موسم المانجا
ورمضان والعيدقربوا
هدفي ضاع
المانجا لا يقاوم
السكر لا يقاوم
عيوني ترى كل شيء برتقالي
ابكي ابكي

قبل كم يوم كملت مسلسل فينتشنزو
أخيرا وبعد مسلسل اسطورة البحر الازرق
احصل مسلسل يرقى لذوقي
بقية المسلسلات أصبحت
ضحك ع المشاهدين ولهف للمشاهدات
المشكلة وين ؟
لما تشوف مسلسل او فلم فخم
هي !!
ذوقك الي يرتفع
يرتفع
فلا تجد ما يقارن مع ما شاهدته قبلا
الا القليل جدا


........


امل اذا ما شفتي فينتشنزو شوفيه
يناسب بتوع المحاماة والقضاء

....

السكر قاطعته الى أجل غير مسمى

نجمه معليش محتاجه تقييم


........

لعيونش ي عسل

انا مستغربة كيف يخلصوا التقييمات
ابي اجرب لما اكون فاضية وبلعب عليهن

ع سيرة موضوع لحن حالم
ي خالة ي أمي
عندي وحدة من القرايب الله يهديها
كلما اجتمعت معها
لازم تدق ولأني ما اديتها وجه
زودتها
وهات ي دبج
ما عندها أي حدود
شكل العيون الي كذا ما يعجبني
الشعر الي كذا مهو لايق
الجسم لازم يكون كذا
وكلها اوصافي
وانا اهز راسي لها وعادي
لما قبل كم يوم رحت عند وحدة نفاس
ولقيتها عندها
ي ذي الليلة الغبراء
وفتحت لي موال جديد
تقولي
انتي ما كأنك بالسن ذا
ليش ما تلبسي كذا
شعرك ليش ما تسويه كذا
تلفونك !
اظافيرك " عشان ما عندي اظافير "
اعطيني حسابش في التيك توك وتويتر
قلت لها ما عندي
قالت متى بتعيشي سنك
حجية ؟
شايفتيني ميته ؟
ليتها تشوف يديني لما بحنيها ع اول يوم برمضان
بسوي دايرة بوسط الكف
وع الأظافر لما تسود
مناكير طبيعي ي حبيبتي
زي ما كانت تسوي لي أمي
عايشة احسن منش ومستمتعة بكل الي احبه
مش ضروري اقلد فلانة وعلانة
عشان اعجبش
انا حرة بذوقي
بأختياري
عجوز بعينش
عيونش لش شوفي فيها الي يعجبش
لكن انا مالش دخل فيني
فدوبش مية فدا
ع كراعيني
والله
طبعا ذا بيني وبين نفسي
ع الواقع
هزيت لها راسي ومشيت
الله العالم ايش الموال الي بتديه بجمعتنا التالية

قفزة هنا
وقفزة بالمنتدى الآخر
والدقائق تتطاير
وسليمان يصيح ع راسي
الكتكوت بعينة الجوال من يدي
دندونة فديتها بعالمها الخاص الكيوت واللطيف
توقفت الغسالة
ام بي سي ثري تكلم نفسها
وأخيرا نسيم عليل من السطح يجينا
وصف ثلاثي الأبعاد للأجواء المحيطة
انقلعي ي ريم
ع شغلك
شغلك

سليمان بيدخل موسوعة جينيس للارقام القياسية
بأطول مط لكلمة امي ع وجة المعمورة

الله يحفظه بس

امس شفت اسم
مشابه لأسم واحد بكاش عرفته سنة ٢٠١٧
في بداياتي بالمنتديات
بكاش = نصاب
المهم
انا في بداية دخولي للمنتديات
كنت ع النية
احسب كل الأرواح هنا
حقيقية
صادقة
يقطروا برائه ونقاوة هع
لأنه بإعتقادي انه مفيش سبب
عشان يزيفوا انفسهم
ليش يويفوا ومحد يعرفهم
انت بالمنتدى عشان ترفه عن روحك
حسبت انه الناس ماشيه ع قانوني وظنوني
وانا بديت
بكيت ع قصص كذابة
وصادقت ذي
وودعت ذي الي قفلت عضويتها وانا ابكي
والنصابة فاتحة عضوية جديدة من جنبي تقحط
وانا ابكي واتحسر ع ايامها
ويجي لك ذا البكاش
منزل اشعار وخواطر
لم اقرأ لها مثيل
في ذيك الأيام ماكنت قارية من الكتب شيء
الأ كم نفرات
وانا اعلق ع اشعاره وخواطره
يطلع ويجي لمدة سنة لما يوم
وانا اقرأ شعره في مكان
وطلع لجبران خليل
ومن ذاك اليوم وانا اضحك ع نفسي
عادي عادي
الدنيا سهالات



.....


طبعا الاسم الي شاهدته يكرم عن هذا البكاش
فاللهجة في الكتابة مختلفة كليا

الان وبعد اكثر من ٥ سنوات في المنتديات أصبحت اعرف طريقة بعض المقربين مهما بدل عضوياته
سبحان الله نفس الشعور
نفس الحب والأحترام لهم
اتمنى كل الطيبين منهم بخير يارب