههههه
اهم شيء الفكه
جبته لها وانا طاير من الوناسة
قلت لها لقيته , شدعوى عاد ياولديه خسرت نفسك جايب 3 مرة وحدة
قلت لها احسن كل يوم حطي واحد هههه وبعدين عادي
لانه منقطع من السوق
قالت اجل ابيك تحط حماية له
عاد نلقاكم مع مسلسل جديد وقتها
قلت ان شاء الله لما افضى

وهكذا مضى يومي وانا ماحسيت بيوم وطني
غير شوارع مزينه وماشفت احد احتفل اصلاً