|
إضافة رد |
| LinkBack | أدوات الموضوع | انواع عرض الموضوع |
10-01-19, 11:02 AM | #373 | ||||||||||||||||
|
انا مسجل في برنامج الايمو وخذ انواع الازعاجات من بوهنود كل يوم ناقز لي رقم حاط لي شعار بنك وهاته نصب بس مارد عليهم , الحين طالعين مسوين فيها أمريكان يحط لك صورة امريكية ويتصل فيك ولما تفتح الخط ماتشوف الا سواد ومايتكلم بس يشوف الحريم ويصورهم فيديو فإنتبهوا جزاكم الله خير , لانهم يصورور ويستفيديو ينشروه بمواقع ويستغلوا بعض ضعاف العقول الله يهديهم , المصيبه مو هنا حطيت ورده واسم True Love لاقيت مسكين هندينا اللي بالمزرعة يتصل علي رحت وحطيت له استفهامات ؟؟ راح ورسل لي 20 صورة له وهو كاشخ وهو واقف عند الحنفيه وهو واقف عند سياره اونه كشخه حركات بوهنود , خليته قلت شكله ماعرفني وشاف وردة وكلمة لوف قلت شكله يفكرني مزه , خليته يوم يومين , جا امس وكنت بالمزرعة وناديته قلت له انت فيه موجود ايمو طبعا بيقولك ايوة لانه يكلم اهله , قمت ودقيت عليه وشاف الاتصال وقمط , وجه صار الوان الله وكيلكم قلت له لاعاد تدخل على خلق الله وتزعجهم انت جاي هنا تشتغل لاتخلي احد يشتكي عليك او يخدعك لما تكون بالهند إلعب برجولك ويدينك لكن هنا شغل , ووقت راحتك كلم اهلك وربعك , بس نهي هي قرقر هي | ||||||||||||||||
|
10-02-19, 10:11 AM | #374 | ||||||||||||||||
|
وصف أحدهم عصرنا بدقة فقال : كل شيء رائع جداً ولا أحد سعيد .
| ||||||||||||||||
|
10-02-19, 10:25 AM | #375 | ||||||||||||||||
|
البارح زرت الوالدة بالمستشفى اقولها طلعي يايمه ترى الوالد زهقان وطفشان وكله ساكت , قامت تقول وانت ليش ماتجلس معه وتاخذ بخاطره , قلت لها يايمه انا اجلس معه لكن جلستي مو زيك انتي حتى لو ساكته بتخفف عنه , قالت مو بيدي المرض والتعب هد حيلي وانا قلت للدكتور خرجني ورفض , قلت لها لا لا لاتخرجي امزح معك كملي علاجك لين ماتقومي بالسلامة ويقرر الدكتور حينها اخرجي , قامت تسأل اذا رحت هناك تتغدى قلت لها يايمه اللي يسمعك يقول ماتعرفي جدولي صار لي سنتين غداي هو عشاي , اطلع من الدوام ومباشرة للبيت الجديد اشوف العمال ويش سوو من ثم بعدها اروح المزرعه , قام الوالد يحاشر ليش ماترك الوظيفة واترك القطاع الخاص وادور لي وظيفة حكومية افضل , قلت له يابوي لو فيه وظيفة كان مانتظرت ولا دقيقة هذا انا اسجل بكل مكان لكن مالي بالطيب نصيب , وانا مرتاح بهالمكان ع الاقل افضل لي من جلستي بالبيت قام يلومني انت لو متخرج بنسبه عاليه وو وماوقفت دراستك و و كان الحين زي عيال عمك , شوفهم كل واحد بوظيفة حكومية , قلت له تراهم هم السبب في اني تاخرت بالتخرج المشكلة ان الوالدة متضايقة انوا ابوي بدأ يفتح جروح , وبنفس الوقت مازال يقارن بناس أنا ماصرت اتقبل وجودهم بحياتي , لي عوده لاحقاً | ||||||||||||||||
|
10-02-19, 12:07 PM | #376 | ||||||||||||||||
|
موضوع ماخذ حقه للأسف مدري ليه ناقلينه قسم القصص بس يمكن يدرج كقصة , موضوعي الجديد علي ابو الكومه https://www.al2la.com/vb/t100801.html | ||||||||||||||||
|
10-02-19, 01:56 PM | #377 | ||||||||||||||||
|
تسجيل خروج ألقاكم بإذن الله الاسبوع القادم ان كتب الله لنا عمر في امان الله | ||||||||||||||||
|
10-06-19, 08:33 AM | #378 | ||||||||||||||||
|
السلام عليكم ورحمه الله ويسعد صباحكم بالخير ورجعنا بأسبوع جديد عساه خير لي ولكم جميعاً | ||||||||||||||||
|
إضافة رد |
مواقع النشر (المفضلة) |
| |
| أصدقاء منتدى مسك الغلا | | |||||