فتحت الفيسبوك
وانصدمت بصورة في الارشيف
يومني صغيير
ماكان عندي غير 3 صور بس
وانا صغير والباقي كلهم من فوق عمر 25





الله يعين ع الغبار

التقييمات
ممنوع التغزل
وجه كوره ومدبدب

والجدار حق بيت اهلي حق الطيبين
اللي بس تحك وجهك فيه يتشخبط
ويطلع دم


شكراً ع الغزل العفيف

يسعد صباحكم جميعاً
يوم جديد
زحمه بالطريق
على الرغم انوا قبل سنه ماكان هالزحمه
كانت كل الأمور مستتبه
والطريق نمشي فيه في سلام
الآن زحمه غير طبيعية
الناس ماعادت تصبر
وحوش ووجه عبوسه على وجه الصبح

يتبع..

تمشي ولا لك في الشيطان طريق
تبتسم
وتشوفهم مالهم خلق معصبين

طيب ترانا طالعين بدري
وانت ماسك الطريق الرئيسي يعني
كلها ثلاث اشارات وبتداوم
وبعدين ياخي عادي تأخر خمس دقائق
او ربع أو نص بس لا تذبح خلق الله
اطلع من الفجر
لاتطلع وقت مالناس كلها تطلع

,

الحريم
راكبه يوكن , او سيارة حجم عائلي
ومعصبه
وحده اليوم مطلعه راسها من النافذه وتأشر بيدها
على اللي قدامها تبيه يمشي بسرعة
المشكلة راكبه يوكن وماتشوف انه في قدامه واحد
وهو مسيكين لاحول ولاقوة
مدري هي تبيه يصدم اللي قدامه
او يطير عليهم

موقف يضحك بصراحة , والعقل اذا فصل فصل خلاص

احيان بعض المواقف حتى لو كانت صعبه
مايسمح لنا نزعج خلق الله
خلاص اللي قدامك مايقدر يمشي بسرعه
فيه ناس قدامه
الشارع واقف , فيه حادث , فيه عدة معوقات
على الأقل نصبر شوي
يعني هو سمح للي قدامه انه يتأخر
هو اللي وقف الطريق بالعناد
اكيد لا

فشوية صبر

جدي

,

جدي أبو ابوي الله يرحمه .
كان بعمر العشرين سنه تقريباً
تعرض لأصابه في ظهره
على أثرها تعرض لكسر تقريباً
حوال العلاج بكذا مستشفى داخلي وقتها
ومانفع ...
اقترحو عليه يسافر بالخارج
وين قالوا فيه مستشفى بفرنسا
يمدحون فيه وفيه دكتور كذا وكذا
شد الرحال ..
كان معه صديقه مرافق له
راحو هناك , بدأ في اجراءات الفحص
طلب منه التنويم
طاقم المستشفى قليل جداً يتحدث اللغة الانجليزية
جدي لوحده وماعنده معلومات كثيرة عن لغتهم
ولغته الانجليزية بالكاد تكون معدمه
وصديقه مو معه لانه بالفندق
وقتها كانت هناك عامله تعمل في التنظيف
شافت جدي وعرفت من اسمه انه عربي
ومن ملامحه كذلك
عرفت عن نفسها , ولما عرف انها عربية
وتشتغل بالمستشفى قال لها عن المشاكل
اللي معه وهل هي تقدر انها تخدمه ببعض الترجمه
لاجل تسهل عليه المهمه ..

يتبع ..