| |||||||
| :: قرار هام :: |
2611Likes| إضافة رد |
| | LinkBack | أدوات الموضوع | انواع عرض الموضوع |
| |||||||
| :: قرار هام :: |
| إضافة رد |
| | LinkBack | أدوات الموضوع | انواع عرض الموضوع |
03-22-21, 01:44 PM
| #355 | |||||||||
 
|  لما بتبقى حاطط حد في مكانه عاليه اوي.. ويغلط.. بتحاسبه حساب عسير.. حتى لو جوه دماغك. بتعامله زي ما يكون مش بني آدم ومش من حقه يغلط.. القصه دي بتتجلى مع الاب والام.. الولاد بيعيشوا وقت طويل جدا من عمرهم.. وهما متخيلين ان الناس دي مينفعش تغلط.. لا بابا لا يمكن يعمل كده.. لا ماما مستحيل تعمل كده.. والولاد اللي بتعي بدري ان اهاليهم دول بيغلطوا عادي وبيعكوا الدنيا عادي.. وبياخدوا قرارات زي النيله عادي.. بيعدوا بمرحلة من اللخبطه وعدم الاتزان.. وممكن ييجي معاها رفض وحتى كره للاب او الام.. ومالم يحدث ان الاب والام يواجهوا الولاد بحقيقة اننا بشر وبنغلط عادي.. التوهه دي بتطول.. وبتإذي الولاد جامد.. فيه بقا ولاد بيكبروا بنفس الفكره دي.. وتلاقي اول صدام ليهم مع الحقيقه دي في العشرينات مثلا.. و هتلاقيهم برضه بيستغربوا بنفس درجة الولاد الصغيرين.. الحقيقه انا بشوف ان الاهالي بتدعم هذه الفكره الواهيه. الاهالي اللي كلهم كانوا الأوائل على الفصل وكلهم عاملين فيها واو محصلوش.. واللي بيعاملوا ولادهم كإننا مينفعش نغلط. احنا مينفعش نبيع لأولادنا افكار مش حقيقيه.. احنا جزء من مهمتنا الاساسيه ان الولاد تفهم وتتعلم تفكر وتتعلم تغلط وتتحمل نتيجة غلطها وتتعلم تصحح اخطاءها.. فكرة اننا منغلطش فكره غير قابله للتطبيق.. فكره بتعجز الناس وبتخليهم يخافوا يعملوا اي حاجه.. علموا ولادكم ان كلنا بشر.. يصيب ويخطئ وان البقاء والنجاح للي قادر يتدارك غلطه ويتعلم منه.. وانه مفيش حد مبيغلطش.. كلنا بشر.. كلنا بنغلط. | |||||||||
 |
|
03-22-21, 01:48 PM
| #356 | |||||||||
| الأمان.. الأمان واحده من أركان العلاقات.. ولا تستقيم العلاقات بدونه.. ولا فيه حاجه بتعوضه.. مهما كان اللي حاولت تديه.. لو العلاقه ناقصها امان.. فكل اللي بتديه بلح.. احنا ببساطه كائنات الاحتياج للأمان ده ضمن احتياجاتها الاساسيه جدا.. والحاجات الفرعيه لا تعوض الأصول. ببساطه كده.. العلاقه اللي متحققش احساس متبادل بالأمان عند الطرفين.. لا ترتقي لكونها علاقة من الأساس | |||||||||
| |
|
03-24-21, 09:04 AM
| #357 | |||||||||
| فيه اوقات كده في حياتك هتعدي وانت عندك فكره مسيطره انك مش مستني حاجه من حد.. لو حظك حلو في الدنيا هيبقى عندك كام حد كده بره القاعده دي.. لو مش حلو! هتبقى حاسسها ناحية كل الناس.. يمكن وصلتلها بعد احباطات كتير.. جايز انت اللي توقعاتك من الناس مبالغ فيها.. جايز انت اللي شخص قادر تدي بزيادة.. فمحدش بيعرف يديك اد ما انت بتعرف تدي الناس.. جايز تكون مجرد فتره حالفك فيها حظ سئ.. او حصلك كام حاجه مش كويسه ورا بعض.. الفتره دي بتبقى فتره رخمه جدا... يمكن لإننا بطبيعتنا محتاجين لبعض.. بس لو عايز تطلع منها بخساير اقل.. او لو عايز تتعلم فيها حاجه.. اتعلم تدي لنفسك كل اللي تقدر تديه.. بحيث ان اللي انت بتحتاجه من الناس اصلا يقل.. اتعلم تدي الناس على ادهم.. سواء بقا اخترت تديهم على اد ما هما يقدروا يدوك.. او تدي اللي ميأثرش عليك انت ولا يسحب منك.. او حتى قررت في النهايه انك تدي احسن ماعندك ومتتوقعش ان حد يقدر يديك نفس الحاجات.. المهم تبقى عارف انت بتعمل ايه. | |||||||||
| |
|
03-24-21, 09:06 AM
| #358 | |||||||||
| دايما فيه روايتين او اكتر لنفس الحدث.. علشان كل واحد بيشوف الحياة بطريقته هو.. وعلشان احنا بنشوف الحياة بطريقتنا بيبقى صعب نحط نفسنا مكان حد تاني.. وعلشان كل ده بتلاقي ناس واقفه بقها مفتوح من الدهشة وهي بتسمع حد تاني بيحكي نفس الاحداث من وجهة نظر تانيه خااااالص... اللي بيحكي رواية مختلفة عن بتاعتك مش شرط خالص يكون كداب او بيستهبل او اي حاجه خالص.. ممكن بس هو شايفها كده.. كمية الاختلاف في رؤيتنا للحياة رهيبة.. مش بس تفسيرنا للامور المعنوية.. لا.. ده حتى رؤيتنا للاشياء المادية.. الشهود اللي حضروا نفس الحادثة هيحكوها بكذا طريقة.. وكده كده هيطلع فيها اختلافات.. دول حتى ممكن يتعرفوا على اكثر من شخص على اعتباره الجاني.. فما بالك بما هو معنوي.. معظم الوقت لما بتسمع من طرفين سابوا بعض.. بتسمع وجهتين نظر لتفسير نفس الاحداث.. بتبقى اسهل لما الرواية بتختلف بس النتيجة واحدة.. احنا مينفعش نكمل مع بعض.. ومع ذلك ممكن تلاقي الطرفين بيحرقوا الدنيا علشان كل واحد فيهم عايز يثبت صحة روايته.. مع ان النتيجة واحدة.. ده حرق جاز ع الفاضي.. ده متاجرة في الخسارة.. طالما وصلنا لطريق مسدود مش هتفرق مين فينا صح.. وفروا مجهودكم.. بس ساعات الرواية بتختلف وفيه طرف ساب وطرف مش عايز يسيب.. هنا هتفرق بس لو الطرف اللي عايز يسيب عنده استعداد يجرب مره كمان.. لو معندوش.. يبقى برضه حرق ع الفاضي.. مش مهم مين روايته صح.. الاهم احنا قادرين نكمل رغم اختلاف الروايات ولا لا.. عمرنا ما هنشوف الدنيا من زاوية وحدة.. الاختلاف سنة الحياة.. تحية للي عارفين يتقابلوا رغم الاختلافات.. وتحية للي قادرين يسيبوا بسبب الاختلافات.. بس بيحافظوا على اخلاق عالية رغم الاختلاف.. وعلى فكرة.. اللي خلافك معاه طلع اسوء مافيه.. ميستاهلش يتبكي عليه اصلا.. | |||||||||
| ŢαŢμαŊα likes this. |
|
03-24-21, 09:07 AM
| #359 | |||||||||
| حالة كلثومية رباعيات الخيام بصراحة هى قصيدة من القصائد التى تبدأ بحالة معينة وتنتهى نهاية مختلفة تماما البداية كلها دعوة الى التمتع بالحياة بكل صور المتعة فهو يدعو الغافلين من البشر ان يعيشوا حياتهم قبل ان يأتى الموت ويخطفهم قبل ان ينالوا من الحياة رحيقها وحلوها فيطلب ان يعيشوا بشكل بوهيمى تماما لايشغله ماضى ولاحاضر غير اللذات وتفكير فى غد وما سوف يأتيه فالغد غير معروف وما نملكه هو اليوم فقد يأتى الغيب بما لانحبه ويخيب ظننا لا تشـــغل الـــــبال بماضى الزمان ولا بـــــآت العيش قبل الأوان واغنم من الحـــــاضـــر لــــــــذاته فلـــيس فى طبع الليالى الأمان غد بظـــهر الغـــيب والــــيوم لــى وكم يخيب الظـن فى المقــــبل ولســــــت بالغافـــل حـــــتى أرى جمال دنـــــــياى ولا أجتـــــلى ثم يدخل فى حالة اخرى تدعو الى العشق ويسأل هل من العدل ان يكون الجمال امامنا ولانعيشه فهل يمكن ان نظمأ والماء ينساب امامنا حالة ودعوة للتمتع بالجمال بكل اشكاله وان كنت اعتقد انه يركز على الجمال الحسى لاالمعنوى فهو لم يكن افلاطونيا فى عشقه فكل يوم يمر دون حب وعشق فهو يوم ضائع من عمره دعوة عندما نحللها هى لعاشق للحياة بشكل مفرط وزائد أولى بهذا القـــلب أن يخفــــــــــق وفى ضـــرام الحب أن يحرق ما أضيع الـــيوم الذى مـــر بــــى من غير أن أهوى وأن أعـشق واستمرا را لما يدعو له فهو يرى ان النوم لايطيل عمر ولا السهر قصرعمرا فلما ننام ونحن نستطيع ان نستمتع بالبهجة والمرح والغناء فــــما أطـــال الـنوم عـــــمرا ولا قصر فى الأعمار طول السهر فـــــكم تــوالى اللــــيل بعد النهـار وطال بالأنــــــــجم هذا المدار وتأخذ بنا القصيدة منحنى جديد فيه الكثير من التسؤلات التى اعتبرها رغم صعوبة معناها الا انها تعبير فلسفى عن افكار تمر فى خاطر الشاعر فيبدأ بالتحدث عن الموت ولاخوف منه فالثرى يحتوى يحتوى على بقايا الجميلات والامراء فلم ينجو احد منه ولافارق بين من يموت غدا وبين من مات من الوف السنين ثم تعود حالة من حالات قد نراها مجونا أطفىء لظى القلب بشهد الرضاب فإنما الايـــــــام مثل السحاب وعــــيشنا طيف خيال فنل حظك مــــــنه قبل فوت الشــــــباب ثم تأتى الحالة الفلسفية التى ترتبت على ماسبق هو سؤاله لما ولد وان الحياة ثوب سيخلعه وهنا تأتى لحظة التساؤل اين المفر لبست ثوب العيش لم استشـــــــر وحــــــرت فيه بين شتى الفكر وسوف انــــضو الثوب عنى ولم ادرك لمــــــاذا جئت اين المفر وتبدأ نور الحقيقة ونزعة الايمان فى التعبير عن نفسها فقد عرف اخيرا انه ليس هناك مفر الا الله وهنا نصل الى الحالة التى اختلفت تماما عن البداية فيبدأ فى طلب المغفرة من الله قصيد رائعة ارجو ان اكون وفقت فى عرضها يا من يحـــــــار الفهم فى قدرتك وتطلب النفس حمى طاعـــتك اســــكرنى الإثـــــــــــــم ولكننى صـــحوت بالآمال فى رحمتك إن لم أكن اخلصـــت فى طاعتك فإننى أطمع فى رحمــــــــــتك وانمــــــــــا يشـــــفع لى اننى قد عـــــشت لا أشرك فى وحدتك تخفى عن الـــــناس سنى طلعتك وكل ما فى الـكون من صنعتك فأنت محـــلاه وأنت الــــــــــذى تـــرى بديــع الصنع فى آيــتك إن تفصل القطــــــرة من بحرها ففى مــــــــــــداه منتهى أمرها تقاربت يارب ما بيننــــــــــــــــا مسافة البعد على قــــــــــدرها ياعالم الأســـــــرار علم الـــيقين ياكاشف الضر عن البائسيــــن ياقابل الأعـــــذار عدنا الى ظلك فاقـــــــبل توبة التائبين فيلسوف بقى تحليل خاص | |||||||||
| |
|
03-24-21, 09:07 AM
| #360 | |||||||||
| فيه ناس كتير محترفين جري في المكان تلاقيهم طول الوقت بيتكلموا في نفس المشاكل اوقات بدون حلول مطروحه واوقات بحلول مطروحه واوقات بيعدلوا في الحلول كمان بس تيجي تبص بعد كام شهر.. تلاقيهم بيحكوا في نفس الكلام ولا اي حاجه اتغيرت تخيل كده كام شهر ولا كام سنه وانت بتجري جوه نفس الاوضه.. نفس الجري ده لو كان خرج لحيز التنفيذ.. كان زمانهم بقوا في حته تانيه.. وده الفرق ببساطه بين اللي بيعرف يجري بجد.. واللي بيجري في مكانه | |||||||||
| |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
