ياللي غيابك مر
كان قلتلك مشتاق ماهو سر
انت عارفه

يللي اغيابك قاسي
ويلي مع ليام صوبي ناسي
خليتني شارق في رد انفاسي
ودموع من المواقي نازلات مطر
نا كنت لك شط وذرا ومراسي
غيبت وغيابك صحيح ايضر
مشتاقلك بالحيل ياوناسي
قاعد نا والشوق كر وفر

حتى ان كنت بعذرك
مفروض يابعيد الدار تاخذ حذرك
واذكر اللي من الرجاء صيف وهو ينظرك
بلا طلتك ضاق البحر والبر

يامتغرب
يللي اليوم لرياح الجفا مشرب
في غيبتك مافيه شي ايفرح
ولا فيه حاجه يابعيد اتسر
لو كنت كيف الشوق امجرب
اتجي فالعجل ماتحمل الشوق المر
يللي غيابك مر

أكبر من إبرة جرحي خيوط الصدف
‏اللي على حجم إبرتي خيط الصدوف !

‏حتى القصيد مْن الجروح لْيانزف
‏حسب الوجع ماهو على حسب الحروف !

قال
دلال الخاطر ماني لك
خطيني هك
كبير وماني من جيلك

قالت
انريدك ياشايب تبقالي
ديما غالي
وتبقى قسميتي وحلالي

قال
ما انريد انغالي لا والي
راه اعيالي
امدادك خليني في حالي

قالت
ندعي مولاي الغفار
ايصير اعمار
نصيب وتجمعنا الاقدار
يارب